|
Re: من الذي كتب خطاب البشير (Re: Abdo Mustafa)
|
البشير عارفنو عبيط لكن الواطي الكتب ليهو الخطاب ده منو
ده إحساسي المفلس الجاني وأنا بسب في نفسي وفي العشم الغبي للكثرين من ابناء شعبنا أثناء خطاب من المفترض انو هام ومن رئيس دولة لشعبه بحضور قادة اكبر التنظيمات السياسية المؤيدة والمعارضة
تحياتي يا ابوامنه ليك وللاسرة الكريمة
| |
|
|
|
|
|
|
Re: من الذي كتب خطاب البشير (Re: إدريس محمد إبراهيم)
|
Quote: ده إحساسي المفلس الجاني وأنا بسب في نفسي وفي العشم الغبي للكثرين من ابناء شعبنا |
سلام يا حبيب شقدي
ما طالبني حليفة ... قعدت للخطاب بالورقة والقلم ... وما طلعت غير باخطاء املائية ... صراحة كل ما يقرا كلمة من خطابو يجيد احساس بالتضاؤل والتفاهة ... بس لاننا مجرد قاعدين نسمع في هذا الهراء ...
تعرف بديت اشك في انو البشير ده كان عندو خطاب غيروهو ليهو في اخر لحظة ... وشك اقرب لليقين سواء كان مسالة تنظيمية او سواء كان ضغوطات ....
| |
|
|
|
|
|
|
Re: من الذي كتب خطاب البشير (Re: Gafar Bashir)
|
تحياتي باشمهندس عبدالكريم
مباشرة بعد نهاية الخطاب واول تعليق لي محمد لطيف قال: كتابة الخطاب - وخطابات الرؤساء تكتب لهم .. اعلي من مستواه ... ولم يعلق امين حسن عمر بكلمة .... المشكلة مافي انو خطابات الرؤساء بتكتب دي حاجة معروفة لكن هل يعقل تكتب خطاب اعلي من مستوي مقدرته علي القراية .. خليك من مستواه المفاهيمي ده عايز ليهو درس عصر خمسة وعشرين سنة تانية ... والمصيبة في الموضوع ده انو امين حسن عمر مباشرة بعد الخطاب بدا يهاتر في المعارضة ويستصغر فيهم في مخالفة واضحة وتعارض مع اول النقاط الطرحها البشير .. احترام الاخرين وعدم التقليل من شأنهم .. عشان نعرف حقيقة منو البدير البلد دي .... وانو البشير ده ما عندو اي حجم ولا يحزنون ... البشر دي بتنفخ فيهو علي اي اساس
| |
|
|
|
|
|
|
Re: من الذي كتب خطاب البشير (Re: Gafar Bashir)
|
الخطاب لغته عالية وقوية اعجزت البشير عن القراءة هذا خطاب موجه كما قيل للشعب الاساس فيه ان تكون لغته بسيطة ومفهومة للعامة الذين اعدوا الخطاب ورطو ا البشير حيث ظهر بانه لا يستطيع قراءة خطاب يفترض انه على الاقل اطلع عليه وبما ان الخطاب لم يحمل شيئا فقالوا نملاء الناس انشاء التغيير المتوقعاه الناس لا يمكن ان يحصل ومستحيل ان يحصل هولاء الناس لن يحكموا على انفسهم بالاعدام لا ترفعوا من سقف توقعاتكم
| |
|
|
|
|
|
|
Re: من الذي كتب خطاب البشير (Re: Gafar Bashir)
|
Quote: الخطاب لغته عالية وقوية اعجزت البشير عن القراءة هذا خطاب موجه كما قيل للشعب الاساس فيه ان تكون لغته بسيطة ومفهومة للعامة الذين اعدوا الخطاب ورطو ا البشير حيث ظهر بانه لا يستطيع قراءة خطاب يفترض انه على الاقل اطلع عليه وبما ان الخطاب لم يحمل شيئا فقالوا نملاء الناس انشاء التغيير المتوقعاه الناس لا يمكن ان يحصل ومستحيل ان يحصل هولاء الناس لن يحكموا على انفسهم بالاعدام لا ترفعوا من سقف توقعاتكم |
تحياتي محمود
المضحك المبكي ليس سقف توقعاتنا .. فالغريق دائما يتعلق باي حاجة حتي لو كان سراب المضحك المبكي اننا وبعد الانتظار والاستماع كلمة بكلمة للخطاب ... خرجنا بمحصلة نتساءل حول لغة الخطاب والذي يعني ضمنيا انه فارغ المضمون .. لشعب اشتعل حربا وموت في الجهات الاربعة ... واستوطن الفساد في كل شبر واضحي كائنا يمشي علي قدمين بين خلق الله ... زيو زي اي زول ماشي في الشارع ... مع اختلاف الهيئة
| |
|
|
|
|
|
|
Re: من الذي كتب خطاب البشير (Re: عبداللطيف خليل محمد على)
|
تحياتي عبداللطيف
والله الامور خليها علي الله ... يعني الا الشديد القوي ومافي اشد واقوي هولاً من الطغمة التي ادمنت اهانة شعبها واستصغاره قولا وعملاً- ... وسذاجتنا نحن الذين نجلس كل يوم لنستمع الي هذه الترهات ونعيدها ونجترها مرة أخري ...
Quote: و أقسم بالله أنه كان يعرف المناسبة ؛ لكن ما كان يعرف كنه و فحوى الخطاب ..
و دارت الأيام .. ليشقى شعبنا بذات ( الناس ؛ كل الناس ) و بمزيد من ( الدغمسة ) .. |
ويا سدي التاريخ لا يعيد نفسه واذا حدث وأن اعادها فتكون الأولي مأساة والثانية ملهاة .... ونحن الان في زمن الملهاة ...
والله لطيف بعباده
| |
|
|
|
|
|
|
Re: من الذي كتب خطاب البشير (Re: Gafar Bashir)
|
الخطاب لا يلائم شخص ضعيف الامكانيات مثل البشير كما ان هذا الخطاب ليس موجها لعامة الشعب .... بل للنخبويين منهم . . ردا على سؤال مفترع البوست كاتب الخطاب هو الدكتور سيد الخطيب
| |
|
|
|
|
|
|
Re: من الذي كتب خطاب البشير (Re: Gafar Bashir)
|
تحية
تم اعداد الخطاب ليفي غرض الالتباس المطلوب ...ليست لغة عالية ولا يحزنون ويبدو ان المذكور بعناده المعلوم لم يري حاجة لللقراءة القبلية حيث لايهمه سوي ان ينتهي من اكمال الوثيقة ( الفاقعة للمرارة)
محاولة الدفاع عن النظام وتكرار مبررات الحال المائل لا تنم عن هدف يرتجي أو حصافة مطلوبة لاحترام من تمت دعوتهم لسماع هذا الهتر الهاتر..
الي متي التمثيل والعبث والي متي الصبر علي نظام فقد مقومات الصدق ويرغب في نفس الوقت الاستمرار في التخريب.
جاتهم داهية تقلعهم..
| |
|
|
|
|
|
|
Re: من الذي كتب خطاب البشير (Re: صديق الموج)
|
الاخوة يا سر ومصباح وابوبكر والامين وخليل شكرا للمشاركة وكدة ممكن نعمل مسابقة وتصويت عديل وفقا للمرشحين التالية اسماؤهم:
الدكتور سيد الخطيب أمين حسن عمر كمال حسن بخيت تجاني عبدالقادر عبدالمحمود الكرنكي ياسر يوسف (مين ياسر يوسف ده) صلاح غريبة
تحياتي الي ان تأتينا جهيزة
| |
|
|
|
|
|
|
Re: من الذي كتب خطاب البشير (Re: Gafar Bashir)
|
Quote: الخطاب لا يلائم شخص ضعيف الامكانيات مثل البشير كما ان هذا الخطاب ليس موجها لعامة الشعب .... بل للنخبويين منهم ردا على سؤال مفترع البوست كاتب الخطاب هو الدكتور سيد الخطيب |
تسلم يا عمار مكي وهذا ما ذكره مباشرة الصحفي محمد لطيف في التعليق السياسي علي الخطاب ... اكبر بكثير من مستواه المعرفي وحتي القراءة
واظن اكثرب المرشحين هما سيد الخطيب وامن حسن عمر حتي الان
| |
|
|
|
|
|
|
Re: من الذي كتب خطاب البشير (Re: Gafar Bashir)
|
صـوت صــفير الـبلبـلي *** هيج قـــلبي الثمــلي المـــــــاء والزهر معا *** مــــع زهرِ لحظِ المٌقَلي و أنت يا ســـــــــيدَ لي *** وســــــيدي ومولي لي فكــــــــم فكــــم تيمني *** غُـــزَيلٌ عقــــــــــيقَلي قطَّفتَه من وجــــــــــنَةٍ *** من لثم ورد الخــــجلي فـــــــقال لا لا لا لا لا *** وقــــــــد غدا مهرولي والخُـــــوذ مالت طربا *** من فعل هـــذا الرجلي فــــــــولولت وولولت *** ولـــــي ولي يا ويل لي فقلت لا تولولـــــــــي *** وبيني اللؤلؤ لــــــــــي قالت له حين كـــــــذا *** انهض وجــــــد بالنقلي
مقارنة مع عاليه يوجد تشابه واندغام واحابيل متفرقة تماثل خطاب بشة يكون الخطاب كتبو الاصمعي
| |
|
|
|
|
|
|
Re: من الذي كتب خطاب البشير (Re: علي محمد الفكي)
|
Quote: غايتو من احابيل واندغام دى بكون كتبه المتنطع الاكبر امين حسن عمر لان اللغه الاستعلائية دى حقتو وبتشبهو تماماً،،، |
المغسة انو تسمع امين حسن عمر قبل اللقاء وبعد اللقاء ... حاجةة تفقع المرارة وواضح نبرة التنطع والاندغام ويتحدث حقيقة وهو يعرف كل محتوي الخطاب حينما يقول في رده علي مفاجاة البشير: لاتوجد في السياسة مفاجاة غير الانقلاب العسكري .... وبالتالي فليس هناك مفاآت في الخطاب وانما اطروحات المؤتمر الوطني
| |
|
|
|
|
|
|
Re: من الذي كتب خطاب البشير (Re: Gafar Bashir)
|
والله الكتبوا ليه بالغ معه ههههههههههههههههه ضحك الناس فيه ياخى معقول دا مستوى رئيس
وبعد خلص جرى طوالى هههههههه ليه ؟ والقاعة دى كلها ما فيها واحد ضميروا صاحى وقلبوا على البلد البقت خراب دى يديه النصحية ويقول ليه انت مجرم واديك ملطخة بدماء الشعب السوداني
قال سلام الله لا سلمك لا دنيا ولا اخرة
غايتوا الله يرحم السودان والرجال الفى السودان
ويا سودان ضيعوك وضعنا معاك
| |
|
|
|
|
|
|
Re: من الذي كتب خطاب البشير (Re: وضاحة)
|
Quote: صـوت صــفير الـبلبـلي *** هيج قـــلبي الثمــلي المـــــــاء والزهر معا *** مــــع زهرِ لحظِ المٌقَلي و أنت يا ســـــــــيدَ لي *** وســــــيدي ومولي لي فكــــــــم فكــــم تيمني *** غُـــزَيلٌ عقــــــــــيقَلي قطَّفتَه من وجــــــــــنَةٍ *** من لثم ورد الخــــجلي فـــــــقال لا لا لا لا لا *** وقــــــــد غدا مهرولي والخُـــــوذ مالت طربا *** من فعل هـــذا الرجلي فــــــــولولت وولولت *** ولـــــي ولي يا ويل لي فقلت لا تولولـــــــــي *** وبيني اللؤلؤ لــــــــــي قالت له حين كـــــــذا *** انهض وجــــــد بالنقلي
مقارنة مع عاليه يوجد تشابه واندغام واحابيل متفرقة تماثل خطاب بشة يكون الخطاب كتبو الاصمعي |
والله يا عمك يخلق من الشبه اربعين ... بس الفرق انو الاصمعي بعرف يقرا كلامة وكمان يشرحو ... اما صاحبنا بشة ... ياخ دي مهزلة بس
| |
|
|
|
|
|
|
Re: من الذي كتب خطاب البشير (Re: وضاحة)
|
Quote: عامر الحاج هو الكاتب لي خطابات بشة وغايتو لو ما عندو ظهر بكون بشة وداهو التوج بعد الهبالة الهبلة ليهو في الخطاب والاكيد انو بكري عندو يد في القصة بدليل عدم حضوره |
تعرف لغة عامر الحاج اقل من كدة شوية او اكثر طبيعية من الكتابة المتنطعة دي .... الا يكون دخل في شخصية تانية نحن ما بنعرفها ... في النهاية لو قصد يكتب كلام هوائي زي ده بقدر لكنها ما كتابتو الطبيعية ممكن خطرفات البشير القديمة لكن ده مكتوب بعناية فائق التضليل والتنطع اللغوي خاوي المضمون
تحياتي
| |
|
|
|
|
|
|
Re: من الذي كتب خطاب البشير (Re: Balla Musa)
|
الأخ / Gafar Bashir وضيوفه الكرام عم مساءا اعتقد انو الكتبتو لجنة، فيها اعضاء من مختلف الافرع،تبدو سيماهم في كلامهم واضحة.. فعندك دي مثلا كتبها سباك:
Quote: . تسليك قنوات الولاءات الجزئية ، لتكون رافداً مشروعاً للولاء الوطني |
ودي كتبها واحد اخصائي نسا وولادة:
Quote: إستمر تقبض أعضاء الجسم الوطني ، إنتظاراً وترقباً |
ودي بتاع وثب عالي:Quote: على وثبة سودانية كاملة تشمل الجنوب |
ودي ممثل وزارة المعادن:Quote: إن نفض الغبار عن المعدن السوداني الأصيل ، لهو أحد أهم ركائز هذه الوثبة ، فضلاً عن كونه هذا المعدن |
وده من هيئة علماء السودان: Quote: لتحقيق إنطلاقة راشدة ، قاصدة ثم بالغة إن شاء الله مقاصدها . |
وده واحد قاعد (يتعاطي) واظنه هو الذي قام بالصياغة النهائية للخطاب:Quote: على مبادئ التكامل والتعاون والتعاطي |
Quote: دعوىَ الِحزب الناهض في الوطن الناهض ، لا لحِزب المَُدَعِي النهوض بالوطن . |
| |
|
|
|
|
|
|
Re: من الذي كتب خطاب البشير (Re: محمد علي شقدي)
|
Quote: والله الكتبوا ليه بالغ معه ههههههههههههههههه ضحك الناس فيه ياخى معقول دا مستوى رئيس وبعد خلص جرى طوالى هههههههه ليه ؟ والقاعة دى كلها ما فيها واحد ضميروا صاحى وقلبوا على البلد البقت خراب دى يديه النصحية ويقول ليه انت مجرم واديك ملطخة بدماء الشعب السوداني
قال سلام الله لا سلمك لا دنيا ولا اخرة
غايتوا الله يرحم السودان والرجال الفى السودان
ويا سودان ضيعوك وضعنا معاك |
صاحبة السمو .. وضاحة
القاعة فيها حسن الترابي والصادق المهدي ... كل منهم يحمل وزرا اكبر من أوزار الرئيس وليس منهم من هو بلا خطيئة قاتلة ... قولي زول حاضر في التلفزيون يفلق التلفزيون بحجر لمن يتكسر
| |
|
|
|
|
|
|
Re: من الذي كتب خطاب البشير (Re: Gafar Bashir)
|
سلامات استاذ عادل امين
حتي الان بتكذر خطبته الاخيرة قبل الوفاة (( واحبوك سيدي الرئيس لانك منهم ومثلهم وتكره الشتات واحبوك لانك اصبحت لهم كالظليم الرامح عن قراحة تكنهم من الطائفيه والحزبيه وتحرسهم من القبليه والاقليميه . ))
رحمه الله رحمة واسعة واكيد هسي بتململ ويتبرأ مما قاله به المشير البشير
| |
|
|
|
|
|
|
Re: من الذي كتب خطاب البشير (Re: Gafar Bashir)
|
Quote: سجل عندك يا ابوامنه مهدي ابراهيم شايفو زي ( ابو العروس) داخل ومارق |
الغريبة انا جايي اكتبو عشان في عبارات بتشبهو ... لقيتك ما قصرت وعلي ذلك:
الدكتور سيد الخطيب أمين حسن عمر مهدي ابراهيم كمال حسن بخيت تجاني عبدالقادر عبدالمحمود الكرنكي ياسر يوسف (مين ياسر يوسف ده) صلاح غريبة عمر الحاج موسي (رحمه الله)
| |
|
|
|
|
|
|
Re: من الذي كتب خطاب البشير (Re: Gafar Bashir)
|
Quote: الخطاب كتبه الصادق المهدى بروح حسن الترابى وراجعه أمين حسن عمر. |
والله يا دكتور خلطتك عجيبة .... ومحتملة لو ما البشير قال عن الوثبة انها كانت مفروض تكون اكتر من مرة قبل كدة لكن حالت الظروف دون اكتمال الشروط بتاعتها وهي الاجماع السياسي وفي النهاية اتوكل علي الله ورماها قال بدون اجماع سياسي ولا بطيخ .... وكملها ليهم كمال حسن بخيت القال كان من المفروض ان يتم عرضها للاحزاب ومشاركتهم في صياغتها لكن الضغط الاعلامي علي البشير عجل من خروجها دون اجماع هكذا مجرد هراء (هراء من عندي انا)
| |
|
|
|
|
|
|
Re: من الذي كتب خطاب البشير (Re: Gafar Bashir)
|
Quote: الأخ / Gafar Bashir وضيوفه الكرام عم مساءا اعتقد انو الكتبتو لجنة، فيها اعضاء من مختلف الافرع،تبدو سيماهم في كلامهم واضحة..
|
الاستاذ جمال المنصوري تحية طيبة يا سيدي
وده صراحة اجمل تحليل للخطاب ... لكن رايك شنو لو فتشنا الحركة الاسلامية لشخصية بالموصفات دي، واحد طار نفسو بتاع كلو ... سباك واخصائي نساء وولادة .... مرة تلقاهو مدير ومرة وزير ومرة معارضة ... من هو الاكثر حربائية في الحركة الاسلامية ..
تحياتي ومتابعة لكتاباتك جميعها بس ينقصني الوقت للمشاركة
| |
|
|
|
|
|
|
Re: من الذي كتب خطاب البشير (Re: Gafar Bashir)
|
الاخوة يحي ياسين وست البنات
الترشيح للعنصر النسائي أخيرا . لكن زي وداد بابكر دي ما بتكون فاضية من حساب القروش واحاكة المؤامرات للزوجة الاولي. (بس انت كاتبة اسمك في النهاية ولا مرشحاهو برضو)
الدكتور سيد الخطيب أمين حسن عمر كمال حسن بخيت تجاني عبدالقادر عبدالمحمود الكرنكي ياسر يوسف (مين ياسر يوسف ده) صلاح غريبة وداد بابكر
تحياتي
| |
|
|
|
|
|
|
Re: من الذي كتب خطاب البشير (Re: Gafar Bashir)
|
Quote: من خطاب البشير صرفنا عن مزاوجة الثقافي الروحي بالسياسي العملي في تطوير وحدتنا المجتمعية الوطنية ثم تفجرت عواقب هذه الاحابيل وصار التعامل الاسعافي معها صارفا عن تدبرمآلاتهاوإستلهام إرثنا السوداني في تجنب ويلاتها إن الاوبة إلى الاحتفاء بشخصية سودانية أصيلة وقديمة عاشت قبل الاستعمار قرونا ، وتحته زمنا هي الصواب المعدول عنه منذ بداية القرن الماضي ، إن التنوع والتمازج يجب ألا تكون شعارات غير مُسَتشَعرة ، لأنها لو ظلت كذلك فلن تعدو أن تكون أحابيل مثل |
والله يا علي بوب اقطع دراعي ان كان البشير فاهم الكلام ده خلي يكتبو لو بفهم قدر ده ما كان ده حالو ... مجرد خيآل مآتة يقولو ليهو اعمل مفاجاة وتاني يقولو ليهو لي خليها وتاني ... والناس مخدوعة مدياهو حجم اكبر من حجمو بسذاجة كبيرة
تحياتي
| |
|
|
|
|
|
|
Re: من الذي كتب خطاب البشير (Re: جمال المنصوري)
|
تسلم استاذ جمال
الغريبة انو من اول المرشحين بواسطة المهندس عبدالكريم ... ما عارف شكلو سقط سهوا في الاستعجال وعلي كدة تكون القائمة الاخيرة المنقحة
بروفيسور/ غندور الدكتور سيد الخطيب أمين حسن عمر
اقوي المرشحين
| |
|
|
|
|
|
|
|