|
فلنتايــن ... و المرأه السودانيه ... و إدمان الكَضِم ...
|
رأيت محاولات جميله و متفائله من بعض الأخوه للكتابه عن عيد الحب ...
و محاولة اظهار احتفاليتهم بذلك ...
وهو لعمري شئ جميل ... و يبعث التفاؤل ...
تحدثت من قبل عن صمت المرأه السودانيه ...
ولكني هنا انظر اليه بمنظار آخر ...
القديس فلنتاين حينما ابتدع عيد الحب
كان يتحدث عن الحب المتبادل ... و ( المنطوق ) ...
لم يكن يعرف ان هناك نوعاً من النساء يسمي المرأه السودانيه !!!
المرأه السودانية نشأت علي ان تكون خجوله و صامته ...
حتي اوصاف الشعراء لم تخرج من ذلك الاطار ابداً ...
فتجد ...
زاهي في خدرو ما تألم ...الا يوم كلموه تكلم ...
يعني لو ما كلموه ... يظل ( كاضِم ) ...
طيب ليه ما تبدي الكلام انتي اول ؟؟ ... ولا عيب كده؟
تعودت حواء السودانية ... ان جاز عليها القول ...
ان تستقبل فقط ...!!!
ون واي ...
اما الارسال ... فيدخل في اطار العيب ...
انتو قايلين شاعرنا الفحل رحمة الله عليه الاستاذ صديق مدثر قاصد شنو بالبيت الشعري الجميل ده:
إن تكن أنت جميلاً ... فأنا شاعرً يستنطِقُ الصخرَ العصيّا
الصخر العصيّا ديل منو ؟؟
ما هم ذات نفسهم .. ( الكاضمات ) الغيظ ... اغاظهم الله ...
لي عوده ...
|
|
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
ايروس اليوناني و كيوبيد الروماني
ألهة الحب و العشق ...
تقول الاساطير ان لديهم ملائكتهم الذين يبثون الحب في قلوب البشر ...
هي اساطير طبعاً ...
ولكن يُحكي ان الرجال السودانيين قدموا احتجاج لواحد من هؤلاء الملائكة ...
بحجة انهم في دنياهم لم ينعموا باي نوع من الحب المتبادل و المنطوق و المحسوس اسوة ببقية الرجال في العالم ...
و اتهموه بالتقصير في حق المرأه السودانيه ...
فما كان من ذلك المَلَكْ ( الاسطوري ) الا ان يطير الي اله الحب إيروس و يسأله
وكان وقتها الاله إيروس مشغولاً يسماع في اجمل حكايات الحب في العالم ...
حاول ذلك الملك ان يبعث باشاره ... ولكن إيروس كان مندمجاً و سعيداً ولم يشأ ان يعكر عليه مزاجه ...
فكتب ورقه و ارسلها ... قال فيها ... ان الرجال السودانيين في حالة احتجاج
حيث لم تحظي نساؤهم باي نوع من انواع الحب المعروفه عالمياً ؟؟؟
قرأ إيروس الورقه سريعاً ... وهو مازال مستمتعا بسماع القصص التي تلهب القلوب ...
قرأها علي عجاله و التفت الي الملَك ... سائلاً بحركه من يديه ... ماذا تقصد بالمرأه السودانيه.؟
هنا ارسل الملك ورقه ثانيه ...
المرأه السودانيه هي تلك التي تعيش في السودان؟
مره اخري لم ينطق إيروس ... و كرر استفساره؟ بما يعني ... من هي المرأه السودانيه و ما هو السودان؟
لم ينتبه الي كلمة السودان وهو مبتهج بسماع احلي قصص الحب ...
ارسل الملك ورقعه ثالثه ... وهو متردد ان يعكر مزاج إيروس بالحاحِه ...
ولكنه يتذكر كيف رأي الرجال السودانيين في ازمتهم ...
فكتب لإيروس ...
السودان ... تلك البلد التي تجاور مصر من جهة الجنوب ... و تحدها اثيوبيا ..وو
وهنا وقف إيروس وقال ...
منو القال ليكم في نساء في البلد ديك؟
امشوا شوفوا شغلكم كرهتونا الحب ذاتو !!!
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
درجت المرأه السودانيه في اظهار جمالها عند المناسبات فقط ...
او كما قال احد نجوم الكوميديا لو النور ضارب في عينك في حفله و هي قدامك ...
طوااااالي تشاغلها ...
لانك طبعا ما عارفها من كتر الزينات و توابعها ...
في حين في الايام العاديه ...
ولا بلاش احسن ... __________________ الزوج في لبنان مثلا ...
يجي داخل البيت ... كيفك روح ( ألبي )
شلونك حياتي ... وحضنه و قُبله ... وآخر بهجه ...
اما ناس فلانه ديلاك ...
لو راجلها جا خاشي عليها ( كما ذكرت في بوست مجاور ) ...
وقام قال يحضنها ... نظام حُب يعني ...
طوالي تجعر و تقول ليهو ... المات منو ياخوي ؟؟؟؟؟
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: بله محمد الفاضل)
|
Quote: يا ود قباني إتَّ الكاضـمة الغيظ بتاعتك قاعدة تمر من هنا ؟ ولا مغتي الكمبيوتر بي شوال؟ |
نجد العذر لحبيبنا محمد فضل الله المكي ...... فـ(الكاظمة الغيظ) بتاعتو عندها باسوورد معانا هنا.
يا قباني البوست ده ذكرني الراحل الفاضل سعيد في شخصية (بت قضيم) وهي تنتقد حفيدتها، فتقول: إنتن يا بنات الزمن القاهرات الما عندكن حياء .... الواحدة بي كل فصاحة وقوة عين تقول للراجل (بحبك) .... ثم تعود بت قضيم بذكرياتها لأيام الصبا فتقول: نحن زمان كنا، الواحدة تدخل في أوضتها .... وتقفلها بالترباس .... وتطفي النور .... وترقد في عنقريبها .... وتتغطى بي توبها ... وتغمّد عيونها ... بعد داك تقول الكلمة دي (بي قلبها).
يعني بعد التحصينات دي كلها ..... قالت الكلام (في السر).
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: محمد أبوالعزائم أبوالريش)
|
Quote: المرأه السودانية نشأت علي ان تكون خجوله و صامته ...
حتي اوصاف الشعراء لم تخرج من ذلك الاطار ابداً ...
فتجد ...
زاهي في خدرو ما تألم ...الا يوم كلموه تكلم ...
يعني لو ما كلموه ... يظل ( كاضِم ) ...
طيب ليه ما تبدي الكلام انتي اول ؟؟ ... ولا عيب كده |
الاخ يحي قباني
تحياتي ,,,
لدي نظرية مقتنع بيها براي وتقول هذهـ (النظرية الفاتحية) أن الرجل السوداني يعتقد عندما يتقدم لخطبة فتاة أو لزواجها أنه هو الذي يبدأ بالخطوة الأولى فيما أن الحقيقة الحتمية هي أن الفتاة تكون قد بدأت بالخطوة الأولى لكنها بصمت وعلى طريقتها التي تجيدها ... فربما خطوتها كانت نظرة (ولكنها ليست مثل كل النظرات) أو إبتسامة (ولكنها ليست كبقية الإبتسامات) ... مما يجعلني اعتقد أنها هي صاحبة الخطوة الأولى ( بصمت) ... فلا تعتقد أيها الرجل السوداني أنك انت صاحب الخطوة الأولى فهنالك خطوة سابقة كانت صامتة.
وعليه يا اخ يحي أرى أن لغة صمتها من اجمل اللغات
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: لع يا ود قباني إننا لا نبحث عن امرأة مقارنة نريدهن كما هن لا أكثر ويكفي من الأحاسيس ما يلمح وهي الأجمل والأبلغ
تحياتي، محبتي واحترامي |
بله يا صديقي ...
مش هن يبقن كما هن بي الأول ...؟
Quote: عدت لأقول: جعل الله أيامهن كلها نابضة بالحب
وأدلف إلى المقت تلقى فالنتاين على طريقتي |
لقيتك بكّااي يا بله ...
شكلك ما كملت المده القانونيه !!!
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: نجد العذر لحبيبنا محمد فضل الله المكي ...... فـ(الكاظمة الغيظ) بتاعتو عندها باسوورد معانا هنا.
يا قباني البوست ده ذكرني الراحل الفاضل سعيد في شخصية (بت قضيم) وهي تنتقد حفيدتها، فتقول: إنتن يا بنات الزمن القاهرات الما عندكن حياء .... الواحدة بي كل فصاحة وقوة عين تقول للراجل (بحبك) .... ثم تعود بت قضيم بذكرياتها لأيام الصبا فتقول: نحن زمان كنا، الواحدة تدخل في أوضتها .... وتقفلها بالترباس .... وتطفي النور .... وترقد في عنقريبها .... وتتغطى بي توبها ... وتغمّد عيونها ... بعد داك تقول الكلمة دي (بي قلبها).
يعني بعد التحصينات دي كلها ..... قالت الكلام (في السر). |
اها يا ابو الريش يا صديقي ...
ديل تلقاهم وين حسي مع ناس ( خلي الدين في دينو ) ...
بعدين بت قضيم دى منو ؟
لا حولااا ... يا عمو انت قديم خلاص ...
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: Umalhassan Bashir Mohamed · الأكثر تعليقا · Jefferson City, Missouri اخونا يحيي قباني ياخي المراه السودانيه دي ما تقلت عليها شديد... قلت لي كاضمه... هي الكضم و الصمت جابته من عندها .. ياخي دي من عمرها سبعه سنين ,,, تلقي الاب ينهر و العم ينهر و الاخ ينهير و كل من هب و دب يمارس عضلاته الرجاليه عليها ... خليكي مهذبه ...خليكي بت ناس ... يا بت بطلي الخفه ... لو ابتسمت بس لابن الجيران ...و شافه اخوها .. يا ويلها .. دائما ماشه جنب الحيطه و مدنقره .. و لمن يخطبوها و تتزوج ... فجاُه .. تسقط كل اوراق التوت و يطلبون منها في يوم و ليله ان تدك حصونها المنيعه و تذهب مع رجل لمجرد ان اجتمع الناس و غنوا و رقصوا و كتبوا العقد المقدس و قالوا ليها بعد كدا خلاص مسموح ليك تعملي كل المحظور... و المسكينه محتاره .. تبداُ كيف و تنسي كيف ... و الفطره قد تمت برمجتها علي العفه و الادب الجم و الحياء ..المفرط..و تصبح المشكله مشكلتها وحدها بعد ان تخلت عنها العصابه ... الام و الاب و الخاله و المجتمع يدفعها الي ان تفعل ما يغضب الله مع زوجها ...و احيانا تفشل ... ثم ناتي لنحاكمها ...نقول عليها مدمنه الكضم... و يا اخونا يحيي انت متاُكد لو بنتك و لا اختك تركت الكضم و اصبحت منشرحه كما يجول في خاطرك .. متاُكد ما بتحدر ليها .... رد · 2 · · منذ 13 ساعة |
ام الحسن ...
والله كلامك كلو علي راسي من فوق ...
وعارفو ومقتنع بيهو ...
لكن ... يا أم الحسن ... المسكنه دي الا في الحب بس؟
المسكنه دي ما بنشوها هنا في المنبر ده ليه؟
الواحده تعتر ليك بي لسانها بالله ...
ما يا تكون القصه متكامله يا بلاش منها ...
يعني يا تِفّه ... يا طاقيه بريـال ...
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: قال ليك يا قباني الشاب المسكين مشي نقى اجمل باقة ورد ومعاها علبة حلوى شفافة مطرز بداخلها اسمها بلشكولاته
وجا داخل البيت مبتهج ... جاتو الحبيبة منكوشة وفي يديها كمشة ملاحها ينقط ... كحّلت للحاجات سريع كدا وقالت ليهو
دا شنو التبذير الفارغ دا هسي بالله ما كان احسن تجيب لينا بصل اخضر ناكل بيهو الميلوحة دي:) |
مسكين الشاب يا نوباتيا ...
حسي صاحبي محمد حسن الرومانسي
السنة القبل الفاتت كان عريس ...
من سماحة كلامه و دفوعاتو ...
لما سميتو الرومانسي ...
عاين ليهو صاحبي ...
ذكرني ابيات شعر كاتبها واحد سعودي
في جريدة الشرق الاوسط بتاريخ 22 مارس 1997
ما زلت محتفظ بيها حتي ناريخه ...
قال شنو صاحبك :
قالوا تزوج.. فاستجبت لمنطق المتزوجين.. واضفت ماء للطحين.. وغصت فى ذاك العجين.. اصبحت فى القفص المذهب متعة المتفرجين.. يا انت.. يا قيدا من الاسفنج رفقا بالسجين.. قالت : تدلل ! ما الذى اهديك فى ذكرى الزواج ؟ قلت بعض الأوكسجـــــــين..
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يوسف محمود)
|
الاستاذ قباني .....مش عارفه ليه بس داخلا البوست وحاسة بشي من الحسرة والغيظ احيانا والاستنكار كثيرا .....ومهزومة في النهاية ..... اها اجيك : اولا تنقسم المراة الى متزوجة وغير متزوجة لان هناك اختلافات كثيرة طارئة قبل وبعد الزواج في قصة العلاقات والمحبة بين الازواج ....حسب الرواة لانني قليلة معرفة كون انني ما زلت اعاني العنوسة ... اها نجيك لقصة التعبير بالمكنون والنوايا .... المراة السودانية جميلة بكل معطياتها الانثوية ولكنها تعيش صراعا مؤصلا بداخلها موروثا في كون الرجل لايقبل القول المباشر والتعبير المباشر ويعتبرها فاجرا او ربما اشياء اخرى قابلة للتاويلات المختلفة لذلك اعتبر على الرجل السوداني كسر هذا الحاجز والموروثات وتبديلها باحداث تغييرات جزرية في ما يطلبه لانه بهذا يظلم نفسه كثيرا في الاستمتاع والمتعة بالعلاقات الجميلة والحميمية التي اهم مقوماتها التعابير الجميلة عن المكنون النبيل
ويبقى السؤال يا قباني ...من ادمن الكضم وصدقه ...ومن اجاد التمثيل في هذه الكذبة المستمرة ومن ينافقون مع زوجاتهم وحلالهم في واجباتهم وحقوقهم ؟؟؟؟اسئلة ليست للاجابة علينا احداث التغيير بالصراااحة وممارستها وبالصدق مع انفسنا في حاجياتنا اولا والجهر بها اما انفسنا ومع زوجاتنا ومع حبيباتنا حتى نلحق بالركب ...نحن قوم يختلف في كل تفاصيله عن الاخرين ...حسب تجربتي البسيطة ودوما اسال نفسي لماذ نحن هكذا ....؟ولا اجد الاجابه
لك محبتي في عيد الحب وكن بخير ومني الدعوات ان ينصلح حالنا يوما ما ..ونمتلك القدرة على الافصاح بالكثير الذي يثقل كاهلنا ويفسد حياتنا .... شكرا جميلا مني
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: لاستاذ قباني .....مش عارفه ليه بس داخلا البوست وحاسة بشي من الحسرة والغيظ احيانا والاستنكار كثيرا .....ومهزومة في النهاية ..... اها اجيك : اولا تنقسم المراة الى متزوجة وغير متزوجة لان هناك اختلافات كثيرة طارئة قبل وبعد الزواج في قصة العلاقات والمحبة بين الازواج ....حسب الرواة لانني قليلة معرفة كون انني ما زلت اعاني العنوسة ... اها نجيك لقصة التعبير بالمكنون والنوايا .... المراة السودانية جميلة بكل معطياتها الانثوية ولكنها تعيش صراعا مؤصلا بداخلها موروثا في كون الرجل لايقبل القول المباشر والتعبير المباشر ويعتبرها فاجرا او ربما اشياء اخرى قابلة للتاويلات المختلفة لذلك اعتبر على الرجل السوداني كسر هذا الحاجز والموروثات وتبديلها باحداث تغييرات جزرية في ما يطلبه لانه بهذا يظلم نفسه كثيرا في الاستمتاع والمتعة بالعلاقات الجميلة والحميمية التي اهم مقوماتها التعابير الجميلة عن المكنون النبيل
ويبقى السؤال يا قباني ...من ادمن الكضم وصدقه ...ومن اجاد التمثيل في هذه الكذبة المستمرة ومن ينافقون مع زوجاتهم وحلالهم في واجباتهم وحقوقهم ؟؟؟؟اسئلة ليست للاجابة علينا احداث التغيير بالصراااحة وممارستها وبالصدق مع انفسنا في حاجياتنا اولا والجهر بها اما انفسنا ومع زوجاتنا ومع حبيباتنا حتى نلحق بالركب ...نحن قوم يختلف في كل تفاصيله عن الاخرين ...حسب تجربتي البسيطة ودوما اسال نفسي لماذ نحن هكذا ....؟ولا اجد الاجابه
لك محبتي في عيد الحب وكن بخير ومني الدعوات ان ينصلح حالنا يوما ما ..ونمتلك القدرة على الافصاح بالكثير الذي يثقل كاهلنا ويفسد حياتنا .... شكرا جميلا مني |
استاذتي نعمات حمود ...
الشكر ليكي انتي و لي كلامك المارق من القلب ...
حقيقة لمستي كل اماكن العله ...
مافي شك نشأة المرأه السودانية جبرتها نقدر نقول علي طبيعة تعاملها مع الرجل ان تكون محافظة باختلاف درجاتها ...
و ما في شك ان الرجل او الزوج ... هو نفسه الاخ الاكبر او الاصغر لتلك البنت التي جبرت علي التعامل بتحفظ ...
وكان حضوراً في كل نهراتها و كل توصياتها و فهم ان هذا هو الصحيح ...
الي ان ضرب السودانيين في الارض بحثا عن الرزق و الامان ...
و صغر العالم بانتشار وسائل الاتصال ...
و هنا خلقت التناقضات .... ___________________________________________ لي عوده ... هناك الكثير لابد من التطرق اليه فيما اتيتي لنا به ...
دمتي يا راقيه ...
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: smart_ana2001)
|
يا مستر قبانى ده كان زمااااان. جيل امهاتنا. الان الوضع مختلف تماما. (اغلب) الشباب اللى اتزوجوا (على الاقل) فى ال15 سنة الفاتت -و احتمال اكتر-ما عندهم ثقافة الكضمان دى. بالعكس. كتير جدا من صحباتى بيشكوا من ان ازواجهم كاضمين. وان الواحد (مع انها متاكده انه بيحبها) لكن نادر جدا ما يقول ليها حاجة رومانسية. انا فى كم قروب فى الفيس بوك فيهم جكس بس. و لما قرب الفلنتاين كمية من صحباتى ديل بدوا يتفاكروا فى الهدايا لازواجهم. الهديا بتبدا من ريحة ل كرفتة ل عشوة فى مطعم و مشوار للسنما.
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: حسين نوباتيا)
|
سلامات أخونا حسن. الأحوال؟ انت ذاتك ح تنتحر لو ما لقيت الملاك بتاعك. كلكم مستهبلين ساااااي. مستر قباني عاوز يبرمج بينا ساي. لكن الحنك بتاعكم، بتاع السودانيات ما رومانسيات ده، حنك بيش.( هسي مستر قباني يقول لي: كيف تستعملي كلمة ذي دي). لكن بالجد، انا غايتو الشايفاه، ان الرجال السودانيين هم اللي ما رومانسيين. تلاقي الواحد ماشي قداااااام بالخطوة العسكرية السريعة و مرته جارية وراه. او يتكلم عنها يقول ( المرة). و هسي عليكم الله كم واحد فيكم رسل لام الأولاد ورد في الفلنتاين ده؟ للأسف الرجال السودانيين ( اغلبهم) ماخدين زوجاتهم for granted لانه ما في واحدة سودانية ح تقول لزوجها طلقني لأنك ما رومانسي. ------------------ Ops ما نقوم نرجع لموضوع عرس الخواجة.
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: smart_ana2001)
|
Quote: الان الوضع مختلف تماما. (اغلب) الشباب اللى اتزوجوا (على الاقل) فى ال15 سنة الفاتت -و احتمال اكتر-ما عندهم ثقافة الكضمان دى. بالعكس. كتير جدا من صحباتى بيشكوا من ان ازواجهم كاضمين |
الرجال طلعوا تُجُمْ !!!
بعدين قلتلي الشباب الاتزوجوا قبل 15 سنه؟
طيب و الشباب الاتزوجوا قبل 25-30 سنه ...
ديل موقفهم شنو من الاعراب ؟
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: للامانة قباني دا بتكلم بشكل عام ولو مشي الجنة لقاهم غيرّوا ليهو الملاك العايش معاهو حاليا ببساطة ممكن يفجر ليهو كم حورية وينتحر:) |
انحنا يا نوباتيا زى عمك الحاج المشي يحج
قالوا ليهو كان جاك الموت في الحج ...
تدخل الجنه توش من غير سؤال ...
و بنات الحور هنا يشيلوك من الهيف للضرا ...
اها عمّك يوم عرفه ... ضربتو شمس و غمر ...
مرقوهوا من مكه وودوهوا المستشفي الامريكي ...
الممرضات امريكانيات ... العيون زرق بحر بس ...
عمّك اسعفوهوا ... بس فتيحة عينو شاف الممرضات الامريكانيات قعد يكورك ...
( صدق وعدَه ... صدق وعدَه ) ..
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
Quote: سلامات الأحباب قباني وسمارت وأبوالريش |
عليك الله يا عاطف سمارت دي حاشرها بين اليافطتين ديل ليه ؟
قالت ليك يا عاطف
Quote: الشباب اللى اتزوجوا (على الاقل) فى ال15 سنة الفاتت -و احتمال اكتر |
تجي تقول ليها سنة 89 و مدير مشروع !!!
89 ده سمارت كان ولدوها تكون لسه ما اتعلمت المشي ...
بعدين ياخوي انت من شدة ما قديم قلت مايلي :
Quote: تزوجت في 13فبراير 1989 لم يكن التاريخ من تخطيطي أو تخطيط الفضلى ( بعلتنا ) |
و ايضاً ما يلي :
Quote: كريماتي يعتقدن جازمات أننا ( أمهن وأنا ) قد جسدنا قمة الرومانسية بزواجنا في يوعد( عيد الحب ) ....... شوفتو كيف ؟؟ |
و من شدة الحب كمان دخلت كلمة( يوم ) في كلمة ( عيد ) و عملتها ( يوعد ) ما علينا ...
لكن انت ياخوي فالنتاين زمنكم كان يوم 13 فبراير؟
لانو انحنا الشباب انا و ناس سمارت فالنتايننا يوم 14 فبراير ...
انفليشن مع طول الزمن يا حبيب ...
يا حبيب شكلك اتزوجت يوم الوقفه !!!
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
والله المرأة السودانية ما عارفا تعمل معاكم شنو يا معشر الرجال السودانيين .. تتكلم تبقى قاهر و مكحلة عينا بالشطة و نقناقة تتزين - تبقى ما قاعدة في الواطة و بتاعت إمور و هاملا بيتا و عيالا تعبر عن نفسها يبقى عندها خبرات غرامية سابقة ما تتزين تبقى خرقاء و مبهدلة تسكت تبقى دلاهة و عويرة و كاتمة الغيظ والله لو اتكلمنا عن محاسن المرأة السودانية لجف المداد و المشكلة ما في انه المرأة السودانية ما بتعرف تعبر المشكلة في انه الرجل السوداني إنتقادي و شيال حس و مشوه نفسياً و عينه طايرة بحب الحاجات دي في الاجناس التانية و بس و صمتنا البتتكلموا عنه ده ماياهو الكتب عنه الشاعر السوداني و قال - رب صمت مبين تحياتي قباني و بقية الزملاء
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
سلامات الأحباب قباني وسمارت وأبوالريش
نعم إحتفلنا بـ ( إنقضاء التأبيدة ) الأولى .... ( قولو ماشا الله ,.... قولو ماشا الله ... زواجنا تم بحمد الله ) ... الله يصبحك ويمسيك بالخير فنانتنا الكبير ( قسمة ) ... إحدى فنانات زواجي تزوجت في 13 فبراير 1989 لم يكن التاريخ من تخطيطي أو تخطيط الفضلى ( بعلتنا ) إذ تم الإتفاق على أن يكون الزواج في شهر يونيو 1989 موعد إجازتي السنوية في يناير 1989 تم ترسية عطاء لإنشاء مديرية عامة للشرطة على الشركة التي كنت أعمل بها وتم ترشيحي لأكون مديراً للمشروع على أن يبدأ التنفيذ في شهر أبريل 1989 فطلبني صاحب الشركة وأبلغني أنه ونظراً لأهمية المشروع فإنه يستحيل الموافقة على قيامي بإجازتي السنوية في شهر يونيو كما ويستحيل الموافقة على إجازة سنوية على الأقل لفترة عامين قادمين بعد إبتداء المشروع في أبريل 1989 وعليه فإنه يطلب مني أن أقدم موعد إجازتي لتكون خلال شهر فبراير ومارس 1989 وقد كانت الإجازة ... دخلنا في ( معمعة ) زنقتونا .. فاجأتونا... ليه غيرتوا المواعيد بدون ما تشاورونا ......نحنا ما جاهزين ... أهلنا ما كلمناهم ...... وكان يوم 13 فبراير هو أنسب الحلول .......وكان الزواج
كبرنا..... ( وكبرت ....... وهم كبروا وزادوا حلاة ) كريماتي يعتقدن جازمات أننا ( أمهن وأنا ) قد جسدنا قمة الرومانسية بزواجنا في يوم ( عيد الحب ) ....... شوفتو كيف ؟؟ يا بنات الناس أكذب عليكن إن قلت أنني في ذلك ( الزمن السحيق ) كنت أعرف حاجة إسمها عيد الحب...... ما فيش فايدة طيب أسألوا صاحب الشركة وكيف لوى ذراعي ..... برضو ما فيش فايدة
جسدنا الرومانسية جسدنا الرومانسية .... تهمة ( ننكرها ) وشرف لا ندعيه .....
أو كما تقول أمي أطال الله عمرها
" الصيت ولا الغنى "
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: عاطف عمر)
|
Quote: إنت يا يابا يقع في إيدك العدو المو صليح ياخ أنا عدلت المداخلة ونقلتها لأسفل الصفحة عشان ( يوعد ) دي تقوم تجيبا لى بالأحمر ؟؟
ظاهر كنا بنكتب في نفس اللحظة
لا حولاااااااااااااااااا |
لا يا صديقي بالعكس ...
اجمل حاجه كانت ( يوعد ) دي ...
إدغام بِغُنّه ...
ما في احلي من كده ...
انشالله لو لميت فيكم يوم ... بفك ليك آخرك ده للمدام ...
اقول ليها من شدة ما فرحان بيك الكلام دخل في بعضو ...
| |
|
|
|
|
|
|
Re: فلنتايــن ... و المرأه السودانيه ... و إدمان الكَضِم ... (Re: يحي قباني)
|
دا يا يحي واحد الظاهر الشاكوش أكل معاهو فأظنوا بتفق معاك وكدا في الكفر وليس بعد الكفر من ذنب ههههههههه
كل أنثى شهرزاد ياسر خيري
للمَدِينةِ مثلما للرِّيفِ مِن سِمة البراءة في جَبِينِك يا سُعـادْ.. ذات التَّفاصِيل التي مُذ كان آدم قبل أن تأتــِيه في التّارِيخ امرأةً وزادْ! الآن أكفر بالمحبَّةِ شامِتاً ولئن بَنت مُذ ألف ألف فِيكِ ما لو شِئت أن أحصيه مـــادْ.. تَبقى الغَرِيزة نارها في الجّوفِ والحمّى تُوَسْوِس في شرايين الفؤادْ وَجهُها المُمْتدّ في أقصاك مِن أقصاك يَمنعكَ المُضِيّ ويَسْتَجِيرك في الرُقــادْ كَمْ عـَاشِقٍ قد تاه قبلك في دُجــى ليلاه مِن بين العِبادْ لا عَـــادَ مَــوفُور المَــحبّةِ هَانِئـا بالسّعدِ لا حلو الوِدادْ.. احْفِرْ لنَفسِك خَنْدَقـاً إن شِئت أن تَحيا على هذي الوِهادْ أو طِر إلى ما شِئت فَوق الأرضِ مِن تلك النِّجادْ.. هِي مِثلهنّ على مدى الأيّام كانت كُلّ أُنثى شَهرزاد! الآن أكفر بالمَحبّةِ مُرغماً ولئن هويتك ذات يومٍ يا سُـعـادْ !
منشورة في الحياة اليوم....
ـــــ لن أقوم بأي عملية تلوين لهذا النص على الإطلاق يرضى من يرضى ويرضى من يرضى أيضاً ههههههه وعلى العموم هو نص جيد السبك متماسك، أعجبني كصور ولم يعجبني كمآل فخذه إليك بقوة ههههههههههههه
تحياتي، محبتي واحترامي
| |
|
|
|
|
|
|
|