|
Re: لقيت 16 ألف أسترليني منسية في فجة في لندن (Re: رشا سالم)
|
Quote:
كيس منفوخ فل . ربطة فيها 10 ألف وربطة فيها 6 ألف + ورقة أنشورنس سيارة + حبتين بندول . |
عثمان موسي سلام ياعزيز
علي النعمة أنا أكثر زول لفيت أوربا دي بالطول وبالعرض مالقيت لي منديل ورق واقع وبسمع طوالي أنو ناس المخدرات لمن البوليس يزنقهم بيرمو قروش متلتلة في الشارع وكل ما أشوف لي كيس واقع بشوتو برجلي عسي ولعل تتحقق الامنية ويخيب ظني . قروش واقعا في أوربا دي الله تعلم .
أها تقسم معاك ولا أرسل ليك البوليس وانا ما طماع انت شيل ربطة العشرة وأنشورنس السيارة وحبتين البندول ورسل لي ربطة الستة
| |
|
|
|
|
|
|
Re: لقيت 16 ألف أسترليني منسية في فجة في لندن (Re: وضاحة)
|
بتنا العزيزة وضاحة سلامات وياخ اللوم الله لا جابو . في خمسة دقايق يا وضاحة البوليس جاب خبر الزولة النست الكيس . ومن ورقة أنشورس العربية بس . وحالتو الزمن دأك الكمبيوتر كان يختلف ولا كان في موبايل . أهلك الانجليز مدهشين وناس عديلة .
| |
|
|
|
|
|
|
Re: لقيت 16 ألف أسترليني منسية في فجة في لندن (Re: عبدالعزيز عثمان)
|
يا عبد العزيز أنت قاصد مسحة الشنب ؟ أدوني يازول . الناس ديل يا أخوي ناس منصفين . أول شيء أدوني علي كل كريدت كارد . وأدوني علي القروش الكاش ويازول جابوني في الجرايد فوق . وده خلاف الشهادة . والحكاية يازول طويلة . وبرجع ليك لي البنية بتاعت لكنة ويلز وقصة عمها المات مكتول في حرابات المهدية . بس بعد موت عمها ده وكتلو في بلدنا الزولة دي أكرمتني في حكاية الكيس ده جنس كرم .
| |
|
|
|
|
|
|
Re: لقيت 16 ألف أسترليني منسية في فجة في لندن (Re: رشا سالم)
|
عارف يا عبدالعزيز جماعتك ساعة ونص شابكني كوتشنات . وتصوير . عنواني في لندن وفي السودان وسبب الزيارات الكل أسبوعين للندن وبشتري شنو وببيع شنو . والتحقيقات دي بعد حساب القروش الكاش وبعد ما شافوا الكريدت كارد . عليك أمان الله يا عبدالعزيز يا أخوي في لحظة من اللحظات قلته الجابرني علي التلتله دي شنو ؟ مافي شويتين والا صاحبة الكيس تجي داخلة النقطة وهي تبكي من الفرحة .
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Osman Musa)
|
Quote: عارف يا عادل الباهي ! القصة دي ليها خمسة وعشرين سنة بس عليك أمان الله الشيء العملتو الضابطة دي نفعني في حياتي جنس نفع . وبوريك الحكاية . ياخ الانجليز ديل ناس تمام . |
عثمان ياحبيب احتمال الخواجات ديل زمان كانو منصفين لكن في الخمسة عشر سنة الاخيرة عضتهم بقت تسعر . كنت شغال في شركة قامو أشترو مني إجازتي السنوية ولمن جينا آخر الشهر بقو يملطحو فيني المادة كم والقانون الفعلتو لمن خجلتا زاتو من مساككة حقي وأتعوضت الله المهم مرة مع آخر الشهر المحاسبة دقست عاوزا ترسل الف وخمسمائة في حسابي ختت ليها صفر بالغلط ورسلتها خمسة عشر الف ، دقيت ليك الحساب شفتو كم لمن رأسي لفا ، دخلت عبر النت أشوف الجهه المرسلة المبلغ لقيتا ليك الشركة وعشان اساومهم جريت جري للبنك و أي جهه أديتا تصريح تسحب من حسابي تلقائيا وقفتها وقلت ليهم عاوز المبلغ كاش الان لانو عبر الماكينة لا يمكنني صرف اكثر من الف في اليوم ولمن جيت الصباح لقيت ليك المدير والمحاسبة منتظرني يرجفو زي الترزي يوم وقفة العيد في الباب . المحاسبة قالت لي رسلنا مبلغ مالي في حسابك بالغلط قلت ليها عارف حنقعد نتحاسب ولا تمشي تضربي راسك بالحائط والله قعدو صاغرين واستلمت متآخراتي كلها حتي سلمتهم المبلغ العندي فما تشكر لي الراكوبة في الخريف والله الخواجات ديل يأكلو مال النبي
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Osman Musa)
|
Quote:
سلامات مافي حاجة حتفوتك ياخ كلوكلو . أها يا أخوي في مابعد قصة القريشات المنسية في لندن كانت هي السبب في سهولة التاشيرة الي أمريكا . تتخيل الكلام ده كيف .
|
بتخيّل كدا القسم أداك شهادة حسن سيرة وسلوك أو تقدير او شكر ، وبتخيل كمان انه الحادثة أنشأت سلسلة معارف جديدة انتهت جوا السفارة الامريكية :) وسهلت الاجراءات والضمانات.
ولا كيف ؟
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Hani Arabi Mohamed)
|
يا عادل قصة ال 16 ألف المنسية حصلت في لندن أيامات الديمقراطية بدايات 89 الزمن دأك كان عندي عمل تجاري بين لندن دبي الخرطوم . أها يازول مشيت أجدد تاشيرة لندن لقيت الكلام الحصل في قسم المتروبوليتان بوليس كلو في شباك التاشيرة . أها جماعتك أدوني تاشيرة مفتوحة خمسة سنوات وبدون رسوم تاشيرة . وأقولك كلام والله القصة سنة 1996 برضو نفعت وبدون كلام دخول أمريكا من لندن وعلي كيفي زي الماشي الدامر . وخليك متابع
| |
|
|
|
|
|
|
Re: لقيت 16 ألف أسترليني منسية في فجة في لندن (Re: الفاتح ميرغني)
|
عزيزنا الفاتح ميرغني سلامات حبايبنا الانجليز ما بنسوا ليك حاجة . وزي ما حكيت .. لقيت السفارة في الخرطوم عندها خبر وقاموا أدوني تاشيرة مفتوحة . وكمان ممكن أكون ضامن كان في زول داير تاشيرة بشرط العودة وكدي . والموضوع كان سنة 1989 . بعد ما ضاقت الحالة وأصبحت في صعوبة في السفر وفي كيف تطلع دولارات وأعدامات وسجن والقصص ديك . سنة 1996 مشيت السفارة الامريكية . القنصلة الأمريكية عاينت للتاشيرة البريطانية المكتوب عليها مجان بدون رسوم . وطوالي أتصلت علي السفارة البريطانية .. ما عارف الحصل شنو . بس بعد شوية طلبت مني أمشي أدفع في الشباك . ومن اليوم دأك بقيت طالع نازل .. شايف يا الفاتح القصة نفعت كيف ؟ تحياتي
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Mohammed Haroun)
|
عزيزنا العمدة محمد هارون سلامات أكيد اليومين دي الجو أتصلح في مدينتكم . وأكيد رجعت تمشي مشوارك الصباحي كداري من ( رويل أووك ) شاقي علايل ( كوينز وي ) وماسك درب الهايد بارك الي ماربل أرش . أعاهدك يا محمد لو مواصل مشيك في الفجة دي يوماتي ممكن عطر المكانات ديك يشفط من جسمك المنحول كل عجاج وكتاتيح الدبرسة . لندن جميلة يازول . وصورة الضابطة أم لجن بعد كل دي السنين تزازي وتلمع قدامي . تحياتي
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Osman Musa)
|
تصرف حكيم منك يا عثمان مثلك قبل سنوات وجدت شنطة نسائية في ترولي وانا متجه الى القطر لاداء امتحان اتصرفت بسرعة شلت الشنطة معاي داخل القطر .. رغم ما يشكله القرار من خطورة لي وبحثت عن اسم وعنوان صاحبة الشنطة وجدتها في شارع قريب من بيتنا بعد ان اديت الامتحان ولان الوقت متاخر جدا ليلا ارجعت الشنطة الى السوبرماركت الذي وجدت فيه الحقيبة بعد ان اخذت مديرة المكان كل معلوماتي ذهبت مرتاحا الى اليت اليوم التاني اتصلت صاحبة الشنطة وهي تبكي استاذنت ان تزورنا في البيت قالت انها كانت تطمح ان تعود لها كروت البنك والكرت الصحي والرخصة وبقية الكروت على اسوأ تقدير لكن ان تعود لها المحتويات كاملة : قروش كاش - غوائش ذهبية - 2 موبايل حديث - وغيرها .. فهذا غير مصدق ابدا لازلت اذكر ان سبب زيارتها كما قالت : تريد ان ترى بعينها هل الشخص الذي ارجع هذه المحتويات شخص حقيقي ام خيال !! شكرا لك
| |
|
|
|
|
|
|
Re: لقيت 16 ألف أسترليني منسية في فجة في لندن (Re: خالد العبيد)
|
عزيزنا نور الدين عثمان سلامات ومشكور علي المرور الجميل . في ما بعد ما بعد .. وبعد ما القصة جرجرت والكلام جاب الكلام . عرفت كل تفاصيل سبب نسيان الكيس يا نورالدين . وعرفتليك قدر شنو صاحبة الكيس زولة مرتاحة ونايمة في همبريب ( الاولد مني ) الزولة يا نور الدين من برايتون في الجنوب . وبتعمل في الريل استيت . وعندها برضو البيت الكبير حق الأسرة في بورتموث فاتح علي البحر . المضحك يا نورالدين أنا ما كنت عارف أتاري وأحد في الكريدت كارد كان ( نو ليمت ) يعني هي ليها الحق تسحب وتشتري منو أي مبلغ علي كيفها . مصير الزولة كلو كان في الكرت ده .
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Osman Musa)
|
عزيزنا نصر الدين سلامات البرد الروح حقيقة يا نصر الدين هو الخطاب المرسول من المتروبليتان بوليس لندن . الخطاب والكرت الذي أصبح شهادة . ده بوليس يا نصر الدين يجبرك علي أحترامه ومساعدته وأحترام طريقته في العمل الدقيق والمنظم الذي يقوم به . ألف شكر أخي
| |
|
|
|
|
|
|
Re: لقيت 16 ألف أسترليني منسية في فجة في لندن (Re: أسامة البلال)
|
عزيزنا الحاج حمد سلامات وألف شكر علي المجاملة الحلوة . أمتدت الصداقة وتبادل كروت المناسبات مع صاحبة الكيس . وعرفتني علي بعض أهلها وأهدتني كتاب عن الرئيس اليوغندي عيدي أمين .. كانت يا حاج حمد قمة في التسامح .. و كانت من أجمل السيدات العاملات في مجال الريل أستيت .
| |
|
|
|
|
|
|
Re: لقيت 16 ألف أسترليني منسية في فجة في لندن (Re: Osman Musa)
|
عزيزنا أسامة البلال سلامات ياخ اليوم دأك جماعة نقطة البوليس جهجهوني ويومي كلو مرق دق حنك وتصوير .. والحمد لله . كنت مشغول وعندي ألف شغلة . كان مفروض بعد مشوار أدجوار روود . أقوم أكسح مشوار لفنشلي . عندي فيها حاجة . وبعدين يا أسامة فنشلي دي بحبها و الشركة حقتي كان أسمها فنشلي فاشون .. كنت شغال في مجال الملابس من لندن الي دبي لصالح تاجر حضرمي في دبي . المهم الشركة حقتي أسمها ( فنشلي فاشن ) وبرضو بشيل بضاعة للسودان لي محل صغير وكدي . أنت عارف فنشلي وخلاف السماحة والموضة . هي المنطقة الفازت فيها السيدة / مارجريت تاتشر 1959 نائبة في البرلمان . وبعدين أظن وزيرة تعليم وبعدها بي زمن رئيسة وزراء . .. كان لابد من رد الكيس يا أسامة وأنشاءالله ربنا يدينا العمر ونتحاوم في ديك المكانات الحنينة .
| |
|
|
|
|
|
|
|