|
|
 مفاجأة البشير...طمام بطن
|
زول طيبان صديقنا فعلا مؤمن بصدق اي حاجة...
قابلتو وكان بتناقش معاي بي مفاجأة البشير الراجل قدر ما حاولت اقنعو بكذبة المفاجأة ما عايز اقتنع كلامو كلو معاي ياخ امكن الراجل تاب وعايز اعمل لي الاخرة حقتو !!!
وقت زهجت منو قلت ليهو ما دام مقتنع بتوبة البشير وعايز اعمل حاجة للاخرة ربط شنطك وامشي انتظر المفاجأة هناك.
الراجل من الناس الصدقو زمان وقت رشح البترول السودان بقي كويس عمل خروج نهائي وعشان نجيبو تاني ونشتري ليهو فيزا قال الروب.....
عاين لي وقال: ياخ انت دائما الزول اكون عايز اتونس معاك تطمم بطنو !!!!!!
|
|
 
|
|
|
|
|
|
|
|
Re: مفاجأة البشير...طمام بطن (Re: عباس الدسيس)
|
قالو لو خشيت اي مكتب حكومة عندك شغله كان ما دفعته ما بتتخارج......
زول عندو شغل في مكاتب الحكومة...
دخل علي المكتب وقدم الفايل بتاعو
الموظف قال ليهو اقيف في الصف لما اجيك الدور
عاين يمين شمال ما لقي جمبو زول قال للموظف :
مافي صف ولا يحزنون انا واقف براي ....مشينا بالله
الموظف : يا زول اقول ليك اقيف في الصف بلا لخمه معاك
الراجل اتغاظ رفع يدو وكبس الموظف كف صاموطي.....
الموظف نط من كرسيهو انت مجنون يا زول بضارب مالك
الراجل : قول بسم الله ده ما أنا ده واحد من الجماعه الواقفين في الصف عايز تسلبط فيني !!!!!
برضو تقول لي البشير عندو مفاجأة ..................... اقيفو في الصف
| |
|
|
|
|
|
|
|
|
|
Re: مفاجأة البشير...طمام بطن (Re: عباس الدسيس)
|
سلام يا عبس
انا زي زولك ده صديق .. الا المتوقع منو .. يقول لينا:
أيها الشعب السوداني البطل .. جينا لقيناكم شحادين .. والان رجعناكم شحادين
والوجه للوجه أبيض ...
وهي لله هي لله لا للسطلة ولا للجاة
تحياتي يا ملك
| |
|
|
|
|
|
|
|
|
|
Re: مفاجأة البشير...طمام بطن (Re: ادريس خليفة علم الهدي)
|
سلام يا عبس
غايتو عرض البشير باشراك القوى السياسية دا بعد ما البلد نشفت
بذكرني الجزار البتجيهو متأخر شوية يقول والله اللحمة كملت عندنا كمونية بس
حتى الكمونية ذاتها بدون كبدة
الكبدة عايز يديها للعساكر بكري حسن صالح وعبد الرحمن الصادق
| |
|
|
|
|
|
|
|
|
|
Re: مفاجأة البشير...طمام بطن (Re: حمد عبد الغفار عمر)
|
Quote: سلام يا عبس
انا زي زولك ده صديق .. الا المتوقع منو .. يقول لينا:
أيها الشعب السوداني البطل .. جينا لقيناكم شحادين .. والان رجعناكم شحادين
والوجه للوجه أبيض ...
وهي لله هي لله لا للسطلة ولا للجاة
تحياتي يا ملك |
ادريس اخبارك يا حبيبنا
قالو البشير جايب معاهو ناس الشروق مرت من هنا ومفاجأت الجوائز
من محزوفات قناة الشروق............
قالو محمد موسي قدم لي مراة جائز بتوجاز
قالت ليهو يا ولدي ما بالغته حسي دي جائزة و ل شحتفت روح كان اديتني انبوة غاز ما كان حليت لي مشكله
محمد موسي قال ليها : يعني يا حاجة لو اديتك فرن تقولي شنو ؟؟؟
| |
|
|
|
|
|
|
|
|
|
Re: مفاجأة البشير...طمام بطن (Re: عباس الدسيس)
|
Quote: سلام يا عبس
غايتو عرض البشير باشراك القوى السياسية دا بعد ما البلد نشفت
بذكرني الجزار البتجيهو متأخر شوية يقول والله اللحمة كملت عندنا كمونية بس
حتى الكمونية ذاتها بدون كبدة
الكبدة عايز يديها للعساكر بكري حسن صالح وعبد الرحمن الصادق |
حمد يا وجيه اخبارك
عمك الدرب راح ليهو
المفاجأة بتاعتو ذكرتني برنامج الاطفال في الراديو يوم الجمعه زمان في واحد بقول نكتتتتتتتتتتتتتتتتتتتتتتتته الغريبه تفط كم جمعه تلقاهو مكرر النكته تاني
اها عمك بعد راحت عليهو بقي اقول مفااااااااااااااااااااااجأة
كلو ما بحلو...
انت في ده و ل ود الميرغني برضو بقي اقول مفا جات سارة ... حكم
| |
|
|
|
|
|
|
|
|
|
Re: مفاجأة البشير...طمام بطن (Re: صديق الموج)
|
Quote:
الدسيس بالله ما تحبطنا
مش ممكن يكون واحده من من الحريم ديل حملت وكده؟؟
وتيب!!
قال مفاجأة قال!! يعنى الحل عنده هو برضو؟
مخير الله على الشعب السودانى،،،
|
صديق الموج ..............ز سلام مربع
ما تجيب سيرة الحريم لحدما ما يقسموا المنبر لحريم ورجال
ولا ما سمعت بالمفاجأة دي كمان
................. تحياتنا يا عبس يا وجيه إنت وضيوفك
| |
|
|
|
|
|
|
|
|
|
Re: مفاجأة البشير...طمام بطن (Re: عباس الدسيس)
|
Quote: صديق الموج ..............ز سلام مربع
ما تجيب سيرة الحريم لحدما ما يقسموا المنبر لحريم ورجال
ولا ما سمعت بالمفاجأة دي كمان
................. تحياتنا يا عبس يا وجيه إنت وضيوفك |
عاصم يا وجيه اخبارك
ود الموج عايز اسوقنا لي درب اجيوك حسي الشفاته حملت ما حملت اغتصاب ما اغتصاب
وهاك يا شواهد وادله اتفكو من بت الواتساب واقعو لينا هنا
وكده تكون المفاجأة تحققت
تحياتي وتقديري
| |
|
|
|
|
|
|
|
|
|
Re: مفاجأة البشير...طمام بطن (Re: علاء الدين صلاح محمد)
|
Quote: طمام الساهل ده
يا راجل واحد من جوقة الرئيس البشير قال قبل يومين
الاسد النتر ما بيهرب
والناس القالو حيمشي من ناس الخيال الواسع
يعنى طلعهم مجانين عديل |
علاء سلام يا حبيبنا
المحيرني اليومين ديل غندور مركب مكنة نافع
وخايف عمك ازوغ وتروح عليهو الاستشاريه الجديده
الجماعه اقولو البشير سوف يتنحي وهو شابكنا تصريحات لن يتنحي طيب تاعب روحك مالك عالم عجيبه
| |
|
|
|
|
|
|
|
|
|
Re: مفاجأة البشير...طمام بطن (Re: عباس الدسيس)
|
زول جاء ماشي بي الشارع لقي ليهو صف طوييييييييييييل
سأل اخر واحد ده صف شنو ؟؟؟؟؟
قال ليهو ما عارف لقيت الناس واقفين ووقفت !!!
سأل القدامو ؟؟؟
قال ليهو والله لقيت الزول القدامي واقف ووقفت
مشي لي اول واحد في الصف قال ليهو واقفين لي شنو ؟؟؟؟
قال ليهو: سروالي وقع وقفت اربط التكه لقيت الجماعه واقفين وراي
قال ليهو طيب خلاس واقف لي شنو ما تمشي
الراجل رد ليهو انت مجنون عايزني بعد الصف بقي طويل وانا اول زول امشي !!!!!
لسع منتظرين خطاب عمك
| |
|
|
|
|
|
|
|
|
|
Re: مفاجأة البشير...طمام بطن (Re: عباس الدسيس)
|
غير الناس كل الناس ما فهمت حاجة من هطرقت عمك
الخطاب مكتوب بلغة الترابي تمويهي
ما قلته ليكم عمك رائح ليهو الدرب إها صدقتو كلامي و ل برضو واقفين في الصف
غايتو عمك ده بي طريقته دي بقتل ليهو زول
| |
|
|
|
|
|
|
| |
عباس الدسيس
ادريس خليفة علم الهدي
حمد عبد الغفار عمر
صديق الموج
Asim Fageary
علاء الدين صلاح محمد
عمران حسن صالح
فيس بوك
تويتر
انستقرام
يوتيوب
بنتيريست