غايتو من حسنات الانقاذ صيدليات حديثة جدا لا يوجد مثلها حتي في اروبا ( صورة )

Quote: بصدق عندما كتبت المداخلة السابقة لم ارى الصورة على كل لو توقع الكيزان الإشادة منك ليلهم سيطول

Quote: هههههههههههه دى قلبت فيها الهوبه

Quote: لو فيهم ذرة اخلاق مفترض يبيعو للناس الــ plausible حتي لا يتتضرر الناس كثيرا من الاثار الجانبية لهذه الادوية.

Quote: ياصلاح مش بيع الشاي والكسرة حرام على المرأة حسب لجنة برلمانية وشيخ دفع الله حسب الرسول .... أها بيع الدواء الرأي فيهو شنو ؟ لا بنابر لا عنقاريب ولا ترابيز ، زولة فارشة تربيزة وعليها صناديق ، سمع أضان أمس حسين خوجلي قال في حاجة اسمها الأدوية المستعملة التي تودع وتوزع من الصيادلة وزاد بأن ناس نجيريا ببيعوا الدواء بالحبة الواحدة ... الزولة دي استفادت من نظريات حسين خوجلي ... الشفيع

Quote: الأخ صلاح جادات السلام عليكم ورحمة الله ههههههههههههههههه قبل ما أدخل البوست قلت يا الهي الراجل ده عماد موسي ربطك بضنب كوز ولا شنو ، بعدين مجهز ورقة لعمل كشف لفك رباط عماد موسى ، بس الله سهل وقلت الفضيحة أم جلاجل كما يقول المصريون لك التحية

Quote: لو عايزين أي حاجه كل حاجة عند الحاجة ، وكل حاجه عند اللزوم و الحاجة والحاجه بتقول لازم تاخدو منها حاجه واذا إتحججتم بأي حاجة ، الحاجة ما مسئولة عن حاجة. وإنشاء الله ما تصيبكم حاجه

Quote: الاخ صلاح جادات تحياتى صدق انا كنت حاسى انك حتجيب ليك مصيبة حولا بالله وصلنا للدرجة دى

Quote: ياخي معقول بس ؟؟؟؟؟؟؟؟ يا صلاح جادات الصورة دي بتحكي تردي اي حاجة في بلدنا .. الحاجة دي عندها أدوية تعتبر حساسة جدا ولا تعطى إلا بوصفة طبية .. ناهيك عن انها لازم تحفظ في ظروف معينة .. شكرا ليك والله ..

Quote: زمان لما كنا صغار بنمشي الحكيم (طبعا نحنا ناس الخلا) بدون اي مرض. الدكتور طوالي يدينا حبوب حلوة كده زي الحلاوة و هي فعلا حلاوة (علي ما اعتقد الان) و لا تأثير صحي لها. اظن يسمونها plausible يعني ممكن تمشي الدكتور يكتب ليك دواء هو في الواقع ليس دواء بل مجرد جرعات من السكر او اي مادة طبيعية و لكن المريض ممكن نفسيا يحس انو اتعالج. المقدمة دي كلها عشان داير اعرف الناس بتفتكر انو الدواء ده شنو لو بس الواحد يمشي يشتري من الشارع بالطريقة دي؟ بالنيسبة لتجار الادوية او مصانعها اعتقد الهدف الاساسي هو در ارباح و هذه الحالة لو فيهم ذرة اخلاق مفترض يبيعو للناس الــ plausible حتي لا يتتضرر الناس كثيرا من الاثار الجانبية لهذه الادوية.

Quote: الصوره دي مفبركه ... فوتوشوب ... ( الحاجّة ) دي ما سودانيه ... الصورة دي اتعرضت في النت قبل 5 سنين من الصومال ... لا اقصد من افريقيا الوسطي !!! _______________________________________ سوري يا صلاح ... بجهز الردود المتوقعه ( للشباب ) ... عشان ما يتعبو ... يجو يقتبسو علي الجاهز ...

Quote: الترامس دى قطع شك بكون فيها فياغرا مش قالو اذا بليتم فاستتروا؟ بعدين يا صلاح اذا الحكومة زاتا اعلنت عن القبض على 40 طبيب مزيف المشكله شنو يبيعو ليهم الادوية كده؟ تعيش الانقاذ ويعيش ابو قردة ويعيش مامون حميده،،،

Quote: للامانة نحن كمجتمع سوداني ولاننا عشاق للتنظير حتى العلاج والكشف ننظر فيهو وهو ما يسمى بالعلاج البلدي الحرجل المغلي والجردقة والكي والحلبة وبول العناق وغيرها من الجغمسات الطبية نكشف برانا ونعالج نفسنا برانا لذلك الصورة مردها لما ذكر اعلاه اكثر من تعلقها بالحكومة

Quote: اه والدكاتره موجودين وفى كل التخصصات سودان السرور

Quote: شر البلية ما يضحك. لا يقل طرافة عن الصورة، واحدة معلّقة على الفيسبوك بكلمة (up) بترفع البوست وكده.

Quote: Up بترفع البوست على صفحة المشارك بالفيس بوك

Quote: و كلامك دا برضو يا عبد الله تنظير و كما ن تنظير غير مؤسس التداوي بالأعشاب معروف و موجود عند كل الشعوب في العالم بغض النظر عن تنظيرك فيهم و تصنيفك لهم كعشاق تنظير او لا و اكيد يا عبد الله زول مثقف و منظراتي زيك كدا بكون سمع بحاجة اسمها الطب البديل و الطب المكمل و الطب التقليدي و بيع الأعشاب بغرض التداوي مباح في كل القوانين ما لم يكن هنالك استثناء (البنقو و الافيون مثلاً) ,, لكن ابداً ما ممكن دولة تسن قانون يمنع او ينظم بيع الحرجل و الحلبة سواء كان البيع بغرض الغذاء او بغرض التداوي و دا بيختلف عن الأدوية المعدة معملياً (pharmaceutical drug) الفي كل العالم التعامل فيها ينظمو قانون و تراقبو المؤسسات الحكومية الصورة تتعلق بالحكومة التي من واجبها تنظيم التداول في مثل هذه الأدوية بغض النظر عن عشق الشعب للتنظير او عدم عشق الشعب للتنظير (و أي كلام غير كدا بيبقى تنظير غير مؤسس) و تنظيم توزيع الأدوية ما بس تمنع بيعها بالطريقة الفي الصورة دي لكين برضو بيشمل توفير العلاج للمواطن عبر قنوات مناسية و متخصصة و مؤهلة السيدة القاعدة تبيع و الراجل الإشترى الشريط دعتهم الحاجة المآسة و عدم توفر العلاج بطريقة افضل من هذه و ليس لذلك ادنى علاقة بعشقهم للتنظير

Quote: الأخ صلاح جادات تجياتي الأخ عبد الله قصد أن يزيح المسؤلية عن الحكومة و أن يرمي باللوم على كاهل الشعب الذي هو في الواقع ضحية الأخ عبد الله يريد أن يبرر الممارسة التي في الصورة بدمغ الشعب السوداني بالعشوائية و حب التنظير و دلل على ذلك بالعلاج البلدي لم أختلف معه في فائدة التداوي بالأعشاب من عدم فائدتها - في رأيي أنا أن التداوي بالأعشاب في أغلب الأحيان لا يستند إلى دليل علمي و لكن التداوي بالأعشاب و العلاج البلدي - بغض النظر عن إتفاقنا او إختلافنا حوله - موجود و ممارس لدي كل الشعوب تقريباً و هو ممارس ايضاً في بلدنا في الزمن السابق و لم يكن ابداً مبرراً للعشوائية في التعامل مع الأدوية الطبية الكيميائية المعدة معملياً الممارسة التي في الصورة هي نتيجة لتهاون الدولة و مؤسساتها في القوانين التي تهتم بمصلحة المواطن و هي دليل على الدرك السحيق الذي وصلت إليه الدولة في الإهتمام بصحة مواطنيها و لك شكري و تقديري أخي صلاح جادات