|
Re: سفارة الكيزان تتحدى السعودية وتصر على اقامة انتخابات الجالية !!!!! (Re: Jamal Mustafa)
|
جاري العزيز ود الصايم .. كبرت يا طوربيد .. أها أخبار جالية ناس قريعتي راحت شنو ؟؟ أخي العزيز جمال مصطفى .. شكراً للفزعة ..
تفتكر يا جمال يا أخوي جالية زي دي تندرج تحت أي مسمى ؟؟ طبعاً أكييييد ما جالية خدمية بلوشية .. بس طالما جالية تم تكوينها بالاختيار ، نحسب أنهم اختاروا القوي الأمين والله حسيبهم .. ونتمنى أنهم يكونوا عند ظن من اختاروهم ومن اختيروا لهم .. ويا ربي ناس قريعتي راحت في الشرقية عارفين انو في ناس قاموا بدري وصلوا الفجر حاضر وضربوا مشوار حتى الرياض وكونوا ليهم الجالية ؟؟ ولاّ زيهم زي ناس قريعتي راحت في المنطقة الغربية ما بسمعوا بالجالية إلا في التلفزيون ؟؟ ونحن في جدة شمسنا دي أصلها ما بتغيب ؟؟ دفن الليل أب كراعاً بره دا ما بجي ناحيتنا ؟؟ على الأقل نقيف وسط الدارة ونتنبر ونقول للدنيا كل الدنيا عندنا جالية ..
ويا مثبت العقل والدين ..
| |
|
|
|
|
|
|
|