كتب الكاتب الفاتح جبرا المتوفرة بمعرض الدوحة
|
|
 أرض زراعية مجانا لمن يفلحها..
|
هسي حكومتنا مع الجوع الضرب بلدنا ده مالو لو إتبنت الفكرة دي...
وهي فكرة ناجحة طبقها جيراننا المصريين قبلنا فأستصلحوا بها صحاريهم..
أكيد بدل المهاجر ولا المغترب يشتري حيسجل أرضو وينزل عدتو ويحفر البير او يجيب الطلمبة وهاك يا زراعة..
وأكيد المحاصيل حتملأ الأسواق ويعم الخير الوفير...
من يثني؟
|
|
  
|
|
|
|
|
|
|
|
Re: أرض زراعية مجانا لمن يفلحها.. (Re: سيف اليزل برعي البدوي)
|
| Quote: يلا يا حكومة شجعي الزراعة و سهلي الامور للناس |
الأخ سيف البزعي بعد السلام
الجملة الواردة في الإقتباس أعلاه هي مربط الفرس. لو عرفت الحكومة كيف تشجع الزراعة لما احتاجت إلا لرب العالمين ينزل السماء علينا مدرارا.. ويرفع عنا الآفات وسترى الإنتاج بملايين الأطنان من ذرة وسمسم وفول سوداني وكركدي وبصل وخضروات وفواكه.
السؤال كيف تفهم الحكومة هذه العبارة وكيف تشجع الزراعة؟!! طالما القائمون على أمر الزراعة أفندية لا يعرفون الفرق بين شجرة العيش وشجرة السمسم ولا يعرفون أن الزراعة مواقيت فسنظل مكانك سر والله أعلم.
تحياتي.
كبـّاشي الصـّـافي
.
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: cantona_1)
|
الأخ الكباشي الصافي
سلام من الله عليك وشكرا جزيلا لمرورك..ولمشاركاتك التي تنم دوما عن حبك العميق للوطن..
عندي صاحبي معانا هنا في امريكا اشتري ارض زراعية ودفع فيها ما دفع ومازلت اتابع معاناته من حفر للبير وشتول وحاجات كتيرة كده فلست بيه ..وهو شغال في التكسي ..
الزول ده بقي ساكن عديل في التكسي عشان يقوم مزرعته في السودان..فقلت في نفسي هسي القروش الدفعها في الارض دي لو لقي الارض مجانا كان زرعت ليه اضعافها
وما زال صاحبي يخيط في الشوارع ليزرع ويسور ويشتل في وطننا الحبيب...بالجد نحن مصيبتنا في حكامنا الما قادرين يساعدونا عشان نكسب الزمن ونفيد الوطن..
وقلبي مع صاحبي الذي اوشك علي الدخول في ديون من اجل فدادين قليلة في وطننا...
الله يكون في عوننا وعون السودان والجميع
سيف
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: سيف اليزل برعي البدوي)
|
| Quote: طالما القائمون على أمر الزراعة أفندية لا يعرفون الفرق بين شجرة العيش وشجرة السمسم ولا يعرفون أن الزراعة مواقيت |
واحتمال يكونوا مؤهلين ..احتمال كبير
علي الحكومة أن تبطل الهمبتة برضو والناس البجوك شايلين دفاترهم ديل
وتحاول توفر الموية لمن يزرع
وتعطي اعفاءات ضريبية لمن يزرع
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: سيف اليزل برعي البدوي)
|
| Quote: الحكومة نزعت أراضى المهندسين الزراعيين و عددهم يقارب 6 ألف رغم أنهم دفعوا فيها ما بقارب ال 4 مليون جنيه سنة 2007 لكل واحد منهم ..... هذا هو تشجيعها للزراعة و الإستثمار الوطنى ... بدل أن تمنحهم مجانا و تقدم لهم البنية الأساسية التى تساعدعم على الإنتاج الحكومة تسرق عرق المهندسين الزراعيين و تلهف منهم 24 مليار جنية مقابل ورق . |
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: عزام حسن فرح)
|
| Quote: أرض زراعية مجانا لمن يفلحها.. |
والله يا سيف ياخوي يدوها ليهم مجانا بي جاي
وأول ما تخدر يفرضوا عليهم تلت الاسبير وتلت الزبير ويجيهم تلت الطير
والمزارع في النهاية يطلع فاعل خير .. وجزاو الله خير!
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: محمد جلال عبدالله)
|
الاخ سيف
الزراعه عموما فكره محببه لانها مرتبطه في النهايه بالاكل والمنظر الحسن، نجاحها رزق من الله الكريم.
الارض الان الان شبه مجان، توزيع الاراضي الازراعيه وصل مسافه اكثر من 170 كيلومتر شمال الخرطو. شوف المسافه دي فيها كم مشروع زراعي تم توزيعه والجدوي ليست بالصوره المطلوبه.
| Quote: وأكيد المحاصيل حتملأ الأسواق ويعم الخير الوفير |
المعادله تشير الي ان في حاله ملات المحاصيل الزراعيه الاسواق سوف ينخفض سعرها وبالتالي العمليه تصبح غير مجديه اقتصاديا.
لذلك احد عوامل النجاح، وجود اسواق خارجيه لتصريف الانتاج.
هناك دوله عربيه تصًدر الخضار والفاكهه الي السعوديه واكتشف ان المحاصيل تروي من الصرف الصحي. (ما عندهم مصادر مياه كافيه)
الان اغلب الاستيراد من اليمن اعتمادا علي الامطار مستفيدين من افضليه بعدهم الجغرافي. حتي المنقه السودانيه تأتي من اليمن.
فاضل شنو الصمغ ياهو موجود في مناطق الدواس هناك.
مشروع الجزيره، تم تفتيت الارض وفق عامل الميراث وتعاقب الاجيال حتي اصبحت المنفعه منه زيرو بالنسبه للملاك لجيش الملاك.
الحكومه انا معاك في احيان كثيره هي العقبه في انطلاق المواطن نحو الانتاج ولكن ليس في كل الاحوال. هناك عوامل اخري كثير اقوي من الحكومه السجم دي.
وفق الظروف الحاليه ، فكرتك جميله وقابله للنجاح في حاله كان الهدف هو رفاهيه شخصيه. يعني خضره وماء ووجهه حسن وبقره تشرب لبنها وجروف تأكل منها اما اسواق وكسب مادي انسي. اها قصرت معاك.
تحياتي،،،،،
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: محمد هاشم ابوزيد)
|
إضافة لمداخلة أخونا عزام
هو تحدث عن الزراعيين خريجي كليات الزراعة وهذا واقع حقيقي عشته أيضا وبنفس الفهم والفكر مع بيطري خريج
إضافة إلي ذلك المزارعين أصحاب الخبرة (التربال) هجروا الزراعة وذهبوا وراء البحث عن الذهب
الآن يوجد نقص حقيقي في المزاعين (التربال) وحاليا إتجه الحبش للعمل بدلا عنهم دون خبرة ودراية ، فإن لم تكن تحمل خبرة ممتازة لن تستطيع قيادتهم
أما عن أرض زراعية مجانا لمن يفلحها ، هذا المبدأ موجود بالسودان
إن أخذت أي مساحة وقمت بزراعتها وتسويرها يتم تسجيلها بإسمك ، وليس بالضرورة زراعتها بالكامل ولكن ما يثبت بأنك حفرت بئر للماء وقمت بتركيب المضخة وحرثت فدان أو أثنين وقمت بزراعتهم بعد ذلك قم بتسوير عشرة فدان بالتأكيد سوف تسجل لك.
لكن للعلم وضع اليد في السودان ليس بتلك السهولة لأن هناك الكثيرين يظهرون لك من حيث لا تدري ويقولون هذه أرضنا مالك بها
أيضا تكلفة الزراعة بالوقود مكلفة جدا ولا تحقق أرباح
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: الصادق عز الدين)
|
الصادق عزالدين
كيف حالك؟ علك طَيِب
| Quote: أيضا تكلفة الزراعة بالوقود مكلفة جدا ولا تحقق أرباح |
راسلت شركات أمريكِية علشان توفِر لي مضخة تعمل بِالطاقة الشمسِية.. المهم لقيت الوحدة (الخلية) البتسقي 5ر3 فدان (الفدان 60 م م × 70 م م) بتكلِف 3000 دولار أمريكي (من أمريكا حتى مطار الدَوحة) وبتضخ ليك ماء 7 أيام في الإسبوع 24 ساعة لِمُدة 30 سنة، الكلام ده قبل 10 سنوات أو أكتر، يعني السِعر هسِع بِكون أقل، لأن التقنِية إتَوفرت.. في السودان لامِن قُلت يا زِراعة مشيت أبحاث الطاقة الفي سوبا عاوِز أشوف الخِيارات، لقيت طاحونة الهوا راكزِنها منظر والخلايا الشمسِية سامعين بيها سَمَع، والخبير قال لي إنو الخلايا غالية جِدًا جِدًا والهوا في السودان غير مُسْتقِر -حتى ده كمان- المُهِم قنعني تااااب أنا أخوك، مشيت زرعت بالجازولين، في النِهاية لقيت علشان الزِراعة تخارِج معاي إلا أزرع بنقو -ما حابب أكتِب ليكُم مَوقِفي الأخلاقي كان بسمح لي ولا ما بسمح) أو أستخدِم الطاقة الشمسِية
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: عزام حسن فرح)
|
Quote:
إلا أزرع بنقو -ما حابب أكتِب ليكُم مَوقِفي الأخلاقي كان بسمح لي ولا ما بسمح
) |
يا عزام في أنواع من البنقو (هجين) بيستخدموه علاج
أبحث عن تيراب هذا الهجين وطلع الموافقات وقالوا في ناس كبار ممكن يدوك الموافقات على طول مع ضمان توفير كوتات ليهم للإستعمال الشخصي
وكدا ممكن تحل مشكلة الإستثمار الزراعي وجزء بسيط من الأرض طماطم وبصل (يعني مسؤولية إجتماعية وكدا) عشان الناس تاكل كمان
والجزء بتاع البنقو (الهجين) بيغطي ليك جزء من مصاريف البصل والطماطم
رايك شنو في الحل الجهنمي دا ؟
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: عزام حسن فرح)
|
أخي عزام
حقيقة بحثت من قبل عن مثل هذه المضخات التي تعمل بالطاقة الشمسية ولكن لم أحصل عليها
طالما أنت وجدتها تأكد أنك رابح ،
أنا بتكلم عن مضخات سحب المياه من الآبار الجوفية وأحسب أنك تتحدث عن مضخات تسحب من النهر للحفير.
لابد وأنت تعلم أن هناك فرق كبير جدا.
الآن أقول لك سعر البيت المحمي مع التركيب في السودان بي 250000 جنيه وهو بمقاس 36*40
فقط المطلوب منك عمل خزان موية
إجتهد في زراعة المحميات وتفنن في المنتجات وسوف تغطي التكلفة بمعنى تسترد رأسمالك في سبعة شهور
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: سليمان القرشي)
|
الناس الحلوه الهنا سلام اخضر واحد واحد......
يا خي ده بوست زي العسل ....انا كنت قبل كم يوم
في المعرض الزراعي الفرنسي ... وشفت العحب ...
....وبس الان ماشي الشغل .... لكن وعد مني انقل ليكم
الشفتو و الصورتو ... و معها حسرتي ودموعي النزلت
عشان بلدي العندو امكانيات كانت ممكن تودينا قدام شديد
و....راجع ليكم بعدين مع تحياتي
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: الفاتح علي التوم)
|
الصادِق عزالدين
Quote: أنا بتكلم عن مضخات سحب المياه من الآبار الجوفية وأحسب أنك تتحدث عن مضخات تسحب من النهر للحفير.
لابد وأنت تعلم أن هناك فرق كبير جدا. |
المضخة البعنيها بتسحب الموية لغاية عمق 25 متر، مِن نهر الدندِر في إنْحِسارو، وده ياهو البير الجَوفي، ولو البير أعمق مِن كِده في طريقة تانِية، تعمِل ليك "ولد" قاعِدة في مُنْتصف -مثلاً- جَوْف البئر تضع فوقها المضخة الشمسِية وتناوِل بِدَورِها مضخة عادِية تسحب الماء لحوض التجميع البِكون بِمثابة الترعة (الميجر)
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: عزام حسن فرح)
|
شكرا إخوتي لتفاعلكم الذي أثلج صدري
| Quote: نحكى ليك الواقع جينا نستصلح ارض حفرنا البير بالشى الفلانى بدينا الغرس بعد النضافة والحرث.. وعينك ماتشوف الا النوووووووور ناس محلية براهم وناس زكاة براهم لا والاحلى ناس الموية ؟ قلنا ليهم موية ليه نحن حافرين بير؟ قال اكتر من 10 شجرات تدفعوا؟ قلنا ليهم نحن ماقاعدين نسقى الشجر من خط الموية نحن بنسقيها من البير.. قال مش المهم داخلا عندكم موية الخط ونحن شايفين عندكم شجر.... والله مسخو الزراعة ومسخو اى شى ولا يزال الدفع جاريا علما بان المحصول لهسه مااتباع او بالاصح مااتحصد |
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: سيف اليزل برعي البدوي)
|
صاحب البوست والضيوف
لكم التحية
والله يا جماعة أنا أعشق الزراعة عشقا لا حد له .. لكني أخشي أن يأتيني وقت أكرهها ..
كل المشاكل التي طرحه الأخ عزام موجودة .. ومشاكل التمويل هي الأساس ..
الزراعة التقليدية لم تعد مجزية .. والزراعة غير المتقدمة مكلّفة في مراحل التأسيس ..
ولا يستطيعها المزارع السوداني العادي ..
العامل الزراعي في السودان خبرته تقليدية ، وبعضهم بدون خبرة ..والبعض يعرف القطن والذرة لكنه لا يعرف الخضار والفواكه ..
والأراضي الزراعية بعيدة عن العمران ولا تصلها الطرق المعبدة .. والله أنا عندي مزرعة في سوب لا يمكنني الوصول إليها طيلة أشهر الخريف ..
والأراضي الزراعية خارج ولاية الخرطوم فحدث ولا حرج ..
وتخيل أن بذور الطماطم والخيار والكوسا والأسود والجزر وغيرها يتم استيرادها ، وأبحاثنا وخبراتنا لا تنتج إلا الملوخية والجرجير والفجل..
وأي زراعة تقوم على ري غير انسيابي ( يعني ترعة ) أو مطري تكةن التكلفة فيها عالية .. ومرات الجازولين غير متوفر ..
فمشكلة الزراعة ليست في الأراضي لكنها تعاني من تعقيدات متعددة أهمها رأس المال ، والتحديث
والرابط عبارة عن صفحة في الفيس أسمتها المزارع السوداني .. نأمل الدعم
..https://www.facebook.com/AlmzarAlswdany
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: ودقاسم)
|
سيف يا أخوي
بوستيك ده " بلو واشرب مويته "
وهاك النجيضة دي
من 2003 دفعت ودفع معي العديدين مبلغ 3000 جنيه او ثلاثة مليون في ذاك لاوقت
والبعض كملها الى 4 مليون أو 5 مليون .. مقابل 5 فدان ارض زراعية
دفعناها بثقة ان الارض راقدة هب أطرش والموية في والحكومة دايره الخير للوطن وبالتالي بتشجعنا على الانتاج
وقسما وعظما لليوم
الارض رهاب رهاب
وللعلم استلمت شهادة بحث بتلك الارض واعرف موقعها تماما ... ولكنها شهادة بحث فقط
ولاتوجد ارض زراعية على الطبيعة وقيل انه تم بيعها لمستثمر او سكنية لا أدري
نحن بقروشنا الدفعناها من سنة "دُد" ما أدونا نزرع
تجي تقول بالمجان
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: سيف اليزل برعي البدوي)
|
سلامات ياسيف ياطيب
عمنا ود الإمام الفاضلابي (مزارع قديم صاحب خبرة) جوهو جماعة من وزارة الزراعة بغرض إعادة تأهيل مشروع الفاضلاب الزراعي.
طلبوا منه ان يدلَّهم علي المزارعين اصحاب الخبرة ـ قال لهم :
أدلَّكم طاااااب ـ ركب معاهن في عربتهم وما وقف بيهم الا في المقابر.
وهنا اشار الي القبور قائلاً ديل المزراعين اصحاب الخبرة.
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: عبدالعزيز الفاضلابى)
|
الاخ سيف
تحياتى
مشكلة الزراعة فى السودان يا اخى ما من قلة الاراضى
بل من سوء سياسات الدولة تجاه الزراعة والمزارعين
مشاكل الزراعة الرئيسية تتلخص فى الاتى -
1/ التمويل ( عينى / نقدى ) واقصد بالتمويل هنا التمويل الانشائى والتمويل الزراعى
2/ الجبايات المتعددة
3/ التسويق المجزى
اى مشكلة غير الثلاثة مشاكل ديل تعتبر مشكلة فرعية ومقدور عليها !
| |
|
|
|
|
|
|
|
|
|
Re: أرض زراعية مجانا لمن يفلحها.. (Re: عبدالعزيز الفاضلابى)
|
الاخ سيف
تحياتى
مشكلة الزراعة فى السودان يا اخى ما من قلة الاراضى
بل من سوء سياسات الدولة تجاه الزراعة والمزارعين
مشاكل الزراعة الرئيسية تتلخص فى الاتى -
1/ التمويل ( عينى / نقدى ) واقصد بالتمويل هنا التمويل الانشائى والتمويل الزراعى
2/ الجبايات المتعددة
3/ التسويق المجزى
اى مشكلة غير الثلاثة مشاكل ديل تعتبر مشكلة فرعية ومقدور عليها !
| |
|
|
|
|
|
|
| |
سيف اليزل برعي البدوي
cantona_1
عزام حسن فرح
محمد جلال عبدالله
محمد هاشم ابوزيد
Asim Fageary
سليمان القرشي
)
الفاتح علي التوم
بدرالدين بابكر مصطفى
ودقاسم
ناصر حسين محمد
عبدالعزيز الفاضلابى
خالد حاكم
فيس بوك
تويتر
انستقرام
يوتيوب
بنتيريست