|
|
 مشكلة منطقية من يحلها؟
|
انت فى سجن ، فيه بابين..
كل باب واقف فيه غفيــر
أحد الأبواب يأخذك للخارج والاخر يعيدك الى السجن
انت تعلم ان احد الغفراء يكذب ولا يصدق، والاخر يصدق ولا يكذب، ولكنك لا تعرف من الصادق ومن الكاذب
قالوا ليك عشان تطلع من السجن دا عندك فرصـة سوال واحد فقط، ولواحد فقط من الغفراء تختاره انت.. تسأله عن الباب الذى يخرجك
من السجن ولا يعيدك اليه.
فما هى صيغـة الســؤال؟
ملحوظة: لو سألت الباب البمرقك وين، وطلع الزول كذاب حيوجهك للباب الذى يعيدك الى السجن.
|
|
 
|
|
|
|
|
|
|
|
Re: مشكلة منطقية من يحلها؟ (Re: عزام حسن فرح)
|
حاسال اي واحد فيهم التالي
اذا سالت الآخر اي باب سيخرجني من السجن بماذا سيجيب ؟
و الباب الصحيح الذي سيخرجني من السجن هو عكس الاجابة
لانو في الحالتين الاجابة ستكون الباب الخطأ
| |
|
|
|
|
|
|
|
|
Re: مشكلة منطقية من يحلها؟ (Re: Kostawi)
|
| Quote: الرحلة الاوالى: يمشي Man A و Man B فى المركب. |
طبزتيها من قولة تيت يا إسمارت انا..
لو راجلين مرقوا معنا فى مرتين مع راجل فى الجزيرة، وهـذا لا يصح شــرعـاً (مرة فى وجود وجود رجل بدون زوجها ) راجعى الشروط.
| |
|
|
|
|
|
|
|
|
|
Re: مشكلة منطقية من يحلها؟ (Re: smart_ana2001)
|
Man A>>>his wife is WomanA
Man B>>>his wife is WomanB
Man C>>>his wife is WomanC
الرحلة الاوالى: يمشي Man A وWomanA فى المركب.
تبقى WomanA فى البر
و يرجع Man A بالمركب للجزيرة.
الرحالة التانية: يمشي Man B وWomanB فى المركب.
تبقى WomanB فى البر و يرجع Man B بالمركب للجزيرة.
(فى الجزيرة : Man A, Man B, Man C, WomanC )
الرحالة الثالثة: يمشي Man C وWomanC فى المركب.
تبقى WomanC فى البر و يرجع WomanB , WomanA بالمركب للجزيرة.
فى الجزيرة: Man B , Man A و WomanB , WomanA
فى البر:WomanC و ManC
الرحلة الرابعة: Man B , Man A يمشوا بالمركب للبر.
ينزل Man B و يرجع Man A بالمركب للجزيرة
الرحلة الخامسة: Man A و WomanA بالمركب للجزيرة.
ينزلوا فى البر. ويرجع Man B بالمركب للجزيرة.
الرحلى السادسة: Man B و WomanB بالمركب للبر
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
أحمد مرتو أمنة
علي مرتو ليلى
موسى مرتو التومة
*********
بسم الله نبدأ:
يسوق المركب أحمد، يركب علي يرميهو في البر،
يرجع، يشيل موسى يرميهو مع علي بهناك،
يرجع تاني للجزيرة، ينزل من المركب،
تسوق المركب ليلى(مرة علي) وتشيل معاها التومة(مرة موسى)
ترمي التومة لراجلها وتجيب معاها راجلها علي،
*********
إلى الآن في البر في موسى ومرتو التومة.
********
تاني يركب أحمد ، وتاني يرمي علي في البر،
يرجع براهو، ينزل من المركب،
تسوق المركب ليلى وتشيل معاها آمنة،
تنزل آمنة وليلى ويترمن في البر مع التومة وعلي وموسى
*********
الآن كل التايهين في البر ما عدا أحمد!
*******
موسى يحرس علي العوين ويمشي يجيب أحمد ويكسروا المركب عشان تاني ما يتورطو!
| |
|
|
|
|
|
|
|
|
|
Re: مشكلة منطقية من يحلها؟ (Re: قصي محمد عبدالله)
|
نواصل في المتاهة،
العقدة "ج"
بعد ما وصلو الحلة سالمين،
وبعد مدة من الزمان،
أمنة مرة أحمد ماتت،
وبعد وقت قصير مات على راجل ليلى!
بعد سنة من آخر وفاة، وفي ليلة واحدة...
تزوج أحمد التاية بت ليلى، وبعد سنة جابو ليهم بت سموها الرضية،
وتزوج عثمان ولد أحمد ليلى أم التاية، وجابو ليهم ولد سموه بابكر.
السؤال:
أكمل الفراغات التالية بإسم علاقة واحدة فقط ( أخ، عم ، جد ، ابن أخت ، إلخ)
1/ الرضية ............ بابكر.
2/ بابكر ............. الرضية.
3/ التاية ............. عثمان.
4/ أحمد ............ بابكر.
5/ عثمان ......... الرضية.
| |
|
|
|
|
|
|
|
|
|
Re: مشكلة منطقية من يحلها؟ (Re: قصي محمد عبدالله)
|
ابو الريش اقرأ الحل تاني يا اخي.
مستر قباني، سنو يا مستر قباني يا اخي!!!!!
كوستاوي، كيف الجرجير السنة دي؟
السنة دي انا زرعتا فلفلية، كوسة، خيار، و كم نوع طماطم. ح أستني شوية و ازرع جرحير. و ملوخية.
آه نسيت، أنتو لسه التلج نازل عندكم ops
ايمن، ده التوجه الحضاري يا اخي. مرفعين و خروف في مركب ذي امرأة و رجل في مركب.
| |
|
|
|
|
|
|
|
|
|
Re: مشكلة منطقية من يحلها؟ (Re: smart_ana2001)
|
يا ابوريش كل زول ح يركب المركب مع مرته و ينزلها في البر و يرجع هو بالمركب. اخر واحد يصل ح ينزل مع مرته و يرجع المرتين التانيات بالمركب. عشان ما تقولوا ليه مالك ماسك نسوان الناس من غير رجالهم.
المرتين ح يرجعوا الجزيرة. الراجلين اللي في الجزيرة ح يركبوا مع بعض و يمشوا البر. لاحظ خلوا المرتين براهم في الجزيرة.
يقوموا واحد من الرجال يرجع بالمركب. يسوق مرته و يرجع بيها البر. و بخلي مرة براها قاعدة في الجزيرة.
و لما أخينا يصل البر، راجل المسكينة اللي خلوها براها دي يرجع ليها يسوقها و يجي البر.
انا و ابو الريش اصلوا ما حصل اتفقنا في شيء
| |
|
|
|
|
|
|
|
|
|
Re: مشكلة منطقية من يحلها؟ (Re: smart_ana2001)
|
يا اسمارت دققى القراءة
Quote: الرحلة الاوالى: يمشي Man A وWomanA فى المركب.
تبقى WomanA فى البر
و يرجع Man A بالمركب للجزيرة.
الرحالة التانية: يمشي Man B وWomanB فى المركب. |
يعنى الرحلة التانية Man B حيكون مع WomanB وWomanA فى البر
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
| Quote: يقوموا واحد من الرجال يرجع بالمركب. يسوق مرته و يرجع بيها البر. و بخلي مرة براها قاعدة في الجزيرة. |
اها دا برضو غلط يا اسمارت، لأنو فى اللحظة اللى حيصل الجزيرة حيكون براه مع مرتين.. يعنى حتكون فى مرة قاعدة مع ناس فيهم رجل وزوجها مافى.. ولو لثانية واحدة، ولو حتى ما نزل من المركب.
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
يا ابو الريش جننتنا
مرتين يسوقن المركب
تنزل واحدة و التانية تمشي تجيب التالتة
ترجع واحدة تجيب زوجها
تنزل المرة و يرجع الزوج
يجيب راجل تاني
ترجع بالمركب زوجة الرجل الاخير بالجزيرة تجيبو و تجي .
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
| Quote: 1- مرتين يسوقن المركب يمرقنبو |
ابو الريش دي البداية الصحيحة فعـلا
ترجع واحدة ,,,,,
تسـوق التانية معاها و تنزلها مع اختا
ترجع تقعد مع راجلا و يركب الراجلين
واحد ينزل مع مرتو والناني يرجع هو و مرتو معاهو
ينزل المرا و يسـوق معاهو الراجل
بهناك ينزلو الاتنين و يرجع الراجل الكان في الضفة التانية مع مرتو
ينزولو الاتنين و يركبو المرتين و ينزلن بهناك
يركب الراجلين و يعودا بالمركب و ينزلو و يركب الراجل ومرتو
ينزل مرتو ويرجع
يركب معاهو واحد ينزلو بهناك و يرجع يســوق التاني
و ذي ما قالوا ليك يفجرو المركب ( مش ســلفيين )
| |
|
|
|
|
|
|
|
|
|
Re: مشكلة منطقية من يحلها؟ (Re: waleed dawash)
|
يا وليد اجيب ليك كلامك كلو..
Quote: مرتين يسوقن المركب
تنزل واحدة و التانية تمشي تجيب التالتة
ترجع واحدة تجيب زوجها
|
أول ما جابت زوجها بقى فى رجل مع تلات نسوان.. كونه ما نزل من المركب ما عندها معنى
Quote:
تنزل المرة و يرجع الزوج
يجيب راجل تاني
|
أها دى برضها مشكلة لأنه فى رجلين وثلاث نساء فى البر، الثالثة زوجها فى الجزيرة
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
سلام و تحية ،،،
1. يمشي women A و women B في المركب.
2. women B ترجع بالمركب للضفة الأولي.
3. يمشي women B و women C في المركب.
4. women C ترجع المركب للضفة الأولي.
5. يمشي man A و man B في المركب.
6. man B و women B يرجعو المركب للضفة الأولي.
7. يمشي man B و man C في المركب.
8. women A ترجع المركب للضفة الأولي.
9. يمشي women A و women B في المركب.
10. women B ترجع المركب.
11. يمشي women B و women C في المركب.
| |
|
|
|
|
|
|
|
|
|
Re: مشكلة منطقية من يحلها؟ (Re: الطيب الجاك)
|
الرحلة الأولى من الجزيرة: إمرأتان تركبا المركب واحدة تنزل فى الساحل والتانية ترجع للجزيرة
الرحلة الثانية: المرأة الرجعت تركب المرأة الثالثة وتنقلها للساحل
(الثلاث نساء فى الساحل، والثلاث رجال فى الجزيرة)
الرحلة الثالثة: واحدة من النساء الثلاث من الساحل ترجع الجزيرة، تنزل مع زوجها فى الجزيرة، والرجلان الآخران يركبا للساحل
(رجل وزوجته فى الجزيرة ، ورجلان وزوجتيهما فى الساحل)
الرحلة الرابعة: من الساحل يركب رجل وزوجته للجزيرة، تنزل المرأة لتبقى مع المرأة الموجودة بالجزيرة، ويرجع الرجلان للساحل
(إمرأتان فى الجزيرة ، ثلاث رجال وإمرأة فى الساحل)
الرحلتين الخامسة والسادسة: من الساحل تركب المرأة لتعود للجزيرة، تقوم برحلتين لنقل المرأتين من الجزيرة للساحل ويتلم كل الشمل.
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
| Quote: يا شيخ قصى ما فى مشكلة انو مرة تكون براها فى اى حتة من الحتات التلاتة |
كيف الكلام ده يا ابوالريش؟
ده موش قانونك؟
| Quote: أى مرة لازم تكون مع مرة او مرتين |
ده اسمه تغيير القوانين في نص البحر، قصدي اللعبة
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
| Quote: 1- مرتين يسوقن المركب يمرقنبو |
مرتين يسوقن المركب --- يتبقى على الجزيرة 3 رجال ومرة
ترجع واحدة بالمركب وتاخد راجلها وترجع للبر --- في الجزيرة في "راجل ومرتو" + راجل... (حلال)
يرجع الراجل بالمركب للجزيرة --- في البر في مرتين وفي الجزيرة في "راجل ومرتو" + راجل
يركب الراجلين ويتبقى الــ "الراجل ومرتو" بالجزيرة --- ينزلوا بالبر وتجي اي واحدة راجعة للجزيرة --- يتبقى بالبر مرة مع راجلها + راجل (حلاااال)
وتنزل المرة بالجزيرة ويركب "الراجل ومرتو" و راجل المرة الخليناها بالجزير يجي ياخدها على راحتو --- ويتبقى بالبر جوزين جوزين
-------------------
"الراجل ومرتو" ما بتفارقوا ابدا
| |
|
|
|
|
|
|
|
|
|
Re: مشكلة منطقية من يحلها؟ (Re: محمد درار)
|
يا رشـا حل احيمر ما صاح:
(مرتين يسوقن المركب يمرقنبو)
ترجع واحدة ,,,,,
تسـوق التانية معاها و تنزلها مع اختا (3 نسوان برة و3 رجال فى الجزيرة - المركب مع النسوان)
ترجع تقعد مع راجلا و يركب الراجلين(رجلين ومرتين فى البر معاهم المركب، ورجل ومرة فى الجزيرة)
واحد ينزل مع مرتو والناني يرجع هو و مرتو معاهو (رجل ومرته فى البر ورجلين ومرتين فى الجزيرة معاهم المركب)
ينزل المرا و يسـوق معاهو الراجل (ثلاثة رجال ونرتين فى البر معهم النركب ومرة فى الجزيرة براها)
بهناك ينزلو الاتنين و يرجع الراجل الكان في الضفة التانية مع مرتو (هنا المشكلة واترك لك التحليل)
والباقى كله مشاكل
ينزولو الاتنين و يركبو المرتين و ينزلن بهناك
يركب الراجلين و يعودا بالمركب و ينزلو و يركب الراجل ومرتو
ينزل مرتو ويرجع
يركب معاهو واحد ينزلو بهناك و يرجع يســوق التاني
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
باستثناء وجود المرأة لوحدها الحل سليم
طيب سؤال:
لا يجوز ان يخلو رجل بامرأة
1/هل يجوز ان يخلو بامرأتين؟
2/ هل يجوز ان يخلو بامرأتين اذا كانت احداهما زوجته؟
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
Quote: السؤال
هل يجوز للخاطب أن يتحدث مع خطيبته عبر الهاتف أو معها مباشرة ولكن مع وجود شخص ثالث
ولكن في بعض الأحيان لا يكون محرما بل قد تكون امرأة؟
الإجابــة
الحمد لله وصلى الله وسلم على محمد وعلى آله وصحبه وبعد:
فقد تقدم في الجواب رقم: 1847 أن المخطوبة تعتبر أجنبية من خاطبها ، فتحرم الخلوة بها كغيرها من الأجنبيات ، وأن الكلام عبر الهاتف لا يعتبر خلوة بالمعنى الشرعي، وأما الخلوة بها مع وجود امرأة واحدة فقد اختلف الفقهاء في جوازه ، والمشهور جوازها عند أمن الفتنة ، كما ذهب إليه المالكية ، والشافعية ، والحنابلة ، قالوا: إن الخلوة بالأجنبية تنتفي بحضور محرم لها ، أو زوج ، أو امرأة ثقة ، لأن الخلوة بها مع وجود هؤلاء يمنع وقوع المحظور ، وفي حاشية الجمل: " يجوز خلوة رجل بامرأتين ثقتين يحتشمهما ، وهو المعتمد " وحيث انتفت الخلوة فلا بأس بالحديث العادي إذا أمنت الفتنة ، وكانت هناك مصلحة شرعية تدعو للحديث.
والله أعلم. |
| |
|
|
|
|
|
|
|
|
|
Re: مشكلة منطقية من يحلها؟ (Re: Abureesh)
|
Quote:
Quote: 2/ هل يجوز ان يخلو بامرأتين اذا كانت احداهما زوجته؟
لا يجوز، ومن باب اولى السؤال رقم واحد لا يجوز.
|
بإختصار الحرمة ما بتتكشف على رجال فى غياب زوجها
وإسمارت علفت تعليق ظريف (إسمارت) إنها إفتكرت الزوجة ممكن تكون محرم للنساء الأخريات!
يا أبو الريش ما عرفنا الجايزة شنو
| |
|
|
|
|
|
|
|
|
 نواصل في المتاهات: العقدة الثالثة! (Re: Abureesh)
|
نواصل في المتاهة،
العقدة "ج"
بعد ما وصلو الحلة سالمين،
وبعد مدة من الزمان،
أمنة مرة أحمد ماتت،
وبعد وقت قصير مات على راجل ليلى!
بعد سنة من آخر وفاة، وفي ليلة واحدة...
تزوج أحمد التاية بت ليلى، وبعد سنة جابو ليهم بت سموها الرضية،
وتزوج عثمان ولد أحمد ليلى أم التاية، وجابو ليهم ولد سموه بابكر.
السؤال:
أكمل الفراغات التالية بإسم علاقة واحدة فقط ( أخ، عم ، جد ، ابن أخت ، إلخ)
1/ الرضية ............ بابكر.
2/ بابكر ............. الرضية.
3/ التاية ............. عثمان.
4/ أحمد ............ بابكر.
5/ عثمان ......... الرضية.
| |
|
|
|
|
|
|
|
|
|
Re: نواصل في المتاهات: العقدة الثالثة! (Re: نادر الفضلى)
|
Quote:
1/ الرضية .عمة .. بابكر.
2/ بابكر ...خال.......... الرضية.
3/ التاية ....أم ......... عثمان.
4/ أحمد .....جد....... بابكر.
5/ عثمان ... أخ...... الرضية. |
مشاركة مقدرة، التاية أم عثمان من باب الإحترام والتقدير!
| |
|
|
|
|
|
|
|
|
|
Re: نواصل في المتاهات: العقدة الثالثة! (Re: قصي محمد عبدالله)
|
يا ابوالريش
اخوك ما من النوع القاعد يغلبو شي، اي شي
اها شوف دي ما بتخارجنا:
| Quote: وكانت هناك مصلحة شرعية تدعو للحديث |
اخونا نادر
| Quote: إفتكرت الزوجة ممكن تكون محرم للنساء الأخريات! |
اسمارت ما غلطانة:
| Quote: الخلوة بالأجنبية تنتفي بحضور محرم لها ، أو زوج ، أو امرأة ثقة |
| |
|
|
|
|
|
|
|
|
|
Re: نواصل في المتاهات: العقدة الثالثة! (Re: الشفيع وراق عبد الرحمن)
|
Quote:
Quote: الخلوة بالأجنبية تنتفي بحضور محرم لها ، أو زوج ، أو امرأة ثقة
|
الشفيع ... طيب الرجل المنفرد فى الجزيرة مع زوجته وإمرأة أخرى
لو قام وزع زوجتة قال ليها أمشى لمى لينا حطب أطبخ لينا حاجة
ناكلا، وشدى لينا شاى يفك لى الصداع الداير يكسر راسى
دا مشروع خلوة مع المره التانية
| |
|
|
|
|
|
|
|
|
|
Re: نواصل في المتاهات: العقدة الثالثة! (Re: الشفيع وراق عبد الرحمن)
|
هاكم دي
دخلت في المغارة و لقيت عشرة صناديق متشابهة تماماً و في كل صندوق مية قطعة من الذهب الخالص
القطع الذهبية متشابهة في شكلها الخارجي تماماً و لا يمكن التفريق بينها بالنظر
يوجد تجوبف داخل القطع الذهبية و وزن القطعة 10 جرام في جميع الصناديق ما عدا صندوق واحد وزن القطعة منه 9 جرام لأن التجويف داخل قطعه اكبر قليلاً
يوجد ميزان و لكن يسمح لك بإستخدامه مرة واحدة فقط و أي قطعة تخرجها من صندوقها لا يسمح لك بإعادتها إليه
في باب المغارة يقف مارد سيسمح لك بحمل 9 صناديق فقط على أن يكون مجموع وزن ما تحمله من الذهب هو 8100 جرام لا أكثر و لا أقل
ملحوظة: المارد في الباب شرس جداً و من الممكن أن يفتعل معك مشكلة ذات نهاية غير سعيدة إذا كان وزن ما تحمله اكثر من 8100 جرام و لكنه سيكتفي بطردك من المغارة و الضحك عليك قفط إذا كان وزن ما تحمله اقل من 8100 جرام
| |
|
|
|
|
|
|
|
|
|
Re: نواصل في المتاهات: العقدة الثالثة! (Re: Hafiz Bashir)
|
حافظ صباحاتك بخير..
ياخى اديك مفتاح الحل، لكن ما فى طاقـة اواصل..
تختار اى 9 صناديق...
تطلع قطعة من الاول... قطعتين من التانى... ثلاث قطع من الثالث................... لحد ما تجى للتاسع تطلع منو 9 قطع، ثم توزن الصناديق.
| |
|
|
|
|
|
|
| |
Abureesh
معروف حمدين
عزام حسن فرح
Nasr
smart_ana2001
nabielo
Kostawi
أيمن محمود
يحي قباني
waleed dawash
رشا سالم
نادر الفضلى
الشفيع وراق عبد الرحمن
Hafiz Bashir
فيس بوك
تويتر
انستقرام
يوتيوب
بنتيريست