|
|
|
 Re: ،،،، ويـصـلّـح الـسـاعـات ... (Re: معاوية المدير)
|
تعرف اهل الضهاري على قول توفيق عيسى مكي لو حاولت ترقيهم مشكلة
يوم شطحت على رأسي فكرة وقلت ليش ما اركب في البيت مكيف
هو ناس العاصمة أحسن مننا وللا أحسن مننا
سالت الرجل الذي باع لنا المكيف هل يوجد واحد يركب مكيفات على وزن يصلح ساعات
المهم طلع ليك الموبايل الماخمج
علي بالطلاق انا في السعودية عشرين سنة موبايل نوكيا زي السجم
اتصل وبعديها وصف لي المكان ومشيت طوالي
لمن وصلت المكان كانوا في اتنين في برنده
واحد ترزي
والتاني جاره بيصلح ساعات
قلت احسن الواحد ما يقوم يتهبل 00 اضرب تلفون اول 00 والنشوف آخرتا
دقيت الرقم قام عمك الترزي قعد يقول الوووووووووو
معقول ياجماعة دا بتاع المكيفات
قمت قفلت وسالته 00 انت علي
رد علي نعم
قلت ليهو انت ترزي وبرضوابتاع تركيب مكيفات
رد نعم 00 ترزي ومكيفات وعجلات وكهربائي سيارات
في الحقيقة الموضوع لم يركب في راسي وقلت الراجل دا احسن أديهو قماش يفصلو جلابية
يشهد الله بعد انتهى من الخياطة شفت رقبة الجلابية تدخل تور وجمل في وقت واحد
تصدق اديتو حق الخياطة
وكمان الجلابية وقلت ليهو دي هدية مني للعيد ياعمك علي !!!!
قال يصلح ساعات قال !!!
| |
  
|
|
|
|
|
|
|
 Re: ،،،، ويـصـلّـح الـسـاعـات ... (Re: ابوحراز)
|
يا ابوحراز لا تتعب نفسك إنت طريقة بندرة ما فيك.
عمّك ود حِتيل بتاع عشرة صنايع، يعني النوع البيعمل كل حاجة دآك،
ينجُر المراكب، والبيت يقوموا ليك من الساس لآمن يرمُل العرش،
ويفتل الحُبال، وينسج الرماي، وهكذا، بس جنو جِن ود فرح، قال
عينو حاارة.
أها، مرّة ود فرح جا لقاهو يحلقلو لحمار، قالوا، كمان بتعرف
لحلآقة الحمير ؟؟؟.
ود حِتيل بغضب شديد قالوا، وبعرف انخس كمان ...
| |
|
|
|
|
|
|
|
|
|
Re: ،،،، ويـصـلّـح الـسـاعـات ... (Re: معاوية المدير)
|
عندنا اتنين انا بعرفهم شدييد .. بينقولوا الرملة بالرحل ويدقوا الطوب والله صحي :)
المهم عزبا في الحلة قالتهم ابنوا لي الحيطة دي.. وكان يوم التاسوع .. الجماعة دايرين يتخارجو سريع سريع يقبضو حقهم ويطلعوا حق العيد..
قاموا على الحيطة وقفوها في فِرِد ضحوية..
يومهم الخلصوها اشوف واحد تاكل الحيطة من بي ورا بي عود والتاني يشبر في الحيطة من بي قدام ويحاسب في المرأة..
استلموا قروشهم ويافكيك قبال يصلوا الريافة الحيطة جات بردروب :)
ابو الريش ازيّك :)
| |
|
|
|
|
|
|
|
|
|
Re: ،،،، ويـصـلّـح الـسـاعـات ... (Re: HAIDER ALZAIN)
|
Quote: Haider Hassan · الأكثر تعليقا · Zagazig University
رجعت يالمسنوح .. ان شاء الله كانت اجازة طيبة ورجعت منها بمؤنة خريفين
من النقة والحكي ... بردنا شتت ولبسنا البرمودات |
إنت لي هسّع ما رجعوك ؟؟؟.
غايتو بكري إتلوّم حد اللوم. والله صحي.
يا برمودا حيدر الزين قال لي إنت في السودان، خلآني قدر الليام
القضيتن في اتبرا ما غبيت زقاقات السينما الجمهورية فرِد يوم،
عارفك بتكون حايم بهناك، لكن الظاهر إتعاقبنا.
عندي ليك حكاية حصلت لي في القطر الجديد حا تعجبك شديد...
| |
|
|
|
|
|
|
|
|
|
Re: ،،،، ويـصـلّـح الـسـاعـات ... (Re: معاوية المدير)
|
Quote: عندنا اتنين انا بعرفهم شدييد .. بينقولوا الرملة بالرحل ويدقوا الطوب والله صحي :)
المهم عزبا في الحلة قالتهم ابنوا لي الحيطة دي.. وكان يوم التاسوع .. الجماعة دايرين يتخارجو سريع سريع يقبضو حقهم ويطلعوا حق العيد..
قاموا على الحيطة وقفوها في فِرِد ضحوية..
يومهم الخلصوها اشوف واحد تاكل الحيطة من بي ورا بي عود والتاني يشبر في الحيطة من بي قدام ويحاسب في المرأة..
استلموا قروشهم ويافكيك قبال يصلوا الريافة الحيطة جات بردروب :)
ابو الريش ازيّك :) |
ههههههههههههههههههه.
تعرف يا ود الزين، كنت وصاحباً لي شغالين مع عمك كمال الهادي من النواوآب طُلب
بنبني في بيت في حي المطار. أها، وكت إنتهينا من البناء ادانا الزبالة مقطوعية، قال
متى تخلسوها تمشو البيت، لكن في اللوّل أمشاكُم أفطرو. أنا قُتلو، وكت الحكاية مقطوعية
أخيرلنا نخلِسا ونمشي نفطر في البيت. قال، لا، عِلآ نمشي نفطر !!!. أنا كنت مُصِر علي
عدم الفطور، وهو كان اشدّ إصرار علي الفطور. آخر النهاية وكِت انا عصلجت قال لي،
شوف، وكت تنتهو انا بجي أكشح لي موية فوق راس البيت، اكان نقطت نقطة وآحدة
قروش ليكم ما في. أها، عمّك مشى بجاي أنا قلت لصاحبي رقق الزبالة، اطرشا موية.
زولك طرشا موية، ويعبي صفيحة، صفيحة، وانا أنشل وادلق فوق راس البيت، والدنيا
حر يفسخ. الزول طرش الزبالة موية، وطرشني انا موية معاها، يربط جك موية في
الحبل وانا اشيل واكفح. إتمليت مايات تب، ورشيت راس البيت موية بالزبالة ومرقنا
علي أهلنا. أها، وكت وصلنا قريب المطاحن، يا زول انا عووووووووع طرشت لي
يمكن صفيحة اللت موية وعيوني كبتن لآمن المطاحن الكبيرة دي بقيت ماني شايفا،
وياااااا الله قدرت اصل البيت، والمساء قدر القريشات السويتن راحن للدكتور، الزمن
داك كان دكتور عبد الغفار جنب فسحة المولد.
يزيّن قفاك...
| |
|
|
|
|
|
|
| |
معاوية المدير
ابوحراز
HAIDER ALZAIN
فيس بوك
تويتر
انستقرام
يوتيوب
بنتيريست