مشروع لتربية الأسماك

Quote: عشان اوصل كهربة لي مزرعة مسافة 200 متر فقط من العمود طلب مني 60 مليون وكهربة راقدة وعندنا اعمدة اعددناها قديما باجود مواصفات رفضوها لان الشركة عندها اعمدتها ،،،وتعقيد تعقيد لا يستند لاي نظام،،،يابدر ياخي الدولة وافنديتها معوق في اي مشروع حياة،،،علي العموم المشروع جيد جدا،،،واسمع اديك الارض والماء والموقع والسوق جيب مالك امش عليها،،وكمان بالمرة كدي مزرعة ابقار باحدث مواصفات جمولنات وحظائر وارض للاعلاف وموية وسوق وامن ة وكل شئ،،،جيب قروشك امش عليها جاهزة 100 مية ليك ولمن يرغب للبقر الحليب ...مش بيع ولا ايجار سااااااي.

Quote: إن كان المشروع في تلك البلاد التي كانت قبل "إنقاذها" مليوناً مربعاً من الأميال .. فإن "الحيتان" وأسماك القرش المفترسة التي ابتلعت وشفطت كل مليارات البترول وقضت على أخضره ويابسه، ودمرت حياته البرية والبحرية سوف تلتهم كل أسماكك ثم تبتلعك أنت شخصياً عندها لا نملك إلا الدعاء بأن تحدث المعجزة.. وأن يحفظك الله يا بدر– كما حفظ نبي الله يونس

Quote: فترنا من الغربة دايرين نخت عصا الترحال ونرتاح

Quote: حيث تبلغ نسبة البروتين من 18-23% في حين أن لحوم الأبقار 16.8 والبيض 13.6 وبروتينات الأسماك تحتوي على الأحماض الأمينية الضرورية لجسم الإنسان خصوصاً الليثين، كما تحتوي الأسماك على عنصر اليود الضروري لنمو الغدة الدرقية ولبعض الاستقلابات لدى الأطفال إضافة إلى وجود الفيتامينات (أ،ب،د) والمعادن (الكالسيوم ، الفوسفور ، الحديد). والأسماك سهلة الهضم لذيذة الطعم يمكن تحضيرها بسهولة ودخل في صناعات عديدة غذائية. كما أن زيت السمك هام وضروري لتغذية الأطفال والمعاقين سواء هذه الزيوت طازجة أو مضافة إلى مواد أخرى.

Quote: اجابه الرجل ( لو عملناها من البداية بنفس المواصفات الشركة المنفذه حالياً ايش تشتغل في هذه الفترة وكيف تصرف على منتسبيها ) هي عملية تشجيع من الدولة وبث حراك مالي في السوق ولو بخسارتها هي

Quote: مشروع ممتاز جداً ومجرب صحيح الدورة الانتاجية طويله حبه لكن لكن العائد كبير وسوق السمك ماشي كويس في السودان في انواع بتاكل 3 وجبات في اليوم وفي النواع اقل معظم الناس بتربي(تزرع) بلطي ممكن الناس تشكل ناس جامعه الخرطوم البحوث الزراعية بقدمو خدمات واستشاؤات ممتازه في الموضوع دا لو داير عاوز تشتغل في مجال جديد ولد اصبعيات (تيراب السمك هاهاهاهاها) للناس الماعارفين انت بتشتري المسمكه صغيرة(اصبعيه) وبتربيها لحدي ما توصل للوزن المطلوب ذي الدجاج

(عدل بواسطة بدرالدين بابكر مصطفى on 04-14-2014, 07:14 AM)

Quote: في احدى اجازاتي عرض غلي صديق فكرة المشروع وذهبت معه للبحر وكان قد شرع في عمل أحواض بجوار البحر ولم يكن المشروع بالصورة العلمية الصحيحة وقلت له اخشى أن يأتي { ورل } ويدخل خلسة لياكل الأسماك وبالفعل صدق نبوءتي ولكن بطريقة أخرى فالورل المسكين من فصيلة التماسيح كان بريئا براءة الذئب من دم يوسف إنما أتى ورل بشري وقام باخذ كل الأحواض

Quote: لكن ياخ الأحواض دي عاملينها بطريقة معقدة شديد نحن ناس حوض بانطون مستطيل بأبعاد معينة وانتهى الموضوع ما عندنا قدرة لكل هذه التكنولوجيا

Quote: يا اخي احبطتني احباط ما عادي من خلال ردك هذا انت قلت عايز تعمل مشروع عشان تستقر بيهو في السودان. كلام سمح لكن ما عايز تتبع ابسط القواعد لنجاح المشروع. لعلمك المعلومات المكتوبة هناك دي لازم تنفذها بالحرف عشان تعمل مشروع ناجح لتربية الاسماك و برضو في المدي البعيد انت حتوفر قروش كثيرة لو بديتها صاح لكن لو فاكر انو الموضوع حفير و بلاعة موية فتأكد انك بترمي قروشك في الادبخانة و بس. شخصيا انصحك انك تقرأ الرابط داك كويس و تعيد حساباتك بحيث تشمل دراسة الجدوي تلك المواصفات عشان ما تمشي في النص و تنقطع. ___________ Hint اتخيل بس عندك مليون من السمكات ديل ظهر ليهن مرض بكتيري في الحفير. مش ياهو انقطعت وراء و قدام

Quote: تعليقا على ما قاله الاساتذه بدرالدين بابكر مصطفى صاحب الفكرة نحن قاعدين في السودان ودايرين نعيش ودايرين نتزوج ونركب عربات سمحه ونسكن في بيوت فارهه ونربي اولادنا كويس ، الطريق لتقدم البلد دا هو تقدم الفرد فيه ما تتنتظر حكومة تدعمك ولا بنك يقدم ليك قرض حسن بالعكس حيحاربوك ولو نجحتا حيحاولو يسرقو مشروعك في ناس هنا شغاله ومتقدمه بسبب انهم ما عاوزين يستسلموا بتفتح محلك بجيك بتاع المحليه الليله بتعصر ليه حاجه وبكره بتشاكلو وبعد بكره بتمشي تدفع الناس ممشيه امورها الليله بتلقى زول فارش في مسطبه في السوق بعد كم شهر بتلقهو فتح محل راقي جداً في موقع مميز الاحزاب السياسيه دي كلها من ما قمنا نسمع جعجعه ولا نرى طحيناً والسلطه الاعلى في البلد دي لا مءتمر وطني ولا جهاز امن ولا غيرو السلطه الاعلى بقت القروش لانو البلد دي معروضه للبيع من رئيسها لأصغر غفير فيها،ولو عاوز دليل صاحب مجموعه بترينات موبايل في واحد من الاسواق اختلف مع ناس المحليه في مبلغ سعر التصديق للبترينه ببساطه هددهم قال ليهم بقفلها وما عاوز شغل مش هم الهددوهو شفت كيف؟ مركز القوه هنا للبدفع هو الملي شروطو .نحنا هنا بقينا كدا تعرف انك في حالت حرب مع الحكومه لمن تجي مظاهرات تأمن شغلك حته تطلع مع المظاهره وتكون عارف لو حصلت ليك حاجه مافي زول حيقيف معاك عشان كدا (تبقى حريف) و لمن توصل للنجاح حاول صلح قدر ما تقدر

Quote: وقلت له اخشى أن يأتي { ورل } ويدخل خلسة لياكل الأسماك

Quote: لأنها حصلت لزول بعرفو شخصيا (الورلات 9 أكلت السمك حقو

Quote: صديقي الحبيب بدرالسما كيفنك ؟ ربنا يسهل ويعدل خطوتك شقيش ما تقبل في مشروعك ده لما تجتاز كل المطبات وتبدا مرحلة الانتاج تب عندي لك سماد كااااااااااااارب بنفخ لك السمك نفخ ام كيلو توزن لك 5 ولا 6 كيلو التحايا من رباع ولقدام

Quote: بعد فترة لم يجدوا سمكا بالحوض قال لي والله ما لقينا لينا فيهو غدوة أين ذهب السمك ؟ صاحب المزرعة يتهم الحارس والحارس يقول أن هذا السمك عفن وغذاءه عفن ويقول أنه وأسرته لا يأكلونه الناس في المشروع يتهمون 1- الطيور 2- الورل 3- الكبحل وهو أكبر من الورل وعلمت أن نفس التجربة تكررت في عدد من المزارع

Quote: المشروع الذكرتو دا تابع للراجحي ؟ عندهم مزارع عملاقة للروبيان صاح من أكبر المزارع في العالم إن لم تكن الأكبر لك التحية مثنى وثلاث ورباع

Quote: الأخ الكريم بدر الدين سلامات ياخوي اسمع نصيحتي دي اوووووعك تجي دار تجي اجازة ألف مرحب بيك لكن اياك وثم اياك من تفكر مجرد تفكير في العودة من اجل الاستقرار يازول دي ما بلد بعيشوا فيها وتحديدا ولاية نهر النيل وبالأخص محلية الدامر خالص الود

Quote: ثم كان يأتي هو وابنه ليزنا السمك كل فترة كعينات عشوائية بعد فترة لم يجدوا سمكا بالحوض قال لي والله ما لقينا لينا فيهو غدوة أين ذهب السمك ؟ صاحب المزرعة يتهم الحارس والحارس يقول أن هذا السمك عفن وغذاءه عفن ويقول أنه وأسرته لا يأكلونه الناس في المشروع يتهمون 1- الطيور 2- الورل 3- الكبحل وهو أكبر من الورل وعلمت أن نفس التجربة تكررت في عدد من المزارع إذن : لإقامة مزرعة سمك لابد من العمل بطريقة علمية ، ولابد من التسوير بالسلك ( النملية ) من كل الجهات حتى من فوق ولابد من حراسة أمينة ، ولابد من غذاء مكتمل ليتم بيع السمك في الوقت المناسب بعد نموه وإلا فإن الخسارة ستكون كبيرة ومؤلمة وتربية الضأن والبقر والماعز كلها تحتاج نفس الشروط .. لذا رأس المال هو المهم .. لكن شوية قروش لمشروع صغير وغير مكتمل سيجعل رأس المال يتآكل ..

Quote: و ذلك لمشكلة مر بها انتاج الروبيان و هي من المشاكل المعقدة التي قد تواجه انتاج الأسماك.

Quote: وبعد ان تقرر العودة النهائية وتستقر في وطنك فافضل المشاريع هي الاستثمار في { دورات المياه } لايجيك طيور جارحة ولا ورل ولا هلم جرا

Quote: أكون شاكراً لو ذكرت هذه المشاكل المعقدة

Quote: و يتم اخذ المياه للأحواض بواسطة ترعة ضخمة جدا من البحر مباشرة و احيانا تدخل اسماك مصابة بفايروس ينتقل لأحواض المشروع و يؤدي لتوقف الانتاج لفترة طويلة تتم خلالها بعض المعالجات و لكن في المشاريع الصغيرة يمكن تجنب ذلك بالتحكم في المياه المستخدمة.