|
|
|
 Re: تسجيل نادر لجلسة فنية في ابو ظبي للفنان الموسيقار وردي ... فيديو (Re: Osman Musa)
|
وو مدحت اننقا ..
علي النعمة انت راجل جميل ..
انقل لينا الكلام في البوست القديم داك ..
معليش أنا طولت كنت في البلد اجازة قصيرة ..
يا مدحت أهم شيء الدفوفة بخير والخواجات بالكوم .. سواح ..
في نادي ارتقاشا ( البرقيق ) واسم الدلع نادي قاشا ..
كنا في سيرتك وأحضرنا البوست بتاع وردي ..
كانت ليلة جميلة ..
يا مدحت وردي طعمه مختلف في البلد ما زي هنا في جدة .. لأن هناك ان تسمع وردي وامامك المعطليات ورموز ( الاثار والنخيل والنيل الترابلة والرواويس والناس الطيبين )
الله الله ( أوركوني أمن شونقر كو )
واصل يا جميل .. ما باقي لينا اي جمال في هذه الدنيا إلا قرانا وجزرنا والناس الطبيين وفوقهم جميعاً وردي .. والخليل ..
| |
 
|
|
|
|
|
|
|
|
Re: تسجيل نادر لجلسة فنية في ابو ظبي للفنان الموسيقار وردي ... فيديو (Re: علي عبدالوهاب عثمان)
|
عزيزنا علي عبدالوهاب
سلامات
دأير أقولك حاجة يا علي يا أخوي
ياخ وردي ده طعمو وأحد كان في أرتقاشا كان في جدة وكان في جزر الهند الشرقية .
وردي يا علي يا أخوي نقل معاو أرتقاشا والاثار والنخيل والترابلة والرواويس وكل الصور .
جنوب . غرب . شرق . شمال . شايف ؟
نحن ما بنقدر نحصر وردي في مكان وأحد .. وردي تسمعو في الزيداب وفي الصين وأنت ترجف من الطرب .
والله العظيم والله العظيم يا علي أنا شغلت شريط وردي بي الرطانة وأنا ما بعرف رطانة . شغلتو لي زولة جامايكية .
الجامايكية بعد سمعتو دأيره تجن .
..
تحياتي
وربنا يرحمو
| |
|
|
|
|
|
|
|
|
Re: تسجيل نادر لجلسة فنية في ابو ظبي للفنان الموسيقار وردي ... فيديو (Re: Osman Musa)
|
يا سلام يا حبينا عثمان ..
شكراً على اثرائك لمعرفتنا المحدودة ..
جميل كلامك في وردي ..
يا سلام انت زول فنان بالجد ..
صدقني يا عثمان المشكلة حالياً تكمن في من يرددون اغاني وردي بعد وفاته ..
وانا في سودان كانت هناك ليالي تقام في ذكرة وفاة وردي ..
صدقني مسخ وتحريف وتشويه ..
تخيل في مطرب اسمه شكرالله حاول يغني الطير المهاجر .. وهي واحدة اصعب اغاني وردي .. عندما استمعت اليه اصبت بالدوار
استاذي عثمان لا بد ان طلق حملة للحفاظ على تراث وردي من التشويه ..
وإذا هناك اي معرفة باخونا عبدالوهاب وردي لا بد ان نصل اليه ونبلغه هذه الرسالة .. لأن عبدالوهاب راجل طيب ومتسامح ..
رغم أنه تعرض ايضاً لهجوم عنيف في الصحف السودانية لأنه حاول تقديم معالجات لبعض اغاني وردي ..
تاني لك التحية والمطلوب مننا حماية تراث وردي ..
| |
|
|
|
|
|
|
| |
Medhat Osman
Osman Musa
علي عبدالوهاب عثمان
فيس بوك
تويتر
انستقرام
يوتيوب
بنتيريست