|
Re: القطار دور حديدو: أجمل فيديو كليب إثيوسودانى سو فار (Re: cantona_1)
|
شكرا سيف اليزل
الابداع ليس له وطن
دائما ما يحس الاثيوبيون بأن هناك شئ ما ينقص الاغنية السودانية شئ صغير فقط هو ما ينقص فيبادرون بتقديم اغنياتنا في قالب قد يصل حد الكمال ترى ماهو السر الذي يخفيه هؤلاء الاثيوبيون عنا ؟؟ ، ما هو نوع السحرالذي يضيفونه للاغنية فيجعلك كلما انتهت الاغنية تعيد سماعها مرات و مرات؟
شكرا مجددا سيف اليزل
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: سيف اليزل سعد عمر)
|
Quote: دائما ما يحس الاثيوبيون بأن هناك شئ ما ينقص الاغنية السودانية شئ صغير فقط هو ما ينقص فيبادرون بتقديم اغنياتنا في قالب قد يصل حد الكمال ترى ماهو السر الذي يخفيه هؤلاء الاثيوبيون عنا ؟؟ ، ما هو نوع السحرالذي يضيفونه للاغنية فيجعلك كلما انتهت الاغنية تعيد سماعها مرات و مرات؟ |
فعلا يا خالد المبارك ليس للأبداع وطن.
في إعتقادي أن الاحباش بيضيفوا بهارات وشمارات علي الاغنية السودانية ثم يعيدوا تصديرها الي المستمع السودانى بطعم جديد. واحدة من هذه البهارات هي تقديم الاغنية في فديو كليب بهيج، فيه إحترافية، راقص، فيه قصة، فيه نواحي جمالية كثيرة. يعنى في الاغنية الموضوع بقي أكبر من القطار دور حديدو وبس. أنا أطالب الاخوة الإثيوبيون بإعادة تأهيل كل القطارات السودانية، قطار الشوق متين ترحل والقطر بتاع من الاسكلة وحلا. وكمان لو شافوا لينا معاها سودانير بالمرة بكونوا ما قصروا.
ما يفعله الغناء السودانى في أهلنا الأحباش لم تفعله السياسة.
خالص التحايا يا خالد
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: مجاهد محمد الهادي)
|
الأخ منصور مفتاح كيف ننسي القطار المرّ فيهو مر محبوبي!! مداخلتك دي نبهتى لحاجة مهمة أتمنى أن ألقي ليها كتابات أو توثيق لأنها للأسف بدأت تتلاشي في ذاكرة وثقافة الشعب السودانى وهي موضوع "القطار في الغناء السودانى". قطارو حلي يا ناس قطارو حلا والقطر الشالك إنت يتكسر حتة حتة والثلاثة بنات بتاعن قطر الروصيرص وكتير وكتير. للأسف الدمار الذي لحق بقطاع السكة حديد من أيام جعفر نميري مسح معاه كل هذا الإبداع القطاري وبقينا في أغانى علي شاكلة "مسكول".
خالص التحايا
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: Bashasha)
|
Quote: The United States of Kush, Its a mater of Time |
أستاذ بشاشة بعد السلام يعني في مملكة كوش دي نحن عيال دار غرب ما معاكوا ولا شنو؟ الحاجات الحلوة دايرين تاكلوا وحيدكو ولمن شرككم يقبض ليا دابي تنادونا معاكو؟ يا زول دا ما ظلم عديل ولا كو؟ تحياتي.
كبـّاشي الصـّـافي
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: munswor almophtah)
|
الزملاء سامى عبد المطلب كباشي الصافي بشاشا مكى
أنا طبعا من المؤيدين لمبدأ التعاون والتكامل والوحدة مع دول القرن الافريقى وفي مقدمتهم أثيوبيا. بفتكر أن لدينا مصالح عديدة مع هذه الدول، منها ما هو تجاري وسياسي وثقافي.
التسمية ما بتفرق معاي. نسميها اية حاجة. سميها كوش، الإيقاد ، سميها مجموعة القرن الأفريقي سميها وحدة إثيوسودانية. المهم عندي الهدف.
بالطريق دي ندخّل حتى ودعمى ول أبا الصافي وكل الاهل غرب النيل الأبيض حتى حدودنا مع تشاد.
بالمناسبة ناس الحركة الشعبية أكلونا حنك في قصة كوش دي...
شكرا كتير لهذا الحوار
وآسف للتأخير
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: munswor almophtah)
|
Quote: إحقاقا للحق الفن السودانى سامى المقام عالى الكعب نافذ لأفئدة الشعوب من حولنا حتى المصريين أضحى يطربهم أقل جودة من فننا وصار تناولهم له كتناولهم لأم كلثوم والعندليب حليم وصاروا يتشبهون بنا فى أفراحهم ولا تكتمل إلا بملحنا ولحوننا وهى عودة لهم إلى الأثر الخافت فى ذاكرتهم الناكره أما الأحباش والصومال وآل تشاد وشمال نيجريا والنيحر فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى السودانيه وذلك لقوة موسيقانا التى إخترقت الجدر وسكنت فى أفئدتهم نعم نحبهم لأنهم هم الأقرب إلينا وإلى وجداننا وكانوا معنا منذ أمد مديد وما زالو ولكن ذلك لا يعليهم بفننا علينا ولا ينبغى لهم ومتى الصورة صارت أصلاً!! وقول بعض الإخوه هو من باب التشبيه المقلوب كقولك الأسد كالرجل فى الشجاعه إلا أننا يطربنا أكثر فنهم وبلغتهم التى لا نفهمها أصلا وننجذب لأستير فى أقرى أقرى أما موسيقانا فدققوا فى أى من اللنكات وتمعنوا ثم أصغوا إلى كيف يفعل بشير عباس فى العود وكيف يجعله يغنى ثم تغنى البلابل بقيادة هاديه قمة الأداء والتطريب والنغم وهذا ما نَصُرُ ويملأنا فخراٍ وزهواً وإعجاب وهذه هى أقل ما يقال عن الحقيقه التى لا ندركها لأن ثقافاتنا تمطرنا بفنان الحى لا يطرب الحى.
منصور |
الأخ منصور شكرا علي المداخلة مرة أخري. أتفق معاك في بداية ونهاية المداخلة حول سمو مقام الفن السودانى في المنطقة، لكن هذا لا يعنى أننا السقف الاعلي لما ذكرته من الدول. وترديدهم للأغاني السودانية لا يعنى أنها الأفضل وإنما عشق للفن والموسيقي ليس له حدود او وطن. عندما كان ثوار إريتريا يحاربون الجيش الإثيوبي لتحرير بلادهم كانوا في ذات الوقت يطربون لغناء الأمهرا الاثيوبي. أما الصوماليين فلهم إحترام كبير لبعض الأغنيات السودانية مثل أغنية الاستاذ صلاح بن البادية سال من شعرها الذهب. لكنهم في ذات الوقت يعتزون بسمو الاغنية الصومالية. ولولا تلك الحرب اللعينة لتطورت الاغنية الصومالية ولرأينا نماذج من أغانى سودانية بأداء أثيوبي. في أغنية لشابة، علي ما أعتقد إنها سودانية، تغنى أغنية لصلاح إبن البادية مع فرقة موسيقية صومالية أعتبرها مثال جيد للتلاقح الغنائي في المنطقة. سوف أحاول أرفعها من اليوتيوب.
المداخلة تقرأ مع مداخلة الأخت فردوس جامع..
تعرف يا منصور أنا كان علي كان فتحت فرع لمركز شباب السجانة في أديس أبابا....
خالص التحايا يا منصور
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: Elmosley)
|
الأخ منصور المفتاح السلام و التحية
Quote: فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى السودانيه وذلك لقوة موسيقانا |
نقطة إختلاف هنا... أنا صومالية و بستمع لأغاني صومالية بأداء أثيوبي كما الحال هنا و إستغرب من آي نافذة أطلوا ليمنحونا ذاك البهاء الناقص!!!
الصومالي اللي ما سمع الأثيوبيين بيرددوا أغاني سودانية عادي ممكن يجي و يقول
Quote: فإن فنوننا وموسيقانا هى السقف العالى وترديد الأحباش للأصل لا ولن يصيرهم أصلاً مهما أدخلوا عليه من بخور وبهار ودليخ وهم أدرى بذلك وأعرف وهم يطربون لمطلق الموسيقى الصومالية وذلك لقوة موسيقانا |
دعوة للقعاد في بنابر الله دي و رؤية العالم من منظار العالم و ليس منظار شلعوها الرباطاب (قرية نجرتها حسي دي و عشان الرباطاب أحلى ناس و ساخرين :)
و تحية حب للشعب الأثيوبي العظيم...
كن بخير...
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: munswor almophtah)
|
Quote: يعني في مملكة كوش دي نحن عيال دار غرب ما معاكوا ولا شنو؟ |
العزيز كباشي،
مصطلح كوش هو الوحيد المتفق عليهو انو يشمل كل افريقيا السوداء.
ده السبب ما بنستخدم مصطلح "نوبيا" مع انو ضخم جدا حول العالم. في السودان للاسف نوبي تعني قبايل بعينها في اقصي الشمال وهذا خطا، بل جريمة.
اذن اهلنا في غرب وجنوب السودان هم حقيقة الساس والراس لي كوش التاريخية داخل السودان.
الشايفو، المصريين اي احفاد الهكسوس لابدين لينا!
مسالة وكت فقط!
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: محمد فضل الله المكى)
|
Quote: جينات حب وحنين وحميمية تأبي أن تسلم بحواجز الحدود واللغة والجغرافيا ... يقول التاريخ أننا كنا شعب واحد .. الشاب الجميل ده يشحن مقاطع هذا اللحن الحنين بحميمية دافقة أكثر مما يستطيعه أحمد الصادق أو أي مؤد آخر ...مثلما يفعل أبراهام سوداني ب علي الجمال |
الحبيب عبدالله الحبيب زمان قبل سنين كنت قايل مقدرات الأثيوبين تقيف فقط عند حدود أغنية الأستاذ المرحوم سيد خليفة إزيكم أو رائعة الإستاذ المرحوم وردي خلاس كبرتى وليك 19 سنة. أبراهام سودانى أثبت وكتيرين غيره منهم تقيست أثبتوا العكس تماما وأظهروا أبعادا جديدة للأغنية السودانية لم تكن مسموعة أو مرئية من قبل.
تحياتى
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: munswor almophtah)
|
Quote: وإنتى تكونى بألف خير يا فردوس إنتى هبرقدر واللاشنو هسع كلام المريان دا بغير النيجه كلنا صواميل |
أخونا منصور أسمح لي أضيف معلومة بسيطة جدا في الحتة دي. القبيلة لاتنعنى شيئا كبيرا بالنسبة للمرأة الصومالية. بل هى الخاسر الأكبر من حروب الصومال القبلية. تفقد المرأة الصومالية إنتمائها القبلي بمجرد زواجها من رجل من قبيلة أخري. أدي هذا بالطبع لضياع حقوق المرأة الصومالية في المشاركة في السطلة والثروة حسب الانتماء القبلي والجغرافي للمرأة في كل الصومال. في الصومال في أربعة قبائل رئيسية وأقلية من القبائل المهمشة جعلها تمثل المجموعة الخامسة. أطلقت إحدي نساء الصومال وإسمها عائشة حجى، أطلقت مبادرة لاعتبار نساء الصومال قبيلة لوحدها أطلقت عليها إسم القبيلة السادسة.
تحياتى
| |
|
|
|
|
|
|
Re: القطار دور حديدو: أجمل فيديو كليب إثيوسودانى سو فار (Re: عماد الشبلي)
|
Quote: اخشي انهم لا يحفظون حقوق الملكية في خضم اعجابنا بهم |
خشيتك في محلها. ولن نرضي بالطبع "سرقة" أعمال فنية من فنان آخر. موضوع الحقوق الفكرية هو موضوع قانوني وحقوقي وأدبي في المقام الاول.
ولقد عاني الفنانين السودانيين في كل ضروب الفن من سرقة أعمالهم في عز الضهر، خاصة من المعجبين أنفسهم وعامة الشعب.
أكيد تذكر طريقة طباعة شريط الكاسيت زمان وكمبيوترات السوق العربي وسوق ليبيا حاليا.
أنا بفتكر إنو موضوع الأغنية دي وما شابهاها هوم موضوع تلاقح ثقافي. ما داير أسميه صراع ثقافي.
هنا أنا بقارن بين تجربة إصدار فديو كليب علي أيدي مصرية وأصدار أخر علي أيدي أثيوبية. من واقع التجربة أفضل الطريقة الاثيوبية.
السؤال هو لماذا لا يتم إنتاج فيديو كليب سودانى؟ أنحنا عايزين بالطبع أن تنتشر الموسيقي والاغانى السودانية. لكن تنتشر كيف؟
ما عايزين ندخل في جدال: هل موسيقي أغنية عازة سودانية ولا أثيوبية؟
عشان نتجنب ده لازم يكون عندنا روتين قانوني فعال لحماية الاعمال والحقوق الفنية. بكلمة روتين دي قاصد سيستم او نظام فعال.
عموما أنحنا بنحب نسمع الغناء والاثيوبين بحبوا يسمعوا ويشاهدوا الغناء.
خالص التحايا يا الشبلي.
| |
|
|
|
|
|
|
|