|
|
 اشتياق خضر- امركم عجيب يا ناس الفيس وحيرتونى معاكم أها اعمل ليكم شنو .. اقع اكسر رقبتى ولا اخلى
|
اشتياق خضر: امركم عجيب يا ناس الفيس وحيرتونى معاكم .. أها اعمل ليكم شنو .. اقع اكسر رقبتى ولا اخلى لييكم الفيس .. ؟!!
حيرتونى يا ناس الفيس .. !! اكون قاعدة فى الفيس دة معاكم , لى سنة ونص .. وفى السنة ونص دى كلها من ما فتحت حسابى , ما حصل جبت سيرة , انا منو , او اهلى منو , او ابوى منو , او اهلى تاريخهم شنو ولا دورهم شنو فى السياسة ولا موقفهم شنو من الانظمة المرت على حكم السودان , او انا بنتمى لى ياتو حزب ولا نشاطى كان شنو فى السودان قبل ما اغادرو .. وطول الفترة دى بعبر عن نفسى وبعرفكم بى نفسى بى كتاباتى وبس .. وانتو قبلتونى كدة واتجاوبتى معاى من خلال كتاباتى وانا اتجاوبت مع تجاوبكم معاى وكنت سعيدة بيهو .. !! اتوالت مُجريات الكتابات والتجاوب لحدى ما جات مرحلة اتحولت فيها لمجريات احداث , لما ساهمت مع تانين فى كشف زيف شخصية مُحددة كان عندها تأثير فى عالمنا الاسفيرى دة .. ولانو الصدمة كانت كبيرة وفى ناس ما قدرو يصدقوها ولا يستوعبوها فى وقتها , ولانو الناس التانين الساهمت معاهم فى كشف الزييف كانو ناس معروفين فى الواقع , ولانو انا ما كنت معروفة للناس فى الواقع الا للناس الاصلاً بعرفونى من زمان قبل ما اهاجر من السودان والهم طبعاً ح يكونو بمثلو نسبة بسيطة اذا قورنت مع عدد الاكثر من 4 ألف صديق المُضافين معاى .. بدأو الناس الما بعرفونى يتساءلو .. وانتى زآآآآتك منو يا اشتياق .. ؟!! اتجاهلت السؤال واتجاهلت الاستفزاز الحسيتو من طرحو , وطنشت وما جاوبت عليهو .. !! انتهت الضجة العملها الحدث , ورجعت لى كتاباتى زى زمان ورجع الحال زى ما كان زمان .. مر شهرين بس , وعملت حوار مع جريدة كان ليها دور فى بعض الاتثار ايام ضجة كشف الزيف .. اتواجهت بى هجوم عنيف من اصدقائى القاعدين معاى فى نفس المُعسكر ونفس الخندق اكتر من اعدائى واعداء اصدقائى نفسهم , حتى من غير ما يكلفو نفسهم ويقرو الحوار ويعرفو انا قلت فيهو شنو , ويعرفو انو ممكن يخدم شنو .. دة غير الاساءات والاتهامات بى انى نرجسية ومغرورة وبحب الظهور .. وما فهمت انى نرجسية ومغرورة كيف وانا ما عندى اى علاقة شخصية مع الناس القالو عنى كدة وما بينى وبينهم عشرة او مواقف حياتية عشان تخليهم يعرفو غرورى ونرجسيتى ولا حتى عندى تواصل بالشات مع الناس هنا الا مع الناس الاصلاً بعرفهم وبعرفونى , عشان تكون اتخلقت بينى وبينهم اى نوع من نوع العلاقات الانسانية عشان انا أمارس فيها غرورى ونرجسيتى , وكل البعملو فى المساحة البتجمعنى وتجمعهم دى انى بكتب زيهم وبس , وتجاوب الناس مع صفحتى , دى خياراتهم هم , انا ما عندى فيها يد ولا شايلة لى سوط لى زول ولا بدفع لى زول قروش عشان يجى صفحتى بى لايك او مشاركة بالتعليق .. قبلت هجومهم واتعاملت معاهو بكل مرونة باعتبار انو , لو انا ما كنت بهمهم وانى عندى تأثير وانهم بيأملو فينى الكثير وانهم عندهم عشم فينى , ما كانو اهتمو كل الاهتمام دة واتوافدو على صفحتى بالميات عشان ينتقدونى بغض النظر اذا كان النقد موضوعى ولا هدام , مع انو قرار انى اقبل حوار مع جريدة او اى جهة اعلامية واياً كان تصنيفها , دة قرار بخصنى انا بس وانا البقدر قبولى او رفضى .. ومع انو الاعلام وسيلة من الوسائل البوصل بيها الناشط صوتو وقضيتو وما غاية ليهو زى ما ممكن تكون غاية لى باحثين الشهرة .. والغريبة انو برغم كل الهجوم الحصل هنا .. العدد الاتنشر فيهو الحوار من الجريدة كان اتباع كلو فى كل المدن البتتوزع فيها الجريدة او فى معظم المدن من غير راجع والمدن الما اتباع فيها كلو , كان الراجع قليل .. اخوى فى مدنى , مشى عشان يشترى العدد , ما لقى منو نسخة فى السوق ولما مشى المكتبة ما لقى راجع .. يعنى حوارى مع الجريدة كان عندو ردود فعل ايجابية اكتر من الحصل هنا , وكان عزائى انو الرسالة الحبيت اوصلها لى اهلى الهناك والما عندهم علاقة بالنت وصلت وهم استقبلوها بكل فرح وترحاب .. المهم انو معسكر الاعداء انتهز الضجة دى وبدا يصطاد فى الماء العكر ومع ظهور تساؤل , انتى زآآآتك منو يا اشتياق ؟! تانى على السطح , بدا عدوى وعدوكم فى حملة تشكيك بتستهدفنى .. حاولت اتجاهل الحملة وحاولت اتجاهل سؤال , انتى منو الكان بنطرح بى الحاح ؟! لكنى ما قدرت اصمد قدام تصاعد حملة الاعداء والحاح واصرار تساؤل الاصدقاء لما بقيت بين مطرقة العدو وسندان الصديق .. وطبعاً , فى دة كلو الناس البعرفونى معرفة شخصية والبعرفونى كويس سواء من الواقع او من هنا وبينى وبيناتم بتتوفر ثقة ما محسوبين .. قلت لى نفسى .. اوكى يا اشتياق .. اقطعى عرق وسيحى دمو وقولى للناس انتى منو ووقفى الجدل دة .. وبرضو من حق الناس الما بعرفوك يعرفو انتى منو .. ومن حق الناس البجو صفحتك وبتابعو كتاباتك ويتجاوبو معاها وحريصين على متابعتك وحريصين عليك , يعرفو انتى منو .. وقلت انا منو وتاريخى , وانتمائى شنو , واهلى منو , وتاريخهم ودورهم عشان اقطع الشك باليقين والما بعرفنى يمشى يسأل منى .. وبرضو ما عجبكم وانتقدتونى تانى .. لييه تورينا هى منو ..؟! المناضل الصحى , ما بقول هو منو ولا بقول هو عمل شنو .. وتورينا اهلك منو لييه ؟! ليس الفتى من يقول كان ابى , ان الفتى من يقول ها انا ذا !! ويعنى شنو كان ابوك كان عندو تاريخ مشرف ومعروف ويعنى شنو انو اولاد وبنات اخواتك نشطاء ؟! ويعنى شنو لو اهلك وطنيين ؟! موريانا لييه ؟! المناضل الصحى , ما بقول هو منو ولا اهلو منو ولا عمل شنو ولا اهلو عملو شنو .. انتى زولة عاوزة تظهرى وبتحبى الشو .. !! ويمر شهر واحد بس ويتكرر مسلسل كشف الزيف ويرجع تانى التشكيك ويرجععو تانى يطالبوك بالاجابة عن السؤال الانتقدو اجابتك ليهو قبيل .. انتى منو زآآآآتك يا اشتياق خضر ؟! أمركم عجيب يا ناس الفيس وحيرتوووونى معاكم .. أها اعمل ليكم شنو .. اقع اكسر رقبتى ولا اخلى لييكم الفيييييس .. ؟!!
Eshtiag Khidir
*كل يوم بتحصل غرائب !
معركتنا مع المندسين
|
|
  
|
|
|
|
|
|
|
 Re: اشتياق خضر- امركم عجيب يا ناس الفيس وحيرتونى معاكم أها اعمل ليكم شنو .. اقع اكسر رقبتى ولا اخلى (Re: زهير عثمان حمد)
|
أشتياق خضر: حركة غاضبون بلا حدود : هذه ادلتى على انكم صنيعة امنية .. انفوها بأدلة مثلها تثبت بطلانها وقدموا ادلتكم بأننى عميلة مزدوجة
معلومات عن دكتورة سامية الحاج وهيام السروقى ودكتور محمد بشرى قبان وعلاقتهم بى بعض : سامية الحاج : ناشطة فاعلة في حركة غاضبون بلا حدود وصفحتها واجهة لحركة غاضبون بلا حدود. رابط صفحتها : https://www.facebook.com/HAMODYELFATEH حساب الصفحة مسجل باسم ذكر كما هو واضح فى الرابط ( حمودى الفاتح ) وتم تسجيل الصفحة فى عام 2009 الصورة التى يضعها فى البروفايل , واضح جداً انها صورة صورة مسروقة وشكلها زولة ما سودانية وشكلها عربية . وصورة واحدة ما بتتغير وعندما غُيرت ,قام بتغييرها بعد كشفها بصورة تختلف ملامحها تماماً عن الصورة الاولى مع الاحتفاظ بالصورة الاولى فى اعلى صفحته, واذا تم المقارنة بين الصورتين بقليل من التدقيق سيتضح الفرق الواضح .. الصورة الاولى لعربية بيضاء البشرة , ناعمة الشعر .. مستقيمة الانف , مسطحة الجبهة , وجهها اقرب الى الشكل المربع , لا هو مستدير ولا هو بالطويل , عريض الحنك , والصورة الجديدة لسمراء , شعرها اقرب الى الخشونة لو دقننا النظر فى الشعر الامامى , انفها به قليل من الانتفاخ , وجهها طويل وكذلك الحنك , جبهتها بها قليل من البروز الى الامام , وغالباً ما تكون هذه الصورة مسروقة ايضاً , او أُستئجرت صاحبتها .. ايام مظاهرات سبتمبر كانت تقوم بنشر الاخبار بسرعة شديدة , زيادة الى انها منتشرة فى قروبات مختلفة ومركزة على حركة غاضبون بلا حدود وهى ناشطة فاعلة فيها وقروب اصدقاء امريكا وهو قروب تابع لحركة غاضبون بلا حدود ايضاً معلومات البروفايل : Work and Education سنار الثانوية Basic Information Gender Female Relationship Status It's complicated Languages American English Religious Views مسلمه Political Views ضد الكيزان الحريه العداله الديمقراطيه سودان جديد Contact Information Facebook http://facebook.com/HAMODYELFATEH Life Events 2013 In a Complicated Relationship Started School at سنار الثانوية الملاحظ انها دكتورة وما كاتبة خريجة من اي جامعة ولا شغالة وين • قامت بتعديل معلومات البروفايل : • Works at United Nations • Went to kosti o Past • سنار الثانوية • o Lives in Cairo, Egypt • • o From Sinnar • • o In a complicated relationship • موضحة انها تعمل بالأُمم المتحدة وسهل جداً التأكد من المعلومة والشخصية • لم تذكر ايضاً فى معلوماتها الجديدة فى اى جامعة درست ومن اى جامعة نالت درجة الدكتوراة . نطالبها بتوضيح ذلك ومن هم زملائها حتى يثبتوا لنا انها شخصية حقيقية درست معهم • وضحت فى معلوماتها انها من سنار , نطالب اهل سنار وخاصة نشطائها السياسين ان يخبرونا اذا كانوا يعرفون الدكتورة سامية وما هو النشاط السياسى التى شاركتهم فيه حتى يؤكدوا لنا انها شخصية حقيقية • ذكرت انها تُقيم فى القاهرة الان , على النشطاء السياسين الذين يقيمون فى القاهرة ان يؤكدوا لنا ان الدكتورة سامية الحاج تقيم معهم فى القاهرة وانها ناشطة سياسية ومن قيادات حركة غاضبون بلا حدود وتشاركهم كل فعالياتهم , حتى نتأكد انها شخصية حقيقية وليست وهمية من صنع جهاز الامن وجداده الالكترونى وقيادى حركة غاضبون بلا حدود • هيام السروقى اكدت فى احدى بوستاتها انها هى ود. سامية الحاج قد حضروا محاكمات د. محمد بشرى قبان وماو فيل .. نطالب الناشطين الذين حضروا المحاكمات تأكييد ذلك حتى نتأكد ان سامية الحاج وهيام السروقى القياديتان فى حركة غاضبون بلا حدود واللتان تمثل صفحتهما على الفيس بوك واجهتان للحركة ,شخصيتان حقيقيتان وليستا شخصيتان وهميتان من صنع جهاز الامن وجداده الالكترونى وقيادى حركة غاضبون بلا حدود • موضحة انها من سنار والطيب البلال ( عماد ابو شيبة ) من سنار • أسم البروفايل في 20 أكتوبر 2009 كان (خالد علي) • وفي 25 يوليو 2009 كان (ريم) • ومرات تانية اسمها عادل • والأسم الأول المعمول بيه الحساب (حمودي الفاتح ) والاسم واضح في رابط حسابها http://facebook.com/HAMODYELFATEH • بروفايل واحد من اصدقائها .. واضع نفس الصورة الكان واضعها عماد ابو شيبة على بروفايلو اول ما ظهر قبل الصورة المعروف بيها هسى لكن الصورة دى مافى زول متذكرها دة رابط الصفحة الكلس الكنانى : https://www.facebook.com/eahabo • الصفحة من 2009 لحدى يونيو 2012 كانت جهادية وبعد مظاهرات يونيو 2012 اتحولت فجأة لى ثورية نفس قصة صفحة ابشيبة , وفى بعض بوستاتها القامت بى نشرها في بدايات نشاطها كناشطة في 2012 بتدعى انها شيوعية ..حتى بعد ما اتحولت الصفحة لى ثورية ما كان عندها رواد والرواد بدو يكترو على الصفحة بعد ما غيرو الاسم لى دكتورة سامية ووضعو صورتها الجميلة • دة نموزج من بوستاتها البتأكد تغيير الاسماء والبتأكد انها ذكر وليس انثى : *بوست عن جهاد المرأة , احد اصدقائها يخاطبها على انها ذكر اسمه خالد , لاحظو لتاريخ البوست : د.ساميه الحاج February 24, 2010 Photo 1Like • • Share Gihan Eltahir Hassan معقول يا خالد؟ المراة لاتستطيع تحتمل الظروف القاسيه ده كفايه عليها جهادها في الحياه من وضوع وتربيه ومسوليه February 24, 2010 at 5:32am • Like Moths to In Flames دة رابط البوست https://www.facebook.com/HAMODYELFAT...ation=timeline في بوستات بيخاطبوهو على انها ذكر اسمه عادل : نموزج لبعض البوستات : د.ساميه الحاج July 7, 2009 I thank all friends for the congratulations 2Like • • Share Kalbooz Halfa والله ياعادل عندك حق بس تقول شنو فلسفه فى الفاضى July 8, 2009 at 8:33pm • Like وفي بوستات تانية باسم خالد : د.ساميه الحاج shared a timeline. October 20, 2009 قال صلى الله عليه وسلم: (صنفان من أهل النار لم أرهما .. وذكر: ونساء كاسيات عاريات مميلات مائلات ، رؤوسهن كأسنمة البخت المائلة، لا يدخلن ولا يجدن ريحها، وإن ريحها ليوجد من مسيرة وكذا) رواه مسلم .ولهذه الفتاة التي تقدم هوى النفس على حكم الله نقول لها: اسمعي وتدبري قول الله تعالى: (ولا تتبع الهوى فيضلك عن سبيل الله) ص: 26 ولهذه الجارية التي تدعي حب الله وهي تخالف أمره !! إليها قول الشاعر : تعصي الإله وأنت تزعم حبه *** هذا لعمري في القياس شنيع لو كان حبك صادقا لأطعـــته *** إن المحب لمن يحب مطيـع لقد عرف أعداء الإسلام أن في فساد المرأة وتحللها إفساداً للمجتمع كله. يقول أحد كبار الماسونيين: كأس وغانية تفعلان في الأمة المحمدية أكثر مما يفعله ألف مدفع، فأغر قوهم في حب المادة والشهودة. هدانا الله وإياكم إلى الصراط المستقيم أحبتي والجنة أغلى وأثمن من رشة عطر تجلب غضب ######ط الرحمن ده غير ايه بقى المكياج وانتي عارفة ربنا قال ايه في كتابة "ولا يبدين زينتهن" خدي بالك لازم لبسك يبقى طويل ومش مبين حاجة من جسمك ومش شفاف ومش فيه اي حاجة تلفت النظر الرضا والنور Add Friend 11Like • • Hafiz Sham Khalid Shareef الرضا والنور likes this الرضا والنور جزاك الله خيرا يا خالد October 20, 2009 at 2:33pm • Like ودة اعتراف رسمى من دكتورة سامية انها راجل : د.ساميه الحاج March 28, 2010 I am such a simple man Like • • دة بوست اتنشر في نوفمبر 2013 بتخاطب نفسها فيهو بى صيغة الذكر ونست انها بت : د.ساميه الحاج November 2 هههههههههه....كتب صاحبنا جابر " من فضائل حكومة السودان إنو الشعب كلو بقى متدين ولله الحمد ... أنا شخصيا متدين فوق المليون جنيه انتهى البوست لاحظو انها قالت انا ( متدين ) ما انا ( متدينة ) عينة من بوستاتة في 2009 والبوستات كلها من 2009 الى 2012 كانت دينية وما عندها اى علاقة بالثورة او النشاط ضد النظام : د.ساميه الحاج October 6, 2009 تحذير هام لكل مسلم ومسلمة الكوكاكولا مصنوعة من أمعاء الخنزير 1Like • • دة بوست بثبت انو صاحب الصفحة مقيم في جدة : • د.ساميه الحاج July 25, 2009 • إذا كنت تعرف فقيرا أو عاجزا لا يستطيع الحج وقد بلغ سن الستين أو السبعين فأن حمله أصدقاء المجتمع تستقبله للحج مجاناً رقم الحملة 026919999بمدينة بجده انشرها للأجر لتلقى في صحيفتك يوم القيامة من حج بسبب رسالتك • • انتهى البوست • الرقم الفوق ده خط ارضي في جده والطيب البلال ( عماد ابو شيبة ) مقيم في جده وضحت الرؤية والعلاقة بين الطيب بلال وسامية .. وواضح انو جداد الدكاترة وسنار هم الاكثر انتشارا • حمله أصدقاء المجتمع ورقمها 026919999 جده حمله معروفه وبتنزل في الجرايد وفي التلفزيون كمان , بنزلوها حتى في القنوات الغير رسميه زي العربية و MBC.. مهم الان أيجاد الرابط في الاعلان ده بين الطيب بلال ( عماد ابو شيبة ) وساميه معلومات عن هيام السروقى : رابط صفحتها : https://www.facebook.com/profile.php?id=1707673766 ناشطة فاعلة في حركة غاضبون بلا حدود *صورة البروفايل واضح انها مسروقة , الصورة شكلها لى امرأة مورتانية .. طريقة لبس التوب والحنة ما سودانية وصورة واحدة ما بتتغير بالظبط زى صورة عماد ابوشيبة * المعلومات الفى البروفايل اتغيرت قبل ايام , كان مافى معلومات واضحة عنها وكلها معلومات مبهمة الان بعد التغيير اصبح متوفر محل الاقامة والعمر , بس مافى اى معلومة عن المؤهل العلمى ومكان الدراسة او العمل وهذه هى معلومات البروفايل : Places Lived Al Khartum Bahri Al Kharand#355;and#363;m Sudan Hometown Basic Birthday May 28, 1990 Gender Female Languages English and Arabic Born on May 28, 1990 Traveled to London United Kingdom على حسب معلومات بروفايلها انها من مواليد 1990 , مما يعنى انها تبلغ من العمر ال24 عاماً وتدعى انها طالبة دكتواراة فى احد بوستاتها نريد ان نعلم فى اى جامعة درست وفى اى جامعة الان تدرس لاكمال شهادة الدكتوراة وهى ما زالت تبلغ من العمر ال 24 عاماً , ومن هم زملائها ومن يعرفها من الناشطين على ارض الواقع غير د. محمد بشرى قبان واستاذ قسم سيد سيد احمد وما هى الفعاليات التى شاركت فيها على ارض الواقع ومع من من الناشطين ؟! *فى كثير من بوستاتها تشير وتؤكد انها تسكن بشرق السودان وتقيم مع قبيلتها الرشايدية وعندما غيرت معلومات بروفايلها نفت ذلك بمعلومة انها تسكن فى الخرطوم بحرى , وتدعى انها ودكتورة سامية يحضرون محاكمات د. محمد بشرى قبان وماو فيل *تحاول دايماً تأكد انها من قبيلة الرشايدة عشان تبرر انها ليست رجل وتبرر صورتها الغير قابلة للتغيير والواضح من طريقة لبس التوب والحنة والملامح انها ما سودانية , في الوقت الانو الصورة ما بتشبه الرشايدة ولا ترتدى زيهم وبتحمل ملامح اقرب للملامح المورتانية *كتير من بوستاته غريبة وبتحاول تأكد فيها انوثتها بى شكل واضح للزول البلاحظ عشان تنفى فيها انها رجل *غيرت صورة البروفايل بى صورة جماعية مع بتين لابسين الزى القومى للرشايدة عشان تثبت انها من قبيلة الرشايدة والصورة بعيدة وما ظاهرة *بتنشر كمية من البوستات الغريبة , ما بتتشابه مع طرحها التانى على اساس انها ناشطة ومعارضة *منشورات الصفحة من 2009 لحدى 2011 كانت منشورات دينية ومنشورات ما عندها علاقة بالنشاط المعارض , فجأة في 2012 اتحولت لى صفحة معارضة للنظام بنفس الطريقة التى تحولت بها صفحة عماد ابو شيبة وصفحة د. سامية الحاج معلومات عن دكتور . محمد بشرى قبان وعلاقته بحسابين د.سامية الحاج وهيام السروقى منذ انشائهما فى عام 2009 : الأمين العام لحركة غاضبون بلا حدود رابط صفحته : https://www.facebook.com/profile.php?id=1819296124 دكتور محمد بشرى قبان يوضح فى معلوماته انه خريج جامعة جوبا وانه قد نال درجة الدكتوراة من جامعة امدرمان الاسلامية فى العام 2012 وفى تضارب فى معلومة نيله للدكتوراة من اى جامعة , فى معلومة بتوضح انه نالها من جامعة جوبا واخرى من جامعة امدرمان الاهلية ةالصور مرفقة من صفحته التى تؤكد التضارب مع هذه الادلة.. لم يكن له اى نشاط سياسى واضح ولا حتى على صفحته قبل عام 2012 ولم يعرفه النشطاء الا بعد تكوين حركة غاضبون بلا حدود بعد شهر ابريل 2013 من الفيس بوك ثم انتقل نشاطها على ارض الواقع , ثم اتعرف اكثر بعد اعتقاله هو وماو فيل من حوش الخليفة عند مخاطبة الصادق المهدى فى شهر يونيو 2013 , وعندما أُعتقل فى ذلك الوقت كان النشطاء يجمعون معلومات عنه وعن اسرته بصعوبة حتى يتمكنوا من دعمه هو وماو فيل .. من هو محمد قبان قبل ان يُعتقل وقبل ان يكون حركة غاضبون بلا حدود مع قسم سيد سيد احمد , ومن هو محمد قبان الطالب بجامعة جوبا ومن يعرفه من زملائه وماذا يعرفون عن نشاطه السياسى ؟ دي روابط حسابات دكتور سامية الحاج , هيام السروقى , دكتور محمد بشرى قبان : https://www.facebook.com/HAMODYELFATEH https://www.facebook.com/profile.php?id=1819296124 https://www.facebook.com/profile.php?id=1707673766 الرابط الاول : سامية الحاج التانى : محمد بشرى قبان التالت : هيام السروقى كل الحسابات دى اتعملت فى 2009 ودكتور محمد بشرى قبان صديق مشترك لى سامية وهيام من الوقت الاتعملت فيهو الحسابات وفى نفس الوقت الاتعمل فيهو حسابو كل الحسابات دى بما فيها حساب محمد بشرى قبان كانت بادية بى نشر حاجات دينية وحاجات ماعندها علاقة بالسياسة الا بعد 2012 , اتأكد لينا انو سمية راجل ومحمد بشرى قبان صديقها من زمن كانت راجل , يبقى محمد قبان عارف انها راجل لاحظو للنشاطات الشاركو فيها التلاتة فى 2009 2010 ح تلاقوها فيها كتير مشترك وبرضو ح تلقوها نشاطات دينية التلاتة كانو بشيرو لى بعض ودة رابط بوست واحد شيروهو فى وقت واحد , ,الفيديو دة نشرتو هيام السروقى فى صفحتها فى اكتوبر 2009 وسمية الحاج مشيراهو ودة رابط البوست https://www.facebook.com/permalink.p...andid=1707673766 راجعو الشيير على الرابط الفيديو دة عن صدام حسين , برضو نشرتو هيام السروقى فى صفحتها فى اكتوبر 2009 ود . سامية الحاج و د. محمد قبان مشيرنو الاتنين ودة الرابط https://www.facebook.com/permalink.p...andid=1707673766 راجعو الشيير على الرابط نفس الفيديو دة رجعت هيام شيرتو تانى على صفحتها فى ابريل 2012 لكن المرة دى غيرت التعليق عليهو النشرتو بيهو فى 2009 لما كانت الصفحة جهادية من التعليق دة : شهيد الامه الاسلاميه وامام المجاهدين في ذكراك اعمالك خالده في قلوب الناس للتعليق دة لما اتحولت الصفحة لى ثورية : كيف يلومونى بحبك يارفيق لاحظو الفرق فى تغيير اللغة والمفاهيم من 2009 لى 2012 من (شهيد الامه الاسلاميه وامام المجاهدين) الى (بحبك يا رفيق) دى روابط ال events المشتركين فيها هم التلاتة وفيها احدات مشتركة خاصة محمد وهيام فى 2009 https://www.facebook.com/events/117539482940/ https://www.facebook.com/events/109026984087/ https://www.facebook.com/events/141857712222/ https://www.facebook.com/events/249812010141/ ملحوظة : كل المنشورات التى نُشرت فى الصفحات الثلاثة ل محمد بشرى قبان وسامية الحاج وهيام السروقى منذ العام 2009 الى العام 2012 قد تم حزفها او اخفائهابعد كشفهم لانها غير متاحة الان عند تصفح الصفحات ويمكنكم مراجعة الصفحات , ولكن هناك صور موثقة لكثير من المنشورات التى نُشرت فى تلك الفترة لثلاثتهما وسنقوم بنشرها كأدلة مع هذه الادلة . النتيجة الممكن نتوصل ليها من دة كلو افتراضين : 1 . انو التلاتة شخصيات دى , شخص واحد هو د . محمد بشرى قبان 2 . او التلاتة شخصيات دييل شغالين كخلية واحدة وواضح جداً انو تركيز شغلهم من خلال حركة غاضبون بلا حدود وفى الحالتين نشاطهم عندو علاقة وتنسيق مع خلية عماد ابو شيبة التى عاودت نشاطها بشكل ووجه جديد ودة بوصلنا للنهاية لى انو حركة غاضبون بلا حدود هى تنظيم من صنيعةجهاز الامن وجيشة الالكترونى وقيادى حركة غاضبون بلا حدود دكتور . محمد بشرى قبان هو الكون حركة غاضبون بلا حدود مع قاسم سيد احمد من الفيس بوك وبعد داك الحركة اتنقلت للواقع .. نطالب استاذ قاسم سيد احمد رئيس حركة غاضبون بلا حدود ودكتور محمد بشرى قبان الامين العام لحركة غاضبون بلا حدود, ودكتور سامية الحاج احدى قياديات الحركة وهيام السروقى احدى قياديات الحركة بالتوضيح عن كل المعلومات والادلة التى تثبت تورطهم فى انشاء صفحات وهمية ثبت علاقتها بقيادى الحركة منذ انشائها فى عام 2009 وثبت علاقتها بجيش الجهاد الالكترونى .. ونطالب رئيس الحركة الاستاذ قسم سيد سيد احمد وامين الحركة العام دكتور محمد بشرى قبان التوضيح عن شخصيات القياديتان فى الحركة دكتور سامية الحاج وهيام السروقى اللتان اكدتما معرفتكم الشخصية بهما واللتان تظهران على الفيس بوك بشكل علنى على صفحيتهما اللتان تمثلان واجهة لحركنكم غاضبون بلا حدود , واللتان ادعتا انهما التقيا قيادات المعارضة وجهاً لوجه واكدتا حضورهما لمحاكمات دكتور محمد بشرى قبان وماو فيل هذه هى ادلتى على ان حركة غاضبون بلا حدود صنيعة جهاز الامن وان دكتورة سامية الحاج وهيام السروقى شخصيتان وهميتان من صنع نفس الجهاز وانهما رجلان وليستا امرأتان وان الصفحتين تديرهما كتيبة من جيش الجهاد الالكترونى كما كانت تدير صفحة عماد ابو شيبة وما هى علاقة محمد بشرى قبان بالصفحتين منذ انشاءهما .. فما هو ردكم عليها .. وما هى الادلة والمعلومات التى ستدحضها ,, وما هى ادلتكم على اننى عميلة مزدوجة ؟!
Eshtiag Khidir
| |
|
|
|
|
|
|
| |
زهير عثمان حمد
فيس بوك
تويتر
انستقرام
يوتيوب
بنتيريست