|
Re: شركة 5M والتلجه التي هردت فشفاشي ... توجد صورة مخجلة (Re: Deng)
|
Quote: زمان في الثمانينات كان في شركة في الخرطوم 3 أسمها فايف ام، وكان يملكها الأب فيلوثاوس فرج، المقرب من الإنقاذ. وكان يديرها أبنه ماركوس الذ كانت له علاقات مشبوهة بجهاز الأمن.
|
هي نفسها ويقال ان لابونا شراكات في مشاريع دواجن والبان مع الوالي او الولاية سيان
| |
|
|
|
|
|
|
Re: شركة 5M والتلجه التي هردت فشفاشي ... توجد صورة مخجلة (Re: Hani Arabi Mohamed)
|
تحياتي ياهاني قبل ايام جات شركة وحفرت في شارع الغالي ودة شارع كلو محلات واكل عيش ناس كتااااار رغم انو نصهم هوامير المهم حفروا قدام الدكاكين واللي زاد الطين بله انو كسروا ماسورة اثناء الحفر والمويه كسرت ووصلت لحدي ش 15 قفلوا الماسورة وخلوا الحفره كما هي وانا متاكد حتقعد كدة 3 شهور المؤسف انو الزلط جديد وكان ممكن مشروع الصرف الصحي يتنفذ مع الزلط طوالي لكن لازم كل كم شهر كدة يطلعوا مأكله جديدة زي ماقال اخونا الناس ديل ماعندهم وتس اب يعملو فيو قروب ينسقوا بيو شغلهم ده
الله يهون
| |
|
|
|
|
|
|
Re: شركة 5M والتلجه التي هردت فشفاشي ... توجد صورة مخجلة (Re: محمد جمعه الخير)
|
الحبيب محمد جمعة لي زمن طويل من الجرايد .. فقط أستقى معلوماتي من الإنترنت قبيل جاني زول شايل جريدة التغيير في الدكان المهم موضوع مافي وسوق واقف بقيت أقلب في الجريدة وفجأة عيني شافت الإعلان القميء دة داسنو في نص لجريدة زي الشي الكعب والله ماعرفت انتحر وللا أسوي شنو أعصابي فارت لي درجة الغليان غايتو يوم بطق لينا عرق في البلد دي
الله يهون بس
| |
|
|
|
|
|
|
Re: شركة 5M والتلجه التي هردت فشفاشي ... توجد صورة مخجلة (Re: جمال خضر)
|
الحبيب جمال الجماعه ديل ماخلو تلجة حايمه في البلد دي ماكسروها المشكلة ده نوع التلج البجيب هجمة مرتدة داك يعني لو كانوا شوية منطقيين وسابوا المبالغة بتاعة جبل الإيجابيات دي كان الموضوع ممكن يمر لكن مشكلتهم جابوها كبيرة وقوية شديد ياخي حسي الخضر زاتو بتكون قفلت معاو من تلجتم الشينه دي
| |
|
|
|
|
|
|
Re: شركة 5M والتلجه التي هردت فشفاشي ... توجد صورة مخجلة (Re: عبدالله عثمان)
|
تحياتي ياعبداللة شكراً لرفع الصورة قبيل كنت خاشي بالموبايل والموضوع بالموبايل قاسي جداً اتصل علي أحد الأخوان قبيل بعد ما إطلع على الموضوع دة وإتضح لي بعد حديثة إنو 5m دي إمبراطورية ضخمة جداً جداً مملوكة للقبطي الذي أدخلته الحكومة القصر إرضاءً للأقباط وواحدة من الشركات التي تتبع للمجموعه إستلمت عطاءات ضخمة للمرور منها وضع كاميرات ذكية في كامل العاصمة والمشروع كانت تكلفتو 5 مليون دولار تخيل بعد المبلغ الضخم ده الإتخصم من عرق الشعب السوداني وبعد تركيب الكاميرات إتضح أنه لايعمل منها غير 9 كاميرات فقط وحتى التسعه كاميرات الشغالات ديل ماكانو بحتووا على التقنية المطلوبه التي تمكن الكاميرا من أخذ رقم لوحة السيارة وتخزين المخالفه في قاعدة بيانات العربة أو ضبط السيارات المسروقة ودار الزمن وهاهي نفس الشركة التي تتبع بالخفاء لمجموعة 5m تستلم عطاء وضع رادارات في شوارع ولاية الخرطوم وطبعاً العطاءات بتطلع بأرقام فلكية
| |
|
|
|
|
|
|
Re: شركة 5M والتلجه التي هردت فشفاشي ... توجد صورة مخجلة (Re: Deng)
|
اخونا دينق طبعا صحبي اول ماشاف البوست وهو شغال في شركة ضخمه ... ودا الصورة لمديرو واتحرى تحريات واسعه بس عشان يتأكد هل الخضر فاسد وللا and#65271; الزول ده بعد تحرياتو دي اتأكد بما لايدع مجال للشك انو الزول ده فاسد اما بخصوص فيلوثاوس والله اخوانا الاقباط ليهم حق يسموهو ابونا فلوس and#65271;نو زي ماعرفت الزول ده بكون فايت اسامه داؤود بي غادي لكن بس لابد حسي بي تلجتو ############ة دي فتح على روحو نيران تقيله and#65271;نو الصورة الرفعتها دي لقيتها لافه الوتس اب كلو وتقريبا مافي سوداني ماشافها .. وكل الناس استهجنوها شديد
| |
|
|
|
|
|
|
|