|
عفيت منك يا محمد ضياء
|
امس الثقيل امين حسن عمر قعد زى الضب كل ما دار يتلائم ويسخر محمد ضياء يديهو فى راسو
يتكلم محمد ضياء عن الفساد يرد امين عن العراق وديكتاتورية وفساد البعث رد عليه محمد ضياء بحزم خليك من العراق واقعد فى فسادك دا
ايضا عندما تحدث الفاضل منو كدا برضو كوز وقال محمد ضياء اهو بيتكلم بحرية رد محمد ضياء يازول الحرية دى جبناها بضراعنا وما فى زول بيديها لينا
برضو رد بحزم على الطاهر التوم مقدم برنامج عندما قال محمد ضياء يا امين انتو جيتو بانقلاب انبرى الطاهر للدفاع وقال انتو البعثيين ما عملتو انقلاب رد محمد ضياء يا زول انت بتدير الحوار مفترض فيك الحياد
ايضا الصحفى النور تحدث بشكل جيد عن قضايا الفساد وسلحفائية التحقيق وضرب مثال بخط هيثرو
غايتو فى نهاية الحلقة امين وشو يلعن قفاو
|
|
|
|
|
|
|
|
Re: عفيت منك يا محمد ضياء (Re: mohmmed said ahmed)
|
بالله يا محمد او أي واحد من الزملاء اتمني ينزل تسجيل الحلقة كاملا لاول مره احضر تلك الحلقة كاملة وانبسطت من محمد ضياء لانه الجم ذلك الجربوع حجرا ودرسا لن ينساه حتي عمد الي التهديد والوعيد في انتظار التسجيل
| |
|
|
|
|
|
|
Re: عفيت منك يا محمد ضياء (Re: طارق ميرغني)
|
تسلم البطن السودانية الجابت مثل الاستاذ محمد ضياء الدين.. شجاعة ومنطق وردع حاسم وصارم ومشحون بالحجة والحقائق في وجه الدجال امين حسن عمر والكوز البشبه اخو بشة القاعد جنب امين حسن عمر وحتي الطاهر او اي كان اسمه مقدم البرنامج اخد في راسه امس...!! اعتقد بان مثل هذه الطلات الاعلامية للشرفاء من ابناء هذا الشعب مهمة كونها ترسل اشارات تعبئة قوووية وتفضح الحرامية ديل وتكابسهم في عقر القنوات التي شيدوها من عرق ومال هذا الشعب وشكرا محمد سيد احمد وشكرا محمد ضياء كونك منحتنا بالامس ليلة مشبعة بالامل ومترعة بالثورية وكونك جندلت وردمت ومنطقت وكرفست لي الزول الشعرو عامل زي حواشة القطن ده.. وسنتابع
| |
|
|
|
|
|
|
Re: عفيت منك يا محمد ضياء (Re: عبدالكريم الامين احمد)
|
Quote: امس الثقيل امين حسن عمر قعد زى الضب كل ما دار يتلائم ويسخر محمد ضياء يديهو فى راسو
يتكلم محمد ضياء عن الفساد يرد امين عن العراق وديكتاتورية وفساد البعث رد عليه محمد ضياء بحزم خليك من العراق واقعد فى فسادك دا
ايضا عندما تحدث الفاضل منو كدا برضو كوز وقال محمد ضياء اهو بيتكلم بحرية رد محمد ضياء يازول الحرية دى جبناها بضراعنا وما فى زول بيديها لينا
برضو رد بحزم على الطاهر التوم مقدم برنامج عندما قال محمد ضياء يا امين انتو جيتو بانقلاب انبرى الطاهر للدفاع وقال انتو البعثيين ما عملتو انقلاب رد محمد ضياء يا زول انت بتدير الحوار مفترض فيك الحياد
ايضا الصحفى النور تحدث بشكل جيد عن قضايا الفساد وسلحفائية التحقيق وضرب مثال بخط هيثرو
غايتو فى نهاية الحلقة امين وشو يلعن قفاو |
إلى الأمام يا شرفاء بلادي
| |
|
|
|
|
|
|
|