كتب الكاتب الفاتح جبرا المتوفرة بمعرض الدوحة
|
ايها المحترمين بسودانيز اونلاين،،اريد انصافي من المدعو ملاسي...
|
لا اعرف الاساءة ،ولا التجريح،،تربيت علي احترام الغير ،ورائهم،،ابعد عن الشخصنة،،واحاديث السياسة الحادة،،،فلماذا يتدخل حسين ملاسي في مشاعري واشواقي واحبابي ،،وصفني بالراعي للضان في الخلاء فمازدت عن شكره،،،اريد انصافي
Hussein Mallasi
تاريخ التسجيل: 28-09-2003 مجموع المشاركات: 25697 للتواصل معنا FaceBook تويتر Twitter YouTube Google Plus Re: الرائع عبدالعزيز داؤود،،في زواج ابي،،اطربهم وانسهم خمسة عشر يوما بحلتنا بالجزيرة.. (Re: BALLAH EL BAKRY)
عبد العزيز داؤد غنى في عرس ابوهو قبال مية سنة ولي الليلة مخلوع .. فتأمل!
|
|
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالحفيظ ابوسن)
|
ياحسين انا رجل بسيط ومعافي... افرحني وشرفني ان قد غني ابوداوؤد في عرس ابي,,, وافرحني ان مر بساح بيتنا المادحون ،،اولاد حاج الماحي ،والشيخ حياتي واولاد ابوكساوي،،، وتشرفنا فيه باطلالة الشيخ البرعي،،وودالسائح،،والشيخ بابكر... وفرحت كل الفجاج ،،فنحن بسطاء طيبون،،،بالازهري والهندي ووطنين اخر... ثم تشرفنا بالادباء والشعراء ،،،الفلاحين والرعاة والبسطاء،،وكل طيب شريف من الناس... وانا مشروق تب وملان فرح وفخور بانه ساح مفتوح لكل طيب... بس ات فرحي ده اين اذاك؟
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
عبدالعزيز عثمان كيف حالك؟ علك طَيِب
شوف النصيحة حااااااره.. أسمع كلامي ده، وحتسمعو رضيت ولا أبيت، طالما إنت كوركت براااك بِعِلو حِسْك.. شوف يا خوي في التبادي ما تزعل إلا مِن الفي مقامك.. مِن البشبهك.. مِن الناس البِتعرِف أقدار غيرا.. البِتعرِف البِيوتات القديمة.. النفاجات.. البِتعرِف العادات والتقاليد.. تزعل مِن ناس [حبابك أنا أخوك] مِن البعشي البايتات.. مُقْنِع الكافشات (نعم الكافشات)، النجايِز لا يجوز فيها إلا الجايِز، حِسين ملاسي ده ما بعرِف وين الفرح.. ما بِلاحِظ السمِح.. ما بِشيد.. ما بِشجِع.. نقد نقد نقد نقد، أها يا خوي يا تزِح منو وتخليهو كُل ما يِعْتَر فوقك يِرصعك بِسِطيرو ده، ولا كمان تتصدى ليهو، ما عِنْدك خِيار تالِت، أرْكِز يا زول بلا إنصِفوني بلا بطيخ، رصعك ترصعو، ما بتقدِر يبقى الله لا كسبك، الواحِد حقو بِكيبورد ساي ما قادِر يِشيلو، الله يِشيلو
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: Balla Musa)
|
الجميل عبد العزيز عثمان
يا اخي انت الزيك ده يقولوا ليه شنو؟!
النبي فيك يا زعلت من اخوك ملاسي
الزول ده قلبه طيب بس مزاحه بايخ
انا القدامك دي مجنني و فاقع مرارتي لكن عارفاهو طيره ساي بس بيحب المناكفه.
وحسه بكون متكيف للسماء انه اتفتح في بوست.
وتخيل بتلحك برضو لانك اوحيت ليه انه زول رقيق
زي ده ما توحي ليه بحاجه بلبد.
ملاسي يغار من نوع بوستاتك
واي بوست فيه عدادات كثيره.
خاصه لما يكون ما خبري و ما سياسي.
انت الحمد لله وفي زمن قصير كسبت قراء كثر
فانسي ملاسي وامثاله هنا و اكتب لنا عن الجمال و النقاء السوداني القديم البقي فعلا نفتش عنه في امثال بوستاتك.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: Balla Musa)
|
Quote: سلام ياعبد العزيز
يازول الطيرة بتنقد الفواكه الحلوة..
الطيرة عايزة تاكل وتعيش مابنقدر نسألها وكمان مابنقدر نلوم الفاكهة على حلاوتها
غايتو أنا دايما بحب الفاكهة الناقدا الطير عشان أكيد بتكون حلوة.
عندي بوست في الارشيف إسمه:
تبقى أديب أساسي ويكتب فيك ملاسي أبحث عنه. |
الأخ العزيز د. بله معنى ذلك أخونا ملاسى بِقى طيره؟
التحيه لك الأخ عبدالعزيز أخونا ملاسى زول حبوب شخصياً أقدره رغم ما بيننا من مناكفات.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: ABDALLAH ABDALLAH)
|
ملاسي ده ترصو كل يوم بِجِنِس كلامي التِحِت ده
بِقول عِبْدِلا: أنواع المِحَنْ يا خـوي فـوق البلد إتوالت وكِتر هَـمْ عبدالرحيم وبشوف مـنـو الغـبـايِـن سـالـت وبقول: السبـب السَـكَـنْ فوقنا أنـواع المِحَـنْ وإتْعالت سَكَنوها المكادا وكاكا وعارو فوقـا -وبعد ذلك- مالت
كـيـف الـمَـلـوص بين العالميـن بِتْمَشا إتَـرْتَـبْ بِـشـيـش وسـط القبـايِـل خشا جـابـولـو الفـطـور أبَـيَـض قال بِتْعشا تـلـحــق إتْ عبـدالفـضـيـل ود عـشـا
بـلـد السـجـــم بـلـدي الفيـها البَـروس مبـيـوع ويرْقُـد في القواسيـب قُنْـديـل المحـس مجدوع البسقي العطيش وأيام السـو بـقــاوي الجــوع القال الهويش واللَبْلَب مسور، غشيـم مخـدوع
سيـنـا الكرم في الجـونـا بعد مـر الزمـن فـجـونـا يا عِـيـال البـلـد ألْـفـونـا دايِر بريد القبيلة ورقم تلفونا
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
تحباتي وسلامات عزيزنا عبدالعزيز
دعني أفاجئك بأنك قد ( تحكرت ) وسط فطاحلة البورد صديقنا ملاسي رغم كل ما يمكن أن يقال عنه فهو ( ذواقة ) يختار البوستات التي يقرأها بعناية ويختار ردوده بعناية صدقني العشرات بل قل المئات من الأعضاء ( يتمنون ) تداخله في بوستاتهم فـ مجرد التداخل يعني أن البوست قد حرك فيه أشياء للقراءة وأشياء للكتابة مداخلتي هذه أقرنها بمداخلة صديقنا د. بلة موسى
وأمشي من سكات جيب لينا الحلاوة والشربات
لوالدك ولكل الآباء والأمهات التوقير والمحبة
______________
أقول قولي هذا ولا آمن جانب ملاسي من قذيفة تأتيني من ناحيته
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: صديق الموج)
|
عبد العزيز.. أنسى بس.. البورد ده فيهو مِحّنْ... قبل يومين واحد دعاني ب (زعيط و معيط).. شويّة و وّصلني لأنسان غير محترم !! لكن ما يُحْمَد لملاسي ..أنّو لا يلجأ لفاحش القول و سؤ الأدب.. بس غيّاااظ. ____________ ودعمي عزّام..
Quote: الواحِد حقو بِكيبورد ساي ما قادِر يِشيلو، الله يِشيلو |
تعرف القلتو ده أصعب شي .. فقط لآنّو كيبورد ..وعندك الوقت الكافي تستدعي خُلُقَك وتربيتك ..وإحترامك لنفسك ..وتقدير الآخرين ليك.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: Balla Musa)
|
الاخوات والاخوان المحترمين،،،مشاركين وقراء،،واني لاجد نفسي ممتنا لدعم نبيل،،وتطيب خاطر منكم،، ترجمانا لنفوسكم الطيبة،الخيرة ،التي ماشككت ابدا في رهاني عليها في ملمات جمعية كبار دع عنك موقف مفرد،،،نحن بخير في هذا الحوش طالما احسسنا بجرح بعضنا،تعاضدنا في شيل الحلم والامل،،حتي نخرج جميعا من مازقنا ووجعتنا... اشكركم جزيل الشكر،،اذ تفهمت لما يجئ الغضب،،درب الضياء،والقداسة،الذي مشيناه مع ابائنا وامهاتنا،،افراحا واتراحا،،درب مقدس،،لا يسخر منه الا من لم يعرف قيمته،،نحتفي بها،،لحظات مسرتهم،،ونحن لها،،زرعنا معهم،،حلبنا معهم،انسنا معهم،،لياسنا لبيوت الجالوص واياهم،،اكلنا للكسرة البايتة فوق ضهر الترع واياهم،،حشنا للقش المر ودقنا للعيش،،كل ذا ما يجعل النفس في توق وشوق لهم عظيم،يحسهم في كل خطو،يجدهم في كل درب نبيل،،في كل حلم،،.بفقرهم صمدوا امام الشدائد،،انتصرو للحياة والعمار،بذلو الزاد والساعد للاخرين ونهضو بعمار وشرفو واضاؤا.... لاهالينا اولاي الشرفاء العزاز كل تحية... لمن شاركونا بهم الاحتفاء الاحترام... معزة اهالينا ليست مكان مسخرة من احد،،فليقف كل في ما يفترض وقوفه عنده ... لكل من طيب خاطرا الف الف شكر،،ولابد ان اعود لتسجيل اسمائهم الخيرة...
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
تحِية صباحِية تجبُر خواطِر قَومٍ آخرين
يطـول لَيْلي مِـنْ جفاهـا وأسْهَـدُ *** وَيـقْـصُـرُ لَـيْـلـي تالله حيـن تـرانـي يزيد لها غَرامـي ما تَنَفَسَ صُبْحٌ *** وَمـا غـرد طَـيـرٌ عـلى الأفْـنـــــانِ صَبْري على أشـواقِ قَلْبي هَيِـنٌ *** وَيـصْـعَـبُ إنْ نَـدَني مَنْ كان هَوانِ ما كـافـأت يا "ملاسي" رعاعنا *** وَإنْ بَـلـغَـتَ بِعِلْمٍ في السماءِ عَـنـانِ تَـتَـعالـى وَجَـدِكَ عَلَـيـنـا وافِـــدٌ *** ذو حُـمْـرهٍ أباها المهديُ في الإنْسانِ تَـعَـجَـم لِساني وَأفَـصَـحَ بَغَيْرِها *** وَجَدي ملِكٌ وأبْنِهِ كان ناشِـرُ القُرآنِ نَحْنُ الذين خاطَبَنا المُلوكُ تَوَدُدا *** وَأنـت قابِـعٌ بِواهي النَسَبِ بِالقيـعانِ فَلا أَنْتَ – وَيحُكَ - نوبيٌ كَمِثْلي *** وَلا كُنْتَ – أبَيتُ اللَعَنَ - مِنْ حسانِ تَجَـمَعَ في بِـلادي شُعْثَ شتاتِكُمْ *** ثُم في غَفْلَةٍ عُـدَّ ملاسي في الفُرْسـانِ قَـد يَرَفَـع اللهُ على خَيِـرٍ دونـــهُ *** وَلا يَجْعَـلُ اللهُ خَـيِـرٌ وَدونَهُ جـيـرانِ
مه
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عزام حسن فرح)
|
وما أدراك ما ملاسي بالمناسبة ملاسي زول كويس .. لكنه غيّاظ .. ويستمتع بذلك .. وأيضا له أخطاءه منذ حوالي عشر سنوات دخلنا في صراع أنا وملاسي .. واستخدمنا الكي بورد وتبادلنا ملاسنات ، كل بطريقته .. لكن الموضوع انتهى وعدنا أصحاب .. لكن لا أذكر أي مداخلات بيننا .. يعني أصحاب من بعيد لبعيد ومن دغالة ملاسي أنه لم يدخل في هذا البوست مطلقا بالرغم من أنه يراه ويتابعه .. بس يا عبد العزيز أنا عايز أفهم ما كتبه ملاسي بفهم مغاير ، وهو : أن عظمة عبد العزيز داوود جعلتك ( أنت عبد العزيز ) تفاخر وتفرح به رغم مرور سنين طويلة على الحدث .. على العموم لا تهتم ورأي ملاسي مهما كانت درجة سلبيته لا يهزم كتاباتك الجميلة ..
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عزام حسن فرح)
|
دا زول رخم ودمو تقيل
أردمو لامن يآمن .. اللغيلف دا مفروض بوستاتك يخشها بي تصريح لأنها ما بتشبهو لأنو فرحنا ما بشبه فرحو بفرحوهم بالإيسكريم والبيتزا
ياخ دخولو السودان الماهل دا كلو مو عاجبني خليك من يجي يتحاوم في حواشاتنا وضهارينا زول لا رماهو حمار لا رفستو دحشة لا أكل عصيدة لا شرب روب من الكورة أم ضبان ديك ما شرك لي أم قيردون وأم ظيكر ما أكل حلقومها ني لا مشى ورا تيران محرات لا صرّر بهيمة ولا كنّن فحل ولا خلّل عتود ، ما قلب لبقة واحدة في حياتو ولا عام بحر دميرة عشان يعشي البهايم قشاً ندياً ولا لعب أم غتاس في موجاً يشيل عوامو
البجيبو لينا شنو ؟؟؟
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: طلحة عبدالله)
|
داير ارد لي هشام شيخ الدين المحترم ،،عن اذنكم... اشكرك علي العبور بساحاتنا،،ونبل مقصدك،،ولكني احب ان اوضح شئيا،،اولا لم يذهب احد لفضاء ملاسي ليستخف بافراحه ولا عوالمه،،لم ولن يستخف احد بالمدينة وقيمها الحضارية،،وعندنا ان قمة القيم المدينية احترام الناس وحيواتهم وشؤنهم،،يكتف ملاس بتحقير وعنتظة جوفاء ساخرا من الريف وحياته،،ويظن بانه يقلل من الشان بنسب الاخرين لقيم ريفيه نفتخر بها،،،نعم ياسيدي مع احترامنا للمدينة ،حضارة ورقي ،واعمال ساكنيها عمالا اوعلماء،،فاننا لجد فخورون بريفنا،،ونعتقد انه من صميم الحياة ان نفاخر بضروب حياته،،،وحتي تهتم المدينة بوسايل ترقية اعمالنا من زرع وضرع،،والتي نكدح ونعرق ونشقي لنمد بها ساكني المدينة الطيبين بلا من،،ياكلنا الوجع والسغم،بلهارسية وملارية،،،فاننا واهلونا نظل نحترم ونقدس تلكم الحياة،،،التي يظن اهل المدينة انها مهن التخلف،،،لا ادري هل يراد لنا ان نضرب عن ذلك... لا احب الشخصنة،،،ولا اوافق بدر،اخي وصديقي ،والذي هو مستفز من سخرية ملاس باهالينا وتسخيفه لحياتهم ومعاشهم وفنهم، علي بعض الكلمات،،،ولكنا لم ندعو ملاس ليشاركنا افراحنا،،،فان لم تكن تستهويه ،،فالمدينة ملاي بما يوافق طبقه،،،وليتركنا في تخلفنا حتي ياتينا اليقين... مرة اخري اكرر شكري واحترامي.واقول لك ان وصفك لبدر بانه قروي متخلف فيه ظلم ، لبدر والقرية،فهو لم يسئ لك،،ولكنه مغبون من ملاس واتمني لو ناينا جميعا ،نفسي وبدر وانت عن خشن الكلام وجارحه..
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
.
أخونا الكبير المبجل هشام شيخ الدين لك أزكى التحايا
ربما عصرت على صديقنا بدر الدين فهو قروي نعم، لكنه مديني حتى الثمالة لو كانت المدنية تعنى العلم والثقافة والكرم والإعتداد بالنفس والسماحة والفراسة، وأحسب أنك أخي الأكبر هشام أرباب إبن شيوخ في نفسك الكبيرة مساحة للسماحة وطيب الخاطر فتتقبل الكثير من شطحاتنا هنا، ولا تمانع في تفهم قليلا قليلا من عتابنا عليك، وللقروي المفتح بدر الدين العتبى حتى يرضى،
.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: يوسف محمود)
|
عارف ياعبد العزيز ملاسي ده زي الزين بطل قصة الطيب صالح .... الزين نجيض في معرفة البنات السمحات ... وملاسي نجيض في معرفة الزول الكتاب وبتلحو ليك طوالي ... بالذات الناس الليهم علاقة بالكتابة الادبية لانه تتخيل كان بتمنى يكون كاتب قصة وعندو محاولات زي قصة قصيرة اظن اسمها رقيص العروس خالية من اي مضمون ولا فكرة ... عشان كده قبليك اتلح محسن خالد وحمور زيادة ود/حسن موسى شفت كلهم جهابذة .... عشان كدة ياعبد العزيز ماتبقى حساس شديد جلي ياعمك ....
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: على عبدالله بشير)
|
يا عبد العزيز أخوي انت زول ربنا أداك نعم كتيرة منهن السماحة القاعد تكتب بيها دي وأعرف مقدار الألم الذي اعتراك من عبارة ملاسي عشان انت زول نفسك رقيقة والعبارة أنتاشت أعز ما تملك فنحن قوم ليس لنا من حطام الدنيا الشئ الكثير ولكننا نملك الكثير من المحبة ،المحبة لكبارنا ، أبائنا وأمهاتنا والمحنة علي صغارنا ، ان كان هنالك من فائدة لتلك العبارة فهو هذا الاستفتاء الذي بيّن محبة الناس لك ، ولي ملاسي بقول ليهو ربنا يسامحنا ويسامحك
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
سلام يا عبد العزيز، مداخلة ملاسي بهناك من أحسن المشاركات الإتكتبت ليك في البوست فهي تصب في صالح فكرة الإنبهار (الخلعة) بعبد العزيز داؤد. كان من الممكن أن تبني على المداخلة إيجابياً لصالح أبي داؤد. عموما لو أبو داؤد غنى في عرس والداي؛ كنت عذبت الناس بالحكاية حتى لو بعد متين سنة. ــــــــــــــــــــــــــــــــــــــــ هامش: لو قلت لي ما سموك عبد العزيز على أبي داؤد؛ بزعل منك.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: أبوبكر عباس)
|
ارد للصديق ابوبكر عباس،،، تعرف حكاية اسمي عجيبة،،،جدي عاش بالكمرون 40 عاما،،اصلو نحن اهلنا اهل استكشاف،،جدودي واعمامي ،،ولهم في المشي في مناكب الارض باع طويل،،،حتي الان يقيم شقيق لي باحد مجاهيل افريقيا البعيدة الغميسة منذ دهر دهير... كان جدي تاجرا بحلال افريقيا،،ثم استقر به المقام بقروة بالمكمرون تاجرا واماما لمسجدها،،،وعاد مرة حين مولدي،،،فسماني عبدالعزيز الدباغ،،ويناديني بالدباغ،،،حقيقة لم يستهوني الدبغ لارتباطه بالقرض والجلود،،،ولم اعرف من هو.... علي ان ابوداؤود كان قد غني وسامر في قريتنا،،،فقد كان صديقا لعمي،،،ولابي داؤود اصدقاء كثر..ومحبين لا يحصون.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
ياسامي يابن اخي،،ما تلحقنا بنغم حلو يفك كربتنا قليلا ،ويبعث فينا جذوة الاشواق،،والله عمك ملاس ده مبعوث من مباعيث النكد،،واري فيه من سمات ملك الموت،،هدمه للافراح،،،ويظل رغم ما تنطوي عليه نفسه المزعزعة بالهاجسات،،مرجو،،ولو لا اني خشيت ان يلقمني عزام بحجر،،لقلت لا تثريب عليه،،عسي ان يتغمده الرحيم بنعمة ان يتقبل الاخر،ويتنزل من اوهام علاه الفوق،،واستفغر الله لي وله.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالعزيز عثمان)
|
Quote: بعض الردود تحير والله و تغيظ ذكرتني قصتين استاذ لينا غير اجتماعي وثقيل جدا بشهادة كل من يعرفه , قال والله انا زول اجتماعي بس الناس ما عارفاني و المرة البتريد ولدها الصغير ,, سمعت صوت كسير كباية , واولادها بره الاوضة , كوركت فيهم الكسر الكباية دي يكسر قلبو كدي اليرجاني قالو ليها كسرها فلان ولدها البتريدو , ردت ليهم الختاها قدامو لامن كسرها اليرجاني |
شكراً ود أب سن.
الناس البيقولو ملاسي زول كويس، لكن (غياظ)، لو أمكن يشرحوا لي الكلام ده موضعو وين من زول لا يكتب إلاّ لتبخيس أشياء الناس. بعدين يمكن كتيرين لاحظوا إنو ليهو فترة بيطارد أخونا عبدالعزيز ووصفه بـ"راعي الغنم" تقليلاً وتحقيراً.
راجعوا بوستات ملاّسي وشوفوا كم بوست كتبه بدون أن يهاجم شخص ويستخف به.
أما حكاية إنو على أرض الواقع إنسان مهذّب وخلوق ..... إلخ.، ...... أحيله لمن يسعى لمصاهرته.
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: ودقاسم)
|
Quote: دا زول رخم ودمو تقيل
أردمو لامن يآمن .. اللغيلف دا مفروض بوستاتك يخشها بي تصريح لأنها ما بتشبهو لأنو فرحنا ما بشبه فرحو بفرحوهم بالإيسكريم والبيتزا
ياخ دخولو السودان الماهل دا كلو مو عاجبني خليك من يجي يتحاوم في حواشاتنا وضهارينا زول لا رماهو حمار لا رفستو دحشة لا أكل عصيدة لا شرب روب من الكورة أم ضبان ديك ما شرك لي أم قيردون وأم ظيكر ما أكل حلقومها ني لا مشى ورا تيران محرات لا صرّر بهيمة ولا كنّن فحل ولا خلّل عتود ، ما قلب لبقة واحدة في حياتو ولا عام بحر دميرة عشان يعشي البهايم قشاً ندياً ولا لعب أم غتاس في موجاً يشيل عوامو
البجيبو لينا شنو ؟؟؟
|
دا المقام المابنفع فيهو الا جنس النفس الحار دا وبعدو طوالي كعععععععععع كررررررررررع انا غايتو من ناس لفخو رما فيا عبدالعزيز ناسك كتار ناس حلاوة سقافة راقدين وناس حلاوة منطق راقدين وناس اخوك انا الزي كدي اعمى واطرش ووصف زولك ساهي وزح منو بعيد . . اتو اخونا هشام شيخ الدين دا هبب شنو ؟ . . سلاااااااااااااااااام عرووووووووووب سلااااااااااااااام كنابينا سلام حلولنا سلام قرانا سلام والجزيرة سلااااااااااااااااااااااااااااااااااااااااااااااااااام
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالله ود البوش)
|
أعجبتني مداخلة الجنيد حمد
Quote: الزول السمح / عبدالعزيز .. اسعد الله اوقاتك بكل خير
وخجلتني عديل بالبوست ده
ياخوي انت من زمن ماهو متل هالزمن حتى عتابك للزول الاداك الكلمة المشاترة بحنية والبوست ده رغم هدفو محدد لكن مدرسة واشارة قوية انو يا ناس الكلمة الطيبة جواز سفر وكان ماعندك كلمة طيبة ابقى بعيد
|
وكان سؤال الأخ عبد العزيز
"ياحسين انا رجل بسيط ومعافي ؟ وانا مشروق تب وملان فرح وفخور بانه ساح مفتوح لكل طيب بس ات فرحي ده اين اذاك؟
والإجابة من جميع قراء المنبر ولكنها علي لسان الأخت نعمات
Quote: الاخ العزيز عبد العزيز سلام و احترام اولا اسجل اعجابي بكناباتك و حكيك البديع.يحزنني ان يتطاول عليك الحاسدون الباحثين عن فرقعة اسفيرية علي حساب تقدير قراء المنبر لك
يا ملاسي اتحداك ان تكتب بمستوي قصة الجد كرداش و سلام
|
الواجب إعتذار من ملاسي او الإجابة علي سؤال عبد العزيز
محبتي
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: عبدالله ود البوش)
|
Quote: سلاااااااااااااااااام عرووووووووووب سلااااااااااااااام كنابينا سلام حلولنا سلام قرانا سلام والجزيرة سلااااااااااااااااااااااااااااااااااااااااااااااااااام |
Quote: ويالولد البشيل مدقاقو قولة خير على القمره يقابل الجاية متحزم ويدارك الجاية متلزم كلام فاسك على أرضك يبقى عديلة يا بيضا
|
هههههه قلت لى قرضمة وسقافة مامعاناياود البوش مداقيق بس أفضل العيش ويطير الشرا ويبقى زفاف تزغرد ليه قمرية سلام كتير .
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: نعمات عماد)
|
Quote: عبد العزيز عثمان يا اول المحترمين أرفع صوتك بالحداء ودع قوافلك تشق سهل بلادنا الخصيب ومأمنها من جوع واتركه ينبح ، فليس للرجل سوى سطران من أذى لا يستحى أن يضعهما حتى فى طريق الانبياْ ( متأملاً) أن تصير النكره معرفه . فقد سبق أن وضعهما فى طريق شيخنا البرعى حين كتب ( البرعى شاعر نصف جيد ) ووضعهما فى طريق ود تور شين والصادق المهدى والكثير من المبدعين والمشاهير ..
قف ، سيتداعى المحترمون ويميطون هذا الأذى عن طريقك وقد وصل وفد مقدمتهم . * هذه الايام اصبحت لدى حساسية من حملة هذا الاسم ، ان كان هذا الملاسى ، أو صاحب اللسان السام والفضائية والقلب االأسود ، أو من ترك ( الحسين) - الاسم سالم - يقاتل وحيدا فى كربلاء ، ثم أورث أحفاده لطم الخدود وشق الجيوب وعمامة سوداء ، |
مداخلة الصديق حنفي من الفيس بوك
| |
|
|
|
|
|
|
Re: ايها المحترمين بسودانيز اونلاين،،اريد انصافي من المدعو ملاسي... (Re: بدرالدين بابكر مصطفى)
|
Quote: ما قادر أفهم قصّة زول يسئ للناس بكلام جارح.. ويجوا بقولوا ليهو..الكلام ده ما بيشبهك ..وامسح و اعتذر.. يجي بكل هدؤ يعتذر و يمسح!! شنو أمسح دي؟؟ ماكان عندك فرصة كافية تراجع كلامك ..وتتأكد هل ضميرك مرتاح وانت تكتب ما تكتب..
|
أصلاً الموضوع دا فهمو ما صعب قدر دا
ياخ دا أنا كدي بحب أعتذر وأمسح سبحان الله بحب الاعتذار موت .. الناس دايرين ينطلقوا عرايا في المنبر دا لا اعتذروا ولا في زول قال ليهم تلت التلاتة كم بقت علينا نحن البنغلط ونعتذر
(كأنك لا تنطق عن الهوى)
| |
|
|
|
|
|
|
|