|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: عبدالعزيز عثمان)
|
Quote: يا يحي اخوي،،نحن ما من ديل كلهم ،،بس الواطا دي اصلا مانا فايتنها،لا هسع ولا بعدين ،فيها نحيا ونموت،،عليك اسهل،وعلينا امهل،،بالله في واحد اسمو عثمان موسي سوقو معاك،،اكان ما اكون روووووح.
|
عارفك من منهم يا عبد العزيز
كمان انت استعجلت
انا ما جيت للاسماء الدايرنها تمشي معانا
انا لسه شغال في ( الجماعات )
لكن مادامك جيتني
انت و ود أبسن ودرديري وود البوش ماشين قدامي
البحجينا منو كان قعدتو ؟
اما عثمان موسي فقصتو بجيها
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: يحي قباني)
|
عزيزي ... قباني ... تسلم,
زي ما بقولو ... الحي بفرفر,
أعجبني {مزاحك} الإجتماعي
المدغوم بالعلوم.... ومالو..؟؟؟
Quote: 200 Light Years Away |
بس كمان عشان نسافر 200 سنة ضوئية, بنكون لحقنا ... أمات طه, ومن أمات طه ... بالمناسبة؟؟؟ طبعا أخوك نجيض في معرفة {الحل بله} ... والذي هو الموت.
بعدين ... أهم شئ ... الموية, والتي لم يرد ذكرها في التقرير العلمي المرفق لتوأم الأرض المفترض. يعني نمشي هناك شربانين ومستحميين كمان ... أما درجة الحرارة 104, فمعناها مش نمشي عريانين .... وبسسسس.
ثم ... الكيزان ومجاوريهم الفكرة, ما كفتم الأرض, عشان إقوموا إلاحقوا الناس في كوكب آخر, يعني هل هم مستغرقين حتى في أحلامنا وفي أخليتنا الجامحة, دي مشكلة والله
وتسأل عن الماشي معانا منو؟ ياخ ناولني تذكرة ون وي ... ومحل رهيفة ... التنقد
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: HAYDER GASIM)
|
Quote: ثم ... الكيزان ومجاوريهم الفكرة, ما كفتم الأرض, عشان إقوموا إلاحقوا الناس في كوكب آخر, يعني هل هم مستغرقين حتى في أحلامنا وفي أخليتنا الجامحة, دي مشكلة والله
وتسأل عن الماشي معانا منو؟ ياخ ناولني تذكرة ون وي ... ومحل رهيفة ... التنقد |
حيدر يا صديقي
انت تذكرتك درجه أولي ...
ما موضوع المويه ما تشيل هم ... بنلقي ليها صرفه ...
تخيل يا حيدر ...
عالم جميل بدون كيزان !!!
تمرين للجنه عديل كده ...
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: HAYDER GASIM)
|
Quote: يمنع منعا باتاً من مرافقتنا الي الكوكب الجديد
عموم مشجعي نادى الهلال العاصمي
ما عدا من حلفوا اليمين ان المريخ لو لعب ضد البافاري
سيصبحون مريخاب ...
نريده كوكبا ( لصفوة ) المجتمع السوداني ... |
أستاذ يحى قباني لك التحية لكن عصرت علينا شديد بالكلام ده يعني كوكب الأرض لو ما فيه مريخاب نحن القاعدين ليها شنو و بعدين الفرق العالمية ناس البايرن و زينيت و غيرهم حاتسوقوهم معاكم و لا كيف و ربنا يرحم زمن سيكا و قدورة وحلاة الزهرة معليش ياأخي أنا زول قديم شوية. و لك كل الود و الاحترام
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: ALWALEED ALSHEIKH)
|
Quote: أستاذ يحى قباني لك التحية لكن عصرت علينا شديد بالكلام ده يعني كوكب الأرض لو ما فيه مريخاب نحن القاعدين ليها شنو و بعدين الفرق العالمية ناس البايرن و زينيت و غيرهم حاتسوقوهم معاكم و لا كيف و ربنا يرحم زمن سيكا و قدورة وحلاة الزهرة معليش ياأخي أنا زول قديم شوية. و لك كل الود و الاحترام |
سلامات يا الوليد ...
والله لحقت رقبتك ...
انا قربت اقول اي زول مولود بعد سنة 60 ما يجي معانا ...
لكن طالما انت جيت
نخلي السن القانوني من سنة 64 و لي ورا ...
و اي زول اصغر من كده لازم يعمل معاينه و يجتاز امتحان شفهي و تحريري
ياخي بالنسبه للمريخ
انت عارف ان الرجل السوداني بيتولد مريخابي by default
بعد كده حسب النشأه يبقي هلالابي ..
اهلاوى ... وهكذا ...
لذلك كل المريخاب حيغادروا ... من اجل انجاب جيل سوداني مريخابي اصيل ...
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: يحي قباني)
|
الافراد :
الواسطات محدوده و يمنح البعض الاذن للمغادره لمراعاة الظروف
- Senior Citizens Group ... يتم اصطحاب كل من الاخوه عاطف عمر و محمد ابوالريش
لقضاء ما تبقي من العمر في مناخ صحي جيد ...
الاخوات في المنبر ...
- تمنع الاخت اسمارت من المغادرة الي الكوكب الجديد ما لم
تقدم ما يثبت ان الاخ بكري ابوبكر قد قام بمنحها مكتبه كامله باسمها ...
او حتي رفين في مكتبة الاخت مريم بت الحسين ...
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: محمد علي عثمان)
|
Quote: يا قباني تؤام الارض بتاعك ده شايف حرارته زايدة لدرجة انه ما فيه حياة، يعني مات في الولادة. موت موت ، اخير نموت في ارضنا دي. |
محمد علي يا دفعه ...
ما تدقق في التفاصيل الصغيره دي ...
هم خلو لينا واطه نقعد فيها ...
السودانيين مشتتين في اصقاع الارض ...
بعدين ياخوي المرق ناس قباني و ود المدير وطفشهم القطب الشمالي ...
وناس الاحيمر في القطب الجنوبي ...
الباقي شنو ؟ ما اخير بي كرامتنا
نمشي نشوف لينا واطه تاني لا فيها كذب لا فيها نفاق ...
لا فيها حراميه يسرقوا الكحل من العين ...
يا راجل الاكتشاف ده ما رحمه من رب العالمين
يا بو حميد
الخليل قال علي الانجليز
يــانزand#65275;نا امرقـو الـذمه كيف ينطاق هوان اand#65271;مه زردوا حلوقنا وأكلوا حقوقنا وديل دايرين دمانا تسيل..
اها الانجليز فاتوا ليهم كم سنه؟
جونا جماعنك ديل طبقوا الكلام الفي بيتين بالحرف
وزادوا عليهو كل الدماء السالت دي ...
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: نور الدين عثمان)
|
محمود درويش... على هذه الأرض ما يستحق الحياة: تردد إبريل، رائحة الخبزِ
في الفجر، آراء امرأة في الرجال، كتابات أسخيليوس ، أول
الحب، عشب على حجرٍ، أمهاتٌ تقفن على خيط ناي، وخوف
الغزاة من الذكرياتْ.
على هذه الأرض ما يستحق الحياةْ: نهايةُ أيلولَ، سيّدةٌ تترُكُ
الأربعين بكامل مشمشها، ساعة الشمس في السجن، غيمٌ يُقلّدُ
سِرباً من الكائنات، هتافاتُ شعب لمن يصعدون إلى حتفهم
باسمين، وخوفُ الطغاة من الأغنياتْ.
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: نور الدين عثمان)
|
مستر قباني ما عاوز يسوق معاه زول اقل من 50 سنة!!!! البخدمك منو يا مستر قباني؟ انت -كلها كم سنة- و تكون عاوز زول ترسله. يا ولد جيب الموية، يا بنت كبي القهوة.
مستر قباني عاوز يمشي يتم خرفه في كوكب اخر. @-@
الموضوع يا مستر قباني ما محتاج مكتبة من بكري، أصلا انت مما قلتا لا للهلالاب، انا طلعتا من المبشرين. حكم انا - لما كنتا شغالة بالكورة- كنتا هلالابية علي السكين و الحمد لله. ده غير موضوع سنة 63 ده.
بعدين 200 سنة ضوئية !!! عارف دي كم سنة مما تعدون؟؟
A light year is 5,865,696,000,000 miles Let's say you have a rocket that will let you ( drive) 1000 mile/ hour. You need 133,920,000 years to get there. You should have left earlier, Mr. Gabany.!!!
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو ؟ (Re: نور الدين عثمان)
|
Quote: خلينى اخالفك شوية ياقبانى ...
صراحة كوكبك ده مكان مثالى للكيزان واشباههم لانو بنقلهم هناك تكون نقيت الارض من ارازل البشر وريحت كل البشرية من انتن خلق الله وتعود للارض نقاوتها وجمالها وعفتها. ويا سلام عليك لو اخذت معاهم اليهود فتكون جمعت الشبهين وخليهم يكيدوا لبعض هنااك . |
يانور الدين لا والله ...
ديل اولاد ستين في سبعين
كوادرهم السريه لو خلو واحد منهم مدسوس بيناتنا ...
( ليغويَن ) نصنا ...
اخير نمشي عديييل و نخليها و انشالله بعد داك تضوي ليهم ...
| |
|
|
|
|
|
|
Re: اصدقاء السياحة السودانية (Re: صلاح غريبة)
|
Quote: بعدين 200 سنة ضوئية !!! عارف دي كم سنة مما تعدون؟؟ |
بلا شطارتكم دي انتو الوداكم امريكا شنو !!!
زمان عمك بابكر والجبل كان عندو مكتب ورا المريديان لما كان لسه سمسار عربات ...
كانت العمليه ورت معاهو تمام و ينزل من مرسيدس و يركب مرسيدس
يوم جاهو استاذ من كلية الطب ...ماهي قريبه من هناك
الدكتور ( علي قدر حالو ) جاي داير يشوف ليهو كورولا ولا حاجه ...
المهم قاعد منتظر واحد من المساعدين يفرجوا واحده ...
وفجأه عمك ود الجبل كان مارق مشوار و نادى الولد ...
ياولد ... جهز لي ( البنسه ) الرصاصيه ...انا مارق بعد ربع ساعه ..
الدكتور اتعدل كده وقال ليهو ...
تقصد ال BENZ يا استاذ ود الجبل ؟
اتلفت عليهو وقال ...
انتو انطقوها صاح ... لكن انحنا بنركبها ...
وبلا شطارتكم دى انتو المركبكم الكورلات شنو ؟؟ __________________________________________________ قال 200 سنه دي كم ...
انتي يا اسمارت مشكلتك غير ملمه بحقيقة انحناء الزمن و المرور في ثوان الي مجرات اخري ...
هناك انفاق و مسارات ... بس انتو قولوا يا لطيف ...
ما تحسبي كل شي بالورقه و القلم ...
اطلقي لخيالك العنان و خليكي شاعريه ...
| |
|
|
|
|
|
|
Re: اصدقاء السياحة السودانية (Re: يحي قباني)
|
Quote: ضبان و شواذ ما عاوزين ديل اكتر حاجة بكرهم
maskagnaa |
فيصل يا قريبي ...
تصدق انت في البال من امس ...
الزيك ده لاوم يكون ربان سفيتنا ...
خليهم في شذوذهم و ضبابينهم ...
يطيروا من بعض .. ويركّو في بعض ...
| |
|
|
|
|
|
|
Re: اصدقاء السياحة السودانية (Re: يحي قباني)
|
Quote: يا عجوز .... إنت كان ما جبت سيرة البحر ما بترتاح.
نصيحة ... عدل مسألة الأعمار في سفينة نوح بتاعتك دي، لأنو أخوك ونستو كلها مع مواليد التمانينات والتسعينات. (شباب وكدة)
|
ابو الريش يا صديقي ...
يعني انا كتر خيري داير اريحك الكم سنه الفضلن ديل ...
صاحبنا يا محمد شعروا خفه ... وما فضل ليهو الا ( زيق ) بالجنبات ده ...
ومصيبتوا انو يحب يكرت شنبو خفيف كده كل يوم اتنين من كل اسبوع
لزوم مقابلاتو مع الخواجات يوم التلاتا من كل اسبوع ...
وبزوغ مننا لغاية يوم السبت ...يكون الشنب ( نبّت ) تاني ...
انا مره بالصدفه مشيت ليهو يوم التلاتاء بالليل ...
لقيت القصه بلاطه ..
ده شنو يا فلان ... جابت ليها حلاقة شنب كمان ..؟
قال لي ابدا الاولاد جابو لي مكنة حلاقه جديده و ما ظبطت النمره؟
شرمت نصو واضطريت احلق الباقي ....
قلت ليهو و جايبين ليك مكنة حلاق لي شنو؟
قال لي ما انا اصلو بحلق في البيت ..!!!
قلت ليهو الحالق ليها في البيت شنو ...
انت كل الباقي ليك في راسك دي حلقتين تلاته بالكتير
ياخ امشي استمتع بيهم في الحلاق ....!! _________________________________ وصلت الرساله يابو الريش !!!
| |
|
|
|
|
|
|
Re: اكتشاف كوكب جديد مشابه للأرض كالتوأم ... انحنا ماشين ... الماشي معانا منو (Re: عزيز عيسى)
|
Quote: يا حليلك يا قباني الكيزان وصلوا هناك من زمان وإشتروا كل الآراضي وبنوا فلل وعمارات وكمان سايقين سيارات موديل 2050 والأن شغالين ينقبوا عن البترول ويبحثوا عن الدهب يا عبدالعزيز قول لصاحبك عثمان موسى جهاز تفتيش الدهب الاشتراه ما حينفع هناك بعد دا احسن الواحد يحسن علاقته مع ربه ويركز على الجنة |
يا عزيز لأ ...
صدقني جماعتك ديل لسه قاعدين يحلبوا في الخرابه دي ...
انكرب بس و جهز امورك ...
كفايه فرطنا ليهم في الارض ..كمان دايرننا نقنع من واطاتنا الجديده ؟
| |
|
|
|
|
|
|
Re: اصدقاء السياحة السودانية (Re: يحي قباني)
|
Quote: انا حامشي معاكم علشان اكيد خبراء وكمان انظم ليكم السياحة. م. صلاح غريبة - خبير استراتيجي (خبير وطني سابق) |
يا غريبه انت مسئولياتك و التزامتك هنا كتيره ...
فعليك الله اديها صنه ...
الشغله زاتها فيها تلتله و سفر
| |
|
|
|
|
|
|
Re: اصدقاء السياحة السودانية (Re: يحي قباني)
|
Quote: أكان كده الا تسوق معاك تبارك وأمونة وقيقاحاوي .....
سلام يا باش |
لا لا لا لا يا سامي ..
الجماعه ديل مشروعهم ما اكتمل لسه ...
ولازم يقعدوا هنا ينافحوا في الجماعه ديل ...
هناك ما عندنا سياسه ... ولا دايرين صداع ...
حبة بنادول ما دايرين نشيلها معانا ...
حتي دوا الحرقان حنخلي هنا ...
| |
|
|
|
|
|
|
Re: اصدقاء السياحة السودانية (Re: يحي قباني)
|
Quote: مستر قباني ما عاوز يسوق معاه زول اقل من 50 سنة!!!! البخدمك منو يا مستر قباني؟ انت -كلها كم سنة- و تكون عاوز زول ترسله. يا ولد جيب الموية، يا بنت كبي القهوة. |
والله مستر قباني يا اسمارت كان عليهو ما يسوق حوا واحده معاهو ...
باخد ال RISK انو هناك يكون في نساء من ( كوكب آخر ) ...
علي الأقل يكونوا ما سمعوا لا بي طعميه لا بملاح امدقوقه ...
وننتهي من الحرقان و وجع المصران و الكلام الفارغ السويتوهوا فينا ده ...
( كرواسا ) سااااكات يا اسمارت ...
| |
|
|
|
|
|
|
Re: اصدقاء السياحة السودانية (Re: يحي قباني)
|
Quote: اسدك ده منو يا وضاحه؟ |
هو سيد الاسم
والاوكسجين الذى اتنفسه واعيش به
وفى العيون ببنيلو دارين من موده ومن منا
بضمه فى قليبى محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم يوم جانا شايل خطانا الكايسنه راح
وشايل الامل فى عيونه والحب والسماح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاها وتزغرد فيها والشوق يرتسم
| |
|
|
|
|
|
|
Re: اصدقاء السياحة السودانية (Re: وضاحة)
|
Quote: فى شيخ فسر (سورة التكاثر) بان الثقوب السوداء ابواب الجحيم اخاف يكون كوكب المريخاب الجديد ده الجحيم بعين اليقين ... |
زمان يا علداللطيف
مدرسة دار النعيم لما فتحوها و شفنا الحاجات السمحه ديك
سميناها مدرسة ( نار الجحيم ) ...
| |
|
|
|
|
|
|
|