|
كتب الكاتب الفاتح جبرا المتوفرة بمعرض الدوحة
|
|
 Re: موقف اهل الفكر والمبادئ الانسانية (Re: عبدالحفيظ ابوسن)
|
قالوا
حاكم مشي بلاد برة ,,, وضاق الخمر مع لحم الخنزير ,,, والموضوع عجبو
جا راجع وطلب من الطباخ يعمل ليهو لحم خنزير ,, الطباخ قال ليهو
لكن لحم الخنزير ده حرام
الحرمو منو ?
قال ليهو
ما بعرف لكن شيخ فلان وفلان وعلان قالو حرام قوطع
| |
 
|
|
|
|
|
|
|
|
Re: موقف اهل الفكر والمبادئ الانسانية (Re: عبدالحفيظ ابوسن)
|
اها
قام دق ليهو صيوان كبير ,, وخت فيهو دكه كبيرة في النص ,,, ودعا الناس كلها
وجاب شيخ فلان وختا ليهو لحمة الخنزير ,,, والسياف في صفحتو شايل سيفو يرقش مع الشمس
مافي نضمي ولا شرح ولا فتوي
تاكل ولا تموت
وشيخ فلان ضرب لحمة الخنزير
والله ما امر بالهلاك
ورفع القلم عن المسلم المجبر
والضرورات تبيح المحظورات
والمضطر احلت ليهو النبيلة
اها يوماتي بقا الصيوان مكجوج ,,, ويوماتي في شيخ بجيبوهو ياكل لحم الخنزير ويعود آمنا لبيته
| |
|
|
|
|
|
|
|
|
|
Re: موقف اهل الفكر والمبادئ الانسانية (Re: عبدالحفيظ ابوسن)
|
وفاضل آخر عالم ,,, وهو اعظمهم عند الناس واجلاهم
وطلعت الاشاعة بكره شيخ فلان
والمكان اتملأ بالناس , الاعمي شايل المكسر ,, لو شتت مويه ما تقع الواطة
اها واحد من الناس الماشين يجيبو شيخ فلان ,, سارر الشيخ
يا ابوي الشيخ اللحمة البجيبوها ليك دي ,, لحمة ضان وانا اتفقت مع الطباخ أكل ساي
ووافق الشيخ
طلعو الشيخ فوق وجابو ليهو اللحم
ابا ياكل
ليه ما بتاكل
قال ليهم
ده قلتو لحم خنزير
قال ليهو
نعم لحم خنزير
فقال ليهم
لحم الخنزير حرام للمسلم وانا مسلم
| |
|
|
|
|
|
|
|
|
|
Re: موقف اهل الفكر والمبادئ الانسانية (Re: عبدالحفيظ ابوسن)
|
وذلك هو الفرق بين الزعماء الحقيقيون الذين يتخذون المواقف التي يعجز عنها الآخرون
الذين يقفون حين يكون الوقوف مستحيلا
وحين يقولون لا والكل يقول نعم
لا ينتصرون لانفسهم بل ينتصرون لمبادئهم
أولئك سيمجدهم التاريخ
وقد مجد التاريخ الكاتب المصري صنع الله ابراهيم حين رفض جائزة الابداع ممن حارب الابداع ,, انتصر لفنه وادبه ,, انتصر لرواياته
اللجنة
وتلك الرائحة
ونجمة اغسطس
وانتصر كون انه ضد الديكتاتوريات ومع الديمقراطية
ثم يأتي من خلع الديمقراطية ليعطي وسامه للمخلوع , ويتبسم المخلوع فرحا كطفل صغير اعطي قطعه حلوي في مأتم امه
والله انه لموقف مخزي من قيادات الديمقراطية في السودان ,,,
فلنقل وسام الانجاز ,, اي انجاز هذا وهم يسلمون العساكر الديمقراطية ثلاث مرات
واي دفاع عن السلام وهم شهود علي تقسيم الوطن
| |
|
|
|
|
|
|
| |
عبدالحفيظ ابوسن
فيس بوك
تويتر
انستقرام
يوتيوب
بنتيريست