|
هل ممكن الواحد يتعلم السياسة وهو كبير ؟
|
يعني زول ما مارس سياسة لا في المتوسط ولا الثانوي ولا الجامعة
لحدي ما إشتغل وقارب الأربعين قال كدي النجرب السياسة
زول زي دا هل ممكن يكون ليهو رأي سياسي يُعتد به أو مواقف مبدئية حول ما يطرح من قضايا ؟
وهل بكون ليهو مستوى من التضحية زي زول عارك الساسة من الثانوي مثلا
نشوف
|
|
|
|
|
|
|
|
Re: هل ممكن الواحد يتعلم السياسة وهو كبير ؟ (Re: حمد عبد الغفار عمر)
|
Quote: هل ممكن يكون ليهو رأي سياسي يُعتد به |
لا يمكن فرأيه تتجاذبه الأهواء فتراه يسير يمينا تارة وتارة يسار ويريد أن يرضي الجميع
أهواء أنه يريد أن يرعى اسرته وأن يبعد ينأى بنفسه من الصدام فهو لم يتعود على العراك والأراء المصادمة وقوة الشخصية لطرح رأي معين في قضية سياسية معينة فهذه تصقلها التجربة والقراءة والممارسة
في الأحزاب الأراء لها مرجعية يثبتها الحزب أراء يطرحها القادة وتناقشها القاعدة ويكون الفصل فيها لدستور الحزب
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: حمد عبد الغفار عمر)
|
Quote: يعني زول ما مارس سياسة لا في المتوسط ولا الثانوي ولا الجامعة
لحدي ما إشتغل وقارب الأربعين قال كدي النجرب السياسة
زول زي دا هل ممكن يكون ليهو رأي سياسي يُعتد به أو مواقف مبدئية حول ما يطرح من قضايا ؟
وهل بكون ليهو مستوى من التضحية زي زول عارك الساسة من الثانوي مثلا
نشوف |
أعتقد أن الشخص الذي قارب الخمسين، ناهيك عن الأربعين، قد يكون طوال السنين الماضية مجرد ملاحظ ومتابع، وممارسته للسياسة في هذا العمر بلاشك ستكون بصورة أنضج وأسهل، خصوصا أن لا ماضي سيئ لديه يحسب عليه سلبا،
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: قصي محمد عبدالله)
|
Quote: عتقد أن الشخص الذي قارب الخمسين |
مرحب قصي
خمسين سنة ما دق رجلوا في كفر السياسة ويجي يمارس سياسة ويخت أراء كمان ؟
أنت تعرف المراقبين البجوا فجأة ديل ياهم البضيعوا القصة زي تجيب ليك بروفيسور ما اشتغل خدمة مدنية من قاعات الدراسة وتبقيهو وزير
فاشل بالطبع
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: معاوية المدير)
|
سلام استاذ حمد مثال حي: ارنولد شوارز(.........) الزول ده من رفع اثقال الي هوليوود و قالو لغاية قبل الترشيح ما حصل يوم صوت في الانتخابات الامريكية و لكن فجأة بقوهو المرشح لحاكم ولاية كاليفورنيا و فاز طبعا امريكا حاجاتها بتعتمد علي المستشارين و ليس حكم الرجل الواحد.
عموما بتحفظ بقول انو ممكن اي انسان يدخل السياسة في اي مرحلة عمرية و ينجح و ممكن يكون توافقي اكثر لانو الكثير من المنظمين سياسيا منذ الصغر بكونو متحجرين في افكارهم
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: يوسف محمود)
|
الحبيب ناصر حسين ياخ في السودان أي حاجة بتحصل
أي زول ممكن يبقى أي حاجة من رئيس لي أي حاجة
بس لكن ليه يحصل والواحد نفسو ما بخل يتقدم لي حتة أصلا هو ما عندو التأهيل المناسب ليها
أديك مثال هأهو معلق في صدر المنبر الأستاذة فاطمة أحمد إبراهيم دي وصلت من النضج السياسي والإجتماعي والتنظيمي مبلغا عظيما
بس بكل أسف قضت عمرها كلو عشان تعارض وتصحح اخطاء ناس يجوا داخلين تووووشك في المناصب بدون أي مقدمات وبدون أي تجارب يعني السودان ما يستفيد من تجربتها دي أي حاجة بسبب المتنطعين
وعليها قس ناس كتاااار
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: حمد عبد الغفار عمر)
|
الحبيب محجوب
Quote: مثال حي: ارنولد شوارز(.........) الزول ده من رفع اثقال الي هوليوود و قالو لغاية قبل الترشيح ما حصل يوم صوت في الانتخابات الامريكية و لكن فجأة بقوهو المرشح لحاكم ولاية كاليفورنيا و فاز طبعا امريكا حاجاتها بتعتمد علي المستشارين و ليس حكم الرجل الواحد.
عموما بتحفظ بقول انو ممكن اي انسان يدخل السياسة في اي مرحلة عمرية و ينجح و ممكن يكون توافقي اكثر لانو الكثير من المنظمين سياسيا منذ الصغر بكونو متحجرين في افكارهم |
حكاية أرنولد شوارز دي ما طالعة من مجمل الدعاية الأمريكية لتوصيل فكرة التفوق في أي شيئ ولإظهار الممارسة العالية جدا للديمقراطية
هل أرنولد دا بمستوى كيري أو كلينتون أو ريجان (الممثل أيضا) أو أوباما من رجال السياسة العركوها وعركتهم بالتأكيد لا مجرد ديكور رغم إنو الأمريكان ديل ما مضمونين ممكن سائق بص يكون مثقف جدا وملم بكل مناحي الحياة
أم جزئية إنو يكون توافقي دي أنا أصلا ما بقبلا في صاح وفي غلط
الغلط يجب عدم التوافق فيهو أصلا لذلك أنا قبيل قلت الرأي المرة بيكون يسار ومرة بكون يمين دا صاحبو ما ناضج سياسيا .
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: د.محمد حسن)
|
مرحبتين يوسف محمود
Quote: ولكم في بوتفليقة عبرة يا اولى الالباب |
جبتها تماما (رغم أنو هدفك قد يكون غير )
تعرف زي أبو تفليقة دا هو المقصود تماما
لولا أبو تفليقة هذا كان الدم حدو الركب في الجزائر
قاد الجزائر في مرحلة حرجة جدا وأرساها في بر الأمان بحنكة وخبر وتجربة سياسية عالية وسعة أفق منقطعة النظير اكتسبها من خلال ممارسة سياسية نظيفة ومنضبطة
فهو من جيل التحرير المحافظ على نضافتو
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: حمد عبد الغفار عمر)
|
تحياتي حمد
***
زول زي دا هل ممكن يكون ليهو رأي سياسي يُعتد به أو مواقف مبدئية حول ما يطرح من قضايا ؟
***
كما قال الأخ قصى فإن رجلا في مثل هذا العمر ، يكون قد عايش كل التجارب وشاهد مجرياتها ومسالكها ومآلاتها ، السلبية منها والإيجابية دون أن يدخل معتركها ، لا بد له أن يختارإختيارا يوافق خبرته الحياتية وثقافته وقارن كل سياسات الأحزاب وقام بالقياس حسب نتائجها
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: ابو جهينة)
|
تحياتي حمد عبد الغفار نعم يمكن ان يتعلم الانسان في اي عمر هذا يتوقف على مدى قدرات الانسان واستعداده وعلى مدى قناعات الانسان بالفكره فعلى قدر قناعتك بالفكرة تكون قدرتك على التضحية السياسة ليست موهبة وهي ليست الزعامة لذا يمكن تعلمها واكتسابها ويكون الفرق بين من مارسها منذ ايامه الطلابيه ومن مارسها على كبر هي الخبرة والتي بمرور الوقت سيمتلكها ودونك كثير من العسكريين الذين نجحوا كسياسيين وهم قد اتو للسياسة على كبر
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: علي محمد الفكي)
|
مرحبتين الريس أبو جهينة
Quote: يكون قد عايش كل التجارب وشاهد مجرياتها ومسالكها ومآلاتها ، السلبية منها والإيجابية دون أن يدخل معتركها ، لا بد له أن يختارإختيارا يوافق خبرته الحياتية وثقافته وقارن كل سياسات الأحزاب وقام بالقياس حسب نتائجها |
بس لكن السياسة لا تقتصر على خبرة في جانب واحد ولا تنفع معها المشاهدة من علٍ فهي معترك يشمل كافة جوانب الحياة وكل ما يخص البشر وغير البشر وتحتاج للإلمام بكافة التفاصيل ودي ما بتأتي إلا بالممارسة الفعلية ولزمن طويل
أهو كان يمكن لعبود والنميري وعمر البشير أن يكونوا عسكريين ناجحين جدا ولكنهم ولجوا عالم السياسة في أعلى الهرم بدون سابق تجربة ماذا كانت النتيجة
حتى الصادق المهدي بن السياسة والسياسين عندما تقلد المنصب وهو في سن صغيرة بدون تجربة كان تحت رحمة عتاولة السياسة وقتئذٍ فكان ما كان
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: حمد عبد الغفار عمر)
|
Quote: زي تجيب ليك بروفيسور ما اشتغل خدمة مدنية من قاعات الدراسة وتبقيهو وزير |
سلامات يا حمد... تعرف الحاجة دى انا شفتها كتير جدا عند الامركان. اغلب الوزراء ناس ما ليهم دخل بالسياسة. خاصة وزير التعليم والطاقة و مير البنك المركزى و كل الحجات المهمة دى. بيكونوا ناس علمونيين فى مجالاتهم. مثلا مديرة البنك المركزى الامريكى الجديدة قبل ما تبقى نائب المدير كانت برفسير فى الجامعة. (و زوجها اكاديمى برضو اظن انه حايز على جائزة نوبل فى الاقتصاد.)
Quote: حكاية أرنولد شوارز دي ما طالعة من مجمل الدعاية الأمريكية لتوصيل فكرة التفوق في أي شيئ ولإظهار الممارسة العالية جدا للديمقراطية |
ارنولد فعلا ذى ما قال محجوب احسن مثال. فعلا هو كان بتاع رفع اثقال و بعدها ممثل لكن كان زول واعى جدا و بزنسيسمان كبير. غير كده مشي اتزوج من ال كندى و دى براها حاجة ما ساهلة. ما فى غلاط ان الدعاية الامريكية موجودة فى اى شيء, لكن بالجد ما بقدروا يلعبوا فى انتخبات او حتى يلزوا زول عشان يترشح و يفوز. ارنولد ما زول حايم ساي. صحيح انقليزيه مكسر لكن انا شايفة انه كان زول عنده مخ كويس. ده شيء. الشيء التانى ارنولد اترشح فى وقت كانت كلفورنيا (سادس اقتصاد فى العالم لو كانت دولة مستقلة) فى حالة صعبة. و اظن انه he did well . اللى عاوزة اقوله....ايوه, ممكن زول يتعلم السياسة على كبر. و الشيء التانى انه ما ضرورى الوزير يكون سياسي. بالعكس ...يا ريت الوزير ما يكون سياسي.
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: smart_ana2001)
|
Quote: الغلط يجب عدم التوافق فيهو أصلا لذلك أنا قبيل قلت الرأي المرة بيكون يسار ومرة بكون يمين دا صاحبو ما ناضج سياسيا |
بالعكس يا اخى. اليمين ما كله تمام او صالح لكل زمان ومكان. و الشمال ما كله تمام او صالح لكل زمان ومكان عشان كده الزول اللى بياخد الكويس من كل حاجه ده الزول اللى عرف الدنيا و السياسة كويس و انها ما فيها ابيض و اسود. كلامك صح فى الناس اللى بتغير رائيها عشان مصالحها الخاصة و ليش عشان مصلحة الشعب
| |
|
|
|
|
|
|
Re: هل ممكن الواحد يتعلم السياسة وهو كبير ؟ (Re: حمد عبد الغفار عمر)
|
مرحب علي محمد الفكي
Quote: عم يمكن ان يتعلم الانسان في اي عمر هذا يتوقف على مدى قدرات الانسان واستعداده وعلى مدى قناعات الانسان بالفكره فعلى قدر قناعتك بالفكرة تكون قدرتك على التضحية السياسة ليست موهبة وهي ليست الزعامة لذا يمكن تعلمها واكتسابها ويكون الفرق بين من مارسها منذ ايامه الطلابيه ومن مارسها على كبر هي الخبرة والتي بمرور الوقت سيمتلكها |
كلام جميل ما في شك لكن السياسي مطلوب منو العطاء لمصلحة البلد ودا يرجعك لمداخلة د محمد حسن متى يقدم تجربته وخبرته وهو في السبعين وعلى على أعتاب الثمانين النشاط والحركة والتفكير السليم وإتخاذ القرارات اشياء كلها مرتبطة مع بعضها
| |
|
|
|
|
|
|
|