|
|
 اهات انسان !
|
اهات انسان
اهات الزول المتهالك ,, اهات من جووه السودان
اهات الشعب بتتصاعد ,, تطلع تتشكل نيران
ودموع الشعب بتتساقط تجري وتتكون فيضيان
والشعب مهاجر غضبان
لو تمشي تتاوق بي بره
بي تلقي نظامك عريان
الجمره بتكوي الواطيها ,, يا قادة نهيتو السودان
أطفالنا بتصرخ جيعانه
,, ليه عمو قفلته الدكان ؟
دي الحالة بتهري المصران
واطفالنا بتصرخ غرقانة
وحريمنا باتت حيرانا
وبيوتنا شالها الفيضان
’’’
يا بشه دفاعك ماسورة ,, وسودانا زي الغربال
اخبارنا بره بتتسرب ,, للعالم فاتت اميال
وجنيهنا قاعد يتسكع ,, ويجدع فوق الاطلال
ده جنيهنا لابس سلسال
لا قيمة لا بستر حال
وبترولنا قاعد يتدلل ,, بيفكر يرجي الاجيال
تاريهو نظامك محتال
النيل بتعبأ في جرادل ,, قال طافش ماشي الشيشان
شوفوهو يجاهد تعبان ,, والشعب يجاهد عطشان
وشوف نيلك دائما عكران
والمويه الصافية الشافوها ,, شربوها اكيد الاخوان
شيل ايدك ,, شعبك غضبان
يا زول بشكيرك بيترقص ,, والكوز في مويتك عكران
يا بشه لازم تتحاكم شيل شيلتك بره السودان
وشيل برضو عصاتك واتفضل ,,
ومعاك اكيد الكيزان
شعبك في نظامك يتعجب ,, يتعجب منك حيران
لسانك دائما بتحدي ,, ووعودك تأذي السودان
يا بشه كلك علي بعضك ’’’ يا بشه كلك سجمان
,,,
شيل عصاتك واتفضل ,,
وسوق برضو معاك الكيزان
- بت علي
|
|
 
|
|
|
|
نعمات عماد
ابراهيم الفاضل
فيس بوك
تويتر
انستقرام
يوتيوب
بنتيريست