|
Re: الرائد شرطة (م) طارق محمد احمد ........... ما زول دنيا (Re: omer osman)
|
القصة الاولي على لسان اخونا الطيب عثمان يوسف
طيلة عمل طارق محمد أحمد فى الشرطة ومنذ أن كان طالبا لم تسجل دفاتر الشرطة اسمه مبلغا أبدا , لم يفتح بلاغ ضد أى شخص فى
حياته أبدا ... وأذكر هنا طرفه حدثت عندما كان يقود البوكس بتاع الشرطة الأمنية فى اشارة المريديان وعندما فتحت له
الأشاره تحرك وجاء بتاع تاكسى قاطع الأشاره وصدم البوكس وكسر الأبواب ونزل الراجل من التاكسى وقعد فى الرصيف واضعا يديه فى
رأسه ونزل طارق وسأله يا ابن العم نعل ما جاتك عوجه ، فرد الرجل بأن العوجه فى انو التاكسى ده بياكلوا منو أولادى وأولاد
صاحب التاكسى وأنا سواق فيهو سااااي وكان التاكسى اتكسر حته حته وكان فى عسكرى مرور وافق شاف الحادث كامل وقال بتاع
التاكسى دا الغلطان قام طارق قال للراجل يا زول ما عندك مشكله ودى العربية بتاعتك دى ورشة ناس كمير فى المنطقة الصناعيه
وقول ليهم انا مرسلنى ليكم طارق محمد احمد و ما تفتح معاهم موضوع التكلفة والتفت لى عسكرى المرور وقال ليهو انت يا ابن
العم كتر خيرك معاك النقيب طارق محمد احمد وانا الراجل دة ما عايز منو حاجة و حأصلح عربيتى براى
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: omer osman)
|
القصة الثانية
كانت ليله باردة جدا والوقت متأخر جدا وكنا راكبين فى البوكس متجهين لى بيت ناس طارق فى الحاج يوسف وعلى ما اعتقد كان
معانا بدر الدين عطا وبابكر عبدالله ووليد أحمد مدنى وعثمان منصور ان لم تخنى الذاكره وقدام مبنى التصنيع الحربى فى كوبر
قام طارق وقف العربية ونزل فجأة ووقف مع واحد كان سائق موتر ولافى وشو بى شال وبعد دقيقتين جا قالينا انزلو ارفعوا
الموتر ده فى البوكس ونزلنا رفعنا الموتر فى صندوق البوكس وركب الراجل معانا لأنو البوكس كان دبل كابينه ولما وصلنا
الحاج يوسف الراجل قال يا اخونا كتر خيركم انا وصلت نزلونى هنا ، وتاااانى نزلنا ( شيلك ختك شيلك ختك .. نزلنا
الموتر ) وبعدها سألنا طارق الراجل ده منو ،،، قالينا والله ما بعرفو ،،، طيب مالك او مالو ،، واحد سايق موتر ماشى فى
الشارع توقفو و تركبو و تركب موترو معانا انت يا زول جنيت ولا شنو قام قالينا يا أخونا حرام عليكم البرد شديد والراجل
لابس ليه هدوم خفاف فضحكنا كثيرا على طارق ونحن لا ندرى أننا نضحك على أنفنسنا ......
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: omer osman)
|
القصة الثالثة
يا طارق المودينا الثوره شنو ,, فقالى حاجه ( طيبه ) قالت ماشه العمره فعايز اشيل منها الجواز عشان بكره اوديه السفاره
الصباح بدرى ( على فكره علاقة طارق بى حاجه طيبه انو اخونا الرائد عبده عوض صدمها بالعربيه ورقدت فى مستشفى ام درمان
يوم وباقى الشهرين فى السلاح الطبى بوساطه من طارق لأختنا العميد ( أميره عطا ) شقيقة اخونا الملازم أول بدرالدين عطا ...
و كالعادة كان المرافق للحاجة طيبه اخونا طارق و من ديك وعيك ... القصه دى حدثت منذ اكثر من عشرة سنوات .. ولغاية قبل
وفاة طارق بفترة بسيطة مشيت معاه للحاجه طيبة فى الثوره وزرتها ولامتنى ولامت أخونا عبده عوض ،،، وطارق كان يحرش فيها
وقلت ليهو يا طارق ما تشعلل النيران حاجة طيبة دى أنا بعرفها قبلك (لأنو انا وعبده عوض كنا مع بعض لما حصل الحادث )
فأنبرت لى الحاجة ..طارق البفقدنى وطارق اصلو ما إنقطع منى ..طارق وطارق ... طارق وطارقوصلنا الثورة وشال منها الجواز
وغادرناها أمام باب بيتها وهى تنادى وتدعو يا طارق الله يديك شنو ويديك شنو وسوى ليك شنو شنوو شنو شنو ..
** فتح الجواز .. الجواز طلع ما مجدد .. وطارق ما كان عندو قروش طبعا اكوكت أنا .. قدر العندى قدر عليها .
** حتى هذه اللحظة حاجه طيبه لا تعلم بوفاة اخونا طارق ( البكلمها منو )
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: omer osman)
|
سلام يا عمر,,
طارق محمد أحمد سيرة عطرة وإنسان نقى رحل عن هذه الفانية مبكرا,, له الرحمة فى عليائه فهو فعلا لم يكن زول دنيا دائم الإبتسام و لا يبخل بما عنده لمن يعرفه أو لا يعرفه المهم لديه أن يرى الناس تتبسم وراضية,,
موته كان فاجعة ولكن هذا هو حال الدنيا ,, اللهم أجعل مقامه مع الصديقين والشهداء وصبر أهله وإخوته الصبر الجميل,,
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: أيمن الطيب)
|
Quote: طارق محمد أحمد سيرة عطرة وإنسان نقى رحل عن هذه الفانية مبكرا,, له الرحمة فى عليائه فهو فعلا لم يكن زول دنيا دائم الإبتسام و لا يبخل بما عنده لمن يعرفه أو لا يعرفه المهم لديه أن يرى الناس تتبسم وراضية,,
موته كان فاجعة ولكن هذا هو حال الدنيا ,, اللهم أجعل مقامه مع الصديقين والشهداء وصبر أهله وإخوته الصبر الجميل,, |
الله يبارك فيك يا ايمن ....... هكذا هو طارق لكل من عرفه
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: كمال حسن)
|
Quote: وأرجو أن تعرجو للحديث عن فقيد الشرطة صديقي وأخي ورفيق صباي وجاري الضابط عماد الدين سعد الحسن، المبتسم دائما، الخلوق، سمح المعشر، ودود الطباع عصرت مخيلتي ومنذ الطفولة أن أتذكر وجها غاضبا له، لم تسعفني ذاكرتي بذلك وبالرغم من أنني بعدت عن الوطن سنينا طوالا، يأبى الغدر إلا أن أعود قبل إيام قلائل على إستشهاده في احداث المهندسين واطبع قبلة على جبهته الطيبة، وأودع وجها لم تفارق البسمة شفتيه حيا وميتا . . . كيف إستطعت أنا تحمُّل كل هذا الفراق آآآآهٍ ... لنا الله من بعدك أخي عماد ولك الرحمة ومنزلة الشهداء التي لا نزكيك على الله فيها |
والله ما عرفت عن الشهيد عماد سعد إلا بمثل ماتفضلت به أخي كمال حسن وانا استحضر صورته الان تقابلني تلك الابتسامة
المريحة ......... اللهم اغفر له وارحمه وتقبله شهيداً
هذه مقالة كتبها شقيقه عصام الدين سعد حسن في موقع رئاسة الشرطة
Quote: إلي روح أخي الشهيد عماد الدين سعد حسن – الذي استشهد في إحداث المهندسين – السبت 23/3/2007م في ذكري استشهاده الأولي
أخي الشهيد .... عماد
تترحل أروحنا تعبر سراب الحياة والخداع , والآجال في طيات السنين مخبوءة , تسوقها أقدار الله إلي المسطور في الأزل , والي الوعد المحتوم بانتهاء رحلتها بين البشر والأحباب والأولاد, فتصعد , فمنها الشقي ومنها السعيد . اكتب إليك وأنت في مقامك العلي مع الأنبياء والصديقين والشهداء (وما وعد ربك إلا حقاً ).. وأرفع إليك شهادتي هذه حتى لا تضيع في الناس رفيع القيم وخير المثل , وطيب البشر , ولتضاء الحوالك وتبقي البشريات والمشاهد للتاريخ والعبر .. أخي
عام قد مضي علي أحداث مدينة المهندسين المشئومة التي غيبتك عنا وأبناؤك والذين انفطرت قلوبهم من الصادقين الذين شيعوك, والذين توافدوا أو اتصلوا معبرين عن بالغ حزنهم وأساهم وتأسيهم.
أكتب إليك أنت الذي أقسمت بأن تخرج الضيم عن أهلك بمدينة المهندسين, الذين حملوك همومهم واستجاروا بك أحرارا وحرائر.. فبكوك إبناً واخناً وناصراً – فأبرك الله في قسمك الصادق وإقدامك المشهود , فهداك الشهادة منحة الصادقين والمختارين المحصين . فالطريق إليها محفوف بالمخاطر والمواقف عبر خيارات ... فقد كان أول خياراتك بعد التخرج من الجامعة أن عملت معلماً بالمدارس الثانوية... ثم اخترت إن تكون ضابط شرطة الدفعة 63 فانتقلت بين العديد من المواقع والإدارات وشاركت في مسارح العمليات المختلفة... وكان رئاسة شرطة المهندسين خيارك الذي تحملت مافيه من خروقات وتفلتات لا تحتملها المدن والعواصم فتصديت لها بكل أمانه وشجاعة وصدق , حتى كان وعد الله الحق والاختيار والاصطفاء من رب عادل .
أخي الشهيد:
أبلغك بان قبيلتك الشرطة وقائدها وأركان حربه, وإخوانك من الضباط, ودفعتك النبلاء كانوا الصدر لنا عند المحنة.. وأخر كلماتك (عند الشهادة) اعتبروها وصية لكل الشرطة فأخذوها بحقها وذادوا .. فامتدت مشاهد الوفاء بتوافد مديري الشرطة السابقين ... ولا انسي كلمات السيد الفريق هجو بعد التشييع بمقابر الصحافة وهو يعزيني : (عماد ... ده كان ابني أنا ) فاختلطت الكلمات بالعبرات ... وأما الفريق الحضيري فلم يستطيع التعبير بغير الدموع – واخبرني السيد هجو بأن لهم حلقة تلاوة سيهبون ختمتها لروحك الطاهرة – فكم أنت عظيم يا شرطة برجالك ..
أما مدير عام قوات الشرطة الفريق أول محجوب حسن سعد .. فله من المواقف وأركان حربه (يحفظهم الله ويبارك لهم ) وما يجعلنا نرفعها والدعاء لله وأن يكونوا خيراً للشرطة وخيراً للناس في أمانهم.
أخي عماد ..
نشهد بان غيابك عنا وأطفالك الأحباب (طارق, ومحمد وسعد ), شق علينا فما زالت في العين دمعة والقلب دفقات حزن.. فمن رحمة الله علينا احتفاء ألاف الصادقين والأوفياء بذكري استشهادك الميمون وتخليدهم لك تأبينا وبطلاق اسمك علي العديد من المنشئات وقاعات الدراسة والمكتبات وإقامة الدورات الرياضية .. فكم من طفلاً حمل اسمك تيمناً . فامتدت مظاهر الوفاء لتشمل حول المهجر التي أقام فيها أحبابك وأصدقاؤك منتدى علي الانترنت وفتحوا ردودهم لتقبل التعازي.
أخي عماد ...
أخر مشهد .. بعد استشهادك (الكرامة) .. إن الخرطوم التي سبق أن ضاقت شوارعها ومدنها من ظواهر انتشار السلاح والمليشيات وتضجر الناس من السلوك المفلت والاستفذاذ الذي ينافي الأعراف والتقاليد والأخلاق بعيداً عن روح المدينة واحترام المجتمع والقانون والسلطات .. قد صارت وخلال العام الماضي مدينة أمنة من كل الظواهر والمظاهر السالبة (بالحسم) فعادت لها العزة والهيبة.. واحترام القانون.. وقد أصبحت مدينة المهندسين (مدينة الآمنين) .
أخي.. في الختام ..
عزراً إن لم نفعل ما اعتاد الناس عليه من نشر إعلانات الشكر والعرفان التي تصدرها عليه القوم.. فقد توافد للتشييع والعزاء زعماء وساسة وآلاف من عامة الناس وتساووا جميعاً عندنا سواء في المقامات لأنهم في مشاطرتنا الإحزان كانوا سواء في التسابق والإحساس والألم .. ولأهل الإعلام والصحف تقديرنا واحترمنا للاهتمام بالحدث والصحف تقديرنا واحترامنا للاهتمام بالحدث وفقدكم ... أخي إلي إن نلتقي سلام
|
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: الطيب عثمان يوسف)
|
اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عاملة بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين ...
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: على جويلى)
|
اللهم أسكن طارق عالي الجنان وأجعل مقامه مع الصديقين والشهداء وصبر أهله وإخوته وزملاؤه الصبر الجميل
اللـهـم إن كان محسناً فزد من حسناته, وإن كان مسيئاً فتجاوز عن سيئاته اللـهـم ادخله الجنة من غير مناقشة حساب ولا سابقة عذاب اللـهـم اّنسه في وحدته وفي وحشته وفي غربته اللـهـم انزله منزلاً مباركا وانت خير المنزلين
آآآمين
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: Hadeer Alzain)
|
إنّا لله وإنّا إليه راجعون اللهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك . رحم الله طارق محمد أحمد
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: أحمد الصديق)
|
الاخ عمر
تحياتى
طارق محمد احمد مثالآ للزهد والنقاء ندر ان يجود بمثله الزمان لن تكفى الكلمات قدره ومحبته فى القلوب طارق محمد احمد يتجسد فيه الحديث ان لله عبادآ اختصهم بقضاء حوائج الناس حببهم الى الخير وحبب الخير اليهم اولئك هم الامنون من عذابه يوم القيامه ... وكما قيل
ان لله عبادآ فطنا طلقوا الدنيا وخافوا الفتنا فلما علموا انا ليست لحى موطنا جعلوها لجه واتخذوا صالح الاعمال فيها سفنا...
ازكر له من المواقف الاخ الحبيب عبده عوض كان عامل عمليه بمستشفى الشعب بالخرطوم ( ما متزكر العمليه غايتو كانت شنو ... وجه خبيث ) المهم كنا واقفين بره مجموعه الاخ اسامه محمد ابراهيم وعبدالرحيم فقيرى برعى ومحمد طاهر عمر واحمد شعيب واسامه على الكرور على ما اعتقد المهم فجاءة سمعنا صراخ شديد المهم مشى طارق على جهة الصوت وجاء بعد شويه وهو مرتبك اها قام شال مفتاح العربيه منى وقال لى اسمع انا ماشى مشوار وجاى انتا لو ماشى المطار اتصرف ما تنتظرنى عارف الزول ده مشى طلع للناس ديل شهادة الوفاة وشال الولد وامه لانو كانوا منهارين خالص والتلاته ايام هو فى العزاء لانو قال ياخى الزول ده غفير فى مدرسه وناس على قدر حالهم يمكن يحتاجوا مساعده ولا اى حاجه... عارف بعد ده كله ساعد ابنهم وكنت معه حينما تحدث مع الاخ اكثم بان يتم استيعاب الابن بادارة امن الشرطه وقد كان .....
الا رحمك الله الحبيب طارق واسكنك عالى الجنان وجعل البركه فى اخوتك واصحابك الاخيار ....
كل التحايا لرائحة المرحوم الوالده بثينه التلب والحبيب ياسر والاخت رحاب
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: haroon diyab)
|
كان فراجا لكرب المكـروبين ... وسباقا لقضاء حاجات المساكين .. نصـيرا للضعفاء حفيا بالمحتاجين .. اللهم يارحمـن إجعـله في علـيين .. وأسكـنه فردوسك الأعلي مع الصالحين .. وصبر أسرته وأهـله وصبركم يا عـمر علي فراقه وعلي مثله فليحزن كل من عرفه وزامله وقرأ عنه مايدمع العيون علي رحيله ويا منسوبي شرطـة السودان تشبهـوا بفقيدكم الجمـيل حتي يذكـركم الناس بالخـير من بعــد.
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: omer osman)
|
اللهم أرحم عبدك الطاهر النقي طارق محمد أحمد .. وأسكنه فسيح جناته مع الصديقين والنبيين وحسن أولئك رفيقاً .. هنئياً لك يا طارق محبة الناس جميعاً لك .. وتمتع بقربك من المولى عز وجل .. فقد تركت لنا الدنيا راضياً مرضياً وقد أصبحت من بعدك جحيماً لا تطاق .. فقد كنت تزرع الفرح والثقة في كل مكان .. وتملاً القلوب محبة في كل شأن .. أفتقدناك كثيراً .. وكثيراً جداً .. وتركت لنا فراقاً ومساحات ملؤها الألم والحسرة .. ولكنها إرادة الله .. نعم إنه القدر الأكبر .. إنه قدرك ,, وأنه قدرنا .. فهنيئاً لك بقدرك وتمتع بقربك للمولى عز وجل .. ويلهمنا الصبر على قدرنا وفقدنا إليك .. لأنك لم تكن شخصاً عادياً .. وقد إفتقدك الكثيرون .. فحقاً صدق من قال .. كنت ملاك طاهر تستحي منه حتى بقية الملائكة .. إلى جنات الخلد ..ألى جنات الخلد .. ألى جنات الخلد ..ألى جنات الخلد .. يا حبينا طارق .. سنظل نرددها وندعو الله بها حتى آخر لحظة في عمرنا .. وهذا أقل ما يمكن نقدمه لك .. ولا حول ولا قوة إلا بالله ...
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: Abdelgadir Galal Ahmed)
|
*** أذكر تماما آخر لحظات فى حياته عندما كان يحرك أصبعه بطريقة غريبة
فسألته يا طارق إنت عايز حاجة ؟ ولم يجيبنى فاشتدت حيرتى لتلك الحركة التى زاد منهاّّ!!
وسألته مره أخرى ، طيب مالك يا طارق إنت بتحرك أصبعك كده ؟ و لم يجيبنى أيضا!! و غيرت
صيقة السؤال ، إنت يا طارق بتسبح ؟ فأومأ إلى باإيجاب .
*** و أذكر تماما و كانت معى شقيقتة رباب و شقيقه معاوية ، عندما قال لى يا الطيب كنت عايزك
تكون موجود يوم الخميس . و فجر الخميس فاضت روحه إلى بارئها.
*** و أذكر تماما عندما كان يانادينا باسمائنا ( ياالطيب يا برعى يا عبدو يا ماجد يا مصطفى يا
التلب يا وليد يا بابكر ) فى حين أنهم لم يكونوا متواجدين معنا فى الغرفة فمنهم من هو خارج
السودان و منهم من هو خارج المستشفى أو خارج الغرفة .
............. اللهم أبدله أهلا خيرا من أهله و دارا خيرا من داره و أصدقاء خيرا منا.
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: محمد عبدالمنعم التلب)
|
الاعزاء .. عمر عثمان .. الطيب .. توصفوا في المرحوم طارق الوصف الجميل ده كله .. وعايزينو يكون معاكم في الدنيا الغروره دي .. ده مكانه ما هنا .. ده مكانه هناك .. في الفردوس الاعلى .. مع الصديقين والشهداء طارق حبيب الله وحباهو الله .. عشان كده اختاره يكون هناك .. روحو حول الاشجار والحدائق .. وانهار العسل .. مع الحور الجنان .. ملابس عيده سندس واستبرق ومائدته من المن والسلوى .. طارق .. قدام صفوف الملائكه .. متكي على فرش بطائنها من استبرق .. طارق متكيء على رفرف خضر وعبقري حسان .. طارق .. انشاء الله من اصحاب اليمين .. في سدر مخضود .. وطلح منضود ..وظل ممدود .. وماء مسكوب .. وفكهة كثيرة لا مقطوعه لا ممنوعه .. رحم الله طارق وصبركم جميعاً على فراقه .. وإنا لله وإنا إليه راجعون
بت الصادق
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: Kamal Karrar)
|
فوق من أجل إحياء ذاكرة الشرفاء من أبنـاء بلادي.
الأحباب عمر والتلب والطيب برغم مرارات البوست البيحكي عن اخونا المرحوم طارق ده، لكن أجمل حاجة انه الواحد يكتشف انكم ناس (حكايييييين) و مابتنسوا العشرة وطبعا حكاويكم دي رجعتني لأيام جميلة ولناس أجمل. ربنا يرحم أخونا طارق ويجازيهو بقدر نيته وبقدر ماعمل في الدنيا دي من خير. سعدت جدا بكتاباتكم
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: ياسر عبدالكريم محمد)
|
Quote: ** طارق كلكم عارفنه كريم وطويل البال وخدوم لكن الاكرم منه وأطول منه بالا كان والده المرحوم محمد احمد لكنه كان هادئا جدا لا يكثر الحديث ووالده كان عاملا بسيطا فى السكة الحديد توفاه الله بعد أن تحققت رغبة طارق عندما حدثنى بأن امنيته أن يحجج امه الحاجه بثينه وابوه وقد كان ، وبعدها بفتره قصيره توفى والده رحمة الله عليهما . ** بالمناسبه والدة طارق هى الحاجه بثينه حسن عثمان التلب عمة اخونا محمد عبد المنعم التلب واخوانه معاويه وياسر ووليد واخواته رباب ورحاب .. ** |
لم اسمع بالخبر الا الان من الدفتر بالبوست الاخر
فجعت ومازلت ارتجف الما وحزنا ياطارق كيف اتصل بالحاجة وماذا اقول لها وكيف ازف الخبر لامي وهي بالامس كانت تستشهد باخلاقه وتضرب به مثلا....
لك الرحمة ولنا الصبر علنا نلتقي بجنات الخلد... فمعك يطيب الحشر بعد رفقه سيد المرسلين...
| |
|
|
|
|
|
|
Re: الرائد شرطة (م) طارق محمد احمد ........... ما زول دنيا (Re: Walid Safwat)
|
رحم الله العزيز طارق محمد احمد وانزله فسيح جناته حقيقة البوست أسال دموعي وأنا أتذكر ذلك الشاب الهاش الباش فمعرفتي بالمرحوم طارق عن طريقي أعمامي ( أسامة و الفاتح ) الكرور والله أحببته منذ أن رايته .. فهو من الناس الذين يدخلون قلبك لمجرد رؤيتهم قابلته في الحج سنة 2006م مع العم أسامة الكرور هو والمرحوم ( رحمة ) فكانا نعم الحجاج .. لا هم لهما غير راحة بقيت من معهما ... نسأل الله أن يرحمهما ويزلهما فسيح جناته مع الصديقين والشهداء ... وان يعوض طارق الجنة عن شبابه ويزوجه بالحور العين .....
| |
|
|
|
|
|
|
|