كتب الكاتب الفاتح جبرا المتوفرة بمعرض الدوحة
|
الشهامه بتعجب فشكرا للراجل من العكد (بين عطبره و الدامر )
|
المرؤه في الناس الحمد لله في شارع الله الواحد دا قاعده وبكثره وبما انو م بنسمع بقينا الا سرق قطع تدثر بالطلح اغتصب حتي تخاف تمرق في شارع الله دا ! وكمان كل القصص بس سماعيه لا نحن لا جيرانا لا اصحابنا لا حصلت في حلالنا المهم اي القصص دي ممكن تكون في وكتيره او قليله بس حتي القيمه القليله بتتحسب شاذه ولا يعتمد عليها ...كمان للان الناس تتلم بمحنه في الافراح وتتوسد الاراضي في البكيات وهي راضيه ومافي احساس نحن مالنا النسيج الاجتماعي لسه بخير اي نعم ما عادت الاشياء كما كانت بس لسه الناس في الشارع بترد السلام وجدا بنعرف نستنكر وندين ونشجب بس ماكتير بنمدح الحاجات البعمله السوداني الاصيل في المواقف الصعبه جدا في وقتها اها ح احكي عن قصه حصلت معانا امس تحديدا بصراحه الشهامه بتعجب وشديد المهم ونحن راجعين من مناسبة امس بعد واحده تقريبا والمناسبه حقة اولاد خالنا في الدامر وكلنا نسوان في العربيه موصلنا ابن خالنا العربيه حرنت اي حرنت اللحظه ديك قلت ياريت لو جا كارو ساي نرجع بيت العرس والمدينه نائمه تماما يمين بالله ناس الشرطة ديل مرو فينا كذا مره ما وقفو سالو خير مالكم ..بس جاء عمك رجل اربعيني او بداية الخمسينات وقف سلم وسال عن الحاصل عرف مشكلتنا بنزين والبنزين مافي بس ما اتردد لحظة ساق السواق ودارو طلمبات البلد كلها ما لقو نقطة واحده لمن ربك رب الخير قالو وصلو طلمبة قريبه لمصنع الشمال للاسمنت ويا للعجب لقو بنزين! ...اتنين اتحركت العربيه ولله الحمد وصلنا في امان الله الراجل الشهم مشي قدام عربيتنا لمن نزل في لفة العكد اذا اهل العكد ديل وماعرفنا اسمو بس شكرا للزول الشهم الاهلو العكد .
|
|
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: مها عبدالمنعم)
|
مسا الشهامة والمروة سنة تسعين راجعين برضو من مناسبة زواج في عطبره والمواصلات زحمه والمدرسة فتحت مشينا الدامر مالقينا شئ رجعنا اتبرا ورجينا القطر تلاته يوم نايمين في المحطه وفي محل فول وباسطه شمال المحطة المهم الجوع كافر قطعنا القروش المعانا جت ورقدنا القش لاقرش لاتعريفه المهم لما فينا واحد لو لقيت بعد اربعين سنه مابنسا ملامحو جاي من حش التمر وقعد معانا اتونس بدون ايو مقدمات فهم الحاصل علينا وقرص لينا الفيها النصيب يعلم الله ده اكبر معروف مر بي في حياتي فعلا الناس هناك الكرم صفتوم ليهم التحيه
| |
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: مها عبدالمنعم)
|
تحياتى أخت مها و ألف حمداً لله على سلامتكم فى بدايات 2003 كنت فى طريقى ألى كوستى و معى أسرتى بعد تعدينا منطقة نعيمة بحوالى كم و عشرين كيلومتر تقريباً فى الطريق على الجهة اليسرى كان يقف بوكس هايلكس به عدد كبير من النساء و الأطفال و الوقت منتصف النهار فى عز الصيف و درجة حرارة تتجاوز الخمسة و أربعون درجة و شاب سائق الهايلكس و معه طفل فى عمر العاشرة يقفون و معهم جالون فارغ و وصلة لسحب البنزين من وقفتهم أى سائق يدرك أنهم فى حوجة لبنزين ... وقفت جاءنى السائق وقال لى يا أبن العم والله قاطعين بنزين كان عندك أدينا معاى حريم و أطفال و فى الحر دا مويه ما عندنا ... كان معنا حافظة ماء قلت لولدى هات الحافظة أعطيتها للطفل قلت ليه أمشى أسقى الصغار و كان فضل شئ اسقى الحريم و سمعت دعاء النساء لى و عبيت له جالونه بنزين و قلت له سفرك بالحريم و الأطفال و من غير بنزين فيه مخاطره قال لى : جايين من مناسبة زواج و قلنا بوصلنا حلتنا لكن قطع بينا هنا ... فى السفر البعيد ياريت السائق يقدر المسافة و الوقود الذى معه ...
| |
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: Balla Musa)
|
Quote: ياخى عليك الله بلغى سلامى للشاعر الصديق حسب البارى سليمان شاعر نسانا حبيبنا المامنظور ينسانا.. |
لاول مرة اعرف ان شاعر هذه الاغنية المحببة الى نفسي جدا بصوت العطبراوي والتي لا امل سماعها تكرارا وتكرارا هي لشاعر من العكد يسمى حسب الباري سليمان فما اروع شاعريته وما اصدق كلماته عليك الله بلغي خالص التحايا والامتنان على رقة هذه الكلمات التي بالصدفة وقبل سنين وجدتها يحتفى بها في احدى المنتديات الشامية واظنها لبنانية واظنها قد اعجبتهم كلماتها ونقلوها ولم يعرفو كم هي جميلة بصوت الشجئ النقي حسن خليففه العطبراوي
| |
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: Barakat Alsharif)
|
شكرا كثيرا بركات الشريف على التصحيح واهدي لك كلمات هذه الاغنية الرائعة
\حبيبنا الما منظور ينسانا مالوسافر ودع ما غشانا حليل الخوة آلما قدر عشانا
نسانا حبيبنا وعارف ريدنا هولو عشانو تمشي قلوبنا وراء رحيلو يسافر بيها لي دارو ومقيلو نقول فارقنا سافر ياحليلو
نساهر ونشقى لو ينفع شقانا تسيل دمعاتنا لي شوقا وحنانا عشان ما يطرا ريدتنا ومنانا يذكر قلبو ايامو المعانا
كيفن صابر مستحمل قليبو زمنا نساه ونسى إخلاص حبيبو يا معذبنا ما قادرين نسيبو نقول لابد إنو الشوق يجيبو
وحات الريده ما بننسالو عشرة آه يا دنيا لو في بألو مره اتذكرنا آو بس طيفنا مرّ كان يا حليلو عرف الفرقة مُرةQuote: اخونا عبد الله شم تحية مجرد تصحيح للمعلومة، حسب الباري سليمان ليس من العكد، وبالطبع يشرفنا جدا أن يكون من منطقتنا |
| |
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: علي محمد الفكي)
|
حقيقي مندهش لاستغرابكم وحتي شكركم لرجل العكد (الناس هناك اتغيرت والله شنو؟؟) فما فعله الرجل لا يتعدي كونه واجب وبسيط جدا في تلك النواحي... وهو نفسه لو شكرتوه شكرا فايت الحد....لن يتوقف لكم ليسمع الباقي
الناس في تلك النواحي والقري....اتعودوا أن يهبوا للنجدة قبل ان تطلب منهم ولا يعتبروها فعلا يستوجب الشكر....بكونوا مبسوطين وبس....
| |
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: عبد الله شم)
|
سلامات عبدالله شم صدقت يعلم الله ما مستغربه بل مطمنه وعشنا الحمد لله في مدينه نبيت للصباح بيوتنا فاتحه للضيف ومافينا خوان وتلاحم اجتماعي يظهر جدا في المناسبات وصلة القرابه الوحيده المعتمده الجيره والعشره قلت لنفسي صح البلد الوضع فيها سئ وجدا واكيد سودان م قبل 89 م سودان 2014 بس كمان المصائب البنقراها بتجيب المحقه الحمد لله النسيج الاجتماعي لسه بخير ولسه الحاجات الكويسه في وكتيره
| |
|
|
|
|
|
|
Re: الشهامه بتعجب فشكرا للراجل من العكد (بين عطبره و الدامر ) (Re: إسحاق بله الأمين)
|
فخور بانتمائي لعطبرة ... وما جاورها هم أهلنا ... جلسنا في فصل واحد ... وتجاورنا في الحي وبعنا واشترينا معهم ...
عكد البرامكة .... سيرة لا تنقضي ...
لا أزال أذكر ( دموع ) والدي رحمه الله ، وهو بيت عزاء الحاج ( أبو القاسم سعد )... رحمه الله
بكته أفذاذ الرجال ... لشهامته ومروته .. وحسن سيرته
اخونا بركات الشريف ممكن يسهب في الحديث عن أهله ( العكادة )..
الشغيل
| |
|
|
|
|
|
|
|