|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: جار النبي ابوسكين)
|
Quote: يا باشمهندس بلة دا خطير قال الفترة الجاية عندو مفاجاءة قال للمذيع فى قناة أم درمان المرة الجاية حيجيب ليو مرتو فى التلفزيون يامحمد على الناس ديل لازم علاقتنا لازم تكون كويسة عشان مايقولو لينا البشير حيحكم 31سنة و25 يوم ههههههههههههههههههه كاليفورنياتكم دى هو مسيطر عليا اخد منو زهرية قبل كدا عامل حسابك الدور جاييك EmailProfileEditرد على الموضوع |
يا رفيق ابو سكين، الدجل الملا البلد ده ، تستخدمه الحكومة لتامين تفسها من غضب الشعب و لذلك محاربته واجبة. شكرا للفيديو
| |
|
|
|
|
|
|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: محمد علي عثمان)
|
والله يا محمد دي حاجة مقرفة لابعد ما يكون هؤلاء الدجاليين وجدوا البلد سبهلل سايت .. يمرحوا ويرتعوا فيهو زي ما عاجبهم ولا في قانون بضبطهم .. ولا عاقل بيقول ليهم لا
والغريب في الامر .. ان معظم اتباعهم هم الشباب!! تغييب كامل للوعي والفهم هسع عليك الله عاين علي نوعية الكلام البيقول فيهو .. في زول عاقل ممكن يصدقو؟ الزول مبشتن في حالو .. لو عندو كرامات زي دي ما يصلح بيها حالو
يا اخي دي امة غرقانة في الجهل والهبل الذي لا حدود له!
| |
|
|
|
|
|
|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: محمود على)
|
Quote: الشيخ ده قال حلم التفي بالرسول (ص) بالمدينة و اداه المشيخة عديل و الناس تبكي…..!!!!! |
ههههههههه
هسع الناس البيبكو ديل .. مركبين عقول بشر ولا عقول خرفان!! يا اخي ما ممكن اي دجال يجي يرمي ليهو قنبلة من شاكلة (امبارح صليت مع الرسول .. وماشي اصلي العصر في مكة .. والعمة دي اداني ليها الملك جبريل)
طوالي الناس تقوم تبكي وتصدقو!!
غايتو جينس محن .. ربنا يستر
| |
|
|
|
|
|
|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: سامى عبد المطلب)
|
شكرا الاخ سامي عبد المطلب للمساهمة و الفيديو، و هنا مساهمة مهمة في مقال للاستاذ عمر احمد حسن يكشف خطرفات الدجال بلة الغائب
خطرفات بلة المغيب
01-15-2014 11:52 PM عمر أحمد حسن
نشرت صحيفة اليوم التالي لقاء مع المدعو بلة الغائب يتنبأ فيه مجدداً بامتداد حكم البشير لـ 31 سنة و25 يوماً .. كان هذا الغائب المغيب قد ذكر في لقاء صحفي سابق أنه زار الرئيس البشير وأنه كشف له أنه سيحكم السودان ثمانية عشرة عاماً وخمسة وعشرون يوما ، ثم عاد يقول: ومن فضل الله على البلاد أن المدة الاولية قد تمت زيادتها للرئيس البشير بعد ان أوفى وعده وحقق التنمية، وانه - أي الرئيس البشير - سيحكم السودان لسبع سنوات قادمات.. وها هو الآن يقول إن المدة التي سيحكمها البشير واحد وثلاثين عاما و خمسة وعشرون يوما .. لا شك عندي أن مثل هذه التنبؤات تجد هوى كبيراً لدى الإنقاذيين وتداعب أمانيهم في البقاء على سدة الحكم إلى الأبد، وإلا فلماذا يتركون مثل هذا الدجال يشكك الناس في عقائدهم بدلاً من تطبيق حد الله فيه بالقتل دون استتابة كما هو الشأن مع السحرة والكهانة والسفليين؟ ففي العام الماضي تحدث هذا الدجال الكبير عن تسخيره للجن وأخبر القوم بوجود أطنان كبيرة من الذهب مدفونة تحت عنابر سجن النساء بأم درمان تكفي لحل مشاكل السودان حسب زعمه .. وعلى الفور قامت السلطات الحكومية بشراء أجهزة الكشف عن الذهب وقررت هدم عنابر السجن ونقل السجينات الي دار الانتظار ببحري .. وفي العام 2005 كان هذا الدجال ( بلة المغيب ) قد تنبأ بنجاة جون قرنق عقب اختفاء طائرته ، وقال إن قرنق لم يمت وإنه سيظهر.. وشاء الله أن يفضح كذبه على رؤوس الأشهاد ويموت قرنق . وفي لقاء أجرته معه صحيفة الاهرام السودانية يوم 4 نوفمبر 2010م قبيل الاستفتاء توقع هذا الدجال هروب رئيس الحركة الشعبية سلفا كير إلى دولة مجاورة لم يسمها ، وتوقع كذلك أن يصوت الجنوبيون للوحدة بنسبة عالية ، وشاء الله أن يفضحه مرة أخرى وينفصل الجنوب. والغريب أن مجالس الخرطوم تحدثت وخاضت في هذه النبوءة كثيراً وصدقها أقوام وكذبها آخرون حتى أن الصحفي مكي المغربي كتب في صحيفة السوداني بتاريخ 10 / 11 / 2011م مقالاً بعنوان: (عزيزنا سلفا كير: ليست نبوءة فحسب بل توقعات ذات صلة بالواقع) وقال في مقاله إن النبوءة هي علاقة مقدسة بين الخالق والخلق وفي لقاء آخر مصور ومنشور في اليوتيوب يقول هذا المغيب عن نفسه أن الله أتى به رحمة للسودان ..(أنا بعتبر ربنا جابني رحمة لناس المليون ميل مربع ( ولا أدري لماذا لم تخبره شياطينه أن هذه المليون ميل ستنقص في عهد البشير وسيصبح هذا الرقم المتميز في خبر كان ؟؟ وفي لقاء آخر سأله الصحفي عن مستقبل السودان فقال: بلة: - السودان دا ما فى أى دولة حا تحصلوا في الثروة والرخاء ولا حتى دول الخليج زاتها .. الصحفي: - وبالنسبة لي امريكا ومجلس الأمن؟ .. بلة: - لا لا لا امريكا ما جاياكم .. ما تخافوا .. الصحفي: - الأيام دى أظنك سامع بالقوات الاممية ؟.. قال بلة:- يا ابنى مافي أي قوات دولية خاشة عليكم .. ودة خليهو سر بينى وبينك .. الصحفي: - لو سمحت لى ننشروا على الاقل دا يمكن يطمئن الناس .. بلة:- قول ليهم ما فى اى قوات خاشة لا فى غرب السودان ولا في العاصمة.
ودخلت القوات الأممية وسرحت ومرحت في البلاد..
إن علاقة الانقاذيين بالدجل والشعوذة ليست بعيدة ، وهي علاقة لها جذورها الضاربة في القدم ، ففي العام 1990 شارك نفس هذا المشعوذ فيما سمي وقتها بمؤتمر الاستراتيجية القومية الشاملة الذي انعقد في قاعة الصداقة في الخرطوم بورقة حول "دور الجن في اكتشاف واستخراج بترول السودان" وجلس الإنقاذيون يستمعون لخطرفات مشعوذ وهو يتحدث لهم عن الجن ويعدهم ويمنيهم وما يعدهم الشيطان إلا غروراً ..
وقبل أسابيع طالعتنا بعض الصحف المحلية بأنباء عن لجوء بعض الوزراء إلى المشعوذين وضاربي الرمل لابقائهم في مناصبهم ولا تطالهم التعديلات الوزارية..
إن أمة يترك فيها هؤلاء الدجاجلة يسرحون ويمرحون ويصرحون ويخطرفون ويلتقيهم رئيسها ويفتح لهم أبواب قصره بل ويستضافون في المؤتمرات هي أمة مهزومة مهزومة مهزومة حتى ولو رفعت شعار لا اله الا الله والحال كما نرى يغني عن المقال .. [email protected]
| |
|
|
|
|
|
|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: محمود على)
|
Quote: ههههههههه
هسع الناس البيبكو ديل .. مركبين عقول بشر ولا عقول خرفان!! يا اخي ما ممكن اي دجال يجي يرمي ليهو قنبلة من شاكلة (امبارح صليت مع الرسول .. وماشي اصلي العصر في مكة .. والعمة دي اداني ليها الملك جبريل)
طوالي الناس تقوم تبكي وتصدقو!!
غايتو جينس محن .. ربنا يستر |
ناس حنينة خلاص و دموعها قريبة ، اي زول يجي يدغدغهم، يبكوا علي طول شئ وزير معادن و شئ الغائب و شئ الحاضر. اعتقد الببكوا ديل جزء من المسرحية
| |
|
|
|
|
|
|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: محمود على)
|
Quote: والله يا محمد دي حاجة مقرفة لابعد ما يكون هؤلاء الدجاليين وجدوا البلد سبهلل سايت .. يمرحوا ويرتعوا فيهو زي ما عاجبهم ولا في قانون بضبطهم .. ولا عاقل بيقول ليهم لا
والغريب في الامر .. ان معظم اتباعهم هم الشباب!! تغييب كامل للوعي والفهم هسع عليك الله عاين علي نوعية الكلام البيقول فيهو .. في زول عاقل ممكن يصدقو؟ الزول مبشتن في حالو .. لو عندو كرامات زي دي ما يصلح بيها حالو
يا اخي دي امة غرقانة في الجهل والهبل الذي لا حدود له! |
ما هي دي المصيبة الكبيرة يا اخ محمود علي، قصة الشباب المتابعين الدجالين. الشباب المفروض تكون عليهم مسؤولية تغيير السودان .
| |
|
|
|
|
|
|
Re: الدجال بلّة الغايب : البشير حيحكم (31) سنة و الصادق المهدي يلحس كوعه (Re: محمد علي عثمان)
|
Quote: ياخوانا بصراحة وبدون الدخول مع اى زول فى نزاع وربنا يصلح حال نقاشكم دا بدون خسائر او اساءات شخصية مداخلتى دى لا يليها اى تعقيب منى انشاء الله بس حبيت ادلو بى شى ليو علاقة بالبوست من الأساس انا داخلنى الشك فى قصة موت الشيخ محمد سيد حاج رحمة الله عليه منذ الحادثة من المُلاحظ انو محاضرات محمد سيد حاج استقطبت كمية كبيرة جدآ من الناس خصوصا طبقة شباب ورعين فى طاعة الله لا يُثنيهم عنها شى فى الكون دا بس بى حكم الحجم بتاع الناس البتشوفو فى المحاضرات..... كذلك محمد سيد حاج كان لايتوانى فى الحق ابدآ.... يعنى بيقول ليك الشى الصاح مهما يمس من اطراف وفى زمننا دا كلمة الحق عشان تقولا صدقونى بتفكر مرتين... اها دا ممكن بى بساطة وممكن بى طريقة غير مباشرة زاتو ينشأ عنو جيل جديد محمد سيد حاج كان بيدعو ليو الجيل الجديد قايم بى عقيدة متينة لأنو محمد سيد حاج فعلآ كلماتو تُغذى الروح حتى تطغى الروح على الجسد لأنو كلامو بسيط وفى نفس الوقت بليغ جدآ والمقصود بى تربية الروح التربية الدينية الأيجابية البتنتج مسلم صحيح ايمانياتو تتفوق على اى شى تانى الجيل دا حيتلفت حوالينو ويشوف واقعنا اليوم وابسط حاجة حيحاول يعمل تغيير فى ارض الواقع بالطريقة القالا المولى عز وجل على الاقل نقول نتج من محاضرات محمد سيد حاج بعد زمن طويل تانى عشرة امثال محمد سيد حاج.... التكنلوجيا الحديثة رغمآ عن ايجابياتها لكن سلبياتها تُفزعك. وهى سلاح ذو حدين قطع شك بتسوقك بطريقة مباشرة او غير مباشرة عشان تكون بعيد من رب العالمين دا قدر الأمكان... اقلاهم التلفون الانت شايلو... كذلك المُخابرات من حولنا.. اها هنا بيكمن مربط الفرس..... محمد سيد حاج ممكن يتكلم ليك ويعمل مقارنة بين الماضى والحاضر اها انت بعد داك عيونك بتفتح كويس وتعرف كم انت (مُـــغــــيًـــــب) عن الواقع بطريقة غير مباشرة ...... ركز فى الكلمة البين قوسين دى حبببببببببببببة بس بالتزامن يُطلق كامل العنان لى شيوخ زى شيخ الأمين مثلآ وامثلة صوفية كتيرة جدآ.... تستمع اليها احيانآ وتضحك فى البيقولو فيهو... ببساطة لأنو عقلك ابا يتقبل الفكرة دي عارف المشكلة وين.... انو انت لا تُمثل واحد من الاألف الحوالينو بيسمعو فى كلامو وبيبكو... وبعد ما ينتهى بيقوم يبوس يدو ومرات يرقدو لى فى الواطة من ياتو باب.... من باب الكرامات... حتى بُدل الدين بأسم حُسن الظن... حيث لا عودة .... وانت مُـــــغيـــًب تمامآ... وتحلف بى الله كمان انك على الصراط المُستقيم فااااااااا شنو.... صاحب العقل يميز...
اخوانى واخواتى...... انتم جزء من المؤامرة فتلمس وتحسس طريقك...
رحم الله الشيخ محمد سيد حاج واسكنه فسيح جناته
نصيحتى الزموا الكتاب والسُنة.... والله ابليس دا جمبك وانت ماجايب خبر |
================== المداخلة اعلاه من بوست مجاور
| |
|
|
|
|
|
|
|