|
|
 مرحبا يا مرحب بالبدون في وطن السودان.. بس بدون قروش
|
*السودان ارض ماااهلة تشيل ملايين البشر تاني زيادة على الفيهو ..
*وحكمتنا الشعبية تقول النفوس اكان اتطايبت السرير يشيل مية ..
* والعديد من اسر ومكونات السودان الحالي نتاج هجرات ..
* اغلب الرافضين وجود البدون حاليا كايسين او مهاجرين في ارض تانية..
* والناس شركاء في الماء والكلا والنار..
|
|
 
|
|
|
|
|
|
|
 Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
* يرحبوا بفتح اوروبا وامريكا لحدودها للمهاجرين واللاجئين لظروف انسانية.. ويشيدون بانسانيتها وبحقوها..
ويتبجحوا اعلاناً لشأن حقوق الانسان والمواطنة التي يحصلون عليها هناك..
ثم يقودوا الحملات للتضييق على حقوق المنبوذين والمضطهدين الذين يلجأوا لارضهم..
* هم مع التشريعات والقوانين العالمية والاممية التي تعطيهم الحق في الاستيطان بالغرب.. وضد الحق للاخرين في الاستطان بوطنهم..
* دايرين حق الناس بس وحقهم احرص عليه من كــلبـــة والدة على جناها..
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Abureesh)
|
يا حيدر الزين البيجي لاجئ مرحب بيه لكن التخطيط لتهجير عدد كبير من دولة مقتدرة زي الكويت يجب أن تضع تحته ألف خط وتعيد قراءته مرات ومرات
ثم ثانياً راجع نصوص غتفاقية جنيف للاجئين بتاعين أوروبا البتقول عنها دي
إنت لو مريت بدولة موقعة على الإتفاقية ومشيت لدولة تانية في سكتك طلبت اللجوء بيقولوا ليك مكانك إنت مريت بالدولة الفلانية والموقعة على إتفاقية جنيف
للجوء فالمفروض كنت تطلب اللجوء هناك قبل ما تجينا وبيقدموا ليك على اللجوء في الدولة المريت فيها بالأول
شفت النظام كيف
نجي (للبدون) مواليد الكويت وفي واحدين أبهاتهم وأمهاتهم مواليد الكويت والكويتيين لحسابات غسمها التركيبة السكانية (الديمغرافيا) ما عاوزين يدمجوهم
في المجتمع (ما عارف الكوايتة خايفين من شنو) مع غنه الكويت فيها كل شيء بيخوف مخــدرات - شــذوذ جنسي بأنواعه - بويات - ليدي بوي - وكل ما تتخيل
أها ديل حيجيبوا لينا معاهم الحاجات دي
طيب نحنا مش يحق لينا نشوف الهستيري بتاع المهاجرين لينا ديل شنو ؟
أما إذا كان لوجوء بشكل فردي فمرحب بيهم وفق الأنظمة الدولية
شن قولك يا حيدوري تاني !
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Asim Fageary)
|
حبيبنا عاصم فقيري..
هل هو جاييك بصفته كويتي عشان يكون مقتدر أو هل الكويت اساساً معترفة بيهو عشان ننسبه اليها .. ؟
بعديــن انت رافض الهجرة عشان
Quote: الكويت فيها كل شيء بيخوف مخــدرات - شــذوذ جنسي بأنواعه - بويات - ليدي بوي - وكل ما تتخيل
أها ديل حيجيبوا لينا معاهم الحاجات دي
|
ابشرك الحاجات دي الدنيا كلها مليانة بيها .. والسودانيين برضو بيهاجروا لدول فيها الاكعب من دي.. وبيهاجروا لدول مافيها حاجات زي دي والسودانيين بيصلوها يحملوا جرثومتها بحكم انتماؤهم للسودان..
ما تشيلوا هم السودان دا واااسع وارضه خصبة...:)
تحياتي
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Abureesh)
|
تحية طيبة
بدون قروش دي عصرت بيها على ناس حكومتنا..
البدون ما عندهم الرغبة في مفارقة اراضي الخليج (حسب اللاقيتهم)
ولكن
لو صدق ما نشر هنا
حبابهم تب بس على شرط
الارض البمشوا فيها ما تكون ملك زول ادوهم اراضي الحكومة (لو الحكومة عندها اراضي)
.........................................................................
نصيحة لوجه الله لو فيهم زول عاقل يكلمهم ما يجوا السودان ضرائب ساي واطاتهم بتصبح .
تحياتي
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: AMNA MUKHTAR)
|
يا امونة ومانرحب بيهم لي شنوووووو؟
ماتسمعي الفصاحة دي السودان ما حق وكل الفيهو امتداداتهم في كل الدول .. والسودان فيهو المن الدول الافريقية والغير افريقية.. بلد مفتوح وحدودو مفروض تكون مفتوحة..
بعض المتعقدين باسم الاصالة وباسم انهم ولاد البلد وانهم وانهم وكانوا وما أدراك هم البيقيفوا ضد اخوانهم في الدم واللون والسحنة سواء احباش او غيرهم ..
والغريبة نفسهم هم الوجعوا راسنا باسم انهم مهمشين ومضطهدين وما ادراك ..
من منو ماتعرف ..
الله يهونها عليهم
انتي يامونة زعيمة خضراء ولك دورك فارفعي يدك معانا ورحبي بكل المضطهدين واجعليها مبادرة وخليها احدى شعارات حزبكم او حركتكم الخضراء.. وليكن الشعار وطن اخضر يسع جميع الانسانية ..
وسودان مرحب ومضياف ..
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: علي دفع الله)
|
يا سلام عليك يا ابوعلوة يا الكلك نظر..
اهو زي ما قلت نفتح مجال النهوض باغنيتنا من اول وجديد بدل حرامي القلوب تلب وقنبلة واضربني رصاص وباقي الاغاني المهببة البتعبر عن الحالة الشلش العايشها البلد..
ونرجع تاني نسمع حاجات جميلة تذكرنا بتعلق قلبي طفلة عربية تنعم بالديباج والحلي والحلل :):)
مرحب بيهم وبنسبهم .. انت قايل اغلب السودانيين البيتفصحوا هسع ديل بي حيشانا وحيشانهم هم اساساً شنو غير نسب مع اسلاف هؤلاء القوم :) :)
| |
|
|
|
|
|
|
|
|
 Re: مرحبا يا مرحب بالبدون في وطن السودان.. بس بدون قروش (Re: الجنيد حمد)
|
سلامات يا الجنيد
السودان كلو مافيهو زول عندو أرض.. الواطة واطات الحيكومة .. وانت بتستأجر من الحكومة..
| Quote: نصيحة لوجه الله لو فيهم زول عاقل يكلمهم ما يجوا السودان ضرائب ساي واطاتهم بتصبح . |
كدي النشوف يمكن يجونا بثقافة الخليــج ويغيروا فقه الضرائب لفقه الزكاة :) :)
اشكرك جداً نيابة عن البدون لترحيبك بهم في وطنهم الأول السودان
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
حيدر الزين
ولماذا نقف وراء مثل هكذا دعوات التي تسهم في ضياع حق البدون في امتالكهم هوية الدولة التي يعيشون فيها
وتواجدوا بها عبر ميات السنيين ؟؟
نرحب بهم نعم في اطار انساني لاجئين مكفول لهم حق العودة لوطنهم متى ما زالت الظروف ان ان يتم ترحليهم لمجرد
ان يصعب على تلك الدولة منحهم حق المواطنة فهذا مرفوض واجحاف في حق البدون
ثانياً
الناس شركاء في الكلاء والماء
اتمنى ان الا تكون كلمة حق قصد بها الترويج لفكرة توطين البدون مقابل ما تدفعه دولة الكويت بسبب الخلاص من البدون
وتسببهم في احراج الدولة كلما ارتفعت اصواتهم للمطالبة بحقوقهم
ثالثاً
وطن لا يقبل ابنائه ويسهم في تهجيرهم وقتلهم وتشريدهم بكافة مطارات العالم كيف له ان يمنح هؤلاء الماوى والسكن والامان
ان لم تكن لغة المقابل نظير اجر معلوم نظير هذه البيعة الكاسدة
عذراً حيدر الزين
ولكن ما تحاول الانقاذ تمريره اشبه بتجارة الرق واجهاض حقوق البشر فلو كانت دولتنا راشدة وسوية لرفعت صوتها نصرة
وتائيداً لحقوق البدون تجسيداً لنفس الفكرة الناس شركاء في الكلاء والنار والماء
ولك تحييييييييييييييييييييية
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: فرح الطاهر ابو روضة)
|
مرحب اخونا حسين موسى من الفيسبوك
Quote: Hussein Musa · University of Pune
مرحب بيهم بس شرط اساسي لازم كل فرد منهم يكوف له كفيل سوداني.....
رد · 1 · أعجبني · متابعة المنشور · منذ 11 ساعة
Hussein Musa · University of Pune
رفضنا التعايش مع الاخوة الجنوبيين وهللنا لانفصالهم...والان عايزين البدون يجوا يعيشوا معانا...سؤال الاخت امنة مختار وجيه لو الجماعة ديل كانوا من غانا كنا حنقبل بيهم..للاسف اصبحت العنصرية حالة وبائية في بلدنا.
رد · أعجبني · متابعة المنشور · منذ 11 ساعة |
بالنسبة لسؤال الاخت امنة مختار حاولت الاجابة عليــه ..
اما قصة كفيل فما اظن انها منطقية لانهم حايجو مواطنيين لهم في السودان مثل ما للمواطن السوداني بالضبط..
بعدين ما عارف الناس متخوفة لي شنو .. المجموعة دي كل عددها 120 الف فقط لاغيــر..
يعني اقل من سكان ام بدة او محلية طوكر .. فخلونا نخت الرحمن في قلبنا ونرحب بيهم..
تحياتي وشكرا لرأيك
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
حيدر الزين
قلت لي عامل……ابو عرام…..وعامل ابو الكرم الحاتمي في اراضي غيرك و حقوقهم.
وشوف يا حيدر الزين انت آخر من يعرفنا بحقوق الانسان او غيرها فاهم.
واقامتنا هنا الحارقاك دي….بس تفقع مرارتك……وغصبا عنك ناشطين في حقوق الانسان و معترف بينا عالميا.
والبلاد التي اوتنا…اشنت نظم ديمقراطيه و بتوافق مواطنيها اجازت هذه القوانين التي تحمي امثالنا من امثالكم و قع لك ؟!
وكلمة (توافق مواطينها ) دي امشي ادي نفسك فرصه تفهمها و تفهم مداها الدستوري و القانوني,مش تقدم لينا فتاوي قاطعها من راسك.
وقبال
نجيء لباقي غباءك السياسي انت وكل من بارك هذه (التـعـرصه السياسيه) التي تقوم بها الانقاذ في اراضي اهل الشرق.
ثانيا:
لعلمك البدون اشريفنا هنا يشهد علينا دافعنا عنهم بكل البقاع مش زي فصاحتك البتدافع بانتقائيه تتحدث عن بدون الكويت و تتجاهل بدون السعوديه لانك تخاف ان تنبس ببنت شفة مكان اكل عيشك.
ولعلمك هم اصدقاء لنا (طبعا اعني ناشطيهم) ونعرف صفحاتهم عبر الفيس بوك بل و نحجب هويات بعضهم حماية لهم. ايه رايك؟!
ووصلنا قضاياهام للمكن يساعدوهم و قاعدين ندفر معاهم بهدؤ,بعيدا من نوع استعراضك السياسي هذا.
وللبندون قضية عادله
ومن حقهم التطوين بالبلاد التي ولدوا بها ونشأوا بها.
بعديا عن المتاجرات السياسه.
بدون الكويت يمنحوا الجنسيه الكويتيه
بدون السعوديه يمنحوا الجنسيه السعوديه
وبدون الامارات يمنحوا الجنسيه الاماراتيه
وهكذا…مرورا ببدون قطر …البحرين …سطلنة عمان….الخ!
بلا تمييز لمن كانوا شيعه او سنه منهم
وبلا تمييز لمن كانو سود او حمران او بيضان منهم…..
وبلا تميز باعمارهم او قدراتهم…..او نوعهم.
هذا حق لهم …..
| |
|
|
|
|
|
|
|
 Re: مرحبا يا مرحب بالبدون في وطن السودان.. بس بدون قروش (Re: محمد على طه الملك)
|
| Quote: بس نحن طمعانين في المصريين بشرط يجونا بحصتم من الموية وكهرباء السد العالي الارض في. |
يا مولانا في إطار الموازنة وإغراء امنة مختار انها تدعم تحركنا بحزب الخضر .. فبنقترح كهرباء الاحباش وسد النهضة.. والكثافة السكانية في " الشقيقة " الحبشة لا تقل عن كثافة " الجارة " مصر.. :)
وكمان عشان تعرف اننا بنرحب بوجود رعايا الدول الافريقية في وطننا ..
المصريين ديل خاتنهم للحوبة عشان بعدين يستضيفوا في صعيدهم المصري باقي النوبة البيغلبهم يتعلموا العربي ..:)
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Tragie Mustafa)
|
تراجي ..
| Quote: نجيء لباقي غباءك السياسي انت وكل من بارك هذه (التـعـرصه السياسيه) التي تقوم بها الانقاذ في اراضي اهل الشرق. |
ما تشتيمني يآخ .. وأمشي قضي وقتك وامسكي زمن بزول تاني غيري ..
مافاضي ليك ولي نفختك وجعجعتك الفارغة دي..
خلاص اها تعالي برضك اعملي فيها من الشرق وبيهمك الشرق..
زولة متسلبطة بصورة ما عادية..
عملتي شنو للشرق بالله انتي غير طولة اللسان؟؟ ..
الشرق يشكر القدمو ليهو ودعمو انسانه بحق ولم يتأففوا انهم يرافق قوافل الدعم بل ويخوضوا الطيــن يدافروا في العربات وسط الاوحال والامطار...مش قاعدين فشخرة وقشرات في كندا ويتفاصحوا..
خليك قدر القضية وتعالي امشي ليك مع لوري ساي..
لقطي سفنجاتك دي والحقي ابو الريش ..
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
Quote:
Amna A. Mukhtar · متابعة · الأكثر تعليقا · Too many to list · 6,823 من المشتركين
أقول ليك شنو بس !!...بررررضه ما جاوبت على سؤالي يا حيدر ..مع إنو سؤال دوغري ..:)
الخلاصة نحن في الشرق أراضينا ملك لقبائل ونظارات معروفة .. البدون ديل إستقبلوهم عندكم .
رد · أعجبني · متابعة المنشور · منذ 23 ساعة |
عزيزتي آمنة مختار ..
يآخي كيف ما جاوبت قلت مرحب بأي احد.. بل العكس نشجع فتح حدود السودان مع كل الاشقاء الافارقة ..خاصة حدودنا الشرقية الممتدة..
بعديـتن انتي كرائــدة زيي وواحد من رواد الاستنارة بهذا المنبر بل وزدتي علي بخضرتك البهيــة مفروض ما تتكلمي بلغة عندنا وعندكم ومناطقكم وارضكم وارضنا واللغة دي..
قلنا الوطن للجميــع ومفروض نبين للاخوان المسلمين اننا هزمنا مشروعهم التحصيصي والتخصيصي لقلبنة وجهوجة السودان وتحويله لمقاطعات وولايات وامارت قبلية وجهوية..
واكيد انك قادرة بوعي انه تديري خطابك السياسي بدون كلمة ارضنا ونظرانا وقبائلنا وتثبتي للجميع انه الدعوة لوطن قومي شامل اساسه المواطنة والمساواة قائمة.. ومافيهو دي اراضي ناظر والا عمدة والا ملكية قبيلة..
واثق منك ومن انك قادرة على هزيمة هذا الخطاب المتهالك ..
مودتي :)
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
| Quote: لقطي سفنجاتك دي والحقي ابو الريش .. |
جبت سيرة ابو الريش بعد خلى بوستاتك..
لذلك اقول ليك تانى.. رحبوا بيهم فى إقليمكم واعزموهم فى حيشاكم، وأضبحوا ليهم.. ما عندنا غرض معاكم.. وأترك هـذه الصفاقـة مع تراجى، فأنت لست وليا على اهل الشرق، ولا تستطيع تتطاول وتحاول توريهم ينظموا نفسهم كيف
ويعملوا شنو..
وجاييك عشان اقول ليك عملاء مصر من هم.. والذين يجب محاكمتهم للعمالة المستمرة للأجنبى من هم.. فرأيك هـذا لم يأت من فراغ..
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Abureesh)
|
البائس حيدر الزين
لما لقنا بنعرف البدون قبله غلبه…واتراجع و بقينا في نوع جديد من المتاجره السياسيه……ههههههههههههه
واشارته الفارغه برحلة نجيلا سيد احمد لجنوب طوكر ههههههههههه
لعلمك هذه القافله دخلت لجنوب طوكر (بنهمة كي بوردي ده تخيل) من كندا دي ايه رايك؟!
وحسين عوضاي و ادم شحوتاي شهود
لما ليله كامله وقوفهم ناس الامن……وكان قالوا ما نكلم ( الكنداكه تراجي) لو كلمناهم بتطلع زيتهم….وفعلا بعد فشلت كل مساعيهم اتصلوا بي
منتظرين طولا الليل نهار كندا يطلع عشان يكلموني …..وببوست واحد و فر ربع ساعه…اطلق سراح القافله….(البتجار بيها صاحبتك لليوم) وحذف البوست….عشان تعرف انتو ببكري بتاعكم متامرين لانه هذا ارشيفي
ومن حقي ان يكون هنا…..ولكن ما حذف قاعد في عقول شعبنا……هههههههههههه ومحفوظ!
تراجي مصطفي يا لوح ما بتتاجر بالشرق ولا بالمريخ
بالعكس اهل الشرق يطلبون مني ليل نهار التفرغ لقضاياهو…..كان عاجبك وكان ما عاجبك.
وكفايه تعرف سلطوتي اهو ببوست واحد دورت المنبر فوق تحت و انفتحت عشارت البوستات بناء علي بوستي….وانا الحاله لم اكتب ولا حتي 15 سطر بعد!!
شوف يا جميل تمشي تشوف لك ونسه تتونسها زي الطابق البوخه و الحاجات ديك….وتخلوا السياسيه دي لرجالها و نساءها…وليس المشتعبطين فيها.
اها قبلا امشي يا حيدر الزين
القلت لهم طابقين البوخه ديل تخيل ارجل منكم…..علي الاقل موجدين في المكان الصاح ومش طشاين شبكه زيكم.
ويا ابو الريش
يا زينة الرجال…..مجهودك نحتاجه باماكن آخري و ليس بمثل هذا الكلام….وانت المؤرخ و الموثق وحفيد اعظم المؤرخين.
تعال لينا بهناك نحتاج جهودك وكن بخير.
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Tragie Mustafa)
|
| Quote: منتظرين طولا الليل نهار كندا يطلع عشان يكلموني …..وببوست واحد و فر ربع ساعه…اطلق سراح القافله |
يا تراجي يعني انتي يا تشتمي يا تقعدي تكضبي .. ما عندك حل اصلو .. ههههههههه
| Quote: بالعكس اهل الشرق يطلبون مني ليل نهار التفرغ لقضاياهو…..كان عاجبك وكان ما عاجبك. |
ما حاسي انك مؤثرة في اي قضية عشان يعجبني أو ما يعجبني ... لأنك ببساطة تمثلي هزيــمة مشروع تاجرة شاطرة :)
تاجرة اصبحت الان لافة على هامش القضايا ..
فما تضيعي زمننا بتوهمك وخيالاتك الفاضية دي بلاش سطوتي معاك .. هسع بكري ولدنا يوقفك نبقي في البطبطة ..
لكن والله لو في فائدة من كلامك فهي هنا ..
| Quote: شوف يا جميل تمشي تشوف لك ونسه تتونسها زي الطابق البوخه و الحاجات ديك |
لقد صنعتي صباحي 
صاحبي خضر الطيب دا يلقاها منك والا من صديق الغالي ما يعرف..
ــــــــــــــــــــــــــــ..
والله يا خدركة سمعتك بقت في احض الحضيض هههههههههههههه
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
| Quote: عندنا راي ومفاوضات انه جزء منهم نوديهم الشمالية عشان يصححوا اللغة العربية لسكانها هناك :) |
:) :)
ياخ ناظر عموم البدوناب القاعد يشكر فيك في صحيفة القبس الكويتية " حمدان بخش البلوشي" هو زاااتوا عربيهوا نص كلتش.
أنا بصراحة مستغرب إنت عملت شنوا يعني؟؟ لخدمة قضايا البدون للدرجة التخلي أهم قيادات البدون يشكروا فيك في الجرائد والتلفزيون الكويتي!!
ياحيدر اخوي أنكون واضحين ، بصراحة أنا ما شفت ليك اي نشاط داعم لقضايا البدون حتى ولو على مستوى البورد هنا سوى البوست دا..
بصراحة القصة دي حارقاني هههههه
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: Abureesh)
|
ابو الريش .. انت الجابك راجع تاني شنو ؟
| Quote: وجاييك عشان اقول ليك عملاء مصر من هم.. والذين يجب محاكمتهم للعمالة المستمرة للأجنبى من هم.. فرأيك هـذا لم يأت من فراغ.. |
يازول ما تجيني .. ولا راجيك .. بخلي ليك البوست دا انا..
مافاضي لصفاقتك وكلامك الثقيل والمامفهوم التقول كاتبو بدم بقــرة ماكلة فجل ،،،
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: HAIDER ALZAIN)
|
التحية والسلام
لو في ابريل كنا قلنا الموضوع هي كذبة مستهل ابريل
البدون سيكفونا شر الغضبات المضرية والتوجس من توطين اجانب في السودان واكيد لن يقبلوا بهذه التسوية هذا بافتراض ان الموضوع اصلا له أساس
من الكويت لشرق السودان حيث الفقر وانعدام الخدمات بيتشاف ماشي برجولو؟ دا كأنك أخدت واحد من عصرنا دا وفكيتوا في العصر الحجري
| |
|
|
|
|
|
|
|
|
|
Re: مرحبا يا مرحب بالبدون في وطن السودان.. بس بدون قروش (Re: مهدي صلاح)
|
سلامات مهدي صلاح ولك التحايا ..
| Quote: من الكويت لشرق السودان حيث الفقر وانعدام الخدمات بيتشاف ماشي برجولو؟ دا كأنك أخدت واحد من عصرنا دا وفكيتوا في العصر الحجري |
يا مهدي شرق سوداننا الحبيب جميل والله جميل خضرة وماء وطبيعة رائعة وهواء عليل .. تنقضصه بالتأكيد الخدمات ..
اخونا في الانسانية البدون انا برشح ليهم في الشرق المنطقة من قوز رجب وحتى صينية ريبا في كسلا..
منطقة سهلية منبسطة وارضها خصبة وجوها عليل سيبسطهم وحايتكيفوا من السودان عشرين قيراط .. ويمكن زاتو يراجعوا الاخوة الفلسطينيين الاشقاء انهم يجو يجاوروهم في منطقة اروما..
اما بالنسبة للخدمات فبتتطور وبتتوفر طالما المنطقة سيتم " استيطانها " .. وحا تبقي ليهم افضل من الكويت.. انت ما شايف الاخوة من بني رشيد اول من اتو السودان اختاروا منطقة الشرق جيارناً - ونعم الجيرة - للاخوة البني عامر والهدندوة..
المنطقة بيئة وبيئة الشرق اكتر حتة مناسبة اننا نهديها ونكرم بيها وفود الاخوة عرب البدون..
لك المودة
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: Asim Fageary)
|
تحيه طيبة العزيز حيدر .
شايف الإمارات برضو عامله إتفاقية مع جمهورية جزر القمر لمنح جوازها للبدون
ف عادي تلقى خليجي يقول ليك أنا من القمر
لكن ما أظنوا توطين بس عشان يكون عندهم اوراق رسميه يمشوا بيها حالهم ..
......
جوازنا دا ما مضمون و ممكن يوديك التوج في أيتها لحظه
أنا غايتو شايفك بتشرك للبدون ديل يتورطو في صمة خشمم
بكره البشير يصرح تصريح نااااري يفرطق حنانم معانا
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: مجاهد نايل)
|
سلام أخى حيدر الزين والله اندهشت عندما قرأت خبر ترحيب بدون الكويت بك وبترحيبك بهم فى السودان كمواطنين فى وقت تجد فيه أكثر من 5 مليون سودانى لاجئ خارج وطنهم!!! وكأن أهل شرق السودان فى نعيم وحقوقهم مصانة!!! ألا يكفى ما نسمعه من تجارة البشر فى شرق السودان وضلوع أطراف فى تلك التجارة البغيضة !!! كيف ترحب بشعب مرفوض فى وطنه ومن أعطاك هذا الحق وهل تمتع كل السودانيين بحقوقهم الاساسية حتى تتكرم بحقوق للبدون؟؟؟ ومن قال لك ان السودان به متسع للبدون وغير البدون؟ هل ترضى ان يكون السودان مشاعا للملايين من المصريين ومن شرق وغرب افريقيا وبدون الخليج ؟؟ كل يرحب بمن يريد وكأن الأمر اصبح فى يد كل من هب ودب!!! بصراحة اسلوبك وردودك ايضا استفزازية (لم او لمى سفنجتك الخ...) ومنفر حتى لأبناء بلدك فكيف ترحب بالآخرين وانت غير مرحب لبنى وطنك... لنعمل اولا على اسعاد أهل السودان وبعد ذلك نرحب بالآخرين ولا نكن مثل شجرة الدوم ترمى ظلها بعيدا...
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: Mannan)
|
أخى حيدر الزين
سلام
لم أكمل تعليقى فقد كنت على عجلة من أمرى وها انا اعود لترحيبك بالبدون مرة أخرى ... لا نرضى ان يكون السودان وطنا بديلا للبدون من العراق والكويت والامارات وقطر والسعودية ... علينا ان نساند حقهم كمواطنين فى بلادهم التى نشأوا فيها... ضحكت من تعليق الاستاذة آمنة مختار من محاولة توطين نميرى للفلسطينيين فى منطقة المعاقيل بشندى وقد رفض الفلسطينيون ذلك واحتجوا وخرجوا فى مظاهرة احتجاج وكان ه########م (إسرائيل ولا المعاقيل) وانت تريد توطين البدون فى شرق السودان الذى يموت فيه الهدندوى من الجوع ومن السل!!! وكأن البدون سيحيلون الشرق الى جنة الله فى الأرض!!! مثل إخواننا من الرشايدة الذين صار بعضهم يتاجر مع عصابات الإتجار بالبشر حسب التقارير...
يا أخى هون عليك ولا تبالغ فقد فهم البعض ترحيب بدون الكويت بدعوتك لهم أنك تريد ان تتاجر او ان تروج للكيزان الذين يبحثون المال من وراء مثل هذه الصفقات القذرة فإذا حدث وسعى الكيزان الى الترحيب بالبدون فى السودان مقابل رشوة من الكويت فسيصيبك الرذاذ يا أخى حيدر ولن تسلم من الاتهام بالضلوع فى مثل هذه الصفقات...
وقولك: | Quote: اشكرك جداً نيابة عن البدون لترحيبك بهم في وطنهم الأول السودان |
من الذى يقول ان السودان هو الوطن الأول للبدون!!!
وقولك ايضا: Quote: يا حاج احمد حالتي قلت ليهم ماتشكروني انما ابتغيت بالمعروف وجه الله جابوني في الشاشة :)
هسع فضل لينا القطريين والسعوديين .وتاني مع السلامة
عندنا راي ومفاوضات انه جزء منهم نوديهم الشمالية عشان يصححوا اللغة العربية لسكانها هناك :)
تحياتي ياحبيب
وكمان عشان تعرف اننا بنرحب بوجود رعايا الدول الافريقية في وطننا ..
المصريين ديل خاتنهم للحوبة عشان بعدين يستضيفوا في صعيدهم المصري باقي النوبة البيغلبهم يتعلموا العربي |
وباستخفاف شديد تقول انك تريدهم ان يصححوا اللغة العربية لسكان الشمالية (تقصد النوبيين طبعا) وان المصريين خاتنهم للحوبة لباقى النوبة البيغلبهم يتعلموا العربى!!!!! عجيب اصبحت تخلط المزاح بالجد لتحلية كلامك العبثى... من توطين البدون وترحيبهم بك فى صحيفة القبس الكويتية الى توطينهم وتوطين المصريين لتعليم النوبيين اللغة العربية!!! والله امرك عجيب ومنطقك أعجب... يا أخى والله لا نتوقع منك غير ان توضح لنا هل انت تمزح ام تقصد الجد بكلامك دة؟؟؟؟؟؟
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: Mannan)
|
الاستاذ منان .. سلامات وتحايا ..
وشكرك لردك الدبلوماسي الراقي يا استاذي.. طبعاً لو في اندهاش حا اندهش انا والاخ احمد لانه موضوع مزحته بشأن احتفاء بدون الكويت بحضرتي وحضرة بوستي بمنبر سودانيز شالت في استاذ مثلك..
يعني بوست اكتبه الصباح في منتدى عام يجي ينزل في جريدة القبس الكويتية مساءاً..
اكيد لا يا استاذ منان ..،
اما كون انه السودان ما واسع فهو واسع ويشيل ملايين البشر تاني واراضيه محتاجة الاف السواعد والامكانيات لتخرج خيراتها ..
وبالتأكيد الترحيب ليس لإشاعة السودان او اراضي السودان فكل شئ بالقانون والنظام ممكن خاصة وانه الجنسية والجواز السوداني اسهل وثيقة دولية من فيئتها يمكن يتحصل عليها الاخرون ..
وسهلة مش عشان الفوضى والرشاوي والتساهيل المالية الهخدمة المدنية فقط ولكن عشان تنوع سحنات واعراق السودانيين وتشابههم مع بقية اعراق مخيطنا الاقليمي ..
ولنتذكر دايما انه حدود الدول دي كلها صنيعة الاستعمار الحديث .. وانه الارض ما بتضيق بساكنيها ولكن صدور ساكنيها التي تضييق بمن ساكنهم ..
اما ابو الريش وتراجي فبيستاهلوا يلقطوا سفنجاتهم للغتهم الاستعلائية الجوفاء واستفزازهم لمن يتحاورون معه بالشتم والاستزاء..
تراجي اخير بتسمع الكلام وتشتت .. المشكلة في ابو الريش اللاصق ويورجغ :(
تحياتي يا استاذ منان .. وموضوع اللغة بالنسبة للنوبيين بالتاكيد مزاح مع اخي احمد عالم رداً لخبر ترحيب البلوشي .. يكفي معرفة ولغة اهلنا النوبيين ان معظم رواد السودان في الادب والكتابة من النوبة..
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: مجاهد نايل)
|
مرحبتين يا مجاهد وصباحاتك ..
| Quote: شايف الإمارات برضو عامله إتفاقية مع جمهورية جزر القمر لمنح جوازها للبدون |
الغريبة الامارتيين ديل ما كلموني.. ولا زولنا " البدوني " الجابه احمد ما قال لي شئ..
عموماً مبروك على ناس الامارات جزر القمــر .. وبيجي الخريــف ويقولوا لينا ادونا حتة واطة .. وبنوريهم :)
| Quote: جوازنا دا ما مضمون و ممكن يوديك التوج في أيتها لحظه |
صاحبنا دفعة قدام قدامنا في الجزيرة بعد التخريج اشتغل في إدارة حكومية .. جاء مؤتمر مختص مفروض يمشي جنوب افريقيا تقريبا سنة 97 مشي ورجع بعد اسبوعين ..
جاء نازل من المطار شايل بكيت ساير بينسون وبوكيه ورد وحليق اللحية..وقت سألوه من المؤتمر قال قضاهو داخلسراديب مطار جوهانسبيرج بإعتباره سوداني ..
كيف..
قال الخطوط كانت من الخرطوم عبر كينيا وتنزانيا اول من وصل تم توقيفه بالمطار باعتبار جوازه تبع دولة مصنفة ارهابية واحتجزوهو لمدة اسبوعين تحقيق..
بعد البراءة تم ترحيله.. لا مؤتمر لا يحزنون..
بس بيقول كانت تجربة مفيدة ليهو جداً.. فخلي البدون يستفيدوا يآخ .. :)
لك التحايا
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: HAIDER ALZAIN)
|
Quote: طبعاً لو في اندهاش حا اندهش انا والاخ احمد لانه موضوع مزحته بشأن احتفاء بدون الكويت بحضرتي وحضرة بوستي بمنبر سودانيز شالت في استاذ مثلك..
|
ود الزين دا كلام شنوا الفوق دا؟؟؟
داير تعرد زي عردة بريمة في اليونان ههههه
علي اليمين كنت ناوي أنزل ليك فيديو عديييل كدا (يوتيوب) والله صحي ، وبتكلموا فيهوا ناشطين لبدون الكويت عن معاناتهم وإستبشارهم بترحيب السودانيين بأمر توطينهم في السودان ، وفيه إشارة مباشرة لسودانيز أون لاين و شكير بالدرب العديييل ليك عشان البوست دا،، لكن لأنوا الجو مكهرب هنا قلنا نرخي شوية :) .. لكن لو عملت أي كركبة حأضطر أجيب الفيديوا :) وتشيل شيلتك مع صديق الغالي خاصة إنوا البدون في الفيديوا إتكلموا عن مقتراحاتك بشأن توطينهم في مناطق أخرى بالسودان ومنها بوادي القبائل العربية بغرب السودان ههههههههههههههه
عزيزنا الأورو نوري جليلة سلامات،، ماعارف فاتت عليك كيف يا أورو :) .. تحياتي..
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: HAIDER ALZAIN)
|
| Quote: ابو الريش .. تراك ازعجتنا يا رجل.. انت ما بتنوم ؟! |
تعال ادينى لبن عشان اشرب وانوم..
النخيـرة دى الله ركبها فى وشك عشان تتنفس بيها، موش عشان ترفعها فى الناس. وأبو الريش ايها السادة لم يزعجكم، وإنما يطلب ان لا تجيبوا اسمه لا بخير ولا بشر.. والناس دى
كلها تشهـد.. لكن لو قمت على الإزعاج يمين بالله ما تلقى صفحـة تتقلب عليها.
أنا للمرة التالتة اقيف الان وما حأكتب فى بوستيك دا، لكن لو كايس مشكلـة تعال جيب اسمى تانى... والظاهر فعلا استمرأت اللعبـة التى لا تجيدها، فأرجوك ارجوك لا تجعلنى (اختلف) معك.
| |
|
|
|
|
|
|
|
|
|
Re: أولاً: يجب أن يرحب بالسودانيين في بلادهم !! مرحبا يا مرحب بالبدون (Re: HAIDER ALZAIN)
|
| Quote: هسع ما كل مرة انت بتكتب حيدر انا سألتك والا حيدر كانت بسملة ..! |
الان اقول ليك كذاب.. بعـد اعلنت انى ماش وإتغاضيت عن سخافتك بتاعة السفنجات ولا رديت عليها .. جيت إنت تانى بالسفنجات وقلت لتراجى إتخارجى مع ابو الريش بسفنجاتك..
رجعت قلت ليك ما تجيب سيرتى بعد خليت بوستك، برضك ما وقفت.. راجع المداخلات ولا تكذب تانى... أنا مفاضى اباريك فى لياقتك دى..
وأقول ليك حاجـة أخيرة.. دى ياها اخر مرة.. قول الداير تقولوا ولو عتبت على بوستك الفاضى دا لومنى بعـد داك.
كن بعافيـة.
| |
|
|
|
|
|
|
| |
HAIDER ALZAIN
Abureesh
Asim Fageary
الجنيد حمد
علي دفع الله
وضاح عبدالرحمن جابر
AMNA MUKHTAR
Ahmed Alim
فرح الطاهر ابو روضة
ادم شحوتاي
Tragie Mustafa
محمد على طه الملك
مهدي صلاح
مجاهد نايل
Mannan
فيس بوك
تويتر
انستقرام
يوتيوب
بنتيريست