|
كتب الكاتب الفاتح جبرا المتوفرة بمعرض الدوحة
|
|
 Re: اللــورى ابو صاجـــات ( دلالــة الصــورة ورمـزيتهــا ) (Re: بدر الدين اسحاق احمد)
|
* اللورى وراء من قدام بتاعتو ما معروف ( الرمزية )
* فيهو باقات مليانة شنو ما معروف ( الرمزية )
* عدم وضوح اى معالم لهوية اللورى ( النمرة )
* الصحراء ( رمزيتها )
* الملابــس الثقيلة والسويترات ( البــرد )
* الزول ابو فنلــة صفراء ( اللون ورمزيتــه )
* المراتــب ( النــوم كيف ووين )
* النيجر / مالــى / السنغال / الكمرون / السودان / تشاد ( الـمكان )
* العمامــة حول الوجــه ( الطوارق )
* ..... الى ما يقود اليــه العقل البشرى لشخصــى وللبورداب
| |
 
|
|
|
|
|
|
|
 Re: اللــورى ابو صاجـــات ( دلالــة الصــورة ورمـزيتهــا ) (Re: محمد الأمين موسى)
|
الاخ محمد الامين ..
تستيف شنو ( البشر ) ( الشنط ) ( الباقات ) ( المراتب )
وبعــد داك دلالـتة ورمزية الصورة فى المداخلات فى البوستات ..
يعنى ماهو نوع البوست الذى يمكن ان يشارك بــه الواحد بهذه الصورة ..
Quote: اعتقد ان الجانب الإبداعي في هذا المشهد يكمن في القدرة العالية على التستيف، وكأن الأمر
تطبيق عملي لمقولة:"لو النفوس اطايبت... |
اين هــى هــذه الشاحنــة ..
| Quote: وهو أكبر دعاية إيجابية لهذه الشاحنة التي تكاد تنافس سفينة نوح! |
| |
|
|
|
|
|
|
|
|
 Re: اللــورى ابو صاجـــات ( دلالــة الصــورة ورمـزيتهــا ) (Re: بدر الدين اسحاق احمد)
|
الاخ بدرالدين أسحاق
تحياتي
قبل سنين طويلة كنت مستلقيا على السرير وطفلي الصغير على بطني
وكنت اردد على مسامعه البريئة : دق البوري يا ألي ( علي ) دق البوري يا ألي
دق البوري يا ألي دق البوري يا ألي .................
فنام الطفل وانا ما زلت اردد .... حتى اتاني شخيره المتقطع حينها قطعت الترديد
وهممت بنقله لاقرب عنقريب فاذا بطفل اخر لا اعرفه كان قابعا على عتبة الباب وهو مستمتعا
بما كنت اردده فطلب مني المواصلة ... ولم استجب له بل قلت له هسسسسسس الجنا دا نائم
امش اهلك وخرج وهو ملتفتا كانه يستجديني ........
وبعد كم يوم اتى الطفل ومعه امه .... فبادرتني مستغربة .. هو دا انت انا من الصباح حائمة
مع ولدي دا عشان نجيك وهو ما عارف البيت بس بقول لازم توديني للزول البقول دق البوري يا ألي
دق البوري يا ألي .....
دحين لوريك دا فيهو بوري يا بدر الدين اخوي
قد اكون خارج النص ولكنها خاطرة اللحظة وقد تمخضت وولدت فأرا .
| |
|
|
|
|
|
|
|
|
|
Re: اللــورى ابو صاجـــات ( دلالــة الصــورة ورمـزيتهــا ) (Re: عبدالله ود البوش)
|
الاخ ود البوش ...تســلم على المرور ...
انت دخــلت علينــا فى ( تــون ) تانـــى ..
الصــوت ودلالاتــه ...
الصـوت ومكوناتـــه ..
الصــوت ورمزيتــه ..
الصــوت كأداة تربويــة ..
الصــوت كوسيط وناقــل للافكار ..
الصــوت ...... ,,
Quote: دق البوري يا ألي ( علي )
دق البوري يا ألي
دق البوري يا ألي
دق البوري يا ألي .................
دحين لوريك دا فيهو بوري يا بدر الدين اخوي
قد اكون خارج النص |
والله ما خابر علا ما بيكون عندى وهو حيضرب بورى ليه منو ....
ترمــــة :
بورى اللورى السفرى بيسموهو (( كــوز ))
| |
|
|
|
|
|
|
|
|
|
Re: اللــورى ابو صاجـــات ( دلالــة الصــورة ورمـزيتهــا ) (Re: بدر الدين اسحاق احمد)
|
| Quote: بورى اللورى السفرى بيسموهو (( كــوز )) |
بدرالدين
خلينا نقطع ليك هذا الخيط ونلتقو باخر ونسأل عن معني اللوري وهذه الكلمة الاعجمية التي صارت محليه بحته
اللوري يرتبط في اذهانا وعقولنا البسيطه بعربه البدفورد الانجليزية القوية او الاوستن السفنجه كما يدعوها اهلنا في السودان
يزينونها بكل ما تقع ايديهم عليه من لمبات وقصدير ورقائق البلاستيك الملون ولا ينسون تمسيحها بالزيت كل يوم ...وتغسل اللساتك حتي تصبح سوداء داكن لونها تسر المساعيدن والسائقين
وتتغني لها المغنيات في الافراح وفي المحطات.. القبولاب دنقلا حلفا المحس والفاشر والجنينه وسواكن و واو ,,,,
كل يغني علي طريقته لهذه الالة التي شقت الطرق واختبرت الصحاري والغابات جلدها..
اتتهم محملة .. شاي الحب والطحنية وتلال من السكر الاحمر ..والصعوط واشكال البخور..وقماش الترفيرا وجلاليب التترون والاسموكنغ .. وكراتين السجائر ..واخبار الاحباب خطابات
يشق صوت البوري بكوزه صمت الغفار والصحاري ويغطي علي اصوات حفيف الشجر في الغابات..
فنعلم انه اتي
اللوري
واصل يا بدر الدين وارسم لوحتك
| |
|
|
|
|
|
|
|
|
|
Re: اللــورى ابو صاجـــات ( دلالــة الصــورة ورمـزيتهــا ) (Re: عبد الناصر الخطيب)
|
تعرف يا بدري
زمان في الحلة كان عندنا شبكة بتاعة كرة طائرة
بنتجمع كلنا العصرية كدا وبنلعب ... كان في واحد من اولاد الحلة راسو ناشف نشاف شديد والله قال بقول التيم البلعب معاهو مغلوبين مغلوبين ما في كلام اخونا دا بضرب الكورة بيدو محل ما تمش تمش ولا يهمو يوم زهجت منو كدا وقلت ليهو : شنو ياخ انت .
قال لي : مالك يازول شوف انا لو قررت ارفع يدي كدا ما بنزلها لو يقطعوها لي .
زي عمك دا لو قرر صورة ما في زول بمنعو لو قطعو يدو
اها هسه كمان عمك مصطفى محمود دا - صاحب اللوري- قبال ما يعمل ساين ان بكون رفع 15 بوست بتاعاتو وتلاتة بتاعات واحد من اصدقائه بعد ما يعمل ساين ان ولو لاحظت ما في زول بتداخل معاهم كل واحد فيهم برفع بوستات التاني اها عمك دا بعد ما يرفع البوستات ويطمئن عليها تب برفع تلاتة صور
1- البشير مع السجانين
2- وردة
3- اللوري
ويلا وكل صاحب بوست ورزقو ... والله يا بدر مرة لصق صورة وردة في بوست بتاع عزاء انا لمن جسمي كشّ تصدق ؟!!!
اها يا اخوي جاك اللوري بختك يلا دق بوري
| |
|
|
|
|
|
|
|
|
 Re: اللــورى ابو صاجـــات ( دلالــة الصــورة ورمـزيتهــا ) (Re: A.Razek Althalib)
|
الاخ فيصل الرشيد ....
الغناء للظواهر فى الحياة الغنائية فى السودان بدأ بالترماى مرورا بالسائق الفيات
وتبقـــى اغنية السيرة من المشهورات فى اغانى البنات ..
دور بــي دور بــي اللورى دور بــي
من الاغنيات العالقة فى الذاكرة عن الاعراس لمكانة هذا الوافد الجديد ... بأنواعــه
( السفنجــة / التيمــس / النيسان / الهينو ..)
Quote: كل يغني علي طريقته لهذه الالة التي شقت الطرق واختبرت الصحاري والغابات جلدها..
اتتهم محملة .. شاي الحب والطحنية وتلال من السكر الاحمر ..والصعوط واشكال البخور..وقماش الترفيرا وجلاليب التترون والاسموكنغ .. وكراتين السجائر ..واخبار الاحباب خطابات
يشق صوت البوري بكوزه صمت الغفار والصحاري ويغطي علي اصوات حفيف الشجر في الغابات..
فنعلم انه اتي
اللوري
|
ترمـــة :
الروراى صــوت الناعــى يشق صمــت الحلال من فوق اللورى وهو ياخــد سنــده خفيفة معلنا
فلان ود فلان راح فى حــق الله ..
| |
|
|
|
|
|
|
|
|
|
Re: اللــورى ابو صاجـــات ( دلالــة الصــورة ورمـزيتهــا ) (Re: مصطفى توفيق)
|
الطالب يا صاجــب ..
سلامات بعد غيبــة علـــك بالف خير
اشكال المعاناة ومستوياتها تظــل هــى (( بهارات الحياة البشرية )) فبدونها تظل الحياة جدباء جافــة
لا روح فيها ولا طعم ...
ومن يهاجر فى سبيل الله يجد فى الارض مراغما كثيرا وسعــه
فلا كبرياء مجروحــة الا لمــن فارق درب التقــى .. فمن كان فى معيــة الله فلا يضيرهـ كيـد البشــر
لعل تلك الصورة تحكــى مشوار حياة لافــراد لهم تجارب مختلفــة جمعــتهم دروب الهجرة الى :
* اللــه .
* بحثــا عن ظل تحت السماء .
* الهروب من الانسان .
* الهجرة .
* الاغتــراب .
| Quote: إنه ألم المعاناة يا صحاب وجرح الكبرياء.. |
| |
|
|
|
|
|
|
|
|
|
Re: اللــورى ابو صاجـــات ( دلالــة الصــورة ورمـزيتهــا ) (Re: بدر الدين اسحاق احمد)
|
Quote: ميزانيات كبيرة مرصودة لامنجية المنابر وبنود صرف خرافيه.
خدمات انترنت مجانية علي مدار ال 24 ساعة
الامنجيه لن يبدو اطلاقا كمناصرين بشكل واضح للمؤتمر الوطني
بل ممكن عادي يبتكروا وسائل مختلفه,ان يسوقوا انفسهم كناس
بتوع مزيكا ومزاج الخ الخ
او ناس ونسات عاديه او بيتوع شمارات و ...المهم يصرفوا الناس عن المواضيع الجاده
و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست |
من اقوال سواق اللورى نلسون منفلة
| |
|
|
|
|
|
|
|
|
|
Re: اللــورى ابو صاجـــات ( دلالــة الصــورة ورمـزيتهــا ) (Re: عبدالوهاب علي الحاج)
|
الحبيب بدرالدين,,
سبحان الله ,, منذ مدة وانا انوى فتح بوست لأسأل عنك للإطمئنان ,,والآن عدت الى الكمبيوتر لافتح البوست فاذا بعينى تقع على هذا البوست موقعا باسمك.
وكنت داير الوم ناس الكورة عشان ماسألوا منك وعلى رأسهم الصفوة هارون دياب.
فالف حمدا لله على عودتك ,, ومنتظرينك فى بوست اخونا راشد الحاج فلاتحرمنا من خواطرك.
اخوك الفاضلابى.
| |
|
|
|
|
|
|
| |
بدر الدين اسحاق احمد
مزمل خيرى
علاء الدين يوسف علي محمد
محمد الأمين موسى
عبدالله ود البوش
Faisal Elrasheed
عبدالوهاب علي الحاج
عصام عبد الحفيظ
A.Razek Althalib
مصطفى توفيق
عبدالعزيز الفاضلابى
ذواليد سليمان مصطفى
فيس بوك
تويتر
انستقرام
يوتيوب
بنتيريست