|
|
|
 Re: هل توجد ست مريسة أو كنجيمورو سودانية فى واشنطن دسى ..؟ (Re: Asim Fageary)
|
عاصم فقيرى،
هنا أسماء الخمر فى لغة العرب العاربة ..
Quote: 1- المدام
2- القهوة
3- الراح
4- الرحيق
5- السلاف
6- السلافة
7- الخرطوم
8- القرقف
9- الشمول
10- الخندريس
11- العقار
12- الاسفنط
13- المقدية
14- الصهباء
15- المشعشعة : وهي الممزوجة و كذلك المعرقة والمصفقة
16- العاثق : الخمر القديمة
17- البتع : نبيذ العسل
18- الجعة : نبيذ الشعير
19- المزر : نبيذ الحنطة
20- السكركة : نبيذ الذرة وهو شراب الحبشة
21- الطلاء : المطبوخ بالنار
22- المصطار : الحامض من الخمر
23- المزاء : ضرب من الأشربة
24- السكر : كل شراب يسكر
25- القمحان : الزبد الذي يعلو الخمر
26- الحباب : الطرائق التي تكون من المزج |
ثم ظهر أبداع الشعب السودانى الثقافى، بإضافة اسماء أخرى:
1. أم بلبل
2. المريسة
3. الغبيشة
4. أم شمبك وقيل أم جبك
5. العرقى
هسع خليك من الأسماء .. أنا سألت سؤال .. هل توجد ست مريسة فى واشنطن دى سى؟ .. وهل توجد ست كنجيمورو؟
لو عارف جاوب .. لو ما عارف قول ما عارف ..
بريمة
| |
  
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: Elmoiz Abunura)
|
أستاذ أبو نورا
سلامات ..
Quote: اخى بريمة
سلامات
الظاهر عبابير رستون مانافعة معاك وعاوز عبار سودانى ابوكديس. |
بالله عليك الحالة التى نحن فيها كشعب سودانى .. أليس أفضل منها أهل الأندايات؟ .. مهما تشاجروا فى خماراتهم يصفو الجو بينهم آجلاً أم عاجلا ..
أنا والله أتساءل بكل حيرة شنو فائدة الدين إنلم يدفعنا إلى تحريم قتل النفس التى حرم الله قتلها إلا بالحق؟
حقيقة my conscious is hunting me ومافى طريقة إلا العلاج بالكى أو الكنجيمورو ..
| Quote: سأحضر الىDC فى الاسبوع القادم لزيارة ابنى غسان الطالب فى جامعة Howard. اتمنى ان اقابلك انت وجارك صلاح شعيب. |
يا سلام ومرحب بك .. ونحن فى أنتظارك .. أنا وأبا أسيل جيران ..
بريمة
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: بريمة محمد)
|
ول أبا عبد الله شم،
سلامات ..
Quote: بريمة من صلاة الجمعة في الكونغرس الى مريسة والتاني دا
يخسي عليك هههههه
عندي صديق بقاري قالي نحن يا مسكنا الدين عديل يا فسدنا عديل
اها انت مشيت الجنبة التانية
يا قول دينق
برمية اختشي ..
مع ودي |
أنت طبعاً ما عارف علاقة .. المريسة والدواية واللوح .. فى غرب السودان ..
الهمباته فى غرب السودانى ذات مراة نزلوا عند عمنا العمدة الحسب إسماعيل، عمدة الحوازمة .. فأكرمهم بالذبائح .. وكانوا يقولون أنهم شيوخ دين ويريدون إقامة حولية بشرف نزول ظعينتنا بجوارهم .. ذبح لهم عمى خروفين .. وهم قالوا يقوموا وحدهم بالشواء .. عايزين البصل والدهن والحلل .. سلمناهم كل شيئ .. ثم دورو الشيات ..
ما لم يخطر ببالننا أن الناس ##########ة كبار .. جايين بقربتين بتاعت مريسة .. ولبدوهن خارج الفريق فى شجرة عرد .. ومن الحين إلى الأخر يتسلل أحدهم كأنه يريد قضاء الحاجة فيشرب من المريسة حتى يروى رى .. ثم يأتى .. وبعيد حين سكروا جميعاً وأرتفع الغناء والطار .. والصفق الحار .. فأجتمعنا نحن الأطفال حينها حولهم .. بأعتبارهم شيوخ دين ..!
كان عينة غناءهم توحى بأنهم ناس ساكت ..
مرة غنوا بصوت عالى فى المريسة ذاتها ..
قايلين:
لحماً سمين ناراً تلهبا
سكيناً طرينة بتقطعا
كأس أم بلبل بتهدجا
هناك رمى جدى بريمة شنتو .. وهو الجد الذى سمونى عليه .. وقال يا العمدة الحسب ناسك ديل ما شيوخ ..؟؟ .. فالعمدة أبى أن يتدخل زول فى شأن ضوفيه .. فهم أختاروه وهو ذبح لهم ..
ذهب جدى وبدأ يتحاوم حولهم .. حتى رأها يذهب فرادى ثم يعودون .. فذهب خلف أحدهم متسللاً .. فرأى الرجل يشرب من القربة .. تركة حتى ذهب ثم ذهب إليها هو فوجدها قرب من المريسة ..
ثم جاء ونادى بصوت عالى .. ألحقوا يا ناس ديل همباته .. فهرب الهمباته وأخذوا القرب .. وحتى حللنا معاهم .. مسكنا نحن الأطفال منهم سروج حصين وفردة وعصا قرجة.
بريمة
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: بريمة محمد)
|
أها ظهر الخبراء ..
الأديب الأريب طه جعفر .. يعرف كل أنديات أمريكا ..
Quote: الاخ بريمة
اذا كنت عازمني ح اوريك الحاجات دي وين
في عموم امريكا
و الله أعلم |
يا أخى أنا ما عايز كل أمريكا .. أنا عايز بس منطقة واشنطن دى سى ..
أنا ح أرسل ليك كرت دعوة رسمى .. لكن ما تبخل علينا .. بخمارات واشنطن دى سى .. بينى وبينك أنا عايز أقبض المتسللين.
بريمة
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: بريمة محمد)
|
الناس ألتبس عليهم غرض البوست ..
وهنا واحد من الأسباب .. فى هذا الزمن القمئ .. كرهنا الحياة ذاتها .. وعايز لى سبب أشان يعدمونى من الحياة .. قلت أضعف زول ومن السهل الوصول إليه ست المريسة أو الكنجيمورو .. أجاهد فيها ..
أمشى أكبر فيها وأقشطها بخشبة .. ثم أذبحها من الأضان للأضان ..
يكون تخلصت من الحياة وأنا شهيد ..
بريمة
| |
|
|
|
|
|
|
|
|
 Re: هل توجد ست مريسة أو كنجيمورو سودانية فى واشنطن دسى ..؟ (Re: بريمة محمد)
|
Quote: الناس ألتبس عليهم غرض البوست ..
وهنا واحد من الأسباب .. فى هذا الزمن القمئ .. كرهنا الحياة ذاتها .. وعايز لى سبب أشان يعدمونى من الحياة .. قلت أضعف زول ومن السهل الوصول إليه ست المريسة أو الكنجيمورو .. أجاهد فيها ..
أمشى أكبر فيها وأقشطها بخشبة .. ثم أذبحها من الأضان للأضان ..
يكون تخلصت من الحياة وأنا شهيد ..
بريمة |
يا بريمة انت بتهظّر ... لاكين عندنا ناس بيفكّروا بالطريقة دي جادّين ...
عايزين يرضوا الله في عرشه ... بالإعتداء على ست المريسة في بنبرها ...
والله صحي ...
... المهم ....
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: بريمة محمد)
|
Quote: الناس ألتبس عليهم غرض البوست ..
وهنا واحد من الأسباب .. فى هذا الزمن القمئ .. كرهنا الحياة ذاتها .. وعايز لى سبب أشان يعدمونى من الحياة .. قلت أضعف زول ومن السهل الوصول إليه ست المريسة أو الكنجيمورو .. أجاهد فيها ..
أمشى أكبر فيها وأقشطها بخشبة .. ثم أذبحها من الأضان للأضان ..
يكون تخلصت من الحياة وأنا شهيد ..
بريمة |
Nice try 
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: بريمة محمد)
|
يا بريمة
Quote: بالله ناس دى سى .. ما عندهم شجاعة للدرجة دى ..
زول يدق سدرة .. ويقول ياهو داك بيت المراسية مافى؟ |
وين انت ياخي؟؟
أنا كنت في واشنطن أول أمس وما لاقيتك..سالت منك وكنت عايز أشرب معاك أية حاجة
واشنطن دي حمتها شارع شارع ما لقيت بيت مريسة لانها ما بتجيب قروش..
المريسة دي إبداع سودانى لا يوجد له مثيل في المنطقة حتى في واشنطن زاتا..
تحياتى يا بريمة، جد كنت عايز اقابلك
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: سيف اليزل سعد عمر)
|
سيف اليزل، هووى
| Quote: وكنت عايز أشرب معاك أية حاجة |
هههاى .. قال أىّ حاجة !! .. يا زول واضح أنت قاعد تكتل عبابير .. على كل حال مرحب بيك ..
سؤالك هنا ..
| Quote: واشنطن دي حمتها شارع شارع ما لقيت بيت مريسة لانها ما بتجيب قروش.. |
قول أنت ما عرفت تلقى محلة بيت المريسة .. ودا السؤال المطروح للناس العارفين الجخانين ..
أنا ما بتلقانى بالسهولة .. لكن رسل ماسنجر قبل جيتك القادمة .. وقبل يوم عشان العابير تكون بايته ..
بريمة
| |
|
|
|
|
|
|
|
|
|
Re: هل توجد ست مريسة أو كنجيمورو سودانية فى واشنطن دسى ..؟ (Re: Deng)
|
بريمة سلام ..
السودانيين ولوفين وعندهم حنين لي حاجاتم الخاصة ..
يطلعوا برة السودان اصلو ما في شي بيشعرم بي طعم الفطور والعشاء الا الفول ..
مهما سافروا وهاجروا لأبعد حتة يستحيل ما يتغدوا بي كسرة أو قراصة ولو مرة في الشهر ..
بالنسبة للعبابير والمرايس ..
السودانيين عندهم ليها حنين وما بيبادلوها ابدا .. حتى هنا في السودان في الجلسات والقعدات في ناس منهم تجيب ليهم وسكي فاخر ما يشربوهو يفضلوا عليهو عرق البلح ..!
يقولوا ليك : كلو بيوصل ؟!!
ولمن الشراب يصل المخ والناس تبدا تفقد الاتزان ما بيتعرف منو الشارب وسكي ومنو الشارب عرق ..!!
كلو بيوصل !!
في القاهرة في ست عرقي مشهورة في مدينة السادس من اكتوبر .. في سودانيين ممكن يقطعوا كل المسافة الطويلة من نص البلد لحدي هناك في سبيل الظفر بكبابي عرقي نضيف ولسان حالم يقول : عرقينا ولا براندي المصريين العامل زي البيرة الزايدنها موية ..!!
في الهند ناس الشراب بيلجأو لي البارات البلدية وهي عبارة عن بيوت فيها دواوين وطرابيز ومرخص فيها صنع الخمر بالمواد المتوفرة .. عنب .. تفاح ... برتقال وما شابه ..
جنوب الهند التمر غالي وما متوفر لكن بالرغم من دا في سودانيين بيشتروهو ويدوهو لي اصحاب البيوت دي ويكونوا سعيدين انهم بعد كم يوم يستلموا باغات وجركانات عرق بلح ما في فرق بينو وبين عرقي الشمالية البكر ...
الصينيين ذكيين جدا .. في شركات استوردت البلح من الدول العربية وصنعت منها شراب عرقي رسمي ومعبأ في قناين وسمتو aragi وسوقتو للجاليات العربية الموجودة في الصين ودول مجاورة وضربوا بيها الوسكي الاسكوتلاندي الاحمر والبلو ليبل !!
ما عارف لو طلعت من غرض البوست .. المهم غايتو انشالله تلقى الفي مرادك مع اني شاعر البوست دا مشروع كمينا لأخانا في الانسانية دينق !!
| |
|
|
|
|
|
|
| |
بريمة محمد
Asim Fageary
علي دفع الله
Elmoiz Abunura
عبد الله شم
طه جعفر
تبارك شيخ الدين جبريل
خالد عبد الله محمود
سيف اليزل سعد عمر
Deng
ذواليد سليمان مصطفى
ناذر محمد الخليفة
ahmedona
يحي قباني
فيس بوك
تويتر
انستقرام
يوتيوب
بنتيريست