|
|
|
 Re: ندوة: الجالية السودانية.. التحديات وآفاق المُسْتقبل/المركز الثقافي السوداني (قطر) (Re: عزام حسن فرح)
|
قال قائِل: البعض يعتقد ان غرض هذه الندوة هو محاسبة مجلس الجالية الحالي
طَيِب المانع شنو إنو نحاسِب مكتب الجالية الحالي؟
طالما إنو المُرشح لمكتب الجالية إتقدم أو قدموهو ناسو للمنصِب ورشحوهم البشر، ليه ما يتحاسب، خايف مِن شنو؟
ومبدأ المُحاسبة مبدأ أصيل وشرعي كمان [من أخذ الأجر حاسبة الله بالعمل] وممكِن نجيِرو ويبقى [من أخذ المنصب حاسبة الناس بِإلإنجاز].
ماف زول مِن مكتب الجالية أكان مجبور على الترشيح والعمل العام، والبِخاف مِن المُحاسبة ببقى قصر في عملو ولا عملو شيتًا ماااا ياهو، وده بنسوي ليهو فرش متاع أكان عجبو ولا ما عجبو، ياخ الجالية السودانية دي ليها في دَولة قطر أكتر مِن 35 سنة مِما نعِد، أها الإتعمل لِلسوداني وإسْتفاد منو شنو؟
هوووي ها، أنا ما جيت الغُربة علشان أحضر لي غُـنـا وأقْـدِل في الدارا وأتنبر، ما جاي فوق الغُربة الهي أقسى نِضال علشان أحضر لي ندوات [الأُطُر المعرِفِية في شعر إدريس جماع] أنا يا ناس الدايِرو:-
(1) بيت ألِم فوقو أولادي.
(2) تعليم أولادي (هنا وفي السودان).
(3) مصدر دخل أعيش منو أنا وأولادي بعد ما أفوت الغُربة وصد أهلي.
(4) ألاقي أولاد عمي -وبي حقي- لو وقعت لي في مُصيبة.
| |
 
|
|
|
|
|
| |
عزام حسن فرح
فيس بوك
تويتر
انستقرام
يوتيوب
بنتيريست