( حمله شعبيه )من اجل (شرطه اكثر انسانيه وانضباط)!!

Quote: مشهـد أول ,. شرطي يُطارِد شاباً في مقتبل العشرينات من العُمر ,. و يرميه بعصى غليظة تصيبـه مباشرة فـي ظهـرِه ,. فيسقُـط الشاب أرضاً مُطلِقـاٌ صرخة داويـة ,. و يحاول النهوض مرة أخرى و لكنه لا يقْدِر فيخِر بلا حراك ,. لتـحيط به مجموعة من العسـاكر يُشبعونه ركلا وضرباً ,. ثم يقتادوه إلى عربة امن المجتمع ,. وينطلقون ,.

Quote: و الله يا أخ فابيولس دي مناظر مزعجة و محزنة جدا و خصوصا عندما تحدث في السودان في هذا القرن الذي كنا نظن أن خلاله أن سودان السنين العجاف..سودان الظلم و الكراهية..سودان العسكر و الديكتاتورية..سودان التسلط بأسم الدين و الأخلاق..سودان التهميش و التمييز العنصري..كنا نظن أنه سينتهي و يصبح مجرد ذكرى بعيدة مزعجة..و لكن ها أنت تنقل الينا من قلب المأساة ما يفتح أعيننا عن أن سوداننا الحلم لا زال طفلا يحبو.. و بيني و بينك مرات الواحد بيقول في سرو : كويس خلي الشباب ديل ينضربوا و يتهانوا كده!! ما دام عاجبهم الحال و ساكتين علي عمايل الكيزان..

Quote: والمؤسـف يادكتـور سيـف و جود السيد وزير الثقافــة و الشباب والرياضة و كبار المسئولين على بعد أمتار من مكان الجريمة ,. لكنهم كانوا مشغولين بالصلاة على النبي ومتابعة فرقة المديح التي كانت في تقدم عروضها على شرفهم .. !! .. ..

Quote: والله يا تراجي البيقرأ كلامك دا يقول ناس الشرطة ديل شايلين سيطانهم وحايمين في الشوارع وجلدو في الاطفال زي الرعاوية في الخلاء مع البهايم يازولة خليك منطقية شوية ونزلي الاوهام الخاتاها في نفسك دي وعيشي مع الناس واقعهم نحن قاعدين في نص العاصمة البتفولي عليها دي وشايفين اي حاجة قدامنا وكان في حاجات زي دي بحرارة الدم السوداني والهاشمية ساكت ما بنخليها تحصل انتي عايشة وين كدي وريني ؟

Quote: فابلوس يا اخي ادميت قلبي وانت تحدثني عن فظاعة ما يشاهده اطفال السودان كامر عادي!! ناهيك عن الشباب الابرياء الكل واحد منهم ممكن يخرج بعاهة واعاقه لم يولد بها!! حتى متى ...يا اخوتي؟؟؟ حتى متى و كرامة الانسان السوداني هي آخر ما تفكر فيه دولتنا؟؟!! فالنبدأ حملى من اجل بوليس انساني فاليتصل كل منا باقاربه واهله واصدقائه ليقول له فضحتونا وشطروا عينا واننا لا نتشرف بكم. انتم غوغاء وليسوا بشرا انتم متوحشين ولنتابع اان كانت ممكن تثمر...!! شمرا اخي فابلوس ان فتحت هذا الامر للنقاش وفعلا هذا بداية التغيير,لو صمت لظلت صرخات الشباب ترن في اذنك كل مساء. رحماك يا الالهي بشعبي. واستمحيك عذار بان اتبنى فكرة من اجل شرطه اكثر انسانيه وتابع معنا نقاشاتنا بمنبار آخرى وقل رايك هنا وسانقله كن بخير.

Quote: وبدأت الاكاذيب طوالي بكري الخير جاينا بغبائنه بتاعت جلابي وغرابي!! يعني تراجي في نظره البتهاجم الجلابه ديل لو جاءت قالت الشمس بتشرق من المشرق فينط ويقول لها غلط!!

Quote: اتمني انو ضميرك يصحي شوية وبدل ما تقطعي في نفسك وفي البلد تقيفي وقفة سمحة وتحاولي تصلحي مش طوالي كراعك في الابنص

Quote: سنحاول ان نكون موضوعيين ما استطعنا دون ان نخفي حبنا وانتماءنا للشرطة حتى ونحن في المعاش.

Quote: ده حديث صحيح وقبل اسبوع من رمضان الحالي كنت في زيارة للسودان بورسودان لمدة اسبوع وذهبت للجوزات لعمل تاشيرة الخروج وعند مقابل الضابط برتبة مقدم ومن دون مقدمات قال لي جوازك ده مانافع لازم تغيره قلت كيف ما نافع قال كده وبس قلت ليه طيب قبل شهرين جيت بنفس الجواز ده وانت نفسك يا سعادتو عملت فيه التجديد لمدة سنتين لم تمضي منها سوى شهرين ليه ما قلت لي مانافع عشان اغيره وانا هسه مستعجل ومسسافر في نفس اليوم والجواز ساري لمدة سنتين اجاب : بكل وقاحة علي كيفي .

Quote: تراجي حبابك نعم الشرطة فيها الصالح والطالح حيث الصالح من الشرطة قليل جداً أما الطالح نسأل الله لهم الهداية الإصلاح لا أعتقد انه ممكن أو الإستغناء عن جوال البصل بسبب بصلة واحد فاسدة والمائدة من غير بصل قليلة الفائدة إذا صلح المجتمع صلحة الشرطة وصلاح المجتمع يأتي من صلاح الرعاه الكبار خربانه خربانه تقبل الله الصيام والقيام

Quote: أستاذة / تراجي كثير ما تلتفتين لامور غاية في الاهمية

Quote: اخي خالد صدقني كثيرا ما وقف امامنا متهمين لو وقفوا امامك لما ترددت لحظة في صفعهم مائة صفعة لكن زي مابقول المثل (الايدو في النار ما زي الايدو في الموية)

Quote: الاخت تراجي طلباتك اوامر ليك علي اتكلم مع اكثر من اثنين ثلاثة من الزملاء في هذا الخصوص وبجيك راجع.

Quote: مشهد آخر.. سواق رقشه فى الشهداء امدرمان يسعى فى سبيل رزقه دخل يلف الصينيه و الطريق بتاعو... جات عربية شرطه كندوره بها ضابط فى الامام و ثلة من البواليس فى الخلف... صاحبنا دخل الصينيه فى امان الله قدام بتاع الشرطه اللى كان سايق بتهور كأنما الطريق بتاعو.. صدم الرقشه من الجانب الخلفى صدمه خفيفه.. صاحبنا نزل يشوف رقشتو الحاصل عليها شنو... ويايــــتــو كان مانزل... هجموا عليهو البواليس زى الكلاب المسعوره.... و الله دقوهو دق العيش... كنت مع المارين بالطريق... جينا نتدخل... طوالى شبكونا ليك.. يلا ياملكيه .. أمشوا يا مواطنين.. ذهبت فى حال سبيلى و لا أجد غير الاسف و الحنق ... لى عوده.............

Quote: استازة تراجى تحياتى البوست يمس قضبة مهمة يجب تناولها من جانبين الشرطة تاريخيا هل كانت تنبذ العنف وما الت الية الشرطة فى ظل ما سمى جورا بالانقاذ سوف اسرد تجربتى فى محاورة نساء معسكر جبرونا ودار السلام الاسبوع الاول من رمضان فى ورشة عن الحقوق كل النساء اجمعن على انهن يتلقين الضرب فى الكشات ونكرت وعلى حد تعبيرهن بدقونا ذى الخروف ولو كوركتى بدقوك اكتر ونحنا بنبيع اكل بس بعد المويات بى دقائق بجو ادفقو الاكل فى الواطة سالناهم لى ما بتقاموا (يا استاذة انتو ما ضقتو البنضوقو نحن لمن نقاوم طوالى ارفعوك واختو ليك عرقى واودوك اقولو حقك وكان حلفتى ولا جبتى شهود ما بشتغلو بيك قالو نحنا خلينا العرقى وخلينا الشاى والاكل وهسى بس بنمشى نغسل فى البيوت بعد دا فاضل ادقونا فى دى طيب يا جماعة الرجال ما بتدخلو واحموكن الردود من الجميع الرجال كان اتدخلو طوالى بضربو فى المليان السنة الفاتت كتلو لينا ولد مشينا اى حتة ما لقينا حاجة

Quote: ( حمله شعبيه )من اجل (شرطه اكثر انسانيه وانضباط)!!

Quote: كنت داير واحد من الظباط البورداب يجى يقول لينا بدرسوهم شنو فى كلية الشرطه?

Quote: كنت داير واحد من الظباط البورداب يجى يقول لينا بدرسوهم شنو فى كلية الشرطه?

Quote: ان هذا الضرب العشوائي خطأ وخطأ كبير.....واننا لا نرفض القانون لكن للقانون رجاله...فاليذهبوا بهؤلاء المعتقلين لاي قاضي,لكن ان يمتنعوا بمس هؤلاء الابرياء بايديهم ويتعملوا انه القانون لا يعني تنفيذه بيديك.