|
Re: لا بأس بإعادة فرض ضرائب على المغتربين (Re: عبد الناصر الخطيب)
|
قبل إعادة فرض الضرائب على المغتربين والمواطنين يجب إعادة أموال الشعب المنهوبة من الطغـــــــــــــــاة والفاـســـــــــــدين ومحاسبتهم والتشهير بهم لنعرف الصالح من الطالح، لقد اختلط الحابل بالنابل، وقبل ذلك يجب محاسبة الذين قتلوا الأبرياء والطلاب في مظاهرات سبتمبر الماضي، لا للفساد ، الفساد الذي دمر مشروع الجزيرة والمناقل، الفساد الذي دمر ناقلنا الوطني سودانير وهيئة المواني البحرية، الفساد الذي لم تسلم منه حتى الوزارات الرسالية الدينية ( الأوقاف ) الفساد الذي تسبب في هجرة العقول وتصحر السهول، تطول قائمة المتهمون بالفساد لكن ليس هنالك جديه في المحاسبة، اذاً لماذا ندفع الضرائب ولماذا نحول أموالنا لجهات ترعى الفساد وتتستر عليه، اللهم عليك بالظالمين والفاسدين
| |
|
|
|
|
|
|
Re: لا بأس بإعادة فرض ضرائب على المغتربين (Re: Khalid Saeed)
|
الدكتور ما قال هي كلها كم مليون لا تحتاج لكل هذا العناء... وكل مرة يرسلوا ليهم وفد ضرائب لي بلد... والبجمعوه يصرفوه فنادق وتذاكر طيران ونثريات....
اللا بأس الجد....يفتحوا باب السودان دا شرعة ....لا ضرائب لا جمارك لا يحزنون... واي زول عندو بابور جاز يخلي يشتغل او ملود او دقاقة يدخلا....ويدوروا البلد دي زراعة من حلفا لي حدودنا مع الجنوب...وبالجد ما عارفه وين. ومن حدودنا مع الحبشة...برضو بالجد ما عارفها وين...الي الجنينة...
وأي خلا من الخليات....بوابيرو ترح... خاتي كدي...مافي دولارات بتجيكم لا عندكم
وكان اصريتو علي كلامكم دا...السودان زاتو بنخليه مره واحدة يمين تاني حق التأشيرة ما تلموا فيه...
نحن هسي بنجي كل ستة شهور...مع الضرايب تاني ستة سنين ما بنجي كدي ضربوها أخماس في اسداس بدل ما تفقدو...اعمامكم الفي السير ديك حقوقهم...وتاكسي المطار...ورسوم المغادرة والتأشيرة والخدمة الوطنية والزكاة والدعومات الكتيرة ديك....كدي وازنوا بين ديل وبين ضرايب زول بجي يدفعا ليكم مافي....وادونا خبر بي البقيتو عليه يا حسين.
| |
|
|
|
|
|
|
Re: لا بأس بإعادة فرض ضرائب على المغتربين (Re: A.Razek Althalib)
|
في ظل الأزمة المالية الدولية الطاحنة وأرتفاع أعباء المعيشة ومحدودية الدخل بالنسبة للمغتربين كل دول العالم بتفكر عن رفع عبء الأزمة عن مواطنيها إلا في السودان دارشننا برة وجوة.. المواطن ساب ليهم الجمل بما حمل ورحل بكل همومه وما مكلفهم أي شيء غير دفتر جواز قيمة تكلفته السوقية لا تعدى الدولار وبرضو ملاحقنو بوردة مسافتهم..
سير سير يا كرار..
| |
|
|
|
|
|
|
Re: لا بأس بإعادة فرض ضرائب على المغتربين (Re: A.Razek Althalib)
|
من المعروف ان الضريبة تفرض على المال الذى يتم اكتسابه تحت سيادة دولة ، وهذه الدولة وفرت الأمن والبيئة وكل ما يلزم للحصول على هذا المال تحت سيادتها .
اذا لم تكن هناك شراكة حقيقية فى صنع القرار بين الدولة والمواطنين ، ستكون الهوة واسعة بين المواطن والوطنية
وسنظل فى دوامة لا تنتهى
قولوا لا لفرض ضريبة على المغتربين الا بمقابل .
| |
|
|
|
|
|
|
|