|
Re: السودان قبل أقل من 70 عاما.................................... (Re: عبدالعزيز عثمان)
|
تعرف يا شيخ عبدالعزيز كنت أستغرب جدا فى كيف كتب البك خليل فرح رائعته فى الضواحى وطرف المدائن كنت أتمعن فى مفرداتها وفى صورها التى كنت أحسب إستحالتها إلا فى خلاء حمرة فى قلب الكبابيش ولكن بعد أنرأيت أمدرمان فى and#1633;and#1641;and#1636;and#1640; تأكد لى أن خليل فرح قنص فى أمبده أو حى العرب فقد فقد رأيت الشيح والنال والهيلقويه ورأيت التمام والخزام والحمرة والمحريب ورأيت مرحات الصيد وفى قفاهن تور قرنو ماكن ورأيت جمام وتلمستو خيانته ياخ أصغر شخص فى ذلك التسجيل يكون فوق التسعين ياخ دا مع الواتساب والفيس بوك والفايبر يكون راسو مشطوب يقول الخلق دى بقت من الجن واللا إيه والله يا عبدالعزيز إذا كانت هذه البقعه يكون الرماد كال حماد فى الضهارى لكن عليك الله الفلفسه شنو!! ألف سلام عليك يا رجل ويا حليل زمان زمن التيبار البيوشل زين والسعن الوكايتو هوينه وكسع كسع تكبسو متل شطر البقره تقرطع لامن يمرق بى نخريك عجايب عليك دقت الفطير باللبن وبعدو الشعيريه زيتها يصل الكوع داقت الحزه عجائب.
| |
|
|
|
|