مستشفى ابراهيم مالك لو دخلتو هالك هالك

Quote: انا لي زمن لامه لساني من الناس بس غلبني كتر علي ده ماساهل ماشوية المره دي جيتكم ياناس وزارة الصحة ويا مامون حميضة اها الكارثة دي حصلت في ابراهيم هالك اوكما تسمونها ابراهيم مالك جات ام في حالة ولادة حرجة بعد تم رفض دخولها من التركي والاكاديمي جات ابراهيم هالك وحصل الحصل المرأة ماتت في الولادة ولانها حبشية قاموا الدكاترة الماعندهم لاضمير ولا بخافو الله غشوا الاهل وقالوا ليهم الزولة دي محتاجة جهاز تنفس صناعي امشوا احجزو ليها في مكان تاني احنا الجهاز عندنا عطلان والمرأة والله كانت ديت في اللحظة ديك اها الاهل قاموا يتجارو هنا وهناك عشان يلحقوا بيتهم والبيبي في الحضانة قام دكتور من حديثي الولادة نزل عشان ياخد بيانات الام لقاهم بتكلموا وعرف الرصة وضرب لي عشان يطمم لي بطني اكتر من هي طامة وحكى لي التفاصيل دي وانا طوالي مشيت ارض الحدث عشان القط باقي تفاصيل القصة المحزنة لقيت الجماعة لسه غاشين الناس وده كلو عشان ما يطلعوا غلطانيين والبت تمشي المشرحة ويعرفو الحاصل اها لقيت تاني مصائب اكتر واكتر من دي . تتصورو الوهم ديل افتتحوا حديثي الولادة بفبركة عجيبة والقسم لحدي هسي ما اكتمل والاتعرض ده ماحديثي ولادة ولا شتين ولسه الناس بتسقبل الحالات في القسم القديم المعفن وحانزل ليكم الصور بكره بعد امشي واعمل مسح شامل لحديثي الولادة وحوادث النساء والتوليد ماموووووووووون تعبت معاي يافردة ياراجل انت ناسي انو ليك يوم ورب شايفك وعارف بلاويك انت والمعز الله لاعزاهو