|
|
 على بالطلاق جعلى أمو بت عم أبو مابسويها
|
شيخ احمد بعد صلاة المغرب بعمل درس لحدى صلاة العشاء..
رواده من الشيوخ الذين فاتهم قطار نحو الأمية (هكذا ينطقونها) ..
فى إحدى دروسه كان يحدثهم عن نواقض الوضوء ومن ثم الصلاة
فقال لهم لو واحد واقف فى الصف وأخرج ريح غير مسموع يخرج من الصف ويجدد وضوءه..
عم على قال له: سعال ياشيخ أحمد, الريح الغير مسموع دا جنسو شنو؟
قال ليه: يعنى فسوة ,اضاف لاحياء فى الدين..
قام عم على ومعاه مثنى وقال:
على بالطلاق جعلى أمو بت عم أبو مابمرق من الصف ويشهد على فسوتو..
_______________________________________________________________
أها ياجماعة البشير قاعد ونحنا شامين الريحة وهو يتلفت وماسك نخرتو كمان.
|
|
  
|
|
|
|
|
|
|
|
Re: على بالطلاق جعلى أمو بت عم أبو مابسويها (Re: Balla Musa)
|
يامحجوب
قال ليك جعلى وشكرى قاعدين جمب نخلة
الشكرى زول بطانة مابعرف يطلع النخلة
قام طلب من الجعلى يطلع يجيب ليهم تمر..
الجعلى أداه درس فى الأخلاق ( وراه أنو مافى شكرى برسل جعلى)
الشكرى سكت
بعد شوية ظهر أسد فجأة
الشكرى لما اتلفت لقى الجعلى فى راس النخلة
قال ليه أها عاد مادام ربنا طلق وكيلك جيب لينا معاك تمرات!!
| |
|
|
|
|
|
|
|
|
 Re: على بالطلاق جعلى أمو بت عم أبو مابسويها (Re: Balla Musa)
|
صدق انا من اوائل من سقطوا في العنوان الفخ
جيت جاري قلتا اشوف قصة العنوان وايقونة الابتسامة الماكرة المعلقة جمبو
عداد المشاهدات رامي تمام والحالة انتا ما نشرتا موضوعك في البرايم تايم
==
السودانيين عرفوا ن سبب ازماتهم هي العصبة التي يقودها البشير لكن مشكلتنا يرموا لينا اي وعد نصدقوا ولا نسعى للتغيير
الان في حديث عن خطاب آخر سيحمل المفاجاة المنتظرة
| |
|
|
|
|
|
|
|
|
|
Re: على بالطلاق جعلى أمو بت عم أبو مابسويها (Re: Balla Musa)
|
بالغت يا دكتور بله ..
يا أخى دا كلام ما بتقال في حضرة زول جعلى .. مفروض تقول الخطاب جميل ويحمل مفاهيم وأفكار نيرة ..
ما تخلوا الناس ديل تانى يشعرنوا فينا .. ويلبعونا ب ربع قرن زيادة .. نحن في الغربة خلاص روحنا مرقت وجيوبنا سخنت.
بريمة
| |
|
|
|
|
|
|
|
|
|
Re: على بالطلاق جعلى أمو بت عم أبو مابسويها (Re: Balla Musa)
|
جدنا حاج الامين زولا سمح نضييييف الداخل،،،دائما بكون ماموم في الصلاة،،واحد صاحبنا بتوع مدارس ،صلي بيهم يوم،،وسواااها،قام جرا جدنا حاج الامين ليكمل الصلاة وانسحب،،،واها اضانك ما تسمع شين،،لم يبق مجلس،فراش،لمة قهوة نسوان الا وخبرها جدنا معجبا بعلم صاحبنا،،حتي ان خبر هذه الوثبه المصرانيه الصامته التحتانيه،،سمعتها وشمتها كل الحلال...
اخونا استاذ خلف الله،زول فاهم،،قال مغاضبا صديقه الامام،،يازول انت مك عاقل ،دي عملا تعملا ،،علي الطلاق اكان خر----ت ما امرق من الصلاة.
| |
|
|
|
|
|
|
|
|
|
Re: على بالطلاق جعلى أمو بت عم أبو مابسويها (Re: Balla Musa)
|
أها يا اخ بلة شفتا الزخم السواهو العنوان ؟ البوست التاني – صاحب العنوان السرو ما باتع - في حالة يرثى لها انتهت دورة حياتو بكم مداخلة يتيمة من صاحب البوست نفسو ولو ما اخاف الكضب اقول انتا صاحب المشاهدات كلها
امام المسجد النبوي الحذيفي في مقطع مشهور على اليوتيوب انسحب من الصلاة امام رؤوس الاشهاد والكاميرات وعلى الهواء مباشرة بعد إنتقاض وضوئه
ذكرتني نكتة النسى يقضي الركعة الفاتتو في المسجد فاستفتى مسطولا ، قال ليهو في زول شافك ، قاليهو لأ ، المسطول قالليهو أعمل نايم
| |
|
|
|
|
|
|
|
|
|
Re: على بالطلاق جعلى أمو بت عم أبو مابسويها (Re: مهدي صلاح)
|
| Quote: يعني عشان البشير تدخل كل قبيلة الجعليين في هذه المحنة |
يا الصادق
ياخى القصة دى حاصلة عندنا فى حلتنا والجملة اتقالت بالضبط كما فى العنوان.
والبشير قلنا ناخدوا هوادة.
نحنا كتلاميذ نجباء فى مدرسة سودانيزاونلاين أى حاجة لازم ياندخل فيها الحكومة يا الرئيس.
| |
|
|
|
|
|
|
| |
Balla Musa
Mahjob Abdalla
مهدي صلاح
عبدالعزيز عثمان
بريمة محمد
الصادق صديق سلمان
عزام حسن فرح
فيس بوك
تويتر
انستقرام
يوتيوب
بنتيريست