الاتصالات السودانية من المسؤول عن سوء الخدمة وضياع أموال الناس بالباطل ؟؟

Quote: الاخ بدرالدين تحباتى ابصم على كلامك اعلاه بالعشرة مرة اتصلت فى تلفون شخص موجود فى الشمالية جاءنى الرد من شخص اخر موجود فى الخرطوم بحرى !

Quote: إضافة تعليق... Mouawia Obid Al-Saym · الأكثر تعليقا · مصر يا موظف التشغيل ممكن تسال لينا وزير المالية ؟ احتمال عندو فكرة هو مش صاحبك ؟ وياريت صورة الاقامة ...قبل التعديل ؟ ات قائل حق الهم العام بخلى..تعال مارق رد · 1 · · ‏15 يناير‏، الساعة ‏02:53 مساءً‏

Quote: الأخ بدر الدين وضيوفه الكرام لكم التحية جميعاً .. هذه المشكلة خاصة بشبكة STC الجوال و الثابت مع شبكات زين وام تي ان فقط .. خصم من الرصيد ، إعادة الكلام من الطرف الثاني .. وهذه المشكلة حتى في الكابينة .. شبكتي موبايلي وزين الاتصال منها عادي جداً ولكافة الشركات في السودان .. أما STC فقط تتصل مباشرة وبصوت واضح مع شبكة سوداني .. وبعض الزملاء من الهند والفلبين يعانون نفس المشكلة مع شبكة STC خصم من الرصيد إعادة الكلام من الطرف الثاني ظهور أرقام محلية للمتصل عليه في السودان والهند والفلبين فأعتقد والله أعلم أن المشكلة خاصة بشبكة STC وليس بشبكاتنا .. بدليل بدأنا نستخدم موبايلي وزين وما في أي مشكلة .. يا مثبت العقل والدين ..

Quote: كيف يا بدرالدين .. قصدي إنك متصل عن طريق أي برنامج تاني .. فايبر .. لاين .. إسكايب (Voice over IP) معظم المشاكل القلتها فوق بتحصل لمن تكون مستخدم برامج زي دي .. رداءة صوت .. تكرار الكلام .. إلخ إلخ أعتقد يا بدرالدين .. إذا في حاجة كويسة في السودان فهي البنية التحتية للإتصالات .. ما بتشبه باقي حال البلد تحياتي ..

Quote: فعلا مسالة مزعجة شديد .. اتصلت على ابنتي بالخرطوم على رقمها . فاذا بي اتفاجأ برد عمي من الباوقة مصادفة جميلة والله

.

هو لو بيحصل معانا كده ماكان زعلنا اهو برضو الزول بيكون اتكام مع زول بيعرفو وطلع بى فايده .
مش ناس المعاى منو وداير منو وضارب من وين ووووو

Quote: الشخص الذى تقوم بالاتصال به يظهر له رقم سركة سودانية محلى ويتكرر هذا الامر كثيراً.

Quote: مش كان في نكتة بايخة فاكينها فينا الكيزان بدري ونحن نرددها كالببغاوات وهي ان آخر تقنيات الاتصالات موجودة في السودان من بين المشاكل الكتيرة تتصل من خارج السودان ويظهر لمستلم المكالمة رقم محلي انا مرة بجري مكالمة للسوادان ، بقفّل الخط وارجع ادق .... تلاتة مرات وفي كل مرة برجع اسمع تسجيل كامل مدته تقريبا حوالي دقيقتين لكل الكلام القالو لي الشخص اللي انا متصل عليهو وانا اقول الزول دا مالو جنو بقى سلامات لحدي ما في النهاية اكتشفت ان المشكلة في الخطوط

Quote: التحيه للاخ بدر الدين وضيوفه الكرام .... لقد تكرر معي هذا .... وبعض المرات عندما استلم مكالمه من السودان يظهر لي انه رقم سعودي .. الا ان الحق يقال .... شبكة الاتصالات السودانيه في الوقت الحاضر احسن بكثير من زمان واسعارها معقوله .... مقارنة مع بقية الدول العربيه ... تحياتي ,,

Quote: Hatim Al-Zaki · Aligarh Muslim University كل ماورد بالنص يا اخ بدرالدين حصل معي اكثر من مرة بما فيها الردود من اشخاص من دول اسيوية ،، واكرر هنا كل اتصالاتي عن طريق شركة الاتصالات السعودية وليس عن طريق النت ،، وفي تقديري مهما كانت الاسباب فهي في النهاية سرقة واستهبال ،، وعندما يتردد صوت مستقبل المكالمة لاكثر من دقيقة والمتصل لا يدري فإنها دقايق محسوبة ويسددها المتصل ، وللذين يرمون اللوم على شركة الاتصالات السعودية سؤالي حتى ولو كانت شركة الاتصالات السعودية لماذا السودان فقط من دون دول العالم ،، ومن الذي يلزم شركة الاتصالات السعودية بتقديم خدمة وفق الشروط المعمول بها دولياً ، وليه السوداني من دون خلق الله تنصب عليه هذه الشركات كأن ياتيك تصال من رقم محلي وتتفاجأ بان المكالمة دولية من السودان او العكس ،، في تقديري اي محاولة لايجاد مبرر لهذه الشركات نتيجته مزيد من الاستنذاف للسوداني البسيط . رد · 1 · أعجبني · متابعة المنشور · ‏30 يناير‏، الساعة ‏02:00 مساءً‏ Gasim Elzein كنت مفتكر ان هذه المشكلة معي لوحدي... اكل أموال الناس بالباطل رد · أعجبني · ‏30 يناير‏، الساعة ‏02:04 مساءً‏