|
كتب الكاتب الفاتح جبرا المتوفرة بمعرض الدوحة
|
|
 Re: المطرب شكر الله عز الدين يتحول الى درويش ............ (Re: ود الباوقة)
|
سيرة سيدنا ومولانا الأستاذ الشيخ إدريس أب فركة
مُساهمة من طرف حسب الرسول الطيب الشيخ في الخميس سبتمبر 23, 2010 2:24 pm
بسم الله الرحمن الرحيم
سيرة سيدنا ومولانا الأستاذ الشيخ إدريس بن محمد الأرباب
(أب فركة) ؛ (راجل العيلفون)
هو الغوث الهمام والبطل الإمام تاج العارفين ومورد الغارفين بحر الشريعة وسدرة منتهى الحقيقة ابن السودان البار وطلسم
الحقائق والأسرار أول من أوقد نار الشيخ عبد القادر الجيلاني بالقطر السوداني وعم بجاهه الحر والعاني صاحب العلوم
اللدنية والأخلاق البرمكية؛ سبقت له العناية واكتملت له الرعاية ؛فقيل أن أمه تخيرت ساعة إجابة في ليلة مباركة لتحبل به
وإنها عندما وضعته خرج منها في كسوة من الحرير الناعم وآية ذلك شهرته باسم (أب فركة) ؛ كذلك قام والده على تحفيظه
كتاب الله باكرا فأدخله مكتب الشيخ البنداري بالحلفاية الذي قال له يظهر لك شأن عظيم ثم انتقل إلى مكتب الشيخ حمد
ولد زروق بحلة الصبابي فشهد له بجلالة القدر. وبعد ان أتم حفظ كتاب الله تعلقت نفسه بصحبة الصالحين فصحب
الشيخ بان النقا الضرير ودخل معه سنار عاصمة دولة الفنج ؛ فاتفق ان أم الملك كانت مريضة فرقى لها الشيخ بان
النقاء فلم تشفى وعندما رقى لها الشيخ إدريس شفيت بإذن الله فأعجب به ملك الفنج وتنبأ له فكان ذلك أول بدء شهرته رضي الله عنه وأرضاه.
كتب ذلك : حسب الرسول الطيب الشيخ ، بخطه الفاني
| |
 
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: ود الباوقة)
|
مولده ونسبه الشريف
ولد رضي الله عنه عام 1507م بالحليلة شوحطت؛ وهو المكان الموسوم الآن بحلة شمبات بالخرطوم بحري؛ لوالدين
شريفي النسب؛ حيث أن والده الشيخ محمد الأرباب كان محسيا من قبيلة المحس؛ وهو في ذلك يتصل نسبه بالصحابي
الجليل سيدنا أبي بن كعب الأنصاري رضي الله عنه رابع أربعة جمعوا القرآن الكريم في حياة سيدنا رسول الله صلى الله عليه وسلم
والمشار إليه في الحديث الشريف بأنه أقرأ الصحابة لكتاب الله؛ فهو محمد(الأرباب) بن علي بن قرين بن قندل بن فلاح بن شرف الدين
بن عجم بن محمد بن محسي بن زيد بن أبي بن كعب بن سعد بن تميم بن مرة القرشي. وينتسب الشيخ محمد الأرباب للأشراف
من جهة والدته الشريفة أم حسون بنت سيدي الشريف موسى الحاج لقاني فهي شقيقة سيدي الشيخ حسونة والد سيدنا ومولانا سيد الجميع الشيخ حسن ولد حسونة رضي الله عن الجميع.
| |
|
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: ود الباوقة)
|
أما والدة الأستاذ الشيخ إدريس فهي الشريفة فاطمة بنت الشريف حمد أبو دنانة الذي قدم من مراكش عام 1466م؛
وهو صهر الشيخ محمد بن سليمان الجزولي مؤلف (دلائل الخيرات). فهي رضي الله عنها الشريفة فاطمة المرضية
الشهيرة باسم (صلحة) بنت حمد(أبودنانة) بن محمد بن احمد بن بكري بن عبد السلام بن داود بن سليمان بن كمال الدين
بن جلال الدين بن علي الهادي بن الحسن العسكري بن محمد الجواد بن علي الرضا بن موسى الكاظم بن جعفر الصادق
بن محمد الباقر بن علي زين العابدين بن الإمام الحسين بن سيدنا علي وسيدتنا فاطمة الزهراء بنت سيد
الوجود والسبب في كل موجود سيد السادات سيدنا رسول الله صلى الله عليه وآله وسلم.
| |
|
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: ود الباوقة)
|
شكرالله عرفناه ماسكـ يد الشيخ يتبركـ
التاني الماسكـ في شكرالله ده . بسوي في شنو ؟؟؟
كهرباء هي .. ؟؟؟؟
بعدين يا ود الباوقة العالم إتغير ياخي .. نحن في زمن ثورة تكنلوجية عارمة ..
يعني حتى (البخرات) تترسل بالواتساب والــ Email ..
وهي لله ..
غايتو السودان البقت فوقه دي ما ساي ... تخلف تضرب به الإمثال ...
| |
|
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: يحي قباني)
|
اما كان علي الممارسة،،،فياهو السودان...
بسطاء ولكنهم غير قتلة...
يحسنون الظن ،،،ويطيبون الخاطر...
لا اقول رائا في من ياخذون عنه الطريق،،،لاني لا اعرفه..
ولكني كنت اتمني ان يسخر الناس من اللصوص والكذبة
القتلة...
تتحدثون عن فنان يمارس اشواقه الخاصه...
في حالة تعبه الخاص،،واحسان ظن باخر...
ولكنكم كانكم تنسون الغيبوبة الكبري لوطن،،يهلك
انسانيا واقتصاديا واجتماعيا
ضربته قارعة القوارع
وسرقه اللصوص والدجالون
فدروش ياود الباوقة واندرو
جامعة ومستشفي مكتب وحقل
حتي اذا مارس الضحايا اساهم
تمسخرتم منهم ونسيتم الغول الذي خطف فاطمة...
| |
|
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: ود الباوقة)
|
ود الباوقة سلام،
هههههههه
المشكلة الواقعين فيها :ناس تسمي وناس تنشر المسميات وناس تتولى الدفاع عنها!
الزول نصيييييييييح!حار بيهو الدليل وما لقى واحد كتوم سر يحكي ليهو غير الشيخ ده!
كدي شيل كمرتك ولف بالمسايد (جمع مسيد)،
وبعدين سؤال:
الدروشة دي هي إلا إبروكو قدام الشيخ!
الدنيا ملانة دراويش وعادنها تانيين فن وذوق!
وزي ده عند شيخو مريد قاصد الطريق وما في أبر منو!
شفت كيف معايير الفن والدروشة!!!!!!!!!!!!
وغايتو!
نسأل الله الهدايا لنا جميعا!
| |
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: قصي محمد عبدالله)
|
قصي ياصديقي والله ما سار بنا عميقا نحو هذا الواقع البائس الا الاستاذية والفوقانية فوق خلق الله...
المعيار عندنا،احترام قناعات الناس وخياراتهم،احترام القوانين والنظم .
اما طريقة تعبير الناس عن احتراماتهم لبعض،حسن ظنهم في بعض فليس هذا مما يعنينا في شئ...
والسودانين ديل قمنا لقيناهم في دروشتم دي،المدير والغفير والمدرس والمزارع ،الفو في حلقاتن دي الليل كلو،،،مجاذيب وغرقاقين وصبح الرحمن اية واحد علي شغلو كساعة سويسرية انضباط وتك...
ياخي -بس ما تزعل ياخ- انا بنقل واقع فلا تحاكمني،،انا القدامك ده قمت لقيت الجو في طرف الحلة وناسنا كلهم مزارعية،،يتغشون هذا الجو تنتج حواشاتهم عشرة اضعاف الان ،ولا يوم واحد تغاضب اثنان مجرد غضب البيوت فاتحة،والنفير في العسرة والشدة ،والمحبة،،،اقول ليك حاجة اهلنا البكتحو العدل ديل،،بنو عشرات المساجد والمدارس وخرجو مئات الخريجين الاذكياء،وعاشو كانضر ناس،،وياهم الدراويش ديل...
بلد محروقة،ومسروقة،ومبيوعة،،،ونحن شغالين شوفو الشيخ داك قال وداك دقه نوبه وله داك ربط رايه وله حجاب...ديل مساكين شوفو الغيلان....ياناس يمين انتو عايشين جوه الكتب بعيدين عن اوجاع واهتمامات الناس....دي الناس بتموت.
| |
|
|
|
|
|
|
|
|
|
Re: المطرب شكر الله عز الدين يتحول الى درويش ............ (Re: ود الباوقة)
|
اخونا ود الباوقة الزول ده الظاهر عليهو انجزب عدييييييييييل كده ..
غايتو كتر خيرك في المعلومات الثرة الجبتها لينا عن جدناوابونا الشيخ ادريس ودالارباب المحسي الما كضاب ,, راجل العيلفون البسبق التيلفون ... ما سمعت بي البرعي عليه رحمه الله قال ( ابو فركة رئيس لولي الألباب .. الشيخ ادريس ود الارباب ) علشان تاني ما يجي واحد ويقول لي العيلفون دي وين ولا العيلفون دي شنو ... كدي غايتو هسة خلينا في شكر الله ده يكون الحاصل بيهو شوق وحنين ولا شنو ....
تحياتي : ياسر العيلفون
| |
|
|
|
|
|
|
|
|
 Re: المطرب شكر الله عز الدين يتحول الى درويش ............ (Re: على محمد الخير)
|
| Quote: وإنها عندما وضعته خرج منها في كسوة من الحرير الناعم وآية ذلك شهرته باسم (أب فركة) |
خليك من المطرب يا باوقة؟
أب فركة يخرج من بطن امه مكسواً بالحرير الناعم
و محمد بن عبد الله الرسول الكريم يخرج من بطن امة (ميطى)؟
أأب فركة اعز على الله من الرسول؟
_____________________
ما اتوقع واحد يجينى ناطى
الناس كلها فتحت..........
| |
|
|
|
|
|
|
| |
Deng
Abu Baker Ahmed Abdel Rahman
هشام كمال عبادي
يحي قباني
عبدالعزيز عثمان
محمد عمر الفكي
omar altom
أحمد التجانى حمودى
ياسر السر
ياسر منصور عثمان
Hassan Makkawi
فيس بوك
تويتر
انستقرام
يوتيوب
بنتيريست