|
Re: مربعات (كل يوم واحده) (Re: وضاحة)
|
وضاحة ماتفضحينا دي مربعات مادوبيت المربعات دي اشتهر بيها الصعايدة في مصر في السيرة الهلالية وملكها المتوج الآن هو الابنودي رضي الله عنه.
قلنا نثقفك شوية ينوبنا ثواب (الدم بحن) :)
| |
|
|
|
|
|
|
Re: مربعات (كل يوم واحده) (Re: Balla Musa)
|
يحن انت جعلي يعنى ؟!!
المربعات والنمات والمجادعات البعرفها انا حقت اهلى الجعليين مصريين ؟؟؟ مالى بفتش لي مربعات غير حقت اهلى الجعليين خليك سودانى وجيب لينا نمات ومربعات سودانية وانبقا ما خابر خش النكات بتاع اهلك الجعلين ( دا اذا كنت جعلى الحين كل من هب ودب بقول جعلي حيرونا ظاتوا) الدرس الثانى
| |
|
|
|
|
|
|
Re: مربعات (كل يوم واحده) (Re: وضاحة)
|
ياوضاحة
طبعا أنا النم والدوبيت والحاجات البلدى دى ما بعرفها.. دي شغل بتاع جعليين وغيرهم من البدو والأعراب..
فخامتنا ناس حضر ومدينة ولانفهم في كلام البدو..
وياريت لو تشرحي لينا ماذا يقول هذا الأعرابي من آل البنا :)
| |
|
|
|
|
|
|
Re: مربعات (كل يوم واحده) (Re: Balla Musa)
|
Quote: ناس وضاحة ديل طبعا لسه مابدو |
انت بتكتب الكلام مغضغض مالك ما تقول عديل العرب بدو قال جعلى قال
هاك شوف العرب عملوا شنو رقصوا ليك ملك الانجليز ظاتوا
قال مابدوش
| |
|
|
|
|
|
|
Re: مربعات (كل يوم واحده) (Re: Balla Musa)
|
Quote: ياريت لو مهندس مثقف وواعي وعارف القضيه ظاهر وباطن يعلم مزارع وعامل وراعي جذور القضيه وحقوق المواطن |
في تقدم بث خلي التيق البتسوى فيه وقاطعوا من راسك دا واظبط القوافي تكون تمام
| |
|
|
|
|
|
|
Re: مربعات (كل يوم واحده) (Re: Balla Musa)
|
الدرس الثالث أبكريك دا الراجل البملى العين ويدفق
المابخاوى المنافق والوجوهو كتار وما بخاوى البيقدر بالصديق والجار مابخاوى الخبيس البلفق الاسرار ومابخاوى البيعقب للعصب عقار
أهلنا الجعليين قالوا
خاوى الفى الرجال دايماً بحفظو صنيعك وخاوي البستحق بي بهجة تهدي تبيعك لاتخاوى اللضينة الفعلو ديمة يريعك يزمك بى قفاك بالتفيهة ابيعك
ما تخاوى الإنسان رخيص الخائن وماتخاوى البكيل صدرك دغون وغباين ماتخاوى الزميم الشينو دايماً باين خاوى البملا عينك فعلو حد ماتعاين
خاوى في العلن والسر بخاف من ربو خاوى الكافة الناس تمدحو وبتحبو خاوى المن زكرتو بسكتو البتنبو ما تخاوى البولعلك قمير ويهبو
ما تخاوي الوض يع حسبو ورخيصه انسابو ما تخاوي البقلل للوليه حـــــــسابو ما تخاوي البشوف العيب ولا حسابو ما تخاوي البفز من ضيفو يابي عقابو
خاوى الما بسد من ضيفو باب الحوش زريبتو وجيبو مليانات ورافع البوش ما تخاوى ابصداقتاً زى صداقة بوش خاوى البيتو عامر زى نقفة البوش
بجيك صادة يا ود عمى
| |
|
|
|
|
|
|
Re: مربعات (كل يوم واحده) (Re: وضاحة)
|
يا وضاحة أشرحي وارسلي كرد لمن كتب الأبيات عاليه:
عمرابيه من بحر المكارم ماليه وقول جعليه في كل المقامات عاليه عاليه اخلاقا لكن حاشا مامتعاليه وساكنه وباقيه في كل النفوس الغاليه
| |
|
|
|
|
|
|
Re: مربعات (كل يوم واحده) (Re: Balla Musa)
|
Quote:
هاك دي يا عزالدين الفحل:
فوق ود الفحل الليله جيب النمة دا عز دار جعل متفرقه ومتلمه آيفون والهمر سايقو ولافي العمه وجدو المك نمر في الحبشه سوا متمه
Balla Musa ،،،،،، ...
|
Balla Musa
يديك العافية ، وبيت في الجنة ، ،،،،،، ...
عزالدين عباس الفحل ابوظبي ...
| |
|
|
|
|
|
|
Re: مربعات (كل يوم واحده) (Re: Balla Musa)
|
Quote: Abdalaziz Hussain · · جامعة السودان للعلوم والتكنولوجيا بله أنا لا بعرف مثلثات ولا مربعات ولا مكعبات عندي كبشورات ... فياخ عندي كبشور معذبني اجيبه ليك بي فوق ويريحك |
عبد العزيز كبشور ياخوي أنا ماعايز أشوف كبسور وياخي خليك صاحي للقيم السودانية البتقول: أنا المامون على بنوت فريقه
أما أنا ياعزو: أنا الدقر إن لبد للزول بعيقه لكن مابلبد.
| |
|
|
|
|
|
|
Re: مربعات (كل يوم واحده) (Re: Balla Musa)
|
وقفنا وين يا أخو البنات
اها هاك أشرح دى فوق اهلى العمراب
العمراب رجــــــال اهل الثبات والركزة مابارو الخماجات والهــــــــويل والنبزة ماتبعو الحريم ما اتعلمـــــــــوها النكزة ساكنين في الجبال اخلاق ملوك مرتكزة
| |
|
|
|
|
|
|
Re: مربعات (كل يوم واحده) (Re: وضاحة)
|
Quote: العمراب رجــــــال اهل الثبات والركزة مابارو الخماجات والهــــــــويل والنبزة ماتبعو الحريم ما اتعلمـــــــــوها النكزة ساكنين في الجبال اخلاق ملوك مرتكزة |
هم زاتن جبال شامخات صمودا وركزه ونابهين العقول ماداروا غمزه ولكزه تواريخن علوما على القيم مرتكزه وبحلقوا فوق سماوات مابتطولا النبزه
ياوضاحة افصحي عن صاحب هذه الدرر وشكرا له مقدما
| |
|
|
|
|
|
|
Re: مربعات (كل يوم واحده) (Re: Balla Musa)
|
Quote: عمرابيه من بحر المكارم ماليه وقول جعليه في كل المقامات عاليه عاليه اخلاقا لكن حاشا مامتعاليه وساكنه وباقيه في كل النفوس الغاليه |
جاك الرد
ود بلة ركّاز في النضم . حاشاهو قول الني فيهو سماح طباع مو كاس سماحة الزي القاصد العوج .معاهو دخلوا الخـــــي ضرّاب للفقر ضوّق عدوهو الصي
| |
|
|
|
|
|
|
Re: مربعات (كل يوم واحده) (Re: وضاحة)
|
Quote: ود بلة ركّاز في النضم . حاشاهو قول الني فيهو سماح طباع مو كاس سماحة الزي القاصد العوج .معاهو دخلوا الخـــــي ضرّاب للفقر ضوّق عدوهو الصي |
شاعرنا العزيز ليك التحية غدي* وليك مني الشكر لا ليه عد لا حصي* كلامك والله سالب من جناني حصي* نمنا نحنا حالك وانت نمك ضي
* الكلمات تقرأ بالتصغير والضمة على أول حرف.
أديه دي ياوضاحة
| |
|
|
|
|
|
|
Re: مربعات (كل يوم واحده) (Re: Balla Musa)
|
ياوضاحة للمرة التانية افصحي عن ذاك الشاعر:
ياسيد عبد العزيز, ليت الزمن ماغاب وليتك بينا كاتب, ليك رد وخطاب بالباسويرد تزامل شادن العمراب وبالشعر الأصيل تكتب قوافى عجاب
| |
|
|
|
|
|
|
Re: مربعات (كل يوم واحده) (Re: عزالدين عباس الفحل)
|
خال فاطنه ...
سام الروح سبله ..... أنا أخوي جبل الضرا ******* سيد أم رطين ماضلّ .... فارس الألف نقدالله يسلم لي خال فاطنه .... بلالي البدّرج العاطله ******* أب كريق فى اللجج .... سدّر حبس الفجج عاشميق حبل الوجج .... أنا أبوي مقلام الحجج ******* يا خريف الرتوع .... أب شقه قمر السبوع فوح بيتو بسند الجوع .... يا قشّاش الدموع ،،،،،، ...
*** المصدر:- منتدى قرية إبراهيم عبدالله ، تراث دار جعل ، ،،،،
عزالدين عباس الفحل ابوظبي . ...
| |
|
|
|
|
|
|
|