|
|
 النقد الذاتى من عمر البشير رئيس الحزب الى حزبه (المؤتمر الوطنى)
|
فى خطابه بالامس ..
فى ظاهرة لم تعرف من قبل فى الحياة السياسية الحزبية ..
بادر عمر البشير رئيس حزب المؤتمر الوطنى يتقديم نقد ذاتى للحزب بطريقة شملت
التنظيمات السياسية السودانية مع عدم استثناء حزب المؤتمر الوطنى ..
واجمل ذلك فى التالى :
* تغليب المصلحة الحزبية فى بعض القضايا السياسية .
* ادارة الصراع السياسي بمعزل عن الهم والبعد القومى
* عدم احترام الاخر وتقدير مساهماته الوطنيه وتخوينه
* عدم فتح فرص التاهيل وتتمية قد رات الاحزاب السياسية للتنافس العادل للوصول للسلطه
* احترام الشخصية السودانيه ( يكل عنفوانها وقيمها وعزتها وكرامتها )
* ......
|
|
  
|
|
|
|
|
|
|
 Re: النقد الذاتى من عمر البشير رئيس الحزب الى حزبه (المؤتمر الوطنى) (Re: أيمن محمود)
|
| Quote: وللذين يستخفون بمنافسيهم وخصومهم |
أسة يا بدرالدين السواهو رئيسك والبنسوي فيهو إنت ده إسمو شنو بلا الاستخفاف؟
بعد 25 سنة جاي تتكلم عن نقد ذاتي؟
وزي ما قال ليك أيمن سرقة في؟
وبعدين زولكم البلطجي ده أسة هو نقد نفسو واتراجع عن لحس الكوع دي؟ ما لسع سادر في غيو؟؟
نقد ذاتي شنو؟
ياخي انتو موقفين ليكم مهرجان ثقافي لأنو في زول انتقدكم في جريدة؟
كدى أسة أنقدوا روحكم قولوا نحن سرقنا وكتلنا
الكلام المغتغت ومطلوق ساكت ده ما بنفع
| |
|
|
|
|
|
|
|
|
|
Re: النقد الذاتى من عمر البشير رئيس الحزب الى حزبه (المؤتمر الوطنى) (Re: بدر الدين اسحاق احمد)
|
يا بدرالدين مافى اى نقد...بل قال من انجازاتهم نيفاشا ونيفاشا اكبر كارثه عرفتها البشيريه فى علم المعاهدات والاتفاقات عليك الله اقر اهداف نيفاشا
1- ايقاف الحرب
2-الوحده الجاذبه
3-التحول الديمقراطى
اها الحرب لم تنتهى حتى الان سواء فى النيل الازرق او جنوب كردفان وكمان دخلنا حرب دوليه مع دوله الجنوب واحتلو هجليج
السودان اتفصل ولكن حتى الان ما عارفين حدودنا وين بعد اكثر من سنتين من انفصال وانقطاع ثلث مساحه البلد
ما فى اى تحول ديمقراطى ولا يحزنون مازلت الميدان موقوفه والشرفاء داخل سجون الانقاذ
ثانيا قال الفقرالان ما اكثر من ما مضى وهو ماصاح
شوف انتاجنا من القطن والحبوب فى 89 وقارنه بالانتاج الزراعى الان
كانت هنالك دوله الرعايه الاجتماعيه والبطاقه التموينيه هسه بقى حلم
كان هنالك تعليم وعلاج مجانى هسه لو ما دفعت ما بتستلم الجثه فى بعض المستشفيات الخاصه
كان التعليم مجودا حاليا ما فى فرق كثير بين طالب الجامعه والثانوى زمان
الحروووووووووووب
كانت هنالك حرب واحده فى جنوب البلد ....اليوم الحروووووب فى القبل الاربعه
الجهههههويه والقبليه
كانت موجوده ولكنها اصبحت تذكره للترقى والتكسب والعمل
يا عمك البشير عاوز يتحابل على بقيه القوى السياسيه ويقول ليهم يلا نندغم معاكم وكلنا سوا ...ونشك الكشتينه ونبدأ من جديد
شكرا ليك يا صديق
دودى
| |
|
|
|
|
|
|
|
|
|
Re: النقد الذاتى من عمر البشير رئيس الحزب الى حزبه (المؤتمر الوطنى) (Re: منتصر صلاح)
|
بمناسبة عدم الانتقاص من قدر الآخر السياسي،،،
بعد خطاب البشير ب خمس دقائق،،،، وفي قناة النيل الازرق،،
قال امين حسن عمر::(. ما يسمي ب ) قوي الاجماع الوطني،،،،،وقد اشتبك معه محمد لطيف منتقدا هذا الصلف،،،ولكنه ظل سادرا في غيه حتي النهاية،،
القصة مش كلام ف الهواء ،،مسألة الاستعلاء في الحزب اياه عباره عن تربية وسلوك وقناعات ولن تتغير،،،،،
| |
|
|
|
|
|
|
|
|
|
Re: النقد الذاتى من عمر البشير رئيس الحزب الى حزبه (المؤتمر الوطنى) (Re: بدر الدين اسحاق احمد)
|
سلامات اخي العزيز النقد الذاتي الما ب###### يد ولا يتعب دا ما لازمنا
عايزين نقد في الحتت دي
عندما تمارس حكومتكم النقد الذاتي بصدق وترفع المظالم وترجع الحقوق ستكون هناك وثبة الى الامام
اليكم طائفة من الامور التي يجب مراجعتها
1- النظر الى سياسات التمكين والصالح العام وتعويض كل ضحايا الصالح العام الاحياء منهم والاموات
لان الصالح العام والتمكين هم السب الاساسي في ما حدث في مجتمعنا من تفسخ وضياع,
2- مراجعة ما حدث في بيوت الاشباح ونشر كل اسماء من عبر بها ومحاسبة كل من مارس التعذيب واضطهاد بنات وابناء السودان
ورد الاعتبار لهم..
3- عمل تحقيق في حادثة العيلفون ومحاسبة كل من قام بقتل الصغار ودفع ديات لكل من فقد ابنه في تلك الحادثة المؤسفة
4- فتح تحقيق فيما فعله مامون حميدة في جامعة الخرطوم ومحاسبته ودفع ديات لكل من مات اولادهم وبناتهم.
5-مراجعة ما حدث في دارفور وتكوين لجان محايدة من كل الاحزاب والفئات وارجاع الحقوق هذا هو طريق السلام.
6- مراجعة الفساد الذي استشرى وتنشيط الحسبة وسياسة من اين لك هذا وارجاع الحقوق الى خزينة الدولة
7- تقديم اعتذار واضح لكل المواطنين السودانين عما حدث لهم تحت حكمكم
8- مراجعة جهاز الامن وجرائمه وتكوين لجنة للبحث في كل الشكاوى المقدمة من المواطنين
9- استقلال القضاء وحيدته في النظر في القضايا المتعلقة بمظالم المواطنين
10- عمل ثورة تعليمية وتغيير مناهج التعليم الى مناهج تخلق الوعي ولا تمحو فقط الامية الابجدية
واعادة مجانية التعليم او عمل تسهيلات في المستوى الجامعي حتى تكون مخرجات التعليم القوي الامين
والتعليم هو حجر الزاوية في اي وثبة او نهضة..كما انه ايضا ينشر ثقافة السلام بين الناس
11_ مراجعة الصحف مراجعة شاملة وتنشيط قوانين تضمن حرية التعبيرمحروسة بالقوانين التي تحفظ الحقوق
12- الضمان الاجتماعي للاطفال والنساء والعجزة . ومجانية العلاج لهذه الفئة المستضعفة في المجتمع.
13- العمل على احلال السلام العادل في كل الاماكن المشتعلة في وطنا السودان والعمل على ان تكون هناك تنمية متوازية
في كل السودان شمالا وغربا وشرقا وجنوبا,,
14- عمل الانتخابات في وقت مبكر.
هذه ما تذكرته وعلى الجميع اضافة ما يريدون
# دفع الديات هذا لن يعوض عن الابناء والبنات ولكن فيه اعتراف بالخطا ومراجعته على الطريقة الاسلامية
| |
|
|
|
|
|
|
| |
بدر الدين اسحاق احمد
أيمن محمود
محمد حمزة الحسين
Mohamed Doudi
منتصر صلاح
الامين محمد علي
ibrahim alnimma
فيس بوك
تويتر
انستقرام
يوتيوب
بنتيريست