دعواتكم لزميلنا المفكر د.الباقر العفيف بالشفاء العاجل
|
|
 قصة طريفة (جعفر نميري & ابراهيم نايل ايدام)
|
يقال والعهدة علي الراوي ... انو إبراهيم نايل ايدام لما كان ضابط صغير
عمل ليهو كارثة وصلوا الموضوع لي نميري قال ليهم ارفدوهوا قالوا ليهو سعادتك
ده اول الدفعه قال ليهم ارفدوا الدفعة!!! ههههههههههه
|
|
 
|
|
|
|
|
|
|
 Re: قصة طريفة (جعفر نميري & ابراهيم نايل ايدام) (Re: عاطف عمر)
|
أضرب القضاة ذات عام
طلب نميري كشوفات بالقضاة المضربين
أحضروا لهم كشفين
الكشف الأول بالقضاة المضربين
وكشف آخر بالقضاة الذين لم يضربوا وكان عددهم ( 10 ) قضاة
أمر بتنفيذ مطالب القضاة وفصل القضاة الـ 10 غير المضربين باعتبارهم( جبناء )
<<<<<<<<<<<<<<<<<<<<<<
ههههههه حقيقة بتشبه نميري القصة دي
_____________________________________________
يا سعادتك ليه ( عفصت ) لمداخلتي ( الـ ع ا ج ب ا ن ي ) في بوستك بتاع الكورة ؟؟؟
<<<<<<<<<<<<<<<<<<<<<<<<<<<<<<
ما عاش البعفص ليك ياعاطف يااااخ
العفو .....
_________________________________________
بركة زووك داك الـ ( دقسك ) ووضع سمعتك ( الجنابوية )على المحك
<<<<<<<<<<<<<<<<<<<<<<<<<<<<<<<<<
هههههههههههههه دخلني في حتة ضيقة
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: محمد مصطفي مجذوب)
|
فيحكي ان الرئيس النميري اراد ذات يوم التشاور مع نائبة المسيحي جوزيف لاقو.. . فرآة صدفة وهو خارج من مكتبه متجها الي عربة الرئاسة. فتوقف النميري وآخذ بيد جوزيف لاقو وقال له بصوته الجهوري المعروف عنه (جوزيف ارح .. اتغذي معاي في البيت) فما كان من جوزيف لاقو المعروف بسرعة بديهته وكان لمن لا يعرفه ذكيا لماحا وابن نكته إلا ان قال للرئيس نميري بعفوية مبالغ فيها ( معليش يا ريس اعفيني ... انا صايم الستوت .... .)
<<<<<<<<<<<<<<<<<<<<<<<<<<<<<<<<<<
ههههههههههه حلوة جدا يامحمد
وهاك دي حصلت برضو لي واحد جنوبي مسيحي دفعتنا
ونحن في كلية الشرطة 1987م في احد الايام ضربت صفارة تمام مفاجئ
وفي العادة بقوم واحد من النبطشية يمشي ينادي الناس الفي الجامع اذا كان الوقت وقت صلاة
دفعتنا الجنوبي ده جاي متأخر والناس واقفة في الطابور وقائد الدفعة
الرائد وقتها والفريق الأن عوض وداعة يشرف على التمام بنفسه
اها صاحبنا الجنوبي ده ما لقي طريقة يتخارج الا يخش مع المجموعة الجاية من الجامع هههههه
سيادتو عوض وداعة شافو واقف مع ناس الجامع قال ليهو يا فلان ..... انت عارف الناس
الواقف معاهم ديل منو ؟
ايوه عارف سيادتك ديل ناس الجامع !!
انت يافلان اسلمت وال شنو ؟
ايوه اسلمت ياسيادتك ههههههههه
يافلان ... من متين اسلمت ؟
هسي دي ياسيادتك ههههههههههههههههه
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: عاطف عمر)
|
التحية لكم جميعا
نقلا عن الصحيفة
على لسان الفنان أحمد المصطفى :: «سوف أحكي لكم قصة ولكنها ليست قصة أغنية ولكنه موضوع حقيقي حصل لنا في جنوب السودان في مدينة جوبا سنة 1972م، عندما ذهبنا مرافقين أنا وزميليّ حسن عطية وعبد العزيز محمد داؤود بمناسبة الذكرى الأولى لاتفاقية أديس أبابا».
«وصلنا إلى مكان الحفل وكان قاصراً على الرئيس نميري وحرسه الخاص. «واستدرك أحمد» لكن يا جماعة أقول ليكم بصراحة كان كل ما يشغلنا في تلك الليلة أنا وحسن وأبو داؤود هو موضوع إطلاق سراح أخينا وصديقنا الفنان محمد وردي الذي كان معتقلاً سياسياً منذ انقلاب الرائد هاشم العطا في يوليو 1971م».
وتابع أحمد المصطفى: «كنا نغني أمام الرئيس، ولكن المزاج ما كان تمام، لأن همنا الأكبر هو كيف ننقل للسيد الرئيس رغبتنا السريعة والأكيدة في إطلاق سراح الفنان وردي. والطريف في الموضوع أن الرئيس نميري كان مبسوطاً جداً وخصوصاً عندما يغني أبو داؤود، وبعد كل أغنية كان الرئيس ينادي على أبو داؤود ويقول: «تعال أقعد بالقرب مني وأحكي لي نكتة نكتتين».
ويستطرد أحمد المصطفى: «في لحظة من اللحظات جاءني أبو داؤود وقال لي يا رئيسنا ويا عميدنا ما تكلم الرئيس بخصوص الفنان وردي»، فرددت عليه: «أنت يا أبو داؤود قاعد طوالي جنب الرئيس ما تكلمو أنت بطريقتك، وأنا وحسن عطية سوف نتولى الموضوع ونتابع معك».
وأكمل أحمد المصطفى القصة بعد لحظات صمت: «ذهب أبو داؤود وجلس بالقرب من الرئيس، وقال بصوت خافض: يا رئيس موضوع وردي؟ وهنا دوت القاعة بصوت عال من الرئيس نميري: أيوه وردي مالو؟ ورد عليه أبو داؤود بكل ذكاء واقتدار قائلاً: حتعدموه متين يا رئيس؟
وفجأة تغير الحال وضحك الرئيس نميري بصوت عالٍ وضحك جميع الحضور حتى حسن عطية كاد يقع من الكرسي من كثرة الضحك. وفعلاً وبعد الرجوع إلى الخرطوم تم الإفراج عن صديقنا وزميلنا وردي بواسطة الرئيس نفسه، والسبب كلو ذكاء وخفة دم عبد العزيز محمد داؤود»
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: مهدي صلاح)
|
والله يا جنابو عندي قصة بس معن نميري (نحن صغار ماحاضرين زمنه :) )
هي عن محجوب حسن سعد ...(في سياق اخلاق القادة)
حكى لي شقيقي الرائد (م) عمر موسى عمر عن قصة رقيب
كان الرقيب مسئولا عن مال بعهدته ومرض إبنه ولم يجد سوى التصرف في جزء من هذا المال للضرورة وتصرف
في الصباح حضر لمكتب محجوب حسن سعد وكان مديرا لشرطة البحر الاحمر حينها وخياه وقص عليه القصة منتظرا العقاب
ساله السيد محجوب (اول هام ولدك كيف) فاجاب الحمدلله ...
فطلب منه كتابة طلب بالمبلغ الذي احتاج له ....فكتب الرقيب ....اخذ محجوب الطلب وكتب تصدّق وطلب منه تسليم الطلب مع العهدة
فرح الرقيب و حين اراد الخروج استوقفه محجوب وسلمه من جيبه مبلغ اخر وطلب منه العودة للبيت لبقية اليوم كاجازة
هذه القصة حكاها الرقيب بعد نزول السيد محجوب حسن سعد للمعاش
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: Ahmed musa)
|
lمنذ بدء تاريخ سوداننا الحديث
يحكمه مستهترون
المهم
ما بقول ما ضحكت ولكن مع كل ضحكة ما ورائها
من استعجاب/حزن
هؤلا هم قادتنا
يحكمون بالمزاج والهوى وتلبيت احتياجات ذاتية في التلذ بالم الاخرين.
يبدو انه من مواصفات الرئيس السوداني
المهم
ما علينا اظنه مزاجي معكر يا جنابو معليش ما اكون افسدت جو النكتة
اقصد يا سعادتك
صفية
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: Safia Mohamed)
|
كان يرحمه الله يلبسني وسام الخدمة الطويلة الممتازة وكنت من الضباط المحظوظين وعلي صدري ثلاثه
صفوف من الاوسمه .. فقال لي مازحا .. "بقيت زي مارشال المديريه ، كلك نياشين .. ما فضل ليك غير
نيشان المعاش" .. فقلت له بكل حزم واحترام .. "جمعا انشاء الله سيادتك" .. فرد بسرعة ودون ان يرفع
عينه عن مكان تثبيت الوسام .. "عندك (بونيه) عندي تجي بعد الحفله تاخدها .. يا لديح ."
| Quote: معليش ما اكون افسدت جو النكتة |
معليش يابت اخوي .. كلهم كده حتي ابو الزهور .. قسمتنا عاد
عمر علي حسن
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: عمر علي حسن)
|
سلا يا جنابو
في بداية عهد الإنقاذ لما كان إبراهيم نايل إيدام وزير الرياضة
زين العابدين محمد أحمد عبد القادر مشى الأستاد يحضر كورة طبعا مشى المقصورة وبدون بطاقة، العسكري وقفو
زين العابدين قال للعسكري أنا زين العابدين إنت ما عرفتني ولا شنو العسكري قال ليهو زين العابدين دا منو كمان
قال ليهو زين العابدين نايل أيدام
العسكري أداه تحية وقال ليهو خش سعادتك
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: حمد عبد الغفار عمر)
|
وما الذى يمنع الرئيس أن ينكت ؟؟؟ أليس الرئيس فرد من هذه الامة يعيش أفراحها وأتراحها ونكاتها !!!
لا أرى غرابة فى كل الذى حدث !!!.
تشاحر عقيدين من دفعة واحده فى القيادة الشرقيه القضارف بسبب (شمارات نسوان ) فقام اللواء قائدالمنطقة بتشكيل محكمة لهم ورفع الامر للقيادة العامة وسمع الرئيس بالموضوع قبل أن يصله رسمياً فبييت النية بفصلهم وطلب عرض الامر عليه وكان من قدم المحاكمة فريق مشهور أظن الدفعة الوراء نميرى والمحكمة والشهود واللواء قائد المنطقة كلهم داخل مكتب نميرى وبعد سماع الاقوال أصدر قراره بفصل العقيدين من الخدمة وألتفت يسأل اللواء ده منو قال ليهو أنا اللواء فلان الفلانى قائد المنطقة الشرقية القضارف!! فضحك وقال ليهو يتضاربو الضباط عندك عشان كلام نسوان !!الفصل من الخدمة !!والتفت للفريق وهو يعرفه حق المعرفه فقال والفريق الطويل ده منو ؟؟فقال له أنا فلان الفلانى يا سعادتك فقال له الرفت من القوات المسلحة !! ولكن تدخل الفريق عبدالماجد حامد خليل وقال للرئيس أسع الفريق ده ذنبو شنو !!!فأعاده للخدمة !! والقصص كتيرة نسأل الله الرحمة للرئيس جعفر نميرى .
اللواء قائد المنطقة الشرقية كان لواء كارب وما ساهل ويقال ذات مره ملازم الادارة كان فى مكتبو وعطس !!! فنادى يا نبطشى قول للمساعد الطبى جييب أكبر حقنه عندك وتعال سريع !! فبدأ الملازم فى تجهير عضله يده ويقول للواء عليك الله يا سعادتك يدينى ليها هنا !!! والعهده عند الراوى ضابط فى القوات المسلحة حكاها لنا فى بون قبل 5 سنوات !!!.
| |
|
|
|
|
|
|
|
|
|
Re: قصة طريفة (جعفر نميري & ابراهيم نايل ايدام) (Re: عمر علي حسن)
|
Quote: "بقيت زي مارشال المديريه ، كلك نياشين .. ما فضل ليك غير
نيشان المعاش" .. فقلت له بكل حزم واحترام .. "جمعا انشاء الله سيادتك" .. فرد بسرعة ودون ان يرفع
عينه عن مكان تثبيت الوسام .. "عندك (بونيه) عندي تجي بعد الحفله تاخدها .. يا لديح ." |
هههههههههههههههههههه
حلوة والله ياسعادتك ...........
| |
|
|
|
|
|
|
| |
omer osman
البحيراوي
عاطف عمر
محمد عبدالرحمن
محمد مصطفي مجذوب
مهدي صلاح
Ahmed musa
Safia Mohamed
حمد عبد الغفار عمر
بشرى مبارك ود السقاى
فيس بوك
تويتر
انستقرام
يوتيوب
بنتيريست