دقيقة بالله ... ادونا فرصة معكم في موضوع الشحادين ده ؟؟!!

Quote: بتطبيق قواعد التشبيه واركانه على مقولة الدكتور مصطفي عثمان نجد الاتي

Quote: معقولة يا زول ياخي لما يجي مستشار ووزير ودبلوماسي سابق ويقول كلام عشان تفسرو محتاج القواعد والتشبيه واللغة العربية

Quote: نفهم كلام الكتور بطريقة اخري

Quote: وفي تقديري ومن خلال فهمي لمقاله الدكتور ان وجه الشبه الذي قصده هو (صحيان بدري) بقوله (كان الشعب السوداني مثل الشحادين يقوم من صلاة الصبح)

Quote: اول حاجة وجه الشبه الفوق ده بيسقط بكلمة واحدة منك وهي (الذي قصده) ودي لا بيدك لا بيدي إنو كان قاصد شنو ، ولهذا السبب الناس دي قايمة وبتاخد بالسبب القريب لانو في حالة التشبيه هذه الداخلة فيها النفس معناته انك تاخد المعنى البيجي في عقلك مباشرة ، وقارن كلامي ده بي مثالك حق الأسد داك..

Quote: صعوبة التبرير استحالة الدفاع

Quote: الاصعب والمستحيل ان اقتنع بأن الدكتور قصد شتم الشعب السوداني

Quote: مشكلتك يا مان إنك بتحاول تعمل من الفسيخ شربات

Quote: أما موضوع التشبيه بتاع إنو عشان في استعدا او كره مسبق للزول ده عشان كده اغلب ((( لاحظ اغلب حقتك))) فهمت انو الحاجة دي إساءة يعني اخدت الشبه على الوضع السيء ،، كلامي كده صح عشان أكمل ولا لا ....

Quote: الشعب السوداني مستقيظا مبكر وواقفا صفوفا مستسلما لصاحب المخبز راجيا اطعامه مثل الشحاذين واقفين امام الدكاكين والمطاعم مستجدين اصحابها راضين بالنصيب مهما يكن

Quote: ابدا يانادر انا بحاول اكون محضر خير بدل ما اقعد افلع في الزول واخوض مع الخاضين

Quote: إنت شغال بسياسة دفن الرؤوس في الرمال شغال دفاع بولاء اعمى

Quote: ولا اظن ان هنك سبب واحد يدعو الدكتور الى شتمية الشعب السوداني

Quote: قومة الصباح بدري مع اذان الصبح في انتظار الرغيف = تشبيه بالشحاذ لانو بيقوم بدري وبمشي ينتظر اعطوه ام منعوه ومع العلم ان الشحاد طول عمرو ما بيقوم بدري ولا شاف صلاة الصبح لانو بينتظر انو الناس تصل محل عملها او تدخل السوق وتكتر وبعد داك يقوم ماشي عليهم ..

Quote: كدي وريني حسب المعادلة أعلاه لو انا زول عادي وخالي الزهن وما بعرف حتى د. مصطفى ده ولا بعرف وظيفتو شنو يعني من عامة الناس ومالي علاقة بالسياسة لكن بعرف شوية في البلاغة والتشبيه ، كيف حيدخل راسي انو وجه الشبة قومة بدري وسوال بتاع الفرن ممكن تتشبه بالشحدة

Quote: افقرت الشعب السوداني ؟!!!

Quote: الاخ صلاح الافتراض هنا غير مقبول لاننا امام واقعة محددة كلام قالو سوداني امام جمع من السودانيين يفترض فيهم فهم واحد للكلام وطريقته والتشبيه

Quote: طيب واليوم والعيش موجود والداكين كتييرة والمطاعم بالسياحي والناس اغلبها واقفة برة وما لاقية حق الاكل في المطاعم ولا حق الخبز ، طيب ادونا مسمى للوضع الحالي ومقارنة مع الوضع السابق ايهما احسن ، وانا طلعت من الموضوع بسببك يا محمد بس ما تشرد ..

Quote: الواقفين برة ديل ياصلاح الشحادين جد جد

Quote: عليه مطلوب من سعادة المستشار مصطفى عثمان ان يعتذر للشعب

Quote: رغم قناعتي بانه لم يقصد مافهم من حديثه لكن اثني بشدة مقترح الاعتذار والاعتذار شيم الكبار وليس بمنقصة له.

Quote: لولوه و مكابره ما عندها معنى الزول ده اساء للشعب بصوره مباشره نفس الوقت إجينا واحد زيك كده وبكل بجاحه إقول تشبيه يا حبيبي حسب كتاباتك السابقه إنت كوز جديد لنج ما اظنك واعي لحقيقة الصراع

Quote: رغم قناعتي بانه لم يقصد مافهم من حديثه لكن اثني بشدة مقترح الاعتذار والاعتذار شيم الكبار وليس بمنقصة له

Quote: الوزير قد جافى الواقع وجانب الحقيقة وكل أعراف الدبلوماسية وآداب إحترام الشعوب وبنى البشر

Quote: تركي الدخيل السودانيون ليسوا شحاتين يا مصطفى عثمان! بعض المسؤولين الحكوميين في العالم العربي يصرحون تصريحات وقحة في حق شعوبهم يستحقون عليها أن يضربوا ضرباً. فالمسؤول العربي يتعاطى أحياناً مع مواطنيه وكأنه جاء من السويد، أو تربى في القطب المتجمد الشمالي، وليس كأنه مواطن آخر، جاء إلى السلطة، بانقلاب، كما هو حال الباشا، مصطفى عثمان إسماعيل، مستشار الرئيس السوداني، الذي لم يجد لمدح حكومته، حكومة الإنقاذ، إلا الإساءة إلى الشعب السوداني، واعتباره كان شحّاتاً، لا يعرف السُكّر، حتى جاءت الثورة العلمية والاقتصادية العظيمة فحولت الشعب من الشحاتة إلى الاستكفاء. أي استهتار بعقليات الناس، أكثر من هذا. يا مصطفى إسماعيل، السودانيون لم يكونوا يوماً من الأيام شحّاتين. ويبدو أننا نعرفهم أكثر مما تعرفهم أنت وإن كنت سودانياً، فهم أهل كرامة وعزة نفس وأنفة، ولو ضاقت الدنيا بهم، ولو دارت عليهم الدوائر وجاءهم من يكون مسؤولاً مثلك، ويسيء إلى شعبه بهذا التصريح المخجل! يا مصطفى عثمان، إذا كنت تزعم أن لغة العنتريات لم تسيطر على تصريحات المسؤولين عقب صدور مذكرة التوقيف بحق الرئيس السوداني، فلغتك في تصريحك قبل مغادرتك الرياض، تلك التي تزدري فيها السودانيين، وتعتبر الفارق في تحولهم من الشحاتة إلى غيرها، باستيلاء حكومتك على السلطة، أسوأ وأنكى من لغة العنتريات. ألم نسمع عبر شاشات التلفزة، مقولات مثل: أضع القرارات تحت جزمتي؟! ألم نر عبر تلفزيونات العالم، من يقول: مذكرة التوقيف وقراراتهم هذه يموصوها ويشربوها؟! هل هذه تصريحات متزنة؟! أم إن الاتزان والعقل والحكمة تكمن في أن يوصف الشعب بأنه شحّات حتى منّ الله عليه بهذه الحكومة؟! العارفون ببواطن الأمور يعتبرون أن المستشار عثمان من عقلاء النظام السوداني، وأرجو ألا ينطبق عقب هذه الحالة السؤال الذي يردده العرب: من عاقلكم؟ قالوا:...!

Quote: اخيرا فلتقل خيرا او لتصمت Happy Weekend سلالالالالالالام

Quote: إنتهازي بتحاول تشحد بهتافك و تطبيلك للنظام

Quote: لو تمعنت في ردي ..فهذا راي ايضا وراي د. البوني ايضا ان لم تخني الذاكره لقد قرات ما نسب من الكثير من الكلام والتصريحات لنفس الشخصيه صدقني اخي الكريم ...الكثير من ممثلينا لا يجيدون فن الدبلوماسيه ويصرحون تصريحات تخجلنا , ويوصم بها جميع الشعب السوداني...للاسف

Quote: ابكدوك قول خير وانا منتظر رجوع الاخ الكريم وخلال الجمعة والسبت انا كفيل باني اطلع البوست ده ، عمل خير ساكت كده مني .. ومع السلامة

Quote: وكبر اللفة وقال ابدكوك ده قاطع رزق ساكت احسن نتحاشاهووووووو