|
Re: مهما امرى يهون عليك فعلا انها اغنية من عيون الغناء السودانى (Re: mekki)
|
هلا بدر وضيوفه
ياخ والله قدر ما قلت تعليقي دا مافي ليهو داعي تاني قلت ياود خلينا نشاتر حبة: والسبب انو الاغنية دي زعلتني عديل كدا: أغنية رتيبة مملة ، وتكرار الكوبليه الأول الاكثر ملل تلاتة ولا اربعة مرات بدون داعي اجمل ماحدث لهذه الاغنية انو غناها مصطفى سيداحمد ، غير كدا مافي شي لا ادري أيهما كان شؤماً ع الاخر : اللحن ام الكلمات،، صوت الفنان مافيهو كلام،،
لم تترك لي الاغنية هذه بكل مكوناتها اي رغبة او ميل لاعادة الاستماع لها،،
واسفي الشديد لهذا الرأي ، لكن والله قصدت اكتبه عسى ان يصحح أحدكم مابي من تذوق خاطي،،
| |
|
|
|
|
|
|
Re: مهما امرى يهون عليك فعلا انها اغنية من عيون الغناء السودانى (Re: بدر الدين الأمير)
|
Quote: هلا بدر وضيوفه
ياخ والله قدر ما قلت تعليقي دا مافي ليهو داعي تاني قلت ياود خلينا نشاتر حبة: والسبب انو الاغنية دي زعلتني عديل كدا: أغنية رتيبة مملة ، وتكرار الكوبليه الأول الاكثر ملل تلاتة ولا اربعة مرات بدون داعي اجمل ماحدث لهذه الاغنية انو غناها مصطفى سيداحمد ، غير كدا مافي شي لا ادري أيهما كان شؤماً ع الاخر : اللحن ام الكلمات،، صوت الفنان مافيهو كلام،،
لم تترك لي الاغنية هذه بكل مكوناتها اي رغبة او ميل لاعادة الاستماع لها،،
واسفي الشديد لهذا الرأي ، لكن والله قصدت اكتبه عسى ان يصحح أحدكم مابي من تذوق خاطي،، |
عبداللطيف يابكرى كدى انسى مضامين الاغنية كنص لو لم تروق لك بس تامل الاداء وروح الترتيل القرانى في الاداء ولى عودة بعد مايقول عبدالمنعم الفكى رايو
| |
|
|
|
|
|
|
Re: مهما امرى يهون عليك فعلا انها اغنية من عيون الغناء السودانى (Re: بدر الدين الأمير)
|
مساء الخير .. يا أستاذ/ بدر الدين ..
لأن الذي بيني وبين ( أربجي ) .. عامر .. بقدر ما كان ( قريبك ) الراحل ( نجم الدين ) نجم ساطع في حياتنا .. لم أجد أي حرج في أن أشاركك ( بوست : مهما أمري يهون عليك ) ..
وأنا أتفق معك تماماً .. فهذه الأغنية من ضمن ( العشرة .. التي لا أمل الإستماع إليها ) ..
الفنان ( بهاء الدين عبد الرحمن أبو شلة ) – وهو موضوع هذا البوست ..
- نشأ وتربى .. وعاش .. في ( الموردة .. أمدرمان ) .. ومن لا يعرف ( الموردة ) ولا يعرف .. ( صبابة العيش في الموردة ) .. فقد فاته الكثير ..
- الفنان ( بهاء الدين ) عاش مظلوماً .. ومات مظلوماً .. مع أنه هو الذي ( فتح منزل أسرته بالموردة ) لكل ( الفنانين ) الذين كانوا ( يبحثون عن موطأ قدم ) .. واشهر من سكن معه في منزلهم بالموردة .. كان ( الفنان / محمد الأمين ) نفسه ..
- عرفته شخصياً .. في الموردة – أمدرمان .. ووجدته .. إنسان .. هادئ .. لا تسمع صوته ( في غالب الأحيان ) .. يبتسم دوماً .. كأنه يتكتم خبراً مفرحاً ..
- بالله أسمعوا أغنيته ( الخالدة ) ( مهما أمري يهون عليك ) وترحموا على إنسان فنان .. عاش بسيطاً .. حتى لاقى ربه .. ( بسيطاً )..
- توفي يوم 25 يوليو 2011 – بعد معاناة شديدة مع المرض ..
- ( بهاء الدين أبو شلة ) – غنى في ( الملحمة ) فلم ينتبه إليه إنسان .. ورحل في هدوء .. كما كان غنائه .. وطبعه ..
| |
|
|
|
|
|
|
|