كتب الكاتب الفاتح جبرا المتوفرة بمعرض الدوحة
|
|
 المغتربين اعملو حسابكم من شركات التمويل العقاري .. نصب شركة تساهيل نموذج
|
شكاوى كثيرة مقدمة من المواطنين وأضرار لا تحصى تعرضوا لها بعد أن ظلوا يتهافتون على شركات الأنشطة المتعددة «تساهيل» وشركة الزهراء العقارية التي سميت بشركة «الجوكر» والكثير من الشركات التي تماثلهما، في الوقت الذي اعتقدوا أنها منفذ لتحقيق أحلامهم او حتى لمساعدتهم في تحسين دخلهم ولكن النهج الذي تسير عليه تلك الشركات هو النصب والاحتيال على الموطنين محدودي الدخل وذوي المتطلبات الحياتية الكبيرة وفيهم من يعول اسرته ومنهم من يكفل اليتم وجميعهم تم للنصب عليهم بعد ان أودعوا مبالغ مالية كبيرة للدخول في مشروع استثماري او شراء عربات تجارية تساعد على تحسين الدخل أو قد يكون عقاراً، كل ذلك يذهب هباء وتنتهي الآمال والطموحات بهروب مديرها المزيف إلى الخارج وبفتح بلاغات والوقوف أمام المحاكم حتى أصبحت تلك الشركات وشبيهاتها مغامرة يتوجس منها المواطنون علما بأن شركة تساهيل حتى ما حققته من نجاح في بعض المجالات كان يشوبه قصور كبير بالرغم من انها شركة مسجلة بموجب قانون الشركات لسنة 1925م إلا ان سمعتها ساءت بين المجتمعات وأطلقت كثير من التحذيرات من قبل ضحاياها ومنع أقربائهم من المشاركة وأسموها بالمغامرة الخاسرة، فهل لنا ان نقول إنها قضية اخرى كقضية المواسير خاصة وأن هناك بلاغات عديدة دونت في مواجهة هذه الشركات كما صار لها ملف على طاولة القضاء. نماذج لضحايا «ع» فرد من مجموعة قال تعرضت لعملية من أكبر عمليات الاحتيال المنظم في السودان عن طريق شركة ابتدأت نشاطها باسم شركة «الجوكر» وما زالت تحتال باسم « شركة الزهراء العقارية»، وتنفذ مخططاتها في شريحة ضعيفة من المجتمع لم يرتكبوا جرماً سوى أنهم طمحوا في تطوير عملهم أو مصدر دخلهم ليواكبوا التضخم الاقتصادي الذي اجتاح البلاد، ففي إعلان هذه الشركة أنهم يقدمون خدمة التمويل العقاري والآلي اي أنهم يمولون من يرغب في شراء سيارة عن طريق التقسيط لخمس سنوات بمقدم 25% من قيمة السيارة أياً كان موديلها ونسبة لأن تعامل البنوك يتم بمقدم 40% توافد العديد من الغلابة ومحدودي الدخل والوفر لأن مقدم 25% يمثل لهم المنقذ في عالم الغلاء منهم من باع مصدر دخله القديم سواء كان ركشة أو طبلية أو غيرها ليستطيع ان يدفع لهم مقدم عربة نقل « كريس أو هايس» لتساعده في تحمل نفقات اسرته واولاده، ومنهم من باع بيتا موروثا حتى تتسنى له وإخوانه اليتامى فرصة العيش والتعليم والأمثلة كثيرة لضحايا هذه الشركة. بعد ان جمعوا المقدم الذي بلغ المليارات، اختفى المدير ونائبه تاركين خلفهم موقعا به موظفون لا يدرون شيئا عن المعاملات التي كانت تتم معهم مباشرة الى أن تم القبض على المدير ووجهت له تهمت الاحتيال وما زالت قضاياه مستمرة. واضاف من المؤسف ان الشركة ما زالت تواصل عملها كالمعتاد، وأن مديرها المسجون يسمح له بالخروج من السجن باستمرار ويمارس عمله بالشركة بالزي الرسمي الى آخر اليوم ليعود الى السجن مرة اخرى. وقال «ع» كيف لنا ان نسترد حقنا الذي يستثمرونه ويجنون أرباحه وبعضنا فقد مصدر دخله والمسؤولون يسمحون لهم مزاولة العمل واستدراج مزيد من الضحايا، مشيرا الى انه يوجد أكثر من أربعين شخصا معهم مستندات رسمية تثبت الاحتيال وغيرنا المئات. وناشد «ع» المسؤولين والقائمين على الأمر والوالي والرئيس وكل من يستطيع أن يرحم هؤلاء الغلابة بإبادة هذه الشركة والمحتالين الذين يعملون بها. تفاصيل بلاغات ضد شركة تساهيل الشاكي مهندس «ر،ع» أعلن في الصحيفة عن رغبته في إيجار عربة صالون «كليك» اتصلت شركة تساهيل بواسطة افراد وتم الاتفاق على الايجار ودفعوا قيمة 15 يوماً مقدماً في تلك الاثناء وباستفسار احد العملاء عرف ان سيارته الكليك المؤجرة عرضت للبيع فعمل على سحبها بصعوبة منهم ووجدها بحالة غير التي سلمها لهم ، والشاكي الآخر صاحب عربة استاركس وكان يتردد بها على مقر الشركة فعرضوا عليه شراءها بمبلغ «130» ألف جنيه وحرروا بالمبلغ شيكاً كان واضحا ان الشيك به أخطاء متعمدة كتغيير التاريخ والامضاء بالاضافة الى عدم كتابة تمييز العدد «جنيه» وتردد الشاكي الى ان استلم شيكا خاليا من العيوب الإجرائية. بعدها أدخل الشيك للبنك فاتضح ان الحساب مقفول بعدها تقدم للنيابة بعريضة وهناك اتضح أن الشركة تقوم بعمليات احتيال منظم وتواجه بعدة بلاغات مماثلة.
نجلاء عباس
http://www.sudanyiat.net/news.php?action=showandid=35176
|
|
 
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: الصادق عز الدين)
|
| Quote: التمويل في السودان يتم عن طريق مرابحات بنسب أرباح عالية جدا تصل إلي أكثر من عشرين في المائة في السنة |
الصادق سلام
الجهات التي يمكن ان تتعامل معاها باطمئنان هي البنوك هل تعلم ان فوائدهم في التمويل العقاري حتي نهاية الساداد اكثر من 500 %
شركات التمويل كلهم نصابين تدخل معاهم بي جلابيتك اطلعوك بي سروالك
لو عندك ارض و ل بيت قنعان منو امشي ليهم
مفترع محبط جدا عشان كده الناس بتاوق وتزوغ
غايتو وصيتي الزول كان ما اقادر ابني براهو الم قريشاتو كان رجع السودان اقعد ليهو في قطية انشاءالله في ام صفقا عراض
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: الصادق عز الدين)
|
السلام عليكم أخي المحترم/ عباس
لدي صديق الآن في أمريكا ...
من إدمان للكشتينة وطرب وحب لدرجة الموت للفنان وردي ...
قام بقى لينا كوز ... ثم قاتل في الجنوب والذي بدل قناعاته بهوس بني كوز ... ليلتحق للعمل باليمن التي قابلناه بها ... ثم لينتمي لأنصار السنة ... رغم تشدده كان يتسم بالظرف ويتقبل نقدنا ونكاتنا تجاه أي من ناس الحكومة والوهابيين ...
وكنت أحيانا أقصد ان اردد أغاني وردي أمامه خاصة عندما أكون منفرداً به داخل سكننا الذي يعج بمجموعة منهم سودانيين ويمنيين ... وخاصة أنه إمام المسجد ... حينما نكون لوحدنا وأردد أغاني وردي ... يضحك ويقول لي "الحتة دي جبتها" أي ترديدي لنص من الأغتية خاصة بالفنان وردي ...
قلنا ليه قدم اللوتري وزي ده حظه بيكون ضارب ... أموره مشت زي السلام عليكم ... وفجأة لقى نفسه في أمريكا ... وبدأ العمل جلس زهاء الثلاث سنوات وعدة أشهر... مفكر ينزل السودان نهائي ... ليسقط ضحية شركة عقارات وهمية ... أقامت مكاتب لها في أفخم مكان في الخرطوم وتتخصص في الاستثمار في السيارات أيضاً ... دلاه عليها قريبه ضابط في الجيش ...
ذهب صاحبنا واستأجر بيت في مكان فخم أيضاً في الخرطوم ودفع مقدم شهرين ... ورايح وغادي ما بين الشركة وفلته الجميلة ... وفمه يقطر عسلا وحلم الأرباح الشهرية المؤكدة والعقد الذي يضمن كل حقوقك والمعمد من الجهات الرسمية وتحت إدارة شؤون قانونية قوية وكفالة وضمانة لحقوقك عن طريق بنك السودان ... وأهاااااا ...
تم إكمال كل الإجراءات ... وأستلم صديقنا عقوده وبدأ يبحث عن عمل ملائم له لملء الوقت فأرباحه كفيلة بجعل حياته رغدة خاصة أنه عاش حياة كادة في أمريكا بالعمل لعشرون ساعة متواصلة في أماكن عدة ولا يعرف الا النوم والأكل والصلاة ... لا غير ...
بعد أسبوعين قرر زيارة الشركة ليتأكد من مجريات أرباحه وكم من المتوقع أن يستلم في هذا الشهر .... وخاصة أن الرجل نزل بثقله كامل رأس ماله
لم يجد الشركة بل وجد غفيراً من أهلنا السودانيين ولكن من الناطقين بغيرها ... بعد تعثر من الحديث الطويل ... فهم منه التالي: أنه غفير يعمل مع صاحب المبنى وليس مع الشركة ...وبدأ البحث عن الشركة التي كانت بمثابة فص ملح قد ذاب في فنجان ماء ... وتوافد الكثير من الناس ... وتعالت الصيحات ولا وجود لهذه الشركة الوهمية في السجلات الرسمية ... وصاحب الفيلا أفاد بأنهم قرروا فجأة نقل أثاثهم والرحيل هاربين بحق الناس وملايين الدولارات ...
صديقي السني عارفه قرر شنو ... وخاصة أن صاحب الفيلا التي استأجرها لسكنه الخاص أتاه مشمرا عن ساعدده بشر مستطير مطالبا إياه مغادرة فيلته لأنه دفع فلوسه كلها للحرامية وما بيقدر يسدد ليه حقه ... فما كان من صديقنا الا أن قرر العودة لأمريكا بلا عودة ... وحات الله لغاية الآن أخباره مقطوعة عن البلد وعن أي صديق خاصة من السودان ... وما عارفين الحصل ليه شنو بعدها ... البقاء الأبدي بأمريكا ...!!!...
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: othman mohmmadien)
|
الرحيمة ود خالي السماني ،مزارعي من قمنا،هو مو اكبر مننا كتير،لكن ظروف الاسرة فرضت عليه ترك المدرسه،،وظل مزارعا نجيض...
هلك العطش المشروع،اصبحت الارض دوب شوالات العيش،،الوليدات دايرين القراية،،الرحيمة مصر علي قراية الوليدات،،التجاني ود المبارك،ودفع الله ود حسين،اقنعاه ببيع الارض وتقديم المبلغ لشركة تديك حافلة لنج،،،تعرف طعم القرش..
باع الارض برماد القروش لي زول نضيف،،،شال القريشات وسلمها لي ناس الشركة،،ناس تمام ،بخافو الله،يقول للمهنئين بالعقد،،شهر ويستلم....
مضت ثلاث سنوات ولا زال الرحيمة يبحث عمن عمل معهم الاتفاق...اختفت الشركة بكل ناسها،،ولوحاتها،،ولا يعرف احد عنهم شئيا..لم يتحمل الرحيمة ضياع الارض،،،الشماته،،والمسخرة...
في صباح شاتي،،خرج كما ولدته امه،،مهرولا في شوارع القرية...
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عبدالعزيز عثمان)
|
| Quote: فما كان من صديقنا الا أن قرر العودة لأمريكا بلا عودة ... وحات الله لغاية الآن أخباره مقطوعة عن البلد وعن أي صديق خاصة من السودان ... وما عارفين الحصل ليه شنو بعدها ... البقاء الأبدي بأمريكا ...!!!... |
سلام حبيبنا عثمان
الراجل عمل خروج نهائي من السودان
احمد الله علي الخروج ما لقي روحو جوه السجن
تصدق وتأمن بالله .....
صاحبنا مشي خروج نهائي من السعودية شايل معاهو 500 الف ريال وعربية كامري قال ماشي استقر في السودان لمو فيهو السماسرة في النهاية ال500 الف والعربية صفت علي مكنة تصوير قالو ليهو اعمل بيها محل طالب باحدي الجامعات رجع لينا هنا ولي حسي 6 سنوات ما نزل السودان.
تحياتي وتقديري
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عباس الدسيس)
|
Quote: الرحيمة ود خالي السماني ،مزارعي من قمنا،هو مو اكبر مننا كتير،لكن ظروف الاسرة فرضت عليه ترك المدرسه،،وظل مزارعا نجيض...
هلك العطش المشروع،اصبحت الارض دوب شوالات العيش،،الوليدات دايرين القراية،،الرحيمة مصر علي قراية الوليدات،،التجاني ود المبارك،ودفع الله ود حسين،اقنعاه ببيع الارض وتقديم المبلغ لشركة تديك حافلة لنج،،،تعرف طعم القرش..
باع الارض برماد القروش لي زول نضيف،،،شال القريشات وسلمها لي ناس الشركة،،ناس تمام ،بخافو الله،يقول للمهنئين بالعقد،،شهر ويستلم....
مضت ثلاث سنوات ولا زال الرحيمة يبحث عمن عمل معهم الاتفاق...اختفت الشركة بكل ناسها،،ولوحاتها،،ولا يعرف احد عنهم شئيا..لم يتحمل الرحيمة ضياع الارض،،،الشماته،،والمسخرة...
في صباح شاتي،،خرج كما ولدته امه،،مهرولا في شوارع القرية... |
عبدالعزيز سلام يا وجيه
النصب بقي مصلح في السودان مدعوم من جهات حكوميه متخصصه برعاية وزارات
زمنا هذا لو عندك غنماية ما تخاطر ببيعها اشرب من لبنها ومن ما تقرب لعمر اليأس اضبحها اعمل لحمها شرموط
وخت في بالك مقولة ناس التمباك القوي (( لو ما فاطر ما تخاطر)) ..... مافي داعي للمخاطره
تحياتي وتقديري
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عباس الدسيس)
|
سلامات موضوع مهم جدا
عندنا ارض وقعت لينا ايام الاسكان الفئوي
فشلنا تماما في ان نبني فيها لان المبلغ خرافي جدا المهم لانها ناصية كل مرة يجبنا زول بقترح في شركة تبني ليكم عمارة يدوكم شقة بعداك في خلال كم سنة بيشيلو قروشهم
ويدوكم ليها
لزول بيصرف مرتب محود حتى لو المرتب كبير دا حلم كبير ولكن رقضنا ابدا ان ندخل في مخاطرات حيث القانون في السودان غير حاسم في مثل هذه الامور
وشوية شوية بنبني فيها ولورد بيرنق بعد ان وقفنا فكرة المسلح المكلفة للغاية.
اي زول يجي من برة بجو الناس يتلموا فيه بالمقترحات الى تضيع ثروته تماما وتاني يرجع يغترب وهو في سن كبيرة اعرف ناس كتار وقعوا ضحايا الاطماع في الربح الوفير
مثل هذه البوستات مهمة جدا جدا عشان الناس الطلعت بدري ناس غشيمة وما عارفين الحاصل شنو
احترامي
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: د.نجاة محمود)
|
الأخ عباس الدسيس بعد السلام
يقول المثل: (طالما الطماعين موجودين فالنصابين بخير). والمثل المصري يقول: (طمعنجي بنى ليهو بيت، فلسنجي سكن لو فيهو).
كل قصص الإحتيال والنصب التي تسمع بها هناك جانب من الطمع، مثل الأرباح العالية التي يمكن تحقيقها في فترة وجيزة وما شابه ذلك من إفتراءات يقوم بها السماسرة.
لم تذكر في حديث شيئاً عن المحامين الأوبك. حيث تتم عملية البيع والشراء أمام محام وكل شئ رسمي وموثق لتكتشف عند نهاية العملية أن المحامي مضروب ولا يوجد محامي بهذا الاسم. وهنا تبدأ الدائرة الجهنمية.
التكنولوجيا تدخلت وساهمت في ضرب البطاقات الشخصية والرقم الوطني لتفاجأ أنه لا بطاقة بهذا الاسم لدى وزارة الداخلية ولا رقم وطني ولا يحزنون.
الحذر كل الحذر عند المبايعات بمكاتب محامين لا تعرفهم شخصياً.
تحياتي
كبـّاشي الصـّـافي
.
| |
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: cantona_1)
|
Quote: مثل هذه البوستات مهمة جدا جدا عشان الناس الطلعت بدري ناس غشيمة وما عارفين الحاصل شنو
احترامي |
سلام يا دكتورة نجاة
الناس غشامتها بتمشي مع احلامها الخياليه
تلقي المغترب من اتزوج جديد طلع وفي احلامو عشة زواج فخمة وبعد ارجع وقروشو تذوب مع ناس النصب ابقي في حكاية عشة صغيرة نعرشا ليك برموش عينينا لا تحلو رومانسيات لاغيرو.
نظريتك بتاعت الامكانيات هي الحل والمشي احسن من الطيران.
تحياتي وتقديري يا دكتورة
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عفاف الصادق بابكر)
|
يا عبس يا لذيذ مرات بتجيب حاجات مفيدة
عاين جاي
والله انا زول سهيتة ساهي وبكل سهولة يمكن اتغش لكن جبارتي قوية ساهي
عندي بيت شغال فيهو من سنة 2001 والله زي ما اقوليك ما سكنت اولادي فيهو الا سنة 2010م وملتق ساهي تلتيق
وكل ما امش اجازتة اسوي لي درقة درقتين اجيني واحد من الجماعة يا حاج ادي البيت دا شركة فتركانة الفرتكانة اطقطقوا ليك سريع سريع
ومرات الواحد دا اكون ولدي ومرات قريبي
يا زول اصنقع واندنقر واشخت في الواطا وفي الاخر اقوليهو يا زول هوي اختاني
.
.
لكن ماقدر الا النشالين كل اجازة اخلوا خشمي ملح ملح
والمرة الاخيرة دي خلوهو شطة شطة
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عبدالله ود البوش)
|
Quote: الأخ عباس الدسيس بعد السلام
يقول المثل: (طالما الطماعين موجودين فالنصابين بخير). والمثل المصري يقول: (طمعنجي بنى ليهو بيت، فلسنجي سكن لو فيهو).
كل قصص الإحتيال والنصب التي تسمع بها هناك جانب من الطمع، مثل الأرباح العالية التي يمكن تحقيقها في فترة وجيزة وما شابه ذلك من إفتراءات يقوم بها السماسرة.
لم تذكر في حديث شيئاً عن المحامين الأوبك. حيث تتم عملية البيع والشراء أمام محام وكل شئ رسمي وموثق لتكتشف عند نهاية العملية أن المحامي مضروب ولا يوجد محامي بهذا الاسم. وهنا تبدأ الدائرة الجهنمية.
التكنولوجيا تدخلت وساهمت في ضرب البطاقات الشخصية والرقم الوطني لتفاجأ أنه لا بطاقة بهذا الاسم لدى وزارة الداخلية ولا رقم وطني ولا يحزنون.
الحذر كل الحذر عند المبايعات بمكاتب محامين لا تعرفهم شخصياً.
تحياتي |
كباشي سلام يا حبيبنا
النصب اتعددت الطرق والاساليب فيهو
البنوك عايشه عليهو هنا في السعوديه فترة انهيار الاسهم ضيعت قروش ناس كثير
قيمة السهم كانت غير حقيقيه لعبو فيها كبار التجار والبنوك... كل ما اتذكرها تاخذني الحسرة 220 الف ريال ضاعت مني تصدق
عشان كده التعامل بالواقع والامكانيات المحدده هي الافضل
تحياتي وتقديري
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عباس الدسيس)
|
Quote: والله بوست مهم بالحيل .......... الله يبارك فيك يا اخوي ...
يلمها النمل ويا طآها الفيل ........ |
سلام استاذه عفاف
الله اديك العافية والصحة ........
من اغرب الاعلانات مر اليوم اعلان بالصحف السودانيه الورقيه يقول:
بيت مال وعيال
برنامج تمويل الزواج
باقساط ميسرة تصل الي 36 شهر
بنك الخرطوم.................
شوفتي النصب بقي امشي لي وين طيب ما قدرته اسدد اقلعو الزوجه ؟؟؟؟
أو الطفل الاول والثاني نعتبرهم من منتجات البنك !!!
تحياتي وتقديري
| |
|
|
|
|
|
|
|
|
|
Re: المغتربين اعملو حسابكم من شركات التمويل العقاري .. نصب شركة تساهيل نموذج (Re: عباس الدسيس)
|
Quote: يا عبس يا لذيذ مرات بتجيب حاجات مفيدة
عاين جاي
والله انا زول سهيتة ساهي وبكل سهولة يمكن اتغش لكن جبارتي قوية ساهي
عندي بيت شغال فيهو من سنة 2001 والله زي ما اقوليك ما سكنت اولادي فيهو الا سنة 2010م وملتق ساهي تلتيق
وكل ما امش اجازتة اسوي لي درقة درقتين اجيني واحد من الجماعة يا حاج ادي البيت دا شركة فتركانة الفرتكانة اطقطقوا ليك سريع سريع
ومرات الواحد دا اكون ولدي ومرات قريبي
يا زول اصنقع واندنقر واشخت في الواطا وفي الاخر اقوليهو يا زول هوي اختاني
.
.
لكن ماقدر الا النشالين كل اجازة اخلوا خشمي ملح ملح
والمرة الاخيرة دي خلوهو شطة شطة |
ود البوش يا حبيبنا
حمدلله علي السلامة وانت راجع سالم احمد الله الما نشلو منك كراع و ل يد
وقت بقت في الجيب هينه لو خشيت بي بيتك مع الجماعه ديل والله اخر يد ما ادوك ليها
يا زول انشاءالله كل ما تنزل تعمل ليك مدماكين بي يدك في النهاية بتلقي انتهي
ذكرتني زول صاحبي قرفان طوالي وناس السودان شابكنو رسلنا ابوك عيان .... امك مودينها الخرطوم للفحصوات ... البيت بصب ما اقع فينا عايزين نعرشو تاني ...اها طوالي شغال مراسيل مع تربية الشفع هنا اجابد الشهر مجابدة
بتونس معاهو واحد قال ليهو :
انشاءالله عملت ليك بيت في السودان ؟؟؟
رد ليهو: بيت اعمل بيهو شنو انا من هنا ما منقلع وقت اموت ما بدوني شبرا الواطه و ل في جوازات بتاعت مقابر بتسأل من الاقامة وقت الله اشيل روحنا بالله ما تهوسنا بي الاسئلة البايخه......
المغترب تلقي جاري وراء اعمل ليهو بيت وفي النهاية تسمع يا جماعه الصلاة في مسجد الراجحي والدفن في مقابر النسيم.
انا ما بعجبني الي الزول البقول ليك أنا عايز اشتري عربية كريسدا عشان انزل بيها السودان وتلقي باعها واشتري كورلا برضو عشان انزل بيها السودان وباعها واخيرا دخل في موضة التوسان برضو عشان انزل بيها السودان نهائي
تحياتي وتقديري
| |
|
|
|
|
|
|
| |
عباس الدسيس
othman mohmmadien
عبدالعزيز عثمان
cantona_1
عفاف الصادق بابكر
عبدالله ود البوش
فيس بوك
تويتر
انستقرام
يوتيوب
بنتيريست