|
|
|
 Re: أها وبعد الطقيش دا يا طه جغمته ولا كشحته (Re: د.يوسف محمد طاهر)
|
وجن صاحبتي ازيك، وازي الحلوه لمار
والله يا ستي، انا شخصيا وبعيدا عن المهاترات السياسية، ما بستبعد الموضوع ده على أي سوداني... معليش يا اخوانا، لكن دي حاجه في السودان ما ليها علاقة لا بالدين لا بغير، الواحد ممكن يكون بشرب ويقول ليك سيدنا محمد عليه الصلاة والسلام... وشخصيا بفتكر انه أكعب حاجه ممكن يعملها الزول في روحه!
المهم! .... ما اعتقد انه حيشرب في الشارع كده... وغالبا حتكون عصير... رغم انه الزول ده انا ما بدوره كله كله، لكن الواحد يقول الحق...
| |
 
|
|
|
|
|
|
|
 Re: أها وبعد الطقيش دا يا طه جغمته ولا كشحته (Re: سامى عتبانى)
|
د. مصطفى مدثر
د. يوسف
سامي اخوي
مريومه حبيبتي
مع احترامي لوجهات نظركم
لكن عاينوا في وش طه دا شوفوا كمية الإحراج والكسوف الموجودين فيه
عشان كده انا فوق قلت أول كلمة المجاملة الشديده نحن شعب مجامل جدا لكن تبقى على حساب
دينا وقيمنا ومباديناونراقب الناس وما نراقب رب الناس ومن طه كمان تبقى كبيره والله
غايتو مفترض بعد الصورة يقول ليهم معليش عندي ( حيرقان)
لكن لو في زول شافوا جغمه يبقى شامبيون بلدنا أكيد
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
Quote: ابقــى قــدر باسويردك ..
تلميحاتــك دى بتورى ضحــالــة الخطاب والمفردات ..بالله دى معارضو سجم شنو دى .. |
لكنك دائما تلوذ بالصمت حين يصدر نفس الخطاب من قادة الحزب الذي تنتمي اليه وبذات المفردات .. وبامكانك مراجعة خطابات نافع ومصطفى عثمان والبشير وخاله..
انه الغرض يا مدير معهد اعداد القادة .!!!!!
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
وجن
بصحتك
الخليفة العادل عمر ابن عبدالعزيز كان بنتبذ كل خميس
تنهدات: ( قال الخل للنبيذ انا اصبا منك قال النبيذ بلا
لكن في العام القادم حا تصبح انت خل عتيق واصبح انا نبيذ
معتق )
الكلام لعاطف خيرى والغناء لمصطفانا من اغنية الجالوص
ماذنب جلد الطار
لو غنوبيهو شتر
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
Quote: دينا وقيمنا ومباديناونراقب الناس وما نراقب رب الناس ومن طه كمان تبقى كبيره والله
غايتو مفترض بعد الصورة يقول ليهم معليش عندي ( حيرقان)
لكن لو في زول شافوا جغمه يبقى شامبيون بلدنا أكيد |
في اي دولة في ناس مراسم بيدرسوا شخصية الزول القادم وثقافته ودينه
يستحيل يقدم خمر لمسلم في حاجة رسمية
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: أبو عبيدة البصاص)
|
و الله يا كيزان المنبر امركم بقى عجيب و انحيازكم للاشخاص و استماتتكم في الدفاع عنهم في الفارغة و المليانة حاجة محيرة. و استخدامكم للعبارات العنيفة و لغة الاساءات اصبح طابع مميز .
طيب لو سلمنا بانو الفي الكاس ده ما خمر، الطقيش رأيكم فيهو شنو ؟؟
بيصح على مذهب الامام مالك و للا كيف؟؟
Cheers يا شباب take it easy.
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
***- كبابي الشاي للشاي،
***- فناجين القهوة للقهوة
***- كبابي الشوب للعصاير والمشروبات الباردة،
***- البزازة للبن او الموية،
***- الكوز للمـوية،
***- القرعة للمريسة،
***- السلطانية للشوربة او اللبن،
***-
***-
***- الكاسات للخمور!!!....وفي رواية اخري للكحوليات!!!
***- ***- قال نبيـنا الكـريـم ( خـذوا العلم ولو في الصـيـن )، وصـاحـبنا في الصيـن بتعلم الـجـغـم!!!
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
غايتو الما بتدورا بتحدروا ليه في الضلمة..
هسه هي وجن قالت الكلام دة في نائب رئيسكم..خليهو يجي هو يدافع او يرسل ليها جماعتو هناك..
جيتوا جاريين جري شايلين وش القباحة..وكمان بكلمات اقبح..
الزولة دي سألت سؤال واضح
كشحوا ولا جغموا؟؟
ثم من متييييين عصير التفاح ولا اي نوع من العصائر بيكون في كوب(نتشة) قدر دة؟؟
ومن متين العصير بيكون حبة قدر دة..
باعتبار انو ما شرب منو ونقص مقدار العصير لانهم زي ما شايفين يا دوووووب بيتطاقشوا ..الطقيش اولا ثم الشراب ..
ولا مو هيك؟؟
ــــــــــــــــــــــــــــــــــ
هيق هيق..اووبس.. اقصد ...هيك
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
كتب عمر صديق مخاطباً بدر الدين اسحاق أحمد| Quote: انه الغرض يا مدير معهد اعداد القادة .!!!!! |
فعليه أوصي أخانا المدير بأن يتوصى خيراً بـ:
عمر صديق
السيدح
ود الباوقة
الشفيع وراق
صلاح غريبة
وغيرهم من آل الشجرابي
بأن يفتّح لهم "فصل" كادر مسائي..
____
إنتو محتاجين "تكدير" ببدركم؛ يا له من زمن بئيس، زمن الألقاب الكبيرة والقدرات الصغيرة..
| |
|
|
|
|
|
|
|
|
 Re: أها وبعد الطقيش دا يا طه جغمته ولا كشحته (Re: Yassir Tayfour)
|
إبتعث الترابي صبيته ذات مرة لبلاد الكفر حتى يطبعوا معها ويعتذروا عن جهلهم وتوعدهم للغرب بالعذاب والنار، فحط ركب الصبية بباريس، فقدم لهم الفرنسيون الخمر في مأدبة "جس نبض"، وأصرّ عليهم الفرنسيون بان يشربوا او ينسوا أمر زيارتهم، فإتصل الصبية بشيخهم حسن، حتى يخرجهم من هذا المطب غانمين، قالوا لشيخهم كيف نشرب الخمر و الخمر هو أم الكبائر؟ فقال لهم الترابي أشربوا، إنه جهاد أصغر، فشرب الصبية، وقضوا امرهم بنجاج مع الفرنسيين؛ بعدها توجه ركب الصبية نحو فرانكفورت، فقدم لهم الألمان النساء والصبايا شريطة التطبيع، فإتصل الصبية بشيخهم مرة ثانية فقصوا عليه أمر الألمان، فقال لهم الشيخ: إنه الجهاد الأصغر، فجاهدوا، فضرب الصبية النساء والصبايا ضرب غرائب الإبل، وقضوا أمرهم مع الألمان وتم التطبيع. تبقت هناك المحطة الأخيرة والكبيرة، لندن، فحينما جلس الصبية مع الأنجليز، أصر الأنجليز على أن يقدموا الضيوف لأنفسهم، يا لهم من أنانيين وحقارين هؤلاء الإنجليز، فقامت البطبطة، بطبطة جد جد، فإتصلوا على شيخهم فكاك الكُرّب، ويا لها من كربة تحتاج بلة ذات نفسه، فقال لهم شيخهم، إذن إنه الجهاد الأكبر، وأنا له.. أها بعد داك ما عارف الحصل شنو..
___
لكن -أظن- حصل خير وتمّ التطبيع..
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: Yassir Tayfour)
|
صــدقــتــك كـــل مــا فــى البريـــة مــن هــوام وســباع ..
وانــا معاهــم ..
لــن يفيــدك خــط الرجعـــة ( مــا اسهــل الاتيان بالصــور )
وبالكــوم كمــان ..
Quote: بعدين انا جبتها هنا استنكارا ودهشة مش اتهام وتلفيق وضحاله
والشريعه ليها بالظاهر ولا ماكده |
| |
|
|
|
|
|
|
|
|
 Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
أخانا المدير بدر
صدقت يا بدر فإنّ ملاذي آمن، وأنت ببيتك لا تعرف الأمن، والفضل في ذلك يرجع للقوانين القائمة هنا وهناك..
فطالما إختصاك الله في هذا الزمن الرديئ بتدريب القادة، فعدهم من بعد نفسك، إعداداً يثمر أمناً وسلاماً..
___
هلا حدثتنا يا بدر عن معهدكم قليلاً؟
كيف يتم قبول القادة فيه؟
وما هي الجهة التي ترعى هذا المعهد -ماديا-؟
هل يقبل المعهد متدربين غير إنقاذيين؟
من من القادة الذين تخرجوا من هذا المعهد؟ وما هي المناصب القيادية التي أهلهم -معهدكم الكبير- لها؟
| |
|
|
|
|
|
|
|
|
 Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
يا اخينا انا ما طالبه منك تصدقني ولا انا الزوله البعمل خط رجعه خوفا منك أو من أي انسان الا لو فعلا انا كنت غلطانه وكلامي هنا ووجهة نظري واضحه من أول تعليق لي في البوست اذا انت ما عاوز تفهمه فدي مشكلتك
عموما كويس انك فارقت البوست دا لآن مافي حاجه تخليني ابرر لك أو لغيرك تصرفاتي
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: Yassir Tayfour)
|
وجن كيفك اخبارك والاسرة الكريمة
يا بنتنا مالك بتبحتى فى الجحار دى انت عارف مصيبها كثيرة
ولا تنسى ان بعض الظن اسم يمكن بس للتصوير فقط
سلام لاهل البيت
والله بدر الدين غايتو ما بسالك انت شوفت صورة لعمر بن العزيز زى صورة وجن دى
ههههههههههههههه
الحمد لله على نعمه الاسلام ونسالك ياربى ان تحفظنا مرة كاسات ومرة لحم كلاب ان شاء ما نشوف اكثر من كدة
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: Yousif A Abusinina)
|
بالله عليكم الله بـعد مداخلة ود طيفور دى ..
تجــئ شمائل النور تكتــب مثــل هــذا الكلام ...
حسبنــا الله ونعــم الوكيــل / حسبنا الله ونعم الوكيل
( اللهم اصلح حالنــا / وحال زوجاتنا / وحال بناتنا ...)
فــراق الطريفــى ليه جملــو ..
Quote: ياسر طيفور
بالنسبة للجهاد الأصغر ، ماعايزين اخوات نسيبة |
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: سيف النصر محي الدين محمد أحمد)
|
Quote: غايتو زي ما قال الشاعر عتيق:
ما بنسى ليلة كنا في شاطىء النهر
نتعاطى خمر الحب بكاسات الزهر
انا و انت و الصين و القمر |
كااااااااااك
عندنا واحد قريب احمدشفا زول بيشرب الانخاب زي شيخنا علي قدس الله سره
بس الفرق انه يبلغ من العمر عتيا..اولاده اجتمعوا بيهو وطلبوا منه يخلي
تناول الفرح المعبأ في زجاجات(عندنا في القلل)..
عمك احتار فترة وقال(انا لو خليت البتاع وظيفتي حتكون شنو؟؟)
فزولنا يبدو دي وظيفته..
والله اعلم..
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
العزيزة وجن
اعتقد انه عصير والطقيش معروف شغلانة بتاعة احتفالات واتفاقات بعدين الصين ما ح تغلط غلطة زي دي لانو الشغلانة في هذه الحالة بتكون استفزاز دولة وممكن عادي من وراها تخسر كل استثماراتها في السودان
فالشغلانة اكبر من الكاس الموجود وفي هذه الحالة ما تعايني للنصف الممتلئ من الكاس
تحياتي
زاتوووو
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
في حملة نظافة عامة يا وجن من اثار الهاكر اللعين و الدور جايي على البوست ده باذن الله
اما بالنسبة للاخ بدر اسحق فمصيرو يوم يقتنع انو الولاء مفروض يكون للافكار مش للاشخاص
و لكم في الترابي عبرة يا اولي الالباب .
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: عبد الحكيم نصر)
|
ابدا الاخت الكريمة ( مــا انــا بالذى يترصــد بالكريمات )
طــة لا يملــك ان يوكلنــى ولا غيــرهـ ..
انــا اتحــرك مـن منظور قيمـــى / اخلاقى / عرفــى / سودانى
انــا عنــدى فــكرة صغيرة ان القــدح الشخصــى فى الاشخاص
لا يرتكــز ويقوم على قيمــة اخلاقيــة ..
( اليس لطــه هـذا اســرة / اهل / ابناء يتأذون مــن جعل
والدهــم مـادة لتندرك انت والاخرين )
مـا اسهــل احضار الصــور .... وكتابــة التعليقات
| Quote: وبعدين اسحاق دا شايله تقيله التقول طه موكلو |
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
يا ود إسحق
كدي بالله خلينا من علي شرب وعلي خجِل وما كشح الكأس..
إنت، إنت ذاتك كمدير معهد إعداد القادة، موش مفروض تعدهم -بروتكولياً- لوول، كيف يربطو الكرفته، وكيف يضربو كأسات -خالية كحول-، وكيف يمِزوا، وكيف "يطلعوا الخلا" بالتويليت بيبّر، كضرورات؟
ولا بس القائد تحفظوهو جزء عمّ وتبارك وصورة الكهف، وشوية سيد قطب، وشوية جهاد، وتدعكو ليهو جبهتو بحصحاصة، وتدوهو شنطة وتفكوهو؟
___
يا بدر، الشراب حق الرجال، الصحابة قبل تحريم الخمر ذاتهم كانو بيكشحو، والجاهلية الإنتو فيها دي أزرّط من الجاهلية التي سبقت الإسلام..
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: Yassir Tayfour)
|
ود طيفور ... انــا مرات كــدى بمارس حاجــة درستهــا فى بعض الناس وكتاباتهم ودائما ما بتخيب ..
* هبـــشــت جملــة من تعليقاتــك ووجدتهـا تنطوى على حاجات كثيرة منهــا :
1/ ليــس انــت كمــا تريــد ان تطرح للاخرين ( ذو ضحكة / مثير للضحك ) انـت تحمــل
فكرة مشروع لم تستطيع تحقيقـه ( فشـــل ) لعوامل ذاتية / فكرية / اطارية / ... .
2/ تهـرب مــن فشــل مشروعــك الخاص فى اطاره العام الى ( اللاجديــة ) كما تطرحها انت
وانت غير جاد فيها .
3/ الملجــئ الامــن لــم يحقق لــك الا قليــل من ( مال / سكن / ...) .
4/ فكــن ابــن بيئتــك ونافــح عـن ( فكرة ) فالانســان فكرة ولـو كانت(عبادةالشيطان).
____
يمكــن ان يكون هـذا البوست / المنبر ليس بالمكان المناسب لطرح هذا المسار ..
Quote: إنت، إنت ذاتك كمدير معهد إعداد القادة، موش مفروض تعدهم -بروتكولياً- لوول، كيف يربطو الكرفته، وكيف يضربو كأسات -خالية كحول-، وكيف يمِزوا، وكيف "يطلعوا الخلا" بالتويليت بيبّر، كضرورات؟
مــا ذكرتــه ( تهكمــا ) هو جزء من منهج اعداد القيادات حتى فى المعهد الدبلوماسى لوزارة
الخارجية الامريكية ( كنـت شاهــد على شئ هناك ) ..
|
ودى كمان جزء من المنهج الاعدادى للقيادات ذات الانتماء للاســلام فالقران منهج اعداد للقادة
والرسول الكريم كــان كما قالت امنــا عائشة ( كان خلقه القران ) فالقران قيــم تشكل الانسان
وفكرة تقود الانسان نحو تحقيقها ..
Quote:
ولا بس القائد تحفظوهو جزء عمّ وتبارك وصورة الكهف، وشوية سيد قطب، وشوية جهاد، وتدعكو ليهو جبهتو بحصحاصة، وتدوهو شنطة وتفكوهو؟
|
ياخــى والله انت قديم جدا ... من زمــن الرجالــة شراب الخمر ...
طيــب بعض النساء يشربــن الخمر ( فهــل يحققــن انوثتهــن بذلــك )
Quote: ___
يا بدر، الشراب حق الرجال، الصحابة قبل تحريم الخمر ذاتهم كانو بيكشحو، والجاهلية الإنتو فيها دي أزرّط من الجاهلية التي سبقت الإسلام.. |
الجاهليـــة :يعنــى شنــو ؟
_____ ___________ __________
ابقــه مــارق من خيط وجــد دهـ وتعال نشوف لينــا خيط نقول فوقــو بكثر من نفــس بارد دون
هدير الضحكات والغمزات ...
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
Quote: انــا عنــدى فــكرة صغيرة ان القــدح الشخصــى فى الاشخاص
لا يرتكــز ويقوم على قيمــة اخلاقيــة ..
( اليس لطــه هـذا اســرة / اهل / ابناء يتأذون مــن جعل
والدهــم مـادة لتندرك انت والاخرين )
|
بالله يا بدر الدين قول كلامك دا للطيب مصطفى الزوال الماكن داك وخليك من وجن المسيكينة دي ..
وأتمنى أن أقرأ لك مابين الأقواس :
( أليس لياسر هذا أسرة / أهل / بنات يتأذين من جعل والدهن مادة لتندرك أنت والاخرين).
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
ود إسحق،
Quote: ابقــه مــارق من خيط وجــد دهـ وتعال نشوف لينــا خيط نقول فوقــو بكثر من نفــس بارد دون
هدير الضحكات والغمزات ... |
أها أبقّ مارق وين؟ أفتّح البوست وسوف تجدني من الحاضرين.. ولا شنو؟
أفتّح بوست يا ود إسحق، فأسأل وحلل ونظر فيه ما تشاء، وأنا من جانبي، أوعدّك بأن لا أسألك أسئلة محرجة، تقديراً لموقفكم المُحرّج مسبقاً..
__
دي فرصة يا بدر ما بتلقاها بي ساهل، كون يجيك زول ساكت كده، تقوم تمسكو وتبستفو عشان يتعظ الناس الما ساي.. ولا شنو يا ود إسحق؟
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: علاء الدين يوسف علي محمد)
|
فتحــى ود الصديق ...
كتبت من قبل فى هــذا المنبــر واكرر لك ثانيا اننــى رفضت وادنت كلام د. الطيب مصطفى
حين قال ان ياسر عرمان لا يستطيع ادارة اهل بيته .. اسرة عرمان عندى مصونة مثل اى اسرة
سودانية ....
يا زول انــا شقلتــى بيضاء مــا بدس الحاجات ولا عندى ازدواج معايير ..
بفتشــى ليــك المداخلــة ..
Quote: وأتمنى أن أقرأ لك مابين الأقواس :
( أليس لياسر هذا أسرة / أهل / بنات يتأذين من جعل والدهن مادة لتندرك أنت والاخرين). |
| |
|
|
|
|
|
|
|
|
|
Re: أها وبعد الطقيش دا يا طه جغمته ولا كشحته (Re: فتحي الصديق)
|
Quote:
1/ ليــس انــت كمــا تريــد ان تطرح للاخرين ( ذو ضحكة / مثير للضحك ) انـت تحمــل
فكرة مشروع لم تستطيع تحقيقـه ( فشـــل ) لعوامل ذاتية / فكرية / اطارية / ... .
2/ تهـرب مــن فشــل مشروعــك الخاص فى اطاره العام الى ( اللاجديــة ) كما تطرحها انت
وانت غير جاد فيها .
3/ الملجــئ الامــن لــم يحقق لــك الا قليــل من ( مال / سكن / ...) .
4/ فكــن ابــن بيئتــك ونافــح عـن ( فكرة ) فالانســان فكرة ولـو كانت(عبادةالشيطان). |
ده تحليل نفسي و لا مجرد تداعيات و تأملات؟
و بعدين كيف تقدر تحلل شخصية زول بينك و بينو الاف الاميال؟
هل معاشرة المنبر كافية لعمل profile للزملاء من الاعضاء ؟؟
انا مثلا الفكرة اللي كونتها عن ياسر طيفور ده هي انو زول مرح و الفي قلبو على لسانو و انو ناجح في شغلو و في حياتو و سعيد باقامتو قي دولة ديمقراطية تمنح مواطنيها الى جانب الخبز كميات من الحرية
و التقدير و الكرامة الانسانية.
بعدين يبدو انك منطلق من فكرة مركزية هي انو المعارضين الذين انتهى بهم امر معارضتهم الى الشتات لديهم مشاكل تتعلق بعدم تحقيق الذات و ضياع العمر و خلافو(راجع بوستك بتاع الباقر عثمان)
فكرتك دي يا سيد بدر اسحق للاسف غير صحيحة بل عكسها تماما هو الصحيح .
اخيرا هل تعتقد أن الكيزان في السودان ناجحين كافراد؟
هل تمكنهم من الوظائف بغض النظر عن الكفاءة بتعتبرو نجاح ؟
هل تطاولهم في البنيان و احتكارهم للوظائف و السوق و تعديد الزوجات اعتمادا على احتكار السلطة السياسية ، هل بتعتبر ذلك نجاح و تحقيق للذات؟؟
| |
|
|
|
|
|
|
| |
وجن
فتحي الصديق
د.يوسف محمد طاهر
مريم بنت الحسين
سامى عتبانى
بدر الدين اسحاق احمد
الجندرية
شمائل النور
حبيب نورة
بدر الدين الأمير
أبو عبيدة البصاص
سارة علي
Yassir Tayfour
محمد عبد الماجد الصايم
فيصل نوبي
khaleel
Yousif A Abusinina
عبد الحكيم نصر
ALZOLZATOO
ندى عثمان حسن
صلاح أبودية
فيس بوك
تويتر
انستقرام
يوتيوب
بنتيريست