|
Re: اسرار عن حميد ... ( صور ) (Re: صلاح جادات)
|
د. فتح العليم عبدالله بعد نزول حميد للبلد عام 2009 إتصلت به تلفونيا فردت عليّ طفلة في العاشرة أو يزيد من عمرها: أنتِ منو؟ أنا عشوشة... حميد وين؟ حميد تحت في الجروف... طيب ممكن تناديهو؟؟ نحن يا عمي فوووق جنب (الطرابيل) أي الأهرامات!!! قابلته في البلد وسألته من هذه التي ترد علي التلفون؟ قال بت لقتني في الجروف وقالت لي يا عم (حميد) جيب لي تلفون زي دا... قمت أديتا اياهو لأني ما بقدر إشتري واحد تاني ليها.... قلت طيب كان تطلع الشريحة وتديها التلفون!! ف قال يا شيخنا أنا ضد الفرحة ب الأقساط... وديل ناس حار حار الشريحي طايري!!!
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
ذات يوم دعى الأخ (عادل إدريس) "حميد" للعشاء ب أسماك الموردة فقد كان "حميد" يحب أكل الزواحف جدا وفي الطريق لمحهما الدكتور الشاعر (ود بادي) ف أوقفهما وسلم عليهما ب حرارة ملتهبة ثم حلف عليهما ب أن يذهبا معه للعشاء ف أعتذرا ب شدة وطلبا منه أن يؤجل الدعوة ليوم آخر... ف أخرج (ود بادي) مليون جنيه ودسها في جيب "حميد" بعد مقاومة عنيفة... بعد أن أنتهى (عادل وحميد) من عشائهما قال حميد للأخ عادل : أسمع تقدر تخت فوق المليون دي نص مليون تاني؟ قال عادل جدا وأخرج المبلغ وهو لا يصدق ما سمعه... لأن "حميد" لم يطلب من أحد شيئا لا قبل ذلك ولا بعده... وعند التحرك طلب "حميد" من عادل إدريس الذهاب إلى مستشفى الخرطوم قسم المسالك فتوجه الأخ عادل دون أن يستفسر الأخ عادل عن الهدف.... دخلا المستشفى وفي بوابة عنبر النساء سأل "حميد" إحدى المرافقات قائلا: ست النفر راقدي وين؟ ف لما دلوه عليها أخرج من جيبه كل المبلغ أي ال1500 جنيه ( ب الجديد) ووضعها تحت مخدة ست النفر التي ألجمتها الدهشة... عند الخروج سأل عادل حميد: دي منو يا شيخنا؟ قال حميد: واحدة جارة ناس أختي في الحاج يوسف الردمية وقعد تغسل في الكلى ودايرين يزرعولا كلية وهي مرة فاضلة ومحمولة خلاس!!! __
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
يوم وفاتو كان في جيبو خمسين جنيه وداير يركب بيها البص للخرطوم واقف في الشارع راجي البص وقفت جمبو العربيه الاتوفي فيها وسالو ي استاذ لو ماشي الخرطوم ارح معانا… قاليهو خلاص انتظرني دقائق ورجع وادا الخمسين لزول كان شحدو قروش وهو طالع فرد عليهو والله ياها فد ورقه وماشيبه الخرطوم… ورجع وركب العربيه وكانو اتنين والسواق وشافع صغير… الشافع رجع ورا وحميد ركب قدام…
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
عمل ب هيئة الموانيء البحرية ورُفت للصالح العام لأسباب لا تخفى على أحد... ذهبت إليه ذات يوم ب الحاج يوسف المايقوما ثم سألته: صحي رفدوك للصالح العام؟ قال: رفدوني قبل شهرين وتااااني أمس جاني جواب ب الرفد!!! فقلت: كيف يُرفد الزول مرتين ؟؟ قال ضاحكا وهو يمسك ب نظارته الطلاق مرتان!!!
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
قال بت لقتني في الجروف وقالت لي يا عم (حميد) جيب لي تلفون زي دا... قمت أديتا اياهو لأني ما بقدر إشتري واحد تاني ليها.... قلت طيب كان تطلع الشريحة وتديها التلفون!! ف قال يا شيخنا أنا ضد الفرحة ب الأقساط... وديل ناس حار حار الشريحي طايري!!!
....................................................... عند الخروج سأل عادل حميد: دي منو يا شيخنا؟ قال حميد: واحدة جارة ناس أختي في الحاج يوسف الردمية وقعد تغسل في الكلى ودايرين يزرعولا كلية وهي مرة فاضلة ومحمولة خلاس!
.....................................................
قاليهو خلاص انتظرني دقائق ورجع وادا الخمسين لزول كان شحدو قروش وهو طالع فرد عليهو والله ياها فد ورقه وماشيبه الخرطوم…
.........................................................
الله الله الله...
من اين لك يا حميد كل هذا الجمال؟؟؟
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
مرة مشينا ليهو عشان نقدم ليهو دعوة للمشاركة في ليلة شعرية..
لقينا عندو نزلة برد شديدة...
قال لينا بطريقتو المحببة ...يا اخوانا والله ما عندي مانع (علا الحكيم قالي ما تقول شعر)..
رحمه الله واحسن اليه
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
سلام يا شباب .. وشكراً يا جادات على ( بعثك ) ( حميد ) فينا من جديد .. وكل يوم ..
هذا ما كتبته لحميد يوم أكمل عامه الأول ( موتاً ) .. أوجع أرواحنا .. وما زال .. -----------------------------------------------
( محمد الحسن سالم حميد )
( عام الرحيل الأول ) و ( الفجيعة بلا حدود )
يا حميد اقيف شوف الخلوق محنانه
وكفكف دمعتك العبرة فوت خنقانه
عسلك فاض بحر فوقو النحل ونانه
يات من جاك غرف جازاك دبابير دانه ( محمد طه القدال ) _______________________
في داخلي .. حزن .. لا يوصف .. يوم أن رحلت في تلك ( الثلاثاء المفجوعة )
وفي داخلي .. حزن .. لا يوصف .. لأن مرقدك لم يكن في ( نوري )
وفي داخلي .. حزن .. لا يوصف .. لأن هنالك إحساس ما .. ينبأني .. بانك ( غير مرتاح ) في ( مقابر الحاج يوسف ) ..
شيئ ما .. يوجعني .. ولا أجد له تفسير .. ( لعل هنالك أسباب .. لا أعرفها .. حين قرروا قبرك ببحري وليس بنوري ) ..
وإحتمال لو عرفتها .. سوف تسكت هذه الطبول الحزينة في دواخلي .. والتي تذكرني .. بأن ( نوري ) ما زالت تنتظر عودة ( حميد ) إليها .. ولو ميتاً .. __________________________________
سوقني معاك ياحمام
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام ... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا ( عليّ الحرام ) ........
ياربي .. إجعل لحميد في جنانك العلا .. مستقراً .. فقد أسعد أيامنا .. وحفظ للإنسان في بلدي إنسانيته .. بقدر ما إستطاع إلى ذلك سبيلا ..
| |
|
|
|
|
|
|
Re: اسرار عن حميد ... ( صور ) (Re: Mohamed El Sheik)
|
وطني ولا ملي بطني سكاتي ولا الكلام الني بليلتي ولا ضبايح طي قليلتي ولا كتر سمي
رحم الله حميد رحمه واسعة بقدر ما قدم من الق و فرح لهذا الشعب الصامد الصابر المحتسب.
شكرآ بلا حدود اخي صلاح جادات وعندى طلب لو ممكن يا صلاح عنده قصيدة مساجله مع شقيقه عندما اخبره شقيقة ان رجله اتكسرت في الكورة. وهي في شكل قصيدة ورد بين الاخوين. قدرت ما فتشتها ما لاقيها حتى عند عمك قوقل. ...
| |
|
|
|
|
|
|
Re: اسرار عن حميد ... ( صور ) (Re: حاتم محمد عثمان)
|
نيو سوداني ليتنا نأخذ العبر من تقليب المواجع
Quote: ياأخي صاحب البوست مااااااالك علينا ؟؟؟ نحن ناقصين تقليب مواجع ألا رحم الله محمد الحسن حميد ،،،،،
مال الشرفاء يتناقصون في هذا الزمان الردئ ؟؟؟؟ |
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
الاخ محمد الشيخ لك التحية وفعلا مازال حميد يوجع الارواح
Quote: سلام يا شباب .. وشكراً يا جادات على ( بعثك ) ( حميد ) فينا من جديد .. وكل يوم ..
هذا ما كتبته لحميد يوم أكمل عامه الأول ( موتاً ) .. أوجع أرواحنا .. وما زال .. -----------------------------------------------
|
| |
|
|
|
|
|
|
Re: اسرار عن حميد ... ( صور ) (Re: Elhadi)
|
الاخ حاتم سلام ولك التحية - ان شاء الله سوف اجتهد لانزل المساجلة في هذا البوست - وايضا بنرجو الاخوة المشاهدين ان يبحثوا معنا عنها
Quote: رحم الله حميد رحمه واسعة بقدر ما قدم من الق و فرح لهذا الشعب الصامد الصابر المحتسب.
شكرآ بلا حدود اخي صلاح جادات وعندى طلب لو ممكن يا صلاح عنده قصيدة مساجله مع شقيقه عندما اخبره شقيقة ان رجله اتكسرت في الكورة. وهي في شكل قصيدة ورد بين الاخوين. قدرت ما فتشتها ما لاقيها حتى عند عمك قوقل. |
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
Quote: الاخ حاتم سلام ولك التحية - ان شاء الله سوف اجتهد لانزل المساجلة في هذا البوست - وايضا بنرجو الاخوة المشاهدين ان يبحثوا معنا عنها |
متابعة يا صلاح وفي الانتظار
تحياتى ياغالي
| |
|
|
|
|
|
|
Re: اسرار عن حميد ... ( صور ) (Re: صلاح جادات)
|
تحياتى
شكرا يا صلاح على هذا التوثيق الرائع فى هذه الذكرى الحزينة علينا جميعا
حميد كان نسيج وحده ، لقد افجع رحيله المفاجىء قلوب محبيه ومعارفه وفقده السودان كله فقد كان نافورة عطاء وينبوع ابداع ، لم يكن يرائى فى مبادئه ، سلطة الانقاذ الباطشة واليمينيون الطفيليون اعتقدوا - خاب فألهم - انهم باعتقاله وتشريده عن عمله يمكن ان يفتوا فى عضده ويلينوا له قناة ، ولكنهم لا يعرفون معدنه ، فقد كانت جذوره مغروسة فى طين هذا البلد الاسمر ورأسه شامخة تبلغ عنان السماء فقد اختار اصطفافه مع الكادحين كلات الموانىء والشغاليسن فى بطن الافران حتى الذين لا يملكون بيتا للايجار
كان صادقا ووفيا ، سلام عليك يا حميد طبت حيا وميتا ، ماشين فى السكة نمد من سيرتك للجايين الناس للموت كخيل الطراد فالسابق السابق منها الجواد الموت نقاد على كفه جواهر يختار منها الجياد
طرقت يا موت كريما فلم يقنع بغير النفس للضيف زاد
| |
|
|
|
|
|
|
Re: اسرار عن حميد ... ( صور ) (Re: فرح الطاهر ابو روضة)
|
ود الزين لك التحية وشكرا للمداخلة الرقيقة المعبرة عن حميد
Quote: تحياتى
شكرا يا صلاح على هذا التوثيق الرائع فى هذه الذكرى الحزينة علينا جميعا
حميد كان نسيج وحده ، لقد افجع رحيله المفاجىء قلوب محبيه ومعارفه وفقده السودان كله فقد كان نافورة عطاء وينبوع ابداع ، لم يكن يرائى فى مبادئه ، سلطة الانقاذ الباطشة واليمينيون الطفيليون اعتقدوا - خاب فألهم - انهم باعتقاله وتشريده عن عمله يمكن ان يفتوا فى عضده ويلينوا له قناة ، ولكنهم لا يعرفون معدنه ، فقد كانت جذوره مغروسة فى طين هذا البلد الاسمر ورأسه شامخة تبلغ عنان السماء فقد اختار اصطفافه مع الكادحين كلات الموانىء والشغاليسن فى بطن الافران حتى الذين لا يملكون بيتا للايجار
كان صادقا ووفيا ، سلام عليك يا حميد طبت حيا وميتا ، ماشين فى السكة نمد من سيرتك للجايين
الناس للموت كخيل الطراد فالسابق السابق منها الجواد
الموت نقاد على كفه جواهر يختار منها الجياد
طرقت يا موت كريما فلم يقنع بغير النفس للضيف زاد |
| |
|
|
|
|
|
|
|