|
بت عمسيب شديدة ولضيضه وتنطِّق الحجر وعندها جوال
|
تحياتي يابورداب لكم جميعا بالامس اتصلت على القديره فايزه بت السودان في جوال يخص بنت اختها اظن ردت علي بكل حيوية ونفسيات عاليه جدا وحضور ذهني باعتبار المكالمة كانت بعد حداشر وسعلتني اتا منو قتا ليها واحد معجب ساي باعمالك ومجهوداتك اكدت لي موضوع الاخلاء والشقة الاتبرع بيها احد ابناء البلد الابطال قالت لي شكرتو لكني قاعده في بيت ائيجار مع بت اختي وانا اعاني من خشونه في الركب وعندي ضيق في الشرايين ومارقه الاردن للعلاج والمنظمه بتاعت الارض الطيبه او شنو كده مامتذكر حتتبنى علاجي وهي نفس المنظمه الاتبنت علاج الفاتح الصباغ الذ مافي المكالمه سعلتها من كوبلي مع جمال حسن سعيد جاي من امريكا متزوج خواجيه وشايل ليو جيتار والخواجية فايزه علمتا العربي الدارجي السوداني جمال بتونس مع ابوهو قاليو امي علمت الخواجيه الرندوق ابوهو قاليو امك دي اسعلني منها انا تنطق الحجر . قالت لي ياولدي اديتك الاذن نزل البوستي وانا عندي برنامج في الاسبوع مرتين في الاذاعه لو ربنا مدا في الاجال بواصل فوقو وعايزه اموت على خشبة المسرح او قدام الكاميرا فهي حبي الابدي وانا عارفه السودانيين ماحيقصرو ربنا يديهم العافيه
|
|
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
دين الفنان في رقبتنا كتير بتذكر في تويتر الفنان السعودي فايز المالكي بي تغريده مازحه مع الوليد اهداو بنتلي فايز المالكي شال البنتلي واهداها لي واحد فقد اسرتو في حادث حركه نفس المالكي قبل كم يوم عمل تغريده للوليد ونخاهو بلغة العرب هنا تكفا يابوخالد فلان غرقان في الدين ومسجون بعد ساعات قليله كان في بيتو مع وليداتو فالمبدعين لو طلبنا منهم يغنو او يمثلو لاطفال المعسكرات ماظنيت حيطلبو مقابل لو ناديناهم للمساهمة في علاج زميل ليهم ماحيخيبو ظننا ماتنسو انو النقابات والجمعيات بتاعت المهن وغيرو وغيرو محاربه قدر شنو في بلدنا لاسباب معروفه
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
حامد بدري كيف حالك؟ علك طَيِب
Quote: يااخوان مساهمة الناس في علاج فنان او نجم مجتمع مافيهو انتقاص لاسرتو او معارفو بالعكس فوقو وفاء ورد دين في رقابنا عليهم فماتصعبو الامور |
والله والله والله فرحتني.. كلامك طمني.. ريحني.. أي زول شكَل وجداني أكان مُعلِم أو فنان أو مؤلِف كِتاب رسخ فيني مبدأ أو فهم.. بكون مديون ليهو طول عمري وبكون حريص إنو أولادي إمْتداداتي يِبروني فيهو أو حتى في أولادو.. ده السودان.. ديل نحنا.. الأُسْتاذة/ فايز عمسيب، هي وكُتار معاها شكلو وجدان جيل كامِل، أي مساس بِتاريخُم أو سمعتُمْ ما برضاهو تااااب أنا أخوك
إحْتِراماتي
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: عزام حسن فرح)
|
Quote: والله والله والله فرحتني.. كلامك طمني.. ريحني.. أي زول شكَل وجداني أكان مُعلِم أو فنان أو مؤلِف كِتاب رسخ فيني مبدأ أو فهم.. بكون مديون ليهو طول عمري وبكون حريص إنو أولادي إمْتداداتي يِبروني فيهو أو حتى في أولادو.. ده السودان.. ديل نحنا.. الأُسْتاذة/ فايز عمسيب، هي وكُتار معاها شكلو وجدان جيل كامِل، أي مساس بِتاريخُم أو سمعتُمْ ما برضاهو تااااب أنا أخوك
|
عزام مسكاقمي الله يسعدك دنيا واخره اخوي الفنان عبدالرحمن عبدالله وبمبادره من الاخ طارق جويلي اتعالج ورجع ملانا غنا وحنين
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
Quote: يااخوان مساهمة الناس في علاج فنان او نجم مجتمع مافيهو انتقاص لاسرتو |
التحية ليك اخي بدوي وانت متابع ومهتم بهذه القضية . ولكن في ذمتك منظر فايزة قاعدة في الارض وبالصورة دي تقول عنه شنو؟ ماياهو يا زول مجنون يا زول خرفان والشئ العرفتو من ود اختها قبال سنة ضرب لي وسالتو من الاهل وقال لي فايزة مرة مرة ما محضرة . وبعدين يا اخ بدوي عليك الله انتقاص شنو البنحس بيهو السودان كله في حوجة للدعم زيو وزي فايزة انا دي لو ربنا ما قدر ولطف واتشردت لكن لقت البراعني كنت ممكن اكون اسوء من فايزة يا اخ بدوي الانسان السوداني لو فايزة او غيرها بقت ماسأة شعب بأسره وبس دايراك تعرف حاجة والله علي ما اقول شهيد انا ما فايزة بس البعتبرها من اهلي ولا اسرتي انا الشعب السوداني كله بعتبرو اهلي واسرتي واوعة تفكر انا النوع الممكن افكر بالصورة المخلة للانسانية دي انا يا اخ بدوي اكبر من كده بس انت ما بتعرفني ولا خطر بابالي عشان الناس دايرة تدعمها مالي او خلافو ولي الشرف فايزة تكون ضحية زيها وزي اي انسان سوداني بعاني من تكون هي الظالمة وهي المشاركة في معانات الشعب . واكرر لك الشكر والتقدير اخي وبتمني ان تحسن الظن بي .
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: مني عمسيب)
|
اخت منى التحيه ليك والاحترام الفنان ملك لجمهوره وعندك اقرب مثال محمود الله يرحمو كان وفي جدا وساهم بمالو في اسعاد الاخرين ولامن مرض وتعب ولحدت اتوفى الكل ساهم والحواته الان عندهم تجمعات واعمال خير كتيره باسمو قريت البوستي حقك وياريت لو ماكتبتيهو مادام اتي عارفه حال البلد وليك عندنا الف عذر في اشياء ماعايز اشير ليها كتبتيها واتي مستعجله وتوقيتا مامناسب فايزه امنا كلنا وحقها فوق رقابنا جميعا بعدين اسمي حامد بدري مابدوي
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
ابو حسين الله يسلمك اخوي ماقلنا مادايرين نشير ليها Quote: حسبي الله و نعم الوكيل .....
حامد بــــــدري إزيــك |
اتحسبن في سرك ياخ فايزه بكامل وعيها وقواها العقليه وعندها حلقات جديده في الاذاعه وبعد ربنا يمن عليها بالشفاء حترجع تمثل وامنيتا تموت على خشبة المسرح المطلوب الان المساهمة في علاجها ماتشخيص حالتا معقوله واحده كلمتها الليلة وامس واتذكرتني بي اسمي وحكت لي خاجات كتيره وسلبية من ناس بعينهم
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
حامد يا صاحب
يخضر ضراعك, عارفك بحميمتك, بتكون رفعت معنوياتها, زولة تستحق كل الوفاء, وكما ذكرت دين في رقابنا يجب ان ندفعه. وازيد المجال ليست لتحميل اي شخص او جهة رسمية او اعتبارية, المسؤليات, لذلك وقته وزمانه. التحرك وعاجلا لتنفيذ ماتستحقه بالفعل, العلاج ثم العلاج. كامل تشجيعي ومساندتي للمبادرة لاجل عودة مبدعتنا استاذة فايزة خلف الكاميرة.
ودي
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: الفاضل يسن عثمان)
|
Quote: حامد يا صاحب
يخضر ضراعك, عارفك بحميمتك, بتكون رفعت معنوياتها, زولة تستحق كل الوفاء, وكما ذكرت دين في رقابنا يجب ان ندفعه. وازيد المجال ليست لتحميل اي شخص او جهة رسمية او اعتبارية, المسؤليات, لذلك وقته وزمانه. التحرك وعاجلا لتنفيذ ماتستحقه بالفعل, العلاج ثم العلاج. كامل تشجيعي ومساندتي للمبادرة لاجل عودة مبدعتنا استاذة فايزة خلف الكاميرة.
ودي |
الزول الجميل واصيل عارفك اخوي مابتقصر ومعاك بقية الفرد هناك كلكم ابطال وتسدو الفرقه
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
Quote: ولكن في ذمتك منظر فايزة قاعدة في الارض وبالصورة دي تقول عنه شنو؟ ماياهو يا زول مجنون يا زول خرفان والشئ العرفتو من ود اختها قبال سنة ضرب لي وسالتو من الاهل وقال لي فايزة مرة مرة ما محضرة . وبعدين |
يا جماعة منى عمسيب دي ما عندها صليح.. ما تنصحوها تسكُت.. تنْطم.. الزوله دي زي التور في مغلق
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
الاخ حامد تحياتي وتشكر للمبادرة... الصورة التي تم نشرها للاستاذة فايزة صورة لها وهي تجلس علي درجات السلم المودي الي خلغية خشبة المسرح حيث غرف الممثلين وبعض المكاتب الخاصة بالادارة وهي صورة عادية جدا جدا... ففناني بلادي يجلسون علي الارض وبجانب ست الشاي وتجدهم عند فاطمة انقاذ. وبجانب حليوة. ...انا اري ان هناك من استثمر هذه الصورة استثمار سلبي... فقضية الاستاذة فايزة والخاصة بانتزاع منزلها منها ليست جديدة وهي قضية تمت منذ بضعة اشهر....... هل حركت هذه الصورة مشاعر الناس والهبتها الي هذه الدرجة
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: Abd-Elrhman sorkati)
|
Quote: الاخ حامد تحياتي وتشكر للمبادرة... الصورة التي تم نشرها للاستاذة فايزة صورة لها وهي تجلس علي درجات السلم المودي الي خلغية خشبة المسرح حيث غرف الممثلين وبعض المكاتب الخاصة بالادارة وهي صورة عادية جدا جدا... ففناني بلادي يجلسون علي الارض وبجانب ست الشاي وتجدهم عند فاطمة انقاذ. وبجانب حليوة. ...انا اري ان هناك من استثمر هذه الصورة استثمار سلبي... فقضية الاستاذة فايزة والخاصة بانتزاع منزلها منها ليست جديدة وهي قضية تمت منذ بضعة اشهر....... هل حركت هذه الصورة مشاعر الناس والهبتها الي هذه الدرجة |
مساك عافيه اخ سوركتي الكلام الموجود هنا كلو من فايزه مباشر والرقم موجود ومالي علاقه بصوره او استثمار ومشاعري اتحركت هنا في الاون لاين وجاني كم تاق في الفيس بوك البهمني فايزه تتعالج الان قبل بكره مادام الصورة ليها بضعه اشهر حسب كلامك لو لقيتا فموقفي ماحيتغير فوقو شئ بعدين التشكيك في مشاعر الناس بي حجر واحد كده امر مرفوض
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: Abd-Elrhman sorkati)
|
Quote: اخي حامد تحياتي....... اطلاقا لم اشكك في نواياك ولو لاحظت في اول سطر شكرتك لمبادرتك..... انا بصراحة تنغست في مساحتك دي لاني شفتها انظف مساحة وكلامك وضيوفك موزون.... ماعارف ليه فهمتني خطا..... المهم ياسيدي لو زعلتك عباراتي ارجو المعذرة وانا اسف... |
اخ سوركتي مافي زعل ولا حاجه بس تنبيه لقصة مشاعر الناس كانت عامه وفضفاضه خصوصا الجو مشحون شديد وفيهو اصطفاف مبالغ فيهو الموضوع ابسط ممانتصور واغلبية المبدعين اتعالجو وبنو ليهم البيوت بالمناشدات واظنك قريت كلامي عن تغريدات المالكي للوليد في تويتر والعايز اوصلو مفروض نستفيد من السايبر والقروبات في حلحلة بعض معاناتنا بدون تحسس في حاجات زي رد الجميل محجوب شريف عديل المدارس طارق صدقات ناظم سراج بتبعث الكثير من الامل انو لسع الدنيا بخير مافي سبب بزعلني منك اخوي والبوست للجميع بدون تجريح
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: مني عمسيب)
|
Quote: ولكن في ذمتك منظر فايزة قاعدة في الارض وبالصورة دي تقول عنه شنو؟ ماياهو يا زول مجنون يا زول خرفان والشئ العرفتو من ود اختها قبال سنة ضرب لي وسالتو من الاهل وقال لي فايزة مرة مرة ما محضرة . |
اعرفي مكان و زمان الصورة والسبب شنو؟؟؟؟ ما هو الغرض الحقيقي من تشويهك صورة الفنانة فايزة ؟؟؟؟؟؟؟؟؟؟!!!!!!!!!!!! بالمناسبة شيلي صورة البروفايل بتاعتك دي لانها ما ظابطة مع كلامك انت انسانة مقززة بصراحة تحياتي حامد
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
Quote: Yassir Badawy Hamed ما عارف لكن يا حامد بدوي اسمك عجيب اتشرف بان ادخل واعلق علي مقالك تحمل نفس اسم اخي الكبير وهو صحفي ومعروف يكتب في جريدة المريخ متي صدرت وميرخابي كبير خلف الكواليس في عمود من الاعماق ومؤسس جماعة الجؤ الرطب |
مرحبا اخونا ياسر بدوي انا مريخابي ع السكين مووووت احمااااااااااااار بس الاسم حامد بدري وماعندنا علاقة بي ناس بابكر بدري
| |
|
|
|
|
|
|
Re: بت عمسيب شديدة ولضيضه وتنطِّق الحجر وعندها جوال (Re: حامد بدري)
|
ياسلام عليك امي بت عمسيب جميله واصيلة انقطعت منها لاسباب عائلية لمرض اخوي وسفرو للعلاج بالقاهرة اتصلت علي وبتسعل منو بي محنه ودعوات صالحات بالجد امراة خاصة جدا في هذه الايام الجميلة التحية للمراة في عيدها والتحية لسمحات بلادي جميعا
بت عمسيب ربنا يرفع عنك ويعافيك ويشفيك ياام قدومن عسل
| |
|
|
|
|
|
|
|