|
حقيقة عمار محمد ادم
|
من المستحيل ان يقوم عمار بكشف اسرار تنظيمه الاجرامي الذي "كان"! ينتمي له و دي ما دايرة اتنين تلاتة عمار..داير يتونس و يضحك على اعضاء سودانيزاون لاين و يشوف تعليقاتهم علي ابتداره بعض الاحداث الغامضة التى عاصرها في اوقات سابقة، خاصة عندما كان كادراً للعنف بجامعة الخرطوم
الموضوع برمته...ضحك و ونسة
|
|
|
|
|
|
|
|
Re: حقيقة عمار محمد ادم (Re: سعد مدني)
|
و الحديث ادناه للاستاذ حاتم الياس و احسبه صادقاً 100% في روايته لوقائع هذه الحكاية
Quote: خلينى أحكى ليك دى قبل كده عمار محمد ادام جاى زهجان ويكشت لقى صحفيين قاعدين تحت شدره جنب ست شاى اتناقشوا وأتونسوا واداروا حوارهم عن المهنة والشان العام الخ..عمار لقى زول شايل ليهو لابتوب قال ليهو افتح سودانيز أون لاين فتح ليهو سودانيز اون لاين قال ليهو أدور ليك الناس ديل هسع..كتب ليهوا عنوان مثير كده وأتخارج لم يدخل ولاحرف فى البوست بعدها تداخل العشرات فى بوست عمار وهو مشى وتانى ماجا فتح موبايل خلى كمبيوتر يعنى ألقى الأمر خلف ظهره..كان هذا الأمر مادة لتندر الصحفيين فى انو الناس الهنا ديل ..كائنات سياسية فائقة النشاط |
| |
|
|
|
|
|
|
Re: حقيقة عمار محمد ادم (Re: فرح الطاهر ابو روضة)
|
سلامات فرح
يعني نستفيد شنو انو علي عثمان ناداهو و خلع جزمتو..و الارض موكيت و تحدثوا عن ايران و الاقتصاد..و في زول قاطع كلامهم ..يا زول انا متأكد انو عمار يضحك- وهو واقع على الارض - على الاعضاء و هو بشوف تعليقاتهم هنا..و شكره..و تهنأته بالرجوع للحق و..و.. و منتظرين بشغف عظيم جداً انو عمار يكشف اسرار التنظيم الاجرامي للكيزان
| |
|
|
|
|
|
|
Re: حقيقة عمار محمد ادم (Re: فرح الطاهر ابو روضة)
|
خليك من عمار البكون انشرط بالضحك انا ذاتي بقيت اضحك على ردود بعض الاعضاء هنا و الذين يناصرون الكيزان عداوة شديدة تجدهم يردون بمنتهى التهذيب و اللباقة و اللياقة لعل و عسى يؤثر ذلك في عمار و يكشف ليهم شوية من اسرار الاحداث التي حدثت في جامعة الخرطوم في ذلك الوقت، و ما وراء الكواليس و اسرار تنظيهم الاجرامي الذي كان في بداية تمكنه من الحكم. و عمار يحدثهم عن انه ورث بيت من حبوبة زوجته و انه معجب بالطالبة الالمانية السودانية الادتو كف الخ من احاديث شهرذاد الى ان يدرك عمار الصباح و يكون اتونس و ضحك....
| |
|
|
|
|
|
|
Re: حقيقة عمار محمد ادم (Re: سعد مدني)
|
سلام للجميع عمار ككادر عنف بالجامعة في الثمانينات لا يحتاج لإعتراف منه ,, والصفعة التي تلقاها من إبنة الشاعر النور عثمان ابكر مشهورة ببقا عمار ممكن يقول شنو والناس ماعارفاهو ? وهل ما يقوله يبرئه ? وهل ما يقوله ينبع من احساس حقيقي بسوء فعله سابقا ? ثم والأهم ماهو موقفه الآن ? هل موقفه من غبن شخصي ام هو موقف فكري مبني علي حقائق موضوعية عموما الإحتفاء بالشخوص الخارجين عن النظام يكفي منهم موقف الترابي !?
| |
|
|
|
|
|
|
Re: حقيقة عمار محمد ادم (Re: عبدالحفيظ ابوسن)
|
تحياتي عبد الحفيظ
Quote: عموما الإحتفاء بالشخوص الخارجين عن النظام يكفي منهم موقف الترابي !?
|
هذه خلاصة الموضوع المشهور عن رجالات عصابات المافيا الايطالية انه اذا ترك احدهم هذا التنظيم فانه يظل وفياً لاسراره حتى وفاته.
| |
|
|
|
|
|
|
Re: حقيقة عمار محمد ادم (Re: سعد مدني)
|
سعد مدنى كيف حالك غايتو العارفه انا انه عمار ده طرد الطيب مصطفى عندما جاء ليعزى فى وفاة حميد بعد ان كان عنوان الصحيفة صبحية موت حميد (مصرع الشاعر حميد) والله من وراء القصد،،،
| |
|
|
|
|
|
|
Re: حقيقة عمار محمد ادم (Re: صديق الموج)
|
الزول دا موهوم ساكت بعدين التنظيم المجرم استغل حجمو الكبير دا لو كان عندو شي في راسو ما كان بقي عضو حماية للعراب الترابي! حتي في دي فشل( يقال انو كان مرافق الترابي في كندا) فيةاعلقة الشهيرة بتاعت البطل هاشم بدر الدين.
| |
|
|
|
|
|
|
Re: حقيقة عمار محمد ادم (Re: مرتضي عبد الجليل)
|
تحياتي مرتضى
الفهمتو انا من الموضوع انو مرات بكون زهجان و قرفان يقوم يفتح بوست جديد عشان يقضي وقت ممتع في سودانيزاونلاين و الناس جارية وراهو باعتباره يملك الكثير من الاسرار من تنظيم الكيزان الاجرامي و لكن يلقوها عند الغافل و الناس ما ح تطلع منو باي حاجة افضل ما قدمه..انو حجم جسمه كبير و صوتو جهور و تم توظيفه ككادر عنف بدني و لفظي
| |
|
|
|
|
|
|
Re: حقيقة عمار محمد ادم (Re: عبدالحفيظ ابوسن)
|
سلام سيد البوست والضيوف
طيب البوست الحصل عليو شنو اتسحب يعني لاني ما لقيتو؟؟؟؟؟؟؟؟؟؟؟؟
Quote: عموما الإحتفاء بالشخوص الخارجين عن النظام يكفي منهم موقف الترابي !? |
دا الزيت يا ابوسن
تسلم
| |
|
|
|
|
|
|
Re: حقيقة عمار محمد ادم (Re: عمار محمد ادم)
|
الأخ عمار تحياتي و تقديري
نقدر لك هذا الحب الكبير لنا جميعاً و تهانينا لرجوعك للحق..و ابرائك لذمتك على منبرنا العزيز نرجو ان تحدثنا عن الفترة التي كنت فيها كادراً عن العنف و من الذين تضرروا منك، و ما هي اسماء كوادر الكيزان في تلك الفترة ما هي اسرار انقلاب 30 يونيو ما هي استراتيجيات هجوم الكيزان على الطلاب في الجامعات ما هي الاسرار التي قالها لك علي عثمان طه بعد خلعك حذائك و مقابلته في منظمة الدعوة الاسلامية
note ارجو ان تقدر تهذيبي و احترامي الكبير اعلاه
| |
|
|
|
|
|
|
Re: حقيقة عمار محمد ادم (Re: فرح الطاهر ابو روضة)
|
Quote: وما خلع جزمتوا لانو الصالة كانت مفروشة |
الأخ أبا روضة بعد السلام نحكي ليك حكوة بخصوص خلع النعلات دي. واحد كنت سنير عليهو عندما كنا طلاب بالجامعة. بكل أسف وصراحة الزول كان من الطلبة الفقراء وبياخد بيرسوري من الجامعة آنذاك.. وترك الدراسة لضيق ذات اليد.. ومشى مصر وقعد كم سنة وجاء بلا شهادة. لكن تتذكر حكاية بنوك العيش .. ضرب ليهو كم (ميلون) جنيه من جنيهات آخر عهد النميري وبقى من الشخصيات التي يشار إليها بالبنان. عاوز يدخل تجارة الصمغ. طلبني فذهبت إليه في مكتبه بالخرطوم. عندما هممت بالدخول أمرني الباشبوزق الواقف في الباب أن أخلع نعلاتي. قلت له: نعالتي دي لبستها من داخل غرفتي وركبت عربتي ولم أطأ أي ارض خلاف باب عمارتكم.. النجاسة تجيها من وين؟ يا أدخل بنعلاتي ولا ما داخل؟ زولك دا في الجامعة كان صلاة ما بصلي هسع نزل عليهو وحي من السماء ولا شنو؟ أخطره وتركني دخلت بنعلاتي ولكن لم أتفق معه وخرجت ولم أعد لمكتبه حتى علمت أنه أفلس بعد العام 1999 فالزول مشى مع الشيخ. والجماعة ما قصروا معاه أرجعوه للمربع الأول.
وما تنسى هذا الرابط لصفحتي في اليوتيوب فرأيك ومقترحاتك تفيدنا في تقديم خدمة متميزة للمتصفحين.
http://www.youtube.com/user/KabbashiSudan
تحياتي.
كبـّاشي الصـّـافي
| |
|
|
|
|
|
|
Re: حقيقة عمار محمد ادم طلع ماسورة (Re: nazar hussien)
|
انتو مرة تقولوا الزول ده كيسو فاضى وما عندو التكتح ومرة تقولولى حلاتك تعال فت لينا جماعتك الكنت معاهم بالمنا سبة انا بكتب للشعب السودانى العظيم الذى من حقه على ان يعرف لانه يستحق ان يعرف وبعد خطاب الرئيس واعلان اطلاق الحريات دبجت مقال ليهو ضل وذهبت به الى احدى الصحف وظللت انتظر نشره ولما طال انتظارى ذهبت الى رئيس التحرير الذى اعتذر لى بعدم قدرته على النشر .مع العلم اننى صحفى منذ 1986 ولدى قيد صحفى وبطاقة من اتحاد الصحفيين لكننى لا استطيع ان اعمل فى اى صحيفة واتعامل مع النت متى ما وجدته لعدم الاستقرار.
| |
|
|
|
|
|
|
|