|
|
 كنت اخا مسلما اقدم نفسى للمحاسبة العامة
|
البيت الذى اقيم فيه فى حى الزين الشابك(القادسية) اشتريته قطعة ارض(حيازة) 1988 اشتريته بمبلغ 29000 جنيه فى ذلك الوقت وهوشراكة بينى وبين المرحومه زوجتى كان مسقوفا بالزنك وعند مفاصلة الاسلاميين 1988 كنت اكتب فى صحيفة الشارع السياسى الصفحة بمبلغ 150 جنيه يوميا كان سعر الكمرة 77 ونحول سقف بيى بذلك الى عقد بالكمر اما بيتى الاخر فقد كنت امتلك تكسى هنتر بدلته بقطعة الارض مع مبلغ ستين جنيه تدفع بالاقساط لستة اشهر التكسى كان حقوق فصل من العمل وهى 85تمتلك اسرتى ورثة من المرحومة زوجتى وهى قطعة ارض سكنية بخى الهدى مربع 10 امتلك سيارة اوتلاندر ميستوبيشى وهى من مبلغ 43 مليون دفعت فى كشف الوفاة ولدى قطعة ارض بالقرير وورثة من جدى ادم خليفة ,ها انا كواحد من الاسلاميين السابقيين اقدم نفسى للمحاسبة ومن له على اى شى نهبته من الامة السودانية اوا ضررت به الاقتصاد الوطنى او فى مجال حقوق الانسان مع العلم اننى كنت فى الانقاذ فى سنواتها الاولى .
|
|
  
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
لك التحية
وطوبى لمن قال هذا ظهري مكشوف اليكم فاقتصوا مني لو لكم على دين
تسلم على كل حال
والشعب السوداني ده معلم وقادر على ان يخرج من بين ظلماتهم كمين مستنيرين يدركون
ما يسير عليه قوماً تمادوا في الضلالة والظلم
وجيروا لكل ما هو قبيح بقول هذيل قبيح
شكراً لك لمجرد انك نويت ان تكون مبادراً ومدافعاً عن نفسك وعن وسائل كسبك
وتحييييييييييييييييييييية
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: الامين محمد علي)
|
ليت الجميع يحذو حذوك
ليتهم يعودون إلى صرح الإسلام الحنيف
الإسلام الذي اتخذوه بضاعة يمتطون به ما يريدون الوصول إليه من عرض الحياة الدنيا
يتلاعبون به كيفما يشاء لهم فكرهم الضال
يحرفون الكلم عن موضعه
يحللون ما حرم الله وما لا تقبله الفطرة السوية
ليتهم يعودون بشراً بعد أن أعماهم الضلال
وحولهم إلى وحوش لا تعرف الرحمة
ولا تعترف بآخر عداها
خطوة شجاعة منك
وبادرة كريمة
وأظنك لم تكن تشبههم أصلاً وإلا لما أقدمت على ما أقدمت عليه الآن
وما شُهد لك به في المداخلة الفائتة من أخي الأمين محمد علي
تحياتي واحترامي
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: بله محمد الفاضل)
|
Quote: رغم كل شي يخص تاريخك وخاصة ارتباطه بسنوات الانقاذ الاولى.....
الا اني شخصياً لن انسى لك جرأتك في فضح تزوير انتخابات اتجاد طلاب جامعة الخرطوم في ( نوفمبر 93) |
الاخ محمد علي الامين تحياتي
تزوير انتخابات جامعة الخرطوم تم اكتشافه من قبل الطلاب وتنظيماته انذلك ومباشرة في اليوم التالي من تلك اليلة الحالكة ،كان التزوير غبيا وواضحا للعيان
واكدت تسريبات من بعض العاملين البسطاء الشرفاء في دار الاتحاد انذك ان تعديلات اجريت في الغرف التي احتوت الصناديق !
لا اذكر ان صاحب البوست وهو القيادي في ذلك التنظيم دعي لمخاطبةتاني يوم يكشف فيها التذوير!؟
واضح جدا ان النذاهة وعفة اليد عملتين نادرتين في هذا التنظيم الفاسد،فهنيئا .
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عبدالكريم الامين احمد)
|
Quote: كواحد من الاسلاميين السابقيين اقدم نفسى للمحاسبة ومن له على اى شى نهبته من الامة السودانية اوا ضررت به الاقتصاد الوطنى او فى مجال حقوق الانسان
مع العلم اننى كنت فى الانقاذ فى سنواتها الاولى . |
عمار ســلام
ارى أن دا ما كافي ليكون تحــلل يا خي
إبـراء ذمـتك يجـد التحية والتقديــر و لكن ماذا عن الأفعـال غير المرتبطة بالمال
مثـل العـنف ..................... الخ
اتوقــع منـك نقــد لكامل تجربتك مع الجماعة
Quote: اتوقع وفي اطار المحاسبة والمكاشفة ان نري مراجعة من (مقولة سقط هبل سقط هبل) تلك المقولة الشهيرة التي اطلقتها ابان اعدام الاستاذ الشهيد محمود محمد طه
من قبل الطاغية جعفر نميري.... وهي جزئية مربوطة ارتباط اساسي بحقوق الانسان والتهليل لاعدام الاخر وقتله من قبل الطاغوت ...
ولو خبت ليك يا عمار اي طالب اعزل بسيخة من السيخ الكان مدور دااك فالامر ايضا يقع تحت طائلة تخريب العمل السياسي في الجامعات والمعاهد العليا ومراكز العمل وينشر ثقافة العنف |
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: محمد الشيخ أرباب)
|
الأخ عمار
تحية طيبة
في رأيي أن المحاسبة العامة لا تتم هكذا وفي هذا البورد. وإنما لها شروطها وقواعدها تحقيقاً لنبدأ العدالة ورد المظالم لاهالها. لكن طالما أقريت بمبدأ المحاسبة إذن هناك تعدي وهناك جريمة. الشعب السودانى وصل مرحلة بعيدة من اللامبالاة بحيث أصبح يري ويسمع المجرمون واللصوص ينهبون أمواله في وضح النهار وبالدليل دون أن يجد عدلا وإنصافا. أنت من تدعو الناس لمحاسبتك، علي ماذا؟ هل إرتكبت جريمة في حق هذا الشعب السودانى؟ هل تعتقد بأن الاخوان المتأسلمين قد إرتكبوا جرما في حق المواطن السودانى يجب أن يحاسبوا عليه.؟ أنت من دعا للمحاكمة، ما هي الأسباب؟ هل هذه هي أدلة الدفاع عن نفسك؟ هل تعتقد أنها تكفي؟
تحدثت عن العنف اللفظي وبسطة الجسم ، هل تراها نوع من الإرهاب تحاسب عليه؟ إن ثبتت ضدك التهمة كيف يكون العاقب؟؟
الكلام كتير لكن أكتفي بهذا القدر
تحياتى
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: سيف اليزل سعد عمر)
|
نعم كنت امارس العنف اللفظى وانا طالب فى جا معة الخرطوم فى ثمانينات القرن المنصرم ولا انكر ذلك لكن بالتحديد ونحنا فى موضوع المحاسبة ارجو ات ينبرى لى واحد رانى امارس العنف ضد شخص معين او يقول ذلك الشخص لم يحدث ذلك على الاطلاق ما زلت اطالب الا تاتى الامور اتهامات ساكت باتحديد منو ونتين وكيف وطبعا انا بعرض نفسى للمحاسبة لاننى كنت واحد من الجماعة ديل وهم فعلوا فى الشعب السودانى ما لم يفعله احد من قبل طيب ان كنت محسوب عليهم فى الجوطة دى ما من حقى اقول حاسبونى خاصة هم الان فى السلطة ومستهدف من بعضهم لى درجات ما تتصوروها يعنى الان هم ما ضعاف
وقد قصدت ان ارسى مبدأ المحاسبة والنقد الذاتى.
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
شكرا لك يا عمار يا اصيل
وكما قال اخي وصديقي ارباب خروجك من هذه الجماعة الفاسدة يدل على نبلك
لا زال عليك واجب وطني وديني واخلاقي يا عمار
فارجو كتابة سيرة رحلتك مع هذه الجماعة في كتاب وكشف حقيقتهم للناس
بشرط ان تكون صادقا مع نفسك وتكشف كل الحقائق داخل الجامعة وخارجها بالتفاصيل
وصدقني سيجد هذا الكتاب اقبالا واسعا داخل وخارج السودان
لك احترامي
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: معاوية الزبير)
|
| Quote: نعم كنت امارس العنف اللفظى |
يا رجل انت كنت كادر عنف من الدرجة الاولي وكنت احد اعضاء الحماية لشيخك الترابي ومرافقا له لرحلته تلك الي كندا(الاخد فيها علقة ساخنة من من البطل هاشم بدر الدين )
المطلوب منك اعتراف كامل بدورك وكشف اسرار يحتاجها الشعب السودني في معركته ضد النظام!
الكلام بتاع انا كنت عنيف لفظيا وكلام من النوع دا ما بخارج يا عمار وانت كنت في موقع يتيح لك الالمام بالكثير من الاسرار .
ماذا قدمت للشعب السوداني منذ تركك للتنظيم؟؟
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: ذواليد سليمان مصطفى)
|
صديق الزمن الجميل عماد ادم
شكرا للنقد الذاتى .... اتمنى ان تكمل جميلك و تحدثنا عن منشورات طالب الطب عماد بابكر و التى تحدث فيها عن العلاقات لا اخلاقية بين الاخوان و الاخوات المسلمين فى الميدان الشرقى و الغربى و التى بسبها قامت الاشتباكات بين الاخوان المسلمين و التنظيمات الوطنية و عن قيادتك لكتيبة الخرساء فى تلك الاشتباكات و التى ادت الى اغلاق الجامعة........الخ
وشكرا
بكرى
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: بكرى ابوبكر)
|
Quote:
رغم كل شي يخص تاريخك وخاصة ارتباطه بسنوات الانقاذ الاولى.....
الا اني شخصياً لن انسى لك جرأتك في فضح تزوير انتخابات اتجاد طلاب جامعة الخرطوم في ( نوفمبر 93)
واظن ان هذا الموقف كان مفصلياً في مشوار علاقتك مع التنظيم...
مرحبا مرة اخرى وتحياتي.. |
عزيزى عمار:
مودتى. اول مرة التقينا كان وانت تقف على عربية حول الجغرافيا لفضح تزوير الانتخابات (94؟). كنت اشك فى هذا الكوز الذى يتحدث بكل امانة!
معاصريك فى الجامعة (وانت كوز) هم من سيوضح حقائق التاريخ.
أرقد عافية ياخوى
قبل كم سنة كنا جاينك فى البيت انا وجحا. ماتوفقنا وطشينا
أرقد عافية
×أبوبكر تمبول
| |
|
|
|
|
|
|
|
|
 Re: كنت اخا مسلما اقدم نفسى للمحاسبة العامة (Re: Abu Baker Ahmed Abdel Rahman)
|
سنة 86 ومظاهرة مارس والتى كان عمدة البركس فيها أرباب العقائد
وبعد خطبته وتجميل تيس البركس والزحف نحو داخليات البنات
أنت وقفت بسيخه بين نادى الأساتذه والدراسات الإضافيه ومنعت
الموكب من الدخول وكان ذلك تقليدا أو عرفا مقبولا يتنكر فيها الناس
ويتنفسون ولكنك أسهمت فى عدم إكماله وأدخلت فى الناس رعبا
لا مثيل له نحن كنا فى المؤخره وحسبنا الأمر كومر الإحطياطى
المركزى ولكن عرفنا أخيرا إنه عمار يعنى مقناع ولياتو??
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: munswor almophtah)
|
Quote: صديق الزمن الجميل عماد ادم
شكرا للنقد الذاتى .... اتمنى ان تكمل جميلك و تحدثنا عن منشورات طالب الطب عماد بابكر و التى تحدث فيها عن العلاقات لا اخلاقية بين الاخوان و الاخوات المسلمين فى الميدان الشرقى و الغربى و التى بسبها قامت الاشتباكات بين الاخوان المسلمين و التنظيمات الوطنية و عن قيادتك لكتيبة الخرساء فى تلك الاشتباكات و التى ادت الى اغلاق الجامعة........الخ
وشكرا
بكرى |
عمار ازيك.........
القصة دي بالذات يا بكري الكيزان ما بدوروا سيرتها.......يا ريت يا عمار تكشف المستور........
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: Nader Abu Kadouk)
|
Colleague Amar, Salaam
thank so much for the bravery'
Would u please put all u know, during ur membership with so called( Muslims brotherhood) in a book or a paper. also, why u think it is the right time to act,now. I am sure u will be straight shooter
El
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: El hadi A.bashir)
|
Elsadig Abdelbagi Fadul · الأكثر تعليقا · يعمل لدى GlobeMed Saudi
اذا كان خروجك عن تنظيم الاخوان لدواعي شخصية لا فائدة من كتاباتك ... اما اذا كان لدواعي فكرية وتنظيمية فأكتب عن كل ما شاركت فيه وما عرفته من مماراسات ضد الوطن وضد الشعب حتى تكتب عند الناس صادقاً ... ا
----------------------------------------
سلام يا عمار .. تاني وتالت
انا متاكد انك بتحمل اسرار عن تلك الايام الفظيعة في تاريخ الحركة الطلابية
وانت كنت واحد من ابطالها .. انت الان رجل عام ورايك يشكل راي الاخوان في تلك الفترة القبيحة
انتقدك لنفسك وتراجعك عما تربت يداك ويداهم في تلك الفترة موقف عظيم منك لن ينساه لك الشعب السوداني ابدا
لذا دعوتك ان تسجل خوابي تلك الفترة الكالحة السواد في كتاب يحمل شهاداتك
واسجل احترامي لشجاعتك في كشف المستور
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عبدالله عثمان)
|
كتب عمار محمد آدم
| Quote: عندما استدعانا الشيخ عبيد ختم بدوى بعد صلاة الفجر فى غرفة مجاورة لمسجد الجامعة فيما كان يعرف (بالمجمع) كنا عد من الاخوان اذكر منهم طارق محجوب وابراهيم خبرة ومحمد سعيد عبد الفتاح امرنا ان نحسم الشيوعيين اذا ما رفعوا لافتاتهم اليوم فى المسيرة التى تسيرها اللهيئة العليا لمناصرة القضية الفلسطينية وكان يترأسها السيد ميرغنى النصرى رئيس اتحاد المحامين السودانيين وكان من المفترض ان تخرج جميع تنظيمات الجامعه تحت راية الاتحاد الا ان الجبهة الديمقراطية اصرت ان تخرج بلافتاتها وهذا ما دعى الامين العام للتنظيم عبيد ختم ان يدعونا لحسمهم بالعنف..لم اصدق انها قد حانت الفرصة لافرغ شحنات العنف فى داخلى ..وفى من ؟و فى من فى الشيوعيين..الله اكبر عليهم ..وبدات فى التمارين اللازمة للمعركة القادمة نهار اليوم. |
كنت كادر عنف بالاتجاه الاسلامى جاكعة الخرطوم..(عمار محمد ادم)
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عبدالله عثمان)
|
| Quote: اما قصة الطالبة فى الجامعة فهى التى صفعتنى على وجهى |
في بوست آخر كتب عمار محمد آدم
| Quote: والله عشان ادبك ده اقول ليك الحقيقة الموضوع ابسط مما تتصورين مرتين علقت ليها على النطلون والتىشيرت المرة الاولى ما ردت على وكان تستمع الى وشكلها مهذبة المرة التانية تجاهلت كلامى ومشت انا الطاهر معجب وعامل فيها واعظ وانا ما عارف قصة المانية دى المرة التالته داخا بوتيك النشاط تانى اتكلمت معاها لاول مرة ترد على بالانجليزى قالت لى ما يخصك قمت هجت معاها بالكلام بلا صر قطعت فينى كف الغريبة ضحكت قمت دفرتها مسكتنى واحدة من الاخوات والقصة انتهت على كدة وبكرة الجرايد فى الجامعة قومت الدنيا وقعدتها اقسم بالله العظيم دى الحقبقة لكن الموضوع لذيذ والسودانيين بتاعين شمارات رحم الله والدها وتجاوز عن جميع سياته وادخله الجنة مع الابرار. |
كنت كادر عنف بالاتجاه الاسلامى جاكعة الخرطوم..(عمار محمد ادم)
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عبدالله عثمان)
|
كتب له سمير شيخ أدريس
Quote: هامش :
أيامك يا عمار .. أمام شعب ضعيف الذاكرة صرت نجم شباك ويتهافت العشرات لتزيدهم من التاريخ الاسود الذى هو أس بلاءنا الان |
وعن قصة عنفه بحسين خوجلي كتب عمار محمد آدم
Quote: طيب نفتح موضوع حسبت خوجلى تقريبا دا كان سنة1995 الوكت داك حسين خوجلى كان يهز ويرز والسلطة كلها فى يد الجبهة قبل ان تكون الجبهة كلها فى يد السلطة بى صراحة انا كنت الخاتى عليهو فى مكتب محجوب عروة قلت ليهو يا حسين انا سلمتك مقال وداير قروشو قال لى نحنا لسه ما نشرناه قلت ليهو فلان بيدينى قروشى حتى لو مانشر قال لى فلان بيخاف منك نظرت اليه كله وقلت ليهو يعنى انت ما بتخاف منى قام اتحرك من كرسيهو وقعد منى بعيد فى كرسى تانى وقال لى بكلم ليك ناس الامن هنالك اتخذت قرارى بينى وبين نفسى واضمرت امرا بعد داك انتظرت ايام كان فى ندوة ما اذكر فيها غازى سليمان الشريف زين العابدين الهندى المحبوب عبد السلام حاجة زى كدة وكانت فى قاعة الشارقة طلبت فرصة ادونى قمت قلت شايف حسين خوجلى الايامات دى كلو عمودو عن الدبابين شايفو معجب بيهم جدا هو حسين ده مايبقى دباب بالمناسبة حسين ده لو اتفجر حيعمل خسائر فادحة فى العدو وهنا ضجت القاعة بالضحك المحبوب كان بيتحاشانى ما رد على لكن كلمونى جماعة انو شال الكلام بى صمتو وداهو لى حسين هم كانوا شلة بى نسميهم اولاد امرمان واغلبهم من جامغة الفرع بكرة حسين فى عمود لالوان كلمة كتب عنوان الرجل الحلقوم وصفنى وما جاب اسمى ربع صحفى ونص طالب وسدس سياسى وحاقد كامل وكاذب استثنائى المهم طلعنى كسور وبواقى وقال انى بقول الشهداء فطايس يعنى كان بيحرض على ناس الامن والوكت داك انا لسه ما شميت الهواء طالع من بيوت الاشباح اتصلت بيهو مارد اتصلت بى مدير التحرير احمد عبد الوهاب قلت ليهو الزول ده اتصلت بيهو ما رد احمد قال لى هو حيمشى من الله وين كررت محاولات الاتصال من مكتب صحيفة المستقلة بتاعت الحامدى رد على قلت ليهو غاضبا دا شنو الكاتبو الليلة فى الوان قال لى ماتفهم غلط انت ما المقصود قلت ليهو ياحسين انا المقصود قال لى لو فاهم كدة اشتكى قلت ليهو انت عارف انا ما بشتكى قال لى ورينى رجالتك وقفل الخط...
فكرت فى الامر هل اذهب اليه الان فى عمارة الفيحاء حيث مكتبه فى الطابق الثانى وما عسانى ان افعل هناك فان الفيحاء بها وجود امنى كثيف وقد يؤدى الى فشل العملية واعتقالى مرة اخرى يا ترى هل آتيه حينما يرخى الليل سدوله فى شقته الارضية ببحرى وهل يليق ان اعتدى عليه بين اهله وامام نظر ابنائه لا ينبغى ذلك فانا اب اعلم مدى تاثير على الابناء خاصة على اطفال بريئين لا ذنب لهم صحيح اننى قد كنت فتوة ولكن باخلاق..وكان ذلك الصباح المشهود عند مدخل الكبرى من جهة بحرى لقد كانت مهمة ذلك الحجر الضخم الذى اجلس عليه ان يهشم الزجاج ويوقف عربة البوكس التى تخفى بها ذاك الصباح والعهد به ان يركب الكريسيدا الما خمج وانا اجلس على الحجر فجاءة رايت حسين خوجلى فى عربة بوكس امامى والى جواره السائق يوسف وهجمت على البوكس وانال اشبه بالوحش الكاسر لقد كنت انوى ان افرغ كل غبن بيوت الاشباح فيه وكتب حسين خوجلى (لولا مهارة السائق)فعلا لقد نجا السائق با عجوبة كما جاء فى الخبر اليوم التالى فى الوان (رئيس التحرير ينجو من محا ولة اغتيال) واصبحت مطاردا من اجهزة الامن خاصة وان بالبلاد توتر شديد فقد احتلت الحركة الشعبية الكرمك فى تلك الايام وقد اجتهد حسين خوجلى كثيرا لالقاء القبض على وتمت محاصرة مكتب غازى سليمان الذى زرته لحيظات.. |
كنت كادر عنف بالاتجاه الاسلامى جاكعة الخرطوم..(عمار محمد ادم)
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عبدالله عثمان)
|
أخى الحبيب عمار محمد آدم ..
يا سلام .. كم أنا سعيد ..
سعيد عند سمعى .. بإنسان استيقظ ضميرة ..
والمشكلة فينا نحن يا أخى .. عندما تموت ضمائرنا ..
نتشبث بخيوط هذا العالم الفانى .. وكأننا سنعيش فيها ..
خالدين أبداً .. نعم نبدأ أولاً فى البعد الحقيقى .. نعم ..
نبتعد عن الله .. الله الحقيقى .. نبعد عن المحبة الحقيقية للإنسانية ..
ونتجة الى إتجاهات أخرى .. نبدأ فى البحث
عن الثراء .. حتى غير المشروع .. نبحث عن
اللذات الجسدية .. لأن الذات التى فينا هى التى
تتحكم فينا وفى تصرفاتنا ..
فهنيئاً لكم أخى عمار لتحرركم .. عن هذا الكاهل الثقيل
الذى كان قابعاً على صدوركم ردحاً من الزمن ..
وعلنى أتجرأ لأسألكم .. ما هو السبب الذى
جعلكم تقدمون على هذا الإعتراف الخطير ..
لأنه قد يجلب عليكم بعض المتاعب .. إن لم
تكن هذه المتاعب قد حلت بالفعل .. ؟؟؟ .. !!
وأنا فى انتظار إجابتكم ..
والرب يبارك حياتكم ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: Sudany Agouz)
|
معليش لم اكن اتابع البوست وما ال اليه المهم الرواية التى كتبتها فى البوست كادر عنف هى نفس الحادثة الواحدة والتى كانت امام دار الاساتذه وقد قابلت صاحبها وتصافينا وهو نفس الموضوع الفيهو عبيد ختم زمزضوع الطالبه ذكرته اما موضوع مجدى وعلى فضل هذه مواضيع لا اعرف عنها شىْ اصلا اسمع هنها كعامة الناس وبعدين موضوع عماد يابكرى ما يحكى عماد هو فى لندن انا داير واحد منكم يوجه لى اتهامات محدده مثلا فى مجال المال العام او حقوق الانسان اوكده انا اتفصلت من تنظيم الجامعه 1984 فى بيان نشرتو اخر لحظة بعدين قصة تعال وفتهم لينا وانت لازم ولازم تقول الاولاد محاصرين الخرطوم انا فاتح البوست ده بس عن عمار محمد ادم ماله من اين اكنسبه واى ذنب اغترفت يداه انا الانقاذ خليتها فى بدايتها وسجنتنى من 1993 الى 1994 فى احداث انتخابات الجامعه.
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
بعدين موضوع مظاهرة مارس انا كنت اضرب بالعصاية فى الزلط زانتو جارين منظر طريف لا انساه ....وبعدين انا عمرى ما سافرت كندا لا مع الترابى لامع غيره الناس تألف ساكت وعمرى ما حرست الترابى ولاكنت من جهاز الحماية....زبعدين يابكرى موضوع عماد للحقيقة شاكوش..
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
وبعدين قصة عذبت انا عذبت اعذب كيف ما يجى واحد يقول لى انت يا عمار انت عذبتنى يعنى كيف اعذب معقول كده اعذب لى انسان يا اخى انا النمله برفق بيها خليك البنى ادم انا ما عندى حقد على زول عشان اعذبو يا اخوانا ما تخافوها الله يعنى عشان قلت ليكم تعالوا حاسبونى تقوموا ترموا فينى اى حاجه ما تشوفوا العذوك واكلو قروشكم....
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عرفات حسين)
|
الهادى المرضى رحمه لم يمت مقتولا الهادى المرضى وبعدين انا علاقتى بالموضوع ده شنو الهادى انا عمرى ما شفتو وبعدين الهادى مافى زول قتله حسب علمى كمعلومات عامه ولم اسمع بهذا الاتهام من قبل
وبعدين يا بكرى انا ما كنت قائد الخرساء اوغيرها انا فصلت ما بين الاخوان وحزب الامة كان ممكن تحدث مجذرة .
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
سلامات الأخ عمار , عنوانك ( كنت اخا مسلما اقدم نفسى للمحاسبة العامة ) مباشر وصريح يحمل إعتراف شجاع وجديد ظل الكيزان يتحاشونه باستمرار , والمعنى الذى يعبر عنه العنوان قد يكون ضمن المعانى المطلوبة لمشروع الحقيقة والمصالحة المطروح للتعافى الوطنى من جراح ومأسى ومخازى حكم الأخوان المسلمين للسودان .اما اقوالك فى متن البوست فهى فى تقديرى لاتخدم غرض العنوان ولا تشبهه لأن الجريمة الكبرى والأساسية والتى ترتبت عليها كل الجرائم صغيرها وكبيرها من قبل الإنقاذ فى حق الشعب والوطن هى تنفيذ تنظيمكم للإنقلاب العسكرى المشؤوم واى فرد فى هذا التنظيم متهم حتى وأن تخلى عن التزامه التنظميى فى اى وقت بعد الإنقلاب ,لذلك من الأجدى إذا كنت صادقاً وتعنى ماتقول أن تذهب إلى القضاء وتعمل مع الأخرين لتقديم كل أرتكب جريمة فى عهدكم سوى أن كانت سياسية أو جنائية أو قضية فساد للمحاكمة إن لم يكن اليوم فغداً وهذا هو الطريق الوحيد لتبرئة ساحتك وكُثر غيرك فى هذا التنظيم الإجرامى قد يكونوا أبرياء , وثق وقتها ستنال الإحترام والتقدير من الجميع .
تحياتى
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
| Quote: اما قصة الطالبة فى الجامعة فهى التى صفعتنى على وجهى.. كان ذلك فى عهد نميرى |
اخونا عمار ياخى عليك الله اعفى لينا
كنا قراب من تلك الحادثة ودقتك وقتها عجبتنا شديد
( اصلك كنتا متلح البت ووصلتها للمرحلة ديك وطبعاً انت ما كنت متوقع الكنداكة تتديك كف ، وبعد الدقة ارتاحت منك تانى اصلك ما اشتغلت بيها)
البت سوت الغلب اخوانا عافى منها
ايوه ياخى ذكرتنا السيخ والعصى والكر والفر عليك الله افرد بوست عن تلك الاحداث ، هيجت الذكريات علينا لووووووووول
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: حسن حماد محمد)
|
من نافذة الفيسبوك
Quote: ملاك نفسى · ثقافة حول العالم
and#9835;and#9834;and#9834;and#9835;•*¨*•.¸¸¸¸.•*¨*•and#9835; لو عصرتو عليهو حايقول الـ باسورد مسروق
عمار الجريف وقت السقوط فى دائرة الصحافة ماسك المايك ويكورك ( يااااا أهل الصحافة ) زمن
بالمناسبة اعتقد الجماعة ديل كانوا ماحاسبنك معاهم يستغلوا ( صحتك ) فى الفترة اياها والا ماكان فكوك تهضرب للناس ومن فترة طويلة
اذا كنت جادى ممكن بعض تفاصيل العمل التنظيمى الذى كنت تتبع له وفى اى فترة تختارها واى مكان / دراسة / حى/ مؤسسة
رد · · منذ 19 ساعة
Elsadig Abdelbagi Fadul · الأكثر تعليقا · يعمل لدى GlobeMed Saudi
اذا كان خروجك عن تنظيم الاخوان لدواعي شخصية لا فائدة من كتاباتك ... اما اذا كان لدواعي فكرية وتنظيمية فأكتب عن كل ما شاركت فيه وما عرفته من مماراسات ضد الوطن وضد الشعب حتى تكتب عند الناس صادقاً ... ا
رد · · أمس في الساعة 01:52 مساءً
Abdelazim Mekki · الأكثر تعليقا · TU Berlin
بكل بساطه كده، أنا كنت بتاع كلام وجعجعة وخلاص
تاني دخول الحمام ما زي خروجه
إما أن تنتقل إلي المعركه الفعلية ضد الكيزان ،
أو أن تنتظر محاكمه نزيهة وهي آتية لا محاله
رد · · 1 · أمس في الساعة 06:45 صباحاً
Sudan Rebel · الأكثر تعليقا · 258 من المشتركين
يا زول محاسبة بتاعة فنيلتك شابكنا كشف زوجتي وارض زوجتي ... لو انت جادي امشي انتحر .. وما تقول لي الانتحار حرام لانو انت من الناس الثبتو اقدام النظام دا ونوعك دا ما بعيش الا في ظل الحكومات الشمولية بديتا من نميري وكان حضرتا عبود كان دخلتا معاهم .. بلا توبة بلا قرف معاك . لما كنت بتضرب في الطلبة كنت سكران ؟
رد · · 1 · منذ 7 ساعات
Sudan Rebel · الأكثر تعليقا · 258 من المشتركين
يا زول محاسبة بتاعة فنيلتك شابكنا كشف زوجتي وارض زوجتي ... لو انت جادي امشي انتحر .. وما تقول لي الانتحار حرام لانو انت من الناس الثبتو اقدام النظام دا ونوعك دا ما بعيش الا في ظل الحكومات الشمولية بديتا من نميري وكان حضرتا عبود كان دخلتا معاهم .. بلا توبة بلا قرف معاك
رد · · 1 · منذ 7 ساعات
Omer Alsayeed · Sudan University of Science and Technology
الاخ عمار :ــــ نشكر لك موقفك المعلن ،، وقبل الاطناب والمجاملة هل ما قلته يوم قتل الشهيد محمود محمد طه كان صحيحاً ؟؟؟؟؟ أم هو مجرد رأي خاطئ في لحظة حماس وتنازلت عنه؟؟؟ ولا تنسي أن تكتب لنا عن عقيدة التنظيم الذي يجعل أعضائه يصرخون فرحاً لقتل شيخ مسن علي يد قاتل يحتكر السلطة والدين
رد · · أمس في الساعة 04:29 صباحاً
Omer Alsayeed · Sudan University of Science and Technology
الاخ عمار :ــــ نشكر لك موقفك المعلن ،، وقبل الاطناب والمجاملة هل ما قلته يوم قتل الشهيد محمود محمد طه كان صحيحاً ؟؟؟؟؟ أم هو مجرد رأي خاطئ في لحظة حماس وتنازلت عنه؟؟؟
رد · · أمس في الساعة 04:26 صباحاً
Yahia Abdellatif · كلية الهندسه /جامعة الخرطوم
اعتقد الرجل صادق في التبرؤ من ماضيه بس ارحموه ولا تستنطقوه اكثر مما هو يريد ويقدر حاليا فمن فارقهم لازالوا في السلطه وممكن ان ينكدوا عليه وعلي اطفاله حياتهم اكتر مما هي منكده
رد · · منذ 10 ساعات
Amna A. Mukhtar · الأكثر تعليقا · Too many to list · 6,728 من المشتركين
علاقتك شنو بشخص إسمه : ياسر مهدي ؟ |
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عبدالله عثمان)
|
عمار ينكر و يكذب و نحن شهود في تلك الفترة.
و لكن قوله فصل بين الطلاب الأنصار و حزب الأمة صحيح و عمل بجهد لتهدئة الموقف !
قوله موضوع عماد وبيانه شاكوش ! والله دي حكاية غريبة, ما يا هو دا شفنا الكلام القالو عماد تحقق حقيقة بالفساد و التزاوج و غيره! قل حاجة واحدة أتهم عماد الجماعة ما إتحققت عيان بيان الأن! قل حاجة واحدة فقط .
عمار كادر عنف و هو مع الفريق الذي هجم على طلاب الجبهة الديمقراطية و هم نيام في داخلية البركس و أوجعوهم ضربا و ركلا و رشوا عليهم محاليل من الشطة و الفلفل و غازات مسيلة للدموع و عندما أستعان طلاب
الجبهة بالطلاب و هب الطلاب لنجدتهم هرب المجموعة الغادرة في جنح الظلام. و في ركن النقاش في اليوم التالي قال الطلاب أنهم رأوا عمار هاربا مع المجموعة و أنا شاهد على هذا : أن عمار كان حاضرا ذلك الركن و صاح بصوته
الجهور و بهبالته (المشهودة وقتها) بالإعتراف و قال (أأأأأأي أنا هجمت و تاني حأهجم عليهم) و بعدها قامت الأحداث
أنا أقسم على ذلك
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: Omer Abdalla Omer)
|
طبعا غير صحيح اننى هجمت على اولاد الجبهة الديمقراطية وهم حقيقة هذه الواقعة حصلت وانا وقتها كنت متزوج وفى بيتى الشخص الذى رأه الناس من الخلف وظنوه عمار عندما وقفت فى ركن النقاش وقلت انا ما من اخلاقى اهجم على ناس وهم نيام بعد ما انتهيت قال لى ده شنو البتقول فيهو ده يا عمار !!!!! ليس حقيقة اننى كنت فى تلك الواقعة..وحرام عليك تقول عمار قال هجمت وحا اهجم البعض لايختلفون عن اولئك كثيرا ....
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
| Quote: الهادى المرضى رحمه لم يمت مقتولا الهادى المرضى وبعدين انا علاقتى بالموضوع ده شنو الهادى انا عمرى ما شفتو وبعدين الهادى مافى زول قتله حسب علمى كمعلومات عامه ولم اسمع بهذا الاتهام من قبل |
انت كذذذذذذذذذذذذذذذذذذذذذذذذذذذذذذذذذ اااااااااااااااااااااااااااااااااا بببببببببببببببببببببببببببببببببببببببببب
و مقالتك عن الهادي المرضي الكتبتها ونشرة في عام 1999 تشهد علي كذذذذذذذذذذذبك
اتقي الله العمر قصير
واوعدك
طال الزمن او قصر ...... كلكم سوف تحاكمو ........
وكان ما اخاف الله التهم كلها موجه اليك , لانه المعلوماتك في المقله تؤكد وجودك اثناء الجريمه .......
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عرفات حسين)
|
ياجماعه ما تحكوها شديد خلاص كده الراجل اتحلل تانى مافى زول يجيب اى كلام قديم لانو التحلل يجب ما قبله
بعد شويه حنشوف ناس كتيره حتجى تتحلل من دماء مساكين قتلوا سفها وعذبوهم لا لشى الا ان قالو للاعوج اعوج يعنى خلاص حتبقى على عمار المسيكين كلها بيتين وعربيه وكم كف على كم لبعة سيخه على كم هتاف ياجماعه خليكم واقعيين خلاص يا عمار قبلنا تحللك
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
Quote: الزول الاسمو عرفات حسين مالو بيتكلم بره راسو انت الظاهر غليك ملخبط
انا ما فاهم الكلام البتتكلم عنو سنوسى شنو وياتو خزنة يا زول انت ملخبط بينى وبين واحد تانى
انا اسمى عمار محمد ادم محمد احمد خليفة |
اولا تحدث الي مباشرتا
ثانيا انت عمار محمد ادم
ثالثا اسلوب الكيزان للمناقشه الرخيص ده سيبو ..................
والله العظيم انت عمار ومتهم في المشاركه في قتل الهادي المرضي
وانحن وراك وعندنا الدليل ..........
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عرفات حسين)
|
Quote: عمار محمد ادم كان يراس فرقة تحرس زعيمهم الترابي الرجل المثير للجدل،
عمار محمد ادم الإسلامي الذي كان يهز أركان جامعة الخرطوم وأحد أركان الحركة الإسلامية
وعمار محمد ادم يعتبر بمثابة "الصندوق الأسود" للكثير من الأحداث التي حدثت خلال فترة ماقبل نظام الإنقاذ وعقبها،
الجدير بالذكر قد شارك عمار محمد ادم في إنقلاب يونيو 1989 حينما شارك في إحتلال كبري كوبر مع مجموعة من مليشيات الجبهة
وقد ذكر تفاصيل دقيقة عن الإنقلاب.. أصدر عمار محمد ادم سلسلة من المقالات في صحيفة (الأيام) فضح فيها ممارسات تنظيم الترابي الإرهابية
,
عمار محمد ادم كان عضوا في جماعة العنف بالمعارضين وقد اعترف بأنه قد أوكلت إليه عدة مهام
منها مهمة لم ينفذها بإغتيال الصحفي المعروف سيد أحمد خليفة إبان فترة الديمقراطية السابقة.. (الصحافة)
وعمار محمد ادم المسئول عن حادثة حسين خوجلي (رئيس التحرير ينجو من محا ولة اغتيال)
وقد اتهم عمار محمد ادم بمحاولة إغتيال للترابي في عام 1993 سجن فيها في إحدى بيوت الأشباح لمدة أربعة شهور
, الجميع يعلم من هو ..................... عمار محمد ادم |
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عرفات حسين)
|
| Quote: يبدو ان بعض المتداخلين لم يستوعبوا موضوغ البوست . |
عمار, المتداخلون إستوعبوا موضوع البوست تماما و لكن أنت قدمت نفسك " كفأر تجربة!" تحاول و يحاول "إخوانك" تقديم ما يروه هم مناسبا مناسبا ليحاسبوا به!
يعني تختارون الجنبة البتريحكم و تطلبوا التحلل!
و نحن المتداخلون قلنا لك " بأن الحساب سوف لن يكون كما تتوقعون و لكنه يشمل كل الجوانب!
أنت كنت متوقع تجي تقول كلامك الماجيب حقو دا و يجو " ناس هذا أن دل إنما يدل" و يشبكوك شكرا على مرورك الأنيق و يا ها المحرية فيك! و أنت لا تشبه الناس ديل و إنت على نياتك و كدا!
نحن المتداخلون " أعزاء بشاشا القراء" نقول لك أن القادم مختلف و حتى مبدأ العدل و المصالحة لا يسقط الحق الخاص " خاصة الجنائي!"
إنت إخترت جانب واحد و نحن نقول لك و ماذا عن الجوانب الأخرى؟ فهي تضاهي في الأهمية الجانب البريحك " الجاب ليك الهواء دا". هذا كل ما في الأمر!
أكرر مع الصديق في مساحة الفيس بوك التحت و أوجه لك هذا السؤال " هل قمت في يوم من الأيام بتأجير" باس وردك" لشخص أخر ليكتب به في سوادنيز أونلاين؟
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: Adel Mohammed Abdulrahman)
|
اخونا عمار ادم
لقد اخترت الطريق والمكان الخطأ لنيل صكوك الغفران
وماكل من عمل مع الانقاذ يختم علي جبهته انه رديء وسييء الخلق
الا ان كنت قمت باعمال منافية كالتي تتشدق بها فهذا مردود عليك شخصيا
لكن شكلك ياللخو راقدلك علي راي
واهو من اولها طلعوك قاتل وخائن وصندوق اسود
وسروال بلا تكه وفاره . لا وكمان اتهزأت و انضربت كف من بنيه
اول مره اشوف زول يدخل يمسح بي كرامتو الواطه
وكانه لم يحدث شيء
قال كنت اخا مسلما قال
ياراجل انت الصلاح معدوم في وشيك
اقوليك
فكر في الراكوبه
عل وعسي
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمار محمد ادم)
|
| Quote: المشكلة الواحد فى المنبر ده يتعامل مع اشخاص غير معروفين على المستوى العام |
عمار محمد آدم
راس السوط لحقنا بدون ذنب.
لم أكن معروفاً في المستوى العام لأنني لم أدخل العام بالمرة.
تخرجت وعملت في أعمال والدي الخاصة زراعة رعي تجارة.
لم أتداخل سياسياً إلا من منازلهم لذا لم أدخل الميري ولا جريت وراهو.
لم نتداخل معك ولا من هم على شاكلتك من الكيزان التركوا الكوزنة ولا الشيوعيين الخلّوا الشيوعية لأننا لنا رأي في هذا النوع من الناس الذين ينفضون أياديهم من تنظيماتهم السياسية لأسباب خاصة وأمثالك في تنظيم الكيزان بمسمياته المختلفة كثيرون وأنت تعرفهم قبل معرفتي لهم.
نطالبك بإعتذار فنحن لا علاقة تربطنا بك.. وركِّز حديثك عن من يهتمون بك أو بتنظيمك وأتركنا وشأننا ما تركناك.
وما تنسى هذا الرابط لصفحتي في اليوتيوب فرأيك ومقترحاتك تفيدنا في تقديم خدمة متميزة للمتصفحين.
http://www.youtube.com/user/KabbashiSudan
تحياتي.
كبـّاشي الصـّـافي
| |
|
|
|
|
|
|
|
|
 Re: كنت اخا مسلما اقدم نفسى للمحاسبة العامة (Re: cantona_1)
|
الذ شي في البوست المهبب ده .. انو عمار قال ما خبت ليهو زول بسيخة وكان بيهرش الناس بس ... المسكين لا يعرف ان تخويف الناس يدخل ضمن التعريف الحرفي لمعني الارهاب ...
والالذ هو مطالبة المتداخلين بكشف اسرار التنظيم ...أأأأ ناس هوووي الزول ده مخو كان في ايدو ... اسرار شنو البيعرفا زول زي ده !!!
يا عمار قوم لف .... ما تقولو بحبكم والكلام الما جايب تمنو ده ... بخسرك اهه
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: Elsanosi Badr)
|
يابو محمد سلام..
الشهادة لله انو جمعتنا نهارات طيبة ومطايب بسيطة ملؤها الونس والالف..والشهادة لله انو انتا مرقتا من القصة بتاعة الانقاذ دي كيد بلا خيلٍ ولا مالٍ..اللهم إلا العنف والمكاسرة.. وخنقة محمد الفاضل
واذا رايت مثل الشمس فاشهد..ونشهد بان كنتا معدم..بيت طرف زين الشابك بلا باب..وبيت تاني عرضتو للدهنون ايامئذ وشالو البحر لاحقاً..وطعماك بعض خبزٍ بعض زيتِ" (الله يطرا عبد الرحمن اللمين بالخير، لطالما تذكر دوماًاشعارك)
مشكلتك انو انتا دوما كنت على اهبة المؤامرة وترى العالم من خلال المدرسة بتاعة الانقاذ.."لو في زول مفروض يحاسب الانقاذ حتى الموت فانت واحد منهم..لقد ضيعوك ولم يذهبوا الى الفجيعة حتى تاريخه..
اولى بك ان تنشر الغسيل من طرف غير هياب ولا محذور..فان رفاق الامس ماتركوا لك من الامر إلا المسغبة ...
كما ولا ننسى لك فضلك يوم مرقتنا من سيخ الكيزان وسكاكينهم في انتخابات 95 ..ربما لولاك لفُضـــت بكارتنا ضحى..
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: DKEEN)
|
ارجو الارتفاع بمستوى النقاش المنبر ده بيقرو ناس محترمين كمان فى واحد يلبس فينى جريمة قتل قال انا متهم بقتل سعادة اللواء الهادى المامون تلفونى 012256563 وبيتى فى حى الزين الشابك ( القادسية ) خلف مستشفى شرق النيل.
| |
|
|
|
|
|
|
|
|
|
Re: كنت اخا مسلما اقدم نفسى للمحاسبة العامة (Re: عمر عثمان عبد الوهاب)
|
من ضربته بسيخة اتحداه ان يعلن ذلك على الملأ طبيعة تنظيم الاسلاميين تعمل الته الاعلامية على التضخيم مثلا امين حسن عمر مثقف ومفكر وغازى وفلان وفلان وعبد الوهاب عثمان وبدر الدين طه وحسن ساتى وهكذا وهكذا حاولوا ان يجعلوا منى بعبعا على الاخرين من خلال الاتهم الدعائية .
| |
|
|
|
|
|
|
| |
عمار محمد ادم
عبدالكريم الامين احمد
الامين محمد علي
فرح الطاهر ابو روضة
بله محمد الفاضل
محمد الشيخ أرباب
سيف اليزل سعد عمر
خالد العبيد
Tumadir
معاوية الزبير
ناصر المحسى
ذواليد سليمان مصطفى
بكرى ابوبكر
munswor almophtah
Nader Abu Kadouk
El hadi A.bashir
يسرى معتصم
عبدالله عثمان
Sudany Agouz
عرفات حسين
عمر ادريس محمد
حسن حماد محمد
Omer Abdalla Omer
WAD ELGAALI#4
تبارك شيخ الدين جبريل
cantona_1
Elsanosi Badr
فيس بوك
تويتر
انستقرام
يوتيوب
بنتيريست