|
|
 ** وصلنى من السودان .. إبــداع فى مآل الحال **
|
** وصلنى من السودان ظازه وبالطياره :-
## بعض التفسيرات العصريه للألغاز السودانيه:-
1\ خروفى كبر فوق البيت لا بعتو إتكسيت لا ضبحتو إتعشيت ..
** الإجابه:- الــبـتـرول فى السودان...
2\ حبوبتى من شدتا ولضتا شايلا جدى فى فى رقبتا ..
** الإجابه:- الشعب السودانى ومدى تحمله للحكومه الفاسده..
3\ دخل القش وماقال كش..
** الإجابه :- إسرائيل فى أجواء السودان..
4\ قاعده فى ديوانا وتأكل فى مُصرانا..
** الإجابه :-العماله الأجنبيه فى السودان..
5\ عندى طبيق مليان نبيق.
** الإجابه :- مُرتبات الموظفين فى السودان..
6\ قطع البحر بدون عضم ولا شُراع..
** الإجابه :- قبول أولاد الكيزان فى الجامعات والوظائف الحكوميه..
7\ 100 مايملن صينيه..
** الإجابه :- الرغيف ..
8\ كان شالو مابتشال كان خلو سكن الديار ..
** الإجابه :- عمك بـشـه..
## غايتو ياناس السودان قمة الإبداع فى مآل الحال ...
|
|
  
|
|
|
|
|
|
|
 Re: ** وصلنى من السودان .. إبــداع فى مآل الحال ** (Re: تبارك شيخ الدين جبريل)
|
| Quote: جدي في بيرو ... ينقرف في عواويرو؟ |
** ود شيخ الدين...
** سلام ومساءك خير..
## بس عايزين الإجابه :- ..................................
** مُمكن تكون الأحزاب الصدئه **
** ياخوى قول العايز تقولو لا حجر على حرية أحد فيما يعتقد ,, طالما هذه قناعته الذاتيه ,, ولكن بعض الأشياء تكون ظاهره لكل ذى بصيره فسادها ....
(ودام الود بين الجميع)
| |
|
|
|
|
|
|
|
|
 Re: ** وصلنى من السودان .. إبــداع فى مآل الحال ** (Re: تبارك شيخ الدين جبريل)
|
5\ عندى طبيق مليان نبيق.
** الإجابه :- مُرتبات الموظفين فى السودان..
================
ظلموا النبق يا أبومحمد
والله في موسم الشتاء ومع بزوغ ضوء الشمس الدافيء نقعد أنا وأخواني وأصحابي في جرف ود المصطفى مقابلين ضوء الشمس في (ضهر) (سروبة) كبيرة مغطاة بالسلعلع نشبع نبق ونشرب موية من النيل الأزرق وتاني ما نشوف الكسرة إلا بعد المغرب
======
الباقي إبداع وبديهة حاضرة
الشفيع إبراهيم
| |
|
|
|
|
|
|
|
|
 Re: ** وصلنى من السودان .. إبــداع فى مآل الحال ** (Re: Alshafea Ibrahim)
|
Quote: والله في موسم الشتاء ومع بزوغ ضوء الشمس الدافيء نقعد أنا وأخواني وأصحابي في جرف ود المصطفى مقابلين ضوء الشمس في (ضهر) (سروبة) كبيرة مغطاة بالسلعلع نشبع نبق ونشرب موية من النيل الأزرق وتاني ما نشوف الكسرة إلا بعد المغرب
======
الباقي إبداع وبديهة حاضرة
الشفيع إبراهيم |
** ود إبراهيم ..
** سلام ومساءك خير..
## الضغط يولد الإنفجار وكذلك الإبداع ,, قد يكون النبق فى ذلك الزمان نبق سودانى فمابالك بالنبق الفارسى وكمان عاملين ليهو دعايه ..
## لقد فاق الشعب السودانى أيوب فى الصبر ..
(اللهم أنقذنا مِمن أتوا لإنقاذنا)
| |
|
|
|
|
|
|
| |
عبدالكريم أحمد الامين
تبارك شيخ الدين جبريل
فيس بوك
تويتر
انستقرام
يوتيوب
بنتيريست