|
|
|
 Re: وداعا ..بابا محجوب شريف ... ماك الوليد العاق ... لاخنته لا سراق .. أحيييييييييييييييييييييييييي (Re: عفاف ابوكشوه)
|
رحل اليوم .. إنسان .. إنسان .. بمعنى العمق الذي في هذه الكلمة ..
بسيط .. طيب .. صريح .. واضح .. محب للناس .. ولأسرته الصغيرة .. وللشعب السوداني ..
وللبشرية جمعاء ..
رحل اليوم .. شاعر .. نزف عصارة قلبه .. من أجل الخير .. والجمال .. والحق ..
حارب .. القبح .. والشر .. بالكلمة ..
لم يحمل سلاح .. سوى الكلمة ..
------------------------------------
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك يحتوينا
لما فارسك فينا هبَّ
وعبَّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
ياما فرهد فى عيونك غصن أخضر
وفرحة أكبر من شجونك
والسلاسل يا جميلة
يوم ما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلَّ قيدك
فى غضبنا الحر ولافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
| |
 
|
|
|
|
|
|
|
|
Re: وداعا ..بابا محجوب شريف ... ماك الوليد العاق ... لاخنته لا سراق .. أحيييييييييييييييييييييييييي (Re: إبراهيم عبد الحليم)
|
انا لله وانا اليه راجعون
ربي انه رجل اجري قلمة بما يدفع الشر عن وطنه
اللهم تقبله بالرحمة والاحسان الذي انت اهله
واوفه حساب الخيرين الذين اعطوا واوفوا ولم يبخلوا
فاذا خذله عطاء الاخرين فان عطاءك ربي هو عطاء من ليس بظلام للعبيد
عاني الغربة والوحشة واضير وحورب بانه يري في وطنه مالا يرون
ولو انهم انصفوا لوجدوا في رايه غايات لاينبغي ان يختلفوا معها
وطني له رجال يقدرهم الرجال
ولا يقهرهم ظلم اشباه الرجال
فسيخلد اسمك ايها الشاعر البطل ..
ويبقي اجرك عند من لايظلم عبيده
اللهم انزله منزل صدق عندك
وعوضه العناء والشقاء والقهر
وارفع مقامه عندك بما شهد له به بني وطنه
واكتب له بكل لحظة عنت وغبن عاشها احسانا ونعمة وزيادة منك
وداعا ايها شاعر الذي لا ينجب مثله الا وطني
ففي رحاب الله يرفع الظلم والغبن والقهر والعنت
وعنده الوفاء لمن وفي
لا تدع له ربي ذنبا الاغفرته
واغسله بطهور منك يمحو ما خدشوا به جسده وروحه وحسه
واكتبه ممن ترضي عنهم من السابقين السابقين واصحاب اليمين
واحفظ له بيننا تاريخا ناصعا وذكرا حسنا .. يوم يكتب لنا تاريخ
وافرغ علي اهله وذريته صبرا وعزاءً حسنا
ولا حول ولا قوة الا بالله العلي العظيم
عمر علي حسن
| |
|
|
|
|
|
|
|
|
|
Re: وداعا ..بابا محجوب شريف ... ماك الوليد العاق ... لاخنته لا سراق .. أحيييييييييييييييييييييييييي (Re: عفاف ابوكشوه)
|
الي جنات الخلد شاعر الشعب محجوب شريف
حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
| |
|
|
|
|
|
|
|
|
|
Re: وداعا ..بابا محجوب شريف ... ماك الوليد العاق ... لاخنته لا سراق .. أحيييييييييييييييييييييييييي (Re: خالد العبيد)
|
-========================
محجوب شريف ..الشرف الباذخ
* توقف اليوم قلب عامر بالحب والوطنية والإنسانية , مات محجوب جسدا وبقي روحا ومشروعا وحلما, وبمثل ماحمل الجماهير في قلبه فقد حملته الجماهير في قلوبها و علي كتوفها في موكب مهيب يحكي الوفاء ويعرف معني العطاء- تمازجت أطياف النساء والشباب والشيوخ والرجال في ملحمة التشييع الهادرة, فكان التشيع -هتافا وشعرا وغناء ونبيلا وشعارا ثوريا - يرفض الموت والسكون ويصرخ بالتصاعد والإستمرار , فمحجوب كان شعلة حركة ومشروع ثورة لايعرف الموت ولايعترف به!
** محجوب شريف قامة وطنية سامقة , قامة وإستقامة ونبل وطهارة وحلم واعد بالسلام والعدل والمدرسة والمستشفي ورغيف الخبز!, إختار درب الفقراء والجوعي والمسحوقين- عاش مبادئه ومثله - تجسيدا في حياته, لم يعيش أبدا لم يعيش أبدا الفصام بين الفكرة والممارسة والقول والفعل !, أحب الشعب السوداني وعشق وطنه ! كرس عمره في تمتين النسيج الإجتماعي لوطنه ولملمة إطرافه المثخنة بالجراح - كره العنصرية وسبح في رحاب الإنسانية النبيلة! آمن وبصدق وصلابة بالشعب -وإنحاز لهمومه وآلامه وأماله وتطلعاته المشروعة في الحرية والسلام والعدالة والثورة! وقف شامخا في زمن بيع المبادئ والتصالح مع القبح والتطبيع مع الجلاد- لم يرهبه سجن ولم يغريه رنين المال ولاذهب السلطان أو سيفه ! حاربه إعلام النظام الكاره لمن يقول لا لا للظلم والعاشق لكل من يمسح الجوخ ويطبل للسفاح ! حاربه إعلام السلطة فأنفتحت له قلوب البسطاء وصدور الجياع ليكتب علي مسامها أجمل الاغنيات وسطر علي خلاياها - معاني الحب والثورة ووهج التحدي والوعد والأمل! * عاش ملهما ومعطاءا ومبدعا وخلاقا ألهم الأجيال الجديدة معاني الصمود والمواجهة , مات جسدا وبقي روحا ملتهبة وقصائد خالدة في سفر الحياة - سيظل رمزا ونبراسا يضئ دروب النضال بشرف الكلمة وإتساق الموقف وروح الإنسان الهادرة بالمحبة والولاء للشعب والوطن والحرية و للثوار والشهداء وللأم والزوجة والإبنة- !!
..........
(عدل بواسطة كمال عباس on 04-03-2014, 02:51 AM)
| |
|
|
|
|
|
|
|
|
|
Re: وداعا ..بابا محجوب شريف ... ماك الوليد العاق ... لاخنته لا سراق .. أحيييييييييييييييييييييييييي (Re: كمال عباس)
|
أقول دون رهبةٍ أقول دون زيف
أموت لا أخاف أين أو متى وكيف
بغتة.. مستمتعاً بأنجم السماء ليل صيف...
رصاصة في القلب، طعنة من سيف
اموت لا اخاف اين او متى وكيف
أموت في الظلام، في الزحام، تحت غفلة بساحل الطريق
حريق، غريق، أموت في سريري
زوجتى ,بنتايا ,جيرتى ,عشيرتى ,واصدقائي
قطتى راكوبتى وزيرى
معززاً مكرماً مهندماً بناصع البياض
موكب يحفنى لمرقدٍ اخيرِ
اموت لا اخاف كيفما يشاء لي مصيري
أموت لا أخاف، قدر ما أخاف، أن يموت لحظة ضميري
ــــــــ
واتوشح النيل السواد
الف رحمة ونور تتنزل عليك ايها الوليد البار
| |
|
|
|
|
|
|
| |
عفاف ابوكشوه
محمد نور عودو
هشام عباس
ياسر منصور عثمان
عباس الدسيس
امجد الجميعابى
نصر الدين عثمان
cantona_1
احمد حمودى
شمس الدين ساتى
شهاب الفاتح عثمان
Mohamed El Sheik
Dr. Moiz Bakhiet
عاطف مكاوى
أحمد التجانى حمودى
هشام كمال عبادي
إبراهيم عبد الحليم
Kostawi
محمد فضل الله المكى
عماد الشبلي
بثينة تروس
mekki
فرح الطاهر ابو روضة
عاطف عمر
الطيب شيقوق
elhilayla
محمد علي عثمان
اسماء الجنيد
أسامة العوض
خالد العبيد
كمال عباس
علي محمد الفكي
باسط المكي
Sudany Agouz
أمير السماني يس
ahmedona
ابراهيم ناصر
Yasir Elsharif
فيس بوك
تويتر
انستقرام
يوتيوب
بنتيريست