|
Re: اختشي على دمك واستقيل يا عبد الرحمن الخضر! (Re: Hussein Mallasi)
|
يا ملاسي يا أخي أنا عايز أفهم...
تحت أي مادة من القانون تم إطلاق سراح أولئك المفسدين؟؟!!!!
طيب رجعوا المال .. أها يعني خلاص أمنوا العقاب ولاكيف؟
يعني مثلا ما في حق عام في مسائل سرقة المال العام؟
نفهم والله بس...
دي مش ياها ذاتها ما جاء في حديث الرسول:
إنما أهلك من قبلكم أنه كان إذا سرق الشريف تركوه وإذا سرق الضعيف أقاموا عليه الحد أو كما قال..
حكمة والله
| |
|
|
|
|
|
|
Re: Re:استقيل يا سغيل (Re: مهدي صلاح)
|
يا أخ ملاسي سلام يعني شنو 17 مليون ملطوش في ميزانية ولاية الخرتوم.. كبري أو 2 الواحد بيطلعها.. الناس حاقدة .. خلوهم ياكلوا .. مش هي لله.. بعدين رب العالمين مخيّر يعفيهم أو يسويهم سلطة.. لو ودوها لله .. ما عندهم مشكلة لكن كان أكلوها براهم بعدين يعرفوا ليهم صرفة مع رب العالمين. تحياتي.
كبـّاشي الصـّـافي
| |
|
|
|
|
|
|
Re: Re:استقيل يا سغيل (Re: منتصر صلاح)
|
زمان الناس كانوا بحكوها نكتة لكن ناس هي لله عملوها حقيقة وكمان ما راجين بيها الآخرة حتى... قصة الزول ال سرق الخروف ولامن الجماعة لاموه وقالوا ليه حرام تأكل خروف الراجل المسكين دا وربنا ح يحاسبك ويوم القيامة بجيبوك إنت والخروف وسيدو الخ قاليهم وكت أصلو بجيبونا كلنا تاني الحجة فييييي شنو؟ أمحمد يسوق خروفو وخلاص !
| |
|
|
|
|
|
|
Re: Re:استقيل يا سغيل (Re: Fathi Ali Mohammed)
|
. .
ياحسين
هؤلاء الظلمة الطغاة الفاسدين لايعرفون ثقافة الاستقالة ، ولسان حالهم يقول (لا اخلع قميصاً كسانيه الله)
ولاة الجور هؤلاء حالهم كما وصفهم إمام المتقين علي بن أبي طالب (ع) "يخضمون مال الله خضمة الإبل نبتة الربيع"
هؤلاء الحثالة يقالون ولا يستقيلون .
أسأل الله تعالى ألا يقيل عثراتهم في الدنيا ويوم يقوم الناس لرب العالمين .
اللهم إن شعب السودان يناديك ويناجيك (رب إني مظلوم فانتصر)
اللهم صل على حبيبك القائل (اللهم من ولي من أمر أمتي شيئا فشق عليهم فاشقق عليه)
تحياتي وتقديري
. .
| |
|
|
|
|
|
|
Re: Re:استقيل يا سغيل (Re: ALazhary2)
|
امس كنت بقرأ في تحديث وزارة الداخلية السعودية للجرائــم الموجبة للتوقيف حسب قوانين المملكة .. وهي قائمة محدثة منشورة بتاريخ 5 جمادى الثانية 1435-2014-04-25 .. وقفت قدام مادتين في نظام وزارة الداخلية :/
Quote: 7 - اختلاس الأموال العامة, أو أموال الأجهزة ذات الشخصية المعنوية العامة, أو الشركات أو المؤسسات التي تقوم بإدارة وتشغيل المرافق العامة أو تقوم بمباشرة خدمة عامة, أو أموال الشركات المساهمة أو الشركات التي تساهم الدولة في رأس مالها, أو البنوك أو الشركات أو المؤسسات الفردية التي تزاول أعمالاً مصرفية, ما لم يُرد المبلغ المختلس. |
والتانيــة :/
Quote: ض - الأفعال المنصوص عليها في الفقرات "7,5,4,3,2" من المادة الثانية والثلاثين من نظام وحدات الإخصاب والأجنة وعلاج العقم, إذا رأت لجنة النظر في أحكام هذا النظام أن الفعل يستوجب عقوبة السجن. |
الاولى استغرباً من قصة انه كفارة اختلاس المال العام رده ..
التانية عشان ما فهمت اساسا علاقة الامر بوزارة الداخلية :) لكن بالاخير فهمت
هسع قال ليك تحلل .. فعلاً هي لله .. حسيت بيهم زي اللبسوا احرامات وسرقوا :)
| |
|
|
|
|
|
|
Re: Re:استقيل يا سغيل (Re: HAIDER ALZAIN)
|
من هما ( غ ) الذى رجع لوحدته العسكرية و ( ع ) الذى تم فصله
طيب يا جماعة وكت الموضوع اصلو كدة زمان قطعتو يد ( الفاتح ) المحاسب بتاع المدرسة ليه ( زمن نميرى ) وقالو ناس المكاشفى الشريعة بتقطع يد سارق المال العام ، هل تغيرت الشريعة ؟؟؟ مش كان يتحلل ويرجع القروش ويبرجع مدرستو ويا دار ما دخلك شر
وليه تحاكموا النشالين بالسجن ، مش كان يتحللوا من القروش النشلوها ويرجعوا لسوقهم تانى ويادار ما دخلك شر
مع تحياتى
| |
|
|
|
|
|
|
Re: Re:استقيل يا سغيل (Re: HAIDER ALZAIN)
|
Quote: امس كنت بقرأ في تحديث وزارة الداخلية السعودية للجرائــم الموجبة للتوقيف حسب قوانين المملكة |
غايتو الواحد لمن يكون راعي مشاكل بمشي يفتش في حاجات غريبة ..
| |
|
|
|
|
|
|
Re: اختشي على دمك واستقيل يا عبد الرحمن الخضر! (Re: خالد عبد الله محمود)
|
ما هم كلهم كدا ... لبـع وسرقه .. وفساد
دا فساد مؤسسي .. إستقاله الخضر من عدمها لن تغير شيئا النظام فاسد عن بكرة أبيــه ... هي بقت علي الخضر .. ما كلهم شغاليـن يلغفوا في المال العام منذ 24 عام.. ما تعصروا علي الراجل شديد ... البشير وقيادات الصف الأول كلها والغه في هذا الأمر ...
وأذا عندهم زوول بيستقبل كان دا حال البلد
| |
|
|
|
|
|
|
Re: اختشي على دمك واستقيل يا عبد الرحمن الخضر! (Re: عبدالعظيم عثمان)
|
سلام يا حسين لاحظت انو كثير من الناس قد يكونو بتستخدو خاصية أضف صورة بدلا من upload picture فلذا ما بتظهر للناس البتصفحوا بمتصفحات ذات خصائص حماية معينة بتصور - لفائدة الجميع - لو تم حفظ الصورة في الجهاز ثم رفعها عن طريق upload picture
بتيح فرصة لأكبر عدد لمعاينة الصورة كل الشكر وعفوا نعيد رفع بعض الصور لفائدة من قد يمكن ان يراها بالصورة دي شكرا
وللمصلحة العامة نضيف واحدة من بوست مماثل
| |
|
|
|
|
|
|
|