|
|
 لقد هرمنا في انتظار اللحظة التاريخية اللي ابت تجي!
|
في ان يعود وطنا السودان احلي مكان
الكل فيه متساوي ومتداوي وساكن ,,ومكتسي رداءً وعزة وشموخا ..
زارع وصانع .. عامل وتاجر .. باحث ومخترع .. اقلها كل واحد عنده حواشة ولو صغيرة يزرعها قمحا ووعدا وتمني
في الجزيرة نزرع نتيرب قطنا .. تعود الجزيرة النضيرة ومشروعها عملاقا واهلها الطيبون مكتفون من ضروريات الحياة ليصبحوا سلة غذاء السودان اولا
ولتتصاعد مداخن المصانع في عطبرة لتصبح مدينة السودان الصناعية ويعود الناس يمتطون الدراجات في ذلك المنظر الذي جعل من السودان كل شيء حي
بس رجعونا قبال تجونا
دارفور آمنة .. كردفان بخيرها .. جبال النوبة يصطرع اهلوها في فتونة ويتداخلون في خضم الحياة السودانية ليدافعوا عن السودان وكما كانوا جزءا\ً اصيلا فيه
ولتعد الأمسيات أمسيات ويقعدوا اولادنا يقروا مجاناً ويحبوا مجانا ليصنعوا الحياة لهم ولبلادهم وليعملوا ليري الله ورسوله والمؤمنون انتاجهم ليفضوا عنا غبار ما قيل باننا كسالي نجيد الكلام في السياسة والكورة والفن فقط
وزي ما قال حميد من الابرول ابت تطلع ومن القلم ابت تطلع كفاية خوازيق في البلد عليهم ان يغادرونا جميعا ليعود للسودان كفاءاته المهاجرة واياديه التي صنعت للدول تاريخا وجغرافية
كفاية فاضي الكلام ولازم يرجع مليان وكفاية التصاقا بالكراسي ولننظفها من غراء التشبث ونجعلها من حديد حتي لا يجلس عليها الا القوي الأمين
لقد هرمنا في انتظار اللحظة بت ال###### اللي ابت تجي
من اغترب عن وطنه ليس مرتاحا ومن اغترب في وطنه اضحي مصابا بالزهايمر وجنون الانقاذ ومن هاجر ضاقت به بلادا هاجر اليها واشتاق لاوضته القطعوا فيها سرته وحن لمقالدة حنان من اهله الباقين
يااخونا البتحكمونا اختشوا وابقوا مارقين بالتي هي احسن لانه الشايفنه ده خراج روح حكومية خرجت فيه روخ الشعب من قبل ولكنا علي يقين بانها الي سودانها ستعود راضية مرضيه وستبعث من مقابر الانقاذ ولكنها في انتظار اسرافيل سوداني يصيح صيحته تلك ليهب الناس من مقابرهم ولتهم امتثلوا الكبرياء في قتال القبيح ولقد قالها الشهداء الذين هم افضل منا جميعا من قبل لو مات ثائر فان الارض تنبت الف ثائر يا كبرياء الجرح لو متنا لحاربت المقابر
|
|
 
|
|
|
|
|
|
|
|
Re: لقد هرمنا في انتظار اللحظة التاريخية اللي ابت تجي! (Re: عمر الفاروق عبد الله الشيخ)
|
اخي عمر تحياتي
لا عليك فالانتظار مهما طال فانه ساعات في عمر الشعوب ولكن قناعاتنا ان اجمل اللحظات لم تاتي بعد وحتما سينصرف الشتاء وتعود للجزيرة خضرتها وسنغني موسيقي الواذا في الكرمك والدمازين ود دندرو ونرقص الكمبلا في جبال النوبه ورقصه المردوم في غربنا الحبيب وسيتعافي الشرق من كل الامراض ونحصد القمح من ارض الشمال فقط مطالبون بان نفسح الطريق لبعضنا البعض ونجلس سويا ولسان حالنا السودان اولا
| |
|
|
|
|
|
|
|
|
|
Re: لقد هرمنا في انتظار اللحظة التاريخية اللي ابت تجي! (Re: عمر الفاروق عبد الله الشيخ)
|
اخي عمر تحياتي
لا عليك فالانتظار مهما طال فانه ساعات في عمر الشعوب ولكن قناعاتنا ان اجمل اللحظات لم تاتي بعد وحتما سينصرف الشتاء وتعود للجزيرة خضرتها وسنغني موسيقي الواذا في الكرمك والدمازين ود دندرو ونرقص الكمبلا في جبال النوبه ورقصه المردوم في غربنا الحبيب وسيتعافي الشرق من كل الامراض ونحصد القمح من ارض الشمال فقط مطالبون بان نفسح الطريق لبعضنا البعض ونجلس سويا ولسان حالنا السودان اولا
| |
|
|
|
|
|
|
|
|
|
Re: لقد هرمنا في انتظار اللحظة التاريخية اللي ابت تجي! (Re: حسن ادم محمد العالم)
|
Quote: اخي عمر تحياتي
لا عليك فالانتظار مهما طال فانه ساعات في عمر الشعوب ولكن قناعاتنا ان اجمل اللحظات لم تاتي بعد وحتما سينصرف الشتاء وتعود للجزيرة خضرتها وسنغني موسيقي الواذا في الكرمك والدمازين ود دندرو ونرقص الكمبلا في جبال النوبه ورقصه المردوم في غربنا الحبيب وسيتعافي الشرق من كل الامراض ونحصد القمح من ارض الشمال فقط مطالبون بان نفسح الطريق لبعضنا البعض ونجلس سويا ولسان حالنا السودان اولا |
اخي حسن تحياتي
من عتمة الليل البهيم تطلع خيوط الصباح الجميل
| |
|
|
|
|
|
|
| |
عمر الفاروق عبد الله الشيخ
osama fadlalla
فيس بوك
تويتر
انستقرام
يوتيوب
بنتيريست