|
|
 مكوه الفحم ؟
|
الاشاعات مالية البلد والفيس تقول انو مكوة الفحم القديمة فى ناس بيشتروها بى ملايين الجنيهات ؟
أمس مشيت لى ناس لقيتهم فرحانيين ومبسوطين قلت ليهم مالكم ؟
قالوا لقينا لينا مكوه فحم قديمة ؟
قلت ليهم طيب .. المفرحكم شنو كدة ؟
قالوا انهم (سمعوا) ركزوا فى سمعوا دى .. انو فى تجار حايمين بيشتروا فى مكاوى الفحم القديمة
بمبالغ خرافية .. يعنى ممكن يشتروا المكوة الواحدة بى 20 مليون جنية !!!
قلت ليهم طيب ماهو اصلا موجود فى السوق راااقد !!
قالوا لالالا نوع معين قالوا ... تانى (قالوا) المكوة القديمة فيها عنصر اليورانيوم
ما اى مكوة بيشتروها ...!
قلت ليهم طيب بيعرفوها كيف ؟
قالوا لى بيدخلوا فيهو جهاز موبايل .. اذا عمل جرس معناها مكوة فالوصو
واذا ما عمل جرس واداك الجهاز مقفول معناة المكوة دى المطلوبة لانو عنصر اليورانيوم بيقطع
شبكة الاتصال ..!
الناس ديل جادين :)
|
|
 
|
|
|
|
|
|
|
 Re: مكوه الفحم ؟ (Re: مزمل خيرى)
|
مزمل خيري
سلامات سلامات ياخ الناس دي حيرونا بالاوهام
والاجتهاداد دي فاقدين هادي ودليل
وبيني وبينك
الحيرة وعدم الصدف بسوي الكتير
ناس فقدت الامل في الواقع واحسن تعيشو في الوهم
| |
|
|
|
|
|
|
|
|
|
Re: مكوه الفحم ؟ (Re: Tumadir)
|
ياتماضر
الاشاعة دة كان طلعت صحيحة ابوعبيدة يكون هسع ندمان وسافى التراب فى الكلام القالوا فى المكوة
ههههههههههه
| |
|
|
|
|
|
|
|
|
|
Re: مكوه الفحم ؟ (Re: مزمل خيرى)
|
والدتنا ربنا يطول عمرها عندها غرام وثقة بالقديم ،زمانا ،ناسا واشياءا...
ما بتفرط ابدا في حاجات زمان...
مخزنها متروس ترس باشياء منذ الممالك القديمة،،،حتي الفراعنه...
دائما ما تقول لي،،،الزمن ما معروف...
شوف عيني،،،المكاوي القديمة عندها اشكال والوان...
في واحده لست اشك في ان حبوبتي كوت بها قنجة جدي حين ذهبوا للسلام علي المهدي حين بنا قبة جدنا...
الغني مبشرنا تب...
الله يبشركم بالخير...
الاباريق القدام ما طروهن؟
| |
|
|
|
|
|
|
|
|
|
Re: مكوه الفحم ؟ (Re: مزمل خيرى)
|
وانا من دربي ده اشيل البوست وأوديهو لمحل يعتر لي ابوعبيدة ويشوفو
وادنو الفيس بوك
لو سمحت
هههههه
شكرا الليلة اهديت ليك نكتة منزلية رهيبة
| |
|
|
|
|
|
|
|
|
Re: مكوه الفحم ؟ (Re: Tumadir)
|
قبل سنوات طلعت اشاعة يورانيوم ذي دي
ولو الذاكرة اتصلحت معاي اتخيل لي ايام كنت في السعودية
اها قالوا مكنات الخياطة القديمة ماركة سنجر فيها يورانيوم
وبيشتروها بي اي تمن والناس بدت تجري وتفتش
طلعت اشاعة ونكتة سخيفة
اها المكوة دي مكنته ما مقسمة .. خليهم يلعبو غيره
| |
|
|
|
|
|
|
|
|
|
Re: مكوه الفحم ؟ (Re: خالد العبيد)
|
خالد العبيد
سلامات ، عساك بخير ..
المواطن المسكين بقى يصدق اى حاجة .. الظروف بقت ضاغطة شديد
والقصة خاصة لمن يكون فيها قروش بتنتشر بصورة سريعة جدا ..
ربنا يصلح الحال غايتو !
| |
|
|
|
|
|
|
|
|
|
Re: مكوه الفحم ؟ (Re: مزمل خيرى)
|
سلام ,,
انا عندي حبوبتي عميانة وخلاص بقت ما بتشوف ,,
عندها خمسة مكوات فحم ,,
من ما سمعت الكلام ده ,,
شلته هدومي وسافرت لي حبوبتي فشان اقعد معاها يومين كدي ,,
اخدت اجازة مفتوحه من غير مرتب ,, من الشقل,,
الكلام ده لو صاح ,, مافي عوجة تب ,,
ولو الكلام ده طلع خارم بارم ياني دقسته
كدي تعالوا اسألكم سؤال ,,
هي سرقة الحبوبات حرام ولا حلال ؟
لكم التحايا ’’
| |
|
|
|
|
|
|
|
|
|
Re: مكوه الفحم ؟ (Re: على محمد على بشير)
|
اوووة على يا الحبيب Quote: والله لكن جبت ليك كلام يا ود خيرى
كدى شوف الشازلى ما عندو حاجه كدا قديمه بتطفح فى المويه |
الشاذلى هو ذاااتو بيفتش فيها
كان لميت فى واحدة اديهو خبر بالله
بالاكتر يعلم الله
| |
|
|
|
|
|
|
|
|
|
Re: مكوه الفحم ؟ (Re: مزمل خيرى)
|
سلام ,,
العندو مكوة يبقي عشرة عليها !!
الله يقطع الانقاذ وسنين الانقاذ ,, رجعونا لي وراء !!
ما خلينا شيء ما بعناهو ,,
لكم التحايا ,,
| |
|
|
|
|
|
|
|
|
|
Re: مكوه الفحم ؟ (Re: معاوية المدير)
|
ود المدير Quote: غايتو انا كان لقيت لي وآحدة طفّحت وكجنت الموبايل
وحات الله الحسا. |
كان لقيت واااحدة ياكا الخليت كندا ورجعت البلد هههههههههه
| |
|
|
|
|
|
|
|
|
|
Re: مكوه الفحم ؟ (Re: Mohammed Abuzaid)
|
سلامات يا مزمل
الحكاية دي بالضبط زي ما قال خالد العبيد حصلت في السعودية قبل عدة سنوات بس بدل مكوك الفحم كانت ماكينات خياطة سنجر
و العملية كانت عبارة عن نصب و احتيال تمكن مخططوها من سرقة أموال البسطاء و السذج.
أطلقت الإشاعة ثم جمع مطلقوها عدد من الماكينات بسعر عالي نسبيا ثم باعوها بأسعار اكثر ارتفاعا حينما انتشرت الإشاعة و حققوا
أرباحا خيالية ، و من تورطوا بعد ذلك لم يتمكنوا من البيع بعد إن انكشف الامر.
| |
|
|
|
|
|
|
|
|
|
Re: مكوه الفحم ؟ (Re: سيف النصر محي الدين)
|
قريبى دكتور سيف ...
لحدى الليلة الفيس بوك مليان بخبر الناس البيشتروا المكاوى دى
بس مافى زووول قال انا بعت وقبضت قروش .. اهو كلام والسلام
معقولة مكوة فى السوق بى 50 جنية تتباع بـ 300 مليون ؟
دة كلام بخش الراس بالذمة .!
| |
|
|
|
|
|
|
|
|
|
Re: مكوه الفحم ؟ (Re: مزمل خيرى)
|
ديل يا زومبا نفس الناس الزمان طلعوا الاشاعات بتاع "الشريحة سحبوا" و "البردوبردو" و غيرها
لكن للضمان كده يا عمك أمسك المكوة ده معاك، رحتو يورانيوم يورانيوم، الظروف ما معروووفة
و السعر قالوا وصل 95 مليون.
| |
|
|
|
|
|
|
|
|
|
Re: مكوه الفحم ؟ (Re: Sameer Kuku)
|
ود خيرى سلام ..
غايتو المكوة أم ديك الحايمه في بوستك ده ، نحن ماحضرناها وما شفناها
لكن الكانون أبو لهبه ...كيف ..
وكدى كما شوف لينا ( السحاره ) في ليها طريقة ، والمفحضة .. كيف
والنطع ..حق الخان ، والمشلعيب ، والسروال أبو تكه ، ..
غايتو كلها حاجات مدكننها ، يمكن نغنى يوم .. الرزق مقسم ..
| |
|
|
|
|
|
|
|
|
|
Re: مكوه الفحم ؟ (Re: Sameer Kuku)
|
سمير ياهندسة
هههههههههههه
والله كان يورانيوم ماعارف .. ياخ القصة لو كانت كدة الحكومة كانت كشت المكاوى الفى
السوق كللللها .. ههههههههه
انت من وقت كان بى 95 هسع قالوا حصلت 300 مليون
شوف الزول العارض المكاوى دى فى الفيس
| |
|
|
|
|
|
|
| |
مزمل خيرى
باسط المكي
Tumadir
عبدالعزيز عثمان
خالد العبيد
مصطفى توفيق
على محمد على بشير
معاوية المدير
Mohammed Abuzaid
سيف النصر محي الدين
Ridhaa
محمد مختار جعفر
يحي قباني
فيس بوك
تويتر
انستقرام
يوتيوب
بنتيريست